ជ័យជំនះនេះ ធ្វើឡើងដោយធុរជន តារា និងបុគ្គលល្បីៗទាំងកម្ពុជា និងអន្តរជាតិ រួមគ្នាក្នុងការបំបែកកំណត់ត្រា «ការតាំងបង្ហាញរថយន្តទំនើបច្រើនជាងគេបំផុតលើពិភពលោក» មុខប្រាសាទអង្គរវត្ត ដោយមានរថយន្តទំនើបៗទាំងក្នុងស្រុក និងក្រៅស្រុក ជាច្រើនគ្រឿងចូលរួម។

គួររម្លឹកដែរថា ព្រឹត្តិការណ៍អន្តរជាតិដ៏ធំនេះ មិនត្រឹមជាព្រឹត្តិការណ៍ជួបជុំក្បួនរថយន្តអន្តរជាតិ Gumball 3000 Rally លើកទី២៥ ប៉ុណ្ណោះទេ តែធ្វើឡើងក្នុងគោលដៅធំ ៤ គឺដើម្បីផ្សព្វផ្សាយ វិស័យទេសចរណ៍នៅកម្ពុជា; ជាយុទ្ធនាការ សប្បុរសធម៌ ដើម្បីរៃអង្គាសថវិកាជួយដល់ មន្ទីរពេទ្យកុមារអង្គរ; បើកឱកាសឱ្យវិនិយោគិនបរទេស និងវិនិយោគិន ក្នុងស្រុកបានជួបគ្នា។

ពិសេស គឺជំរុញកិត្តិនាមរបស់កម្ពុជា ឱ្យបន្តល្បីល្បាញ នៅលើឆាកអន្តរជាតិ តាមរយៈសកម្មភាព ចូលរួមបំបែកឯតទគ្គកម្មពិភពលោកនៅថ្ងៃនេះ។

តាមរយៈព្រឹត្តិការណ៍នេះ ក្រសួង ស្ថាប័ននានា បានសហការគ្នារៀបចំការស្វាគមន៍ក្រុមប្រតិភូ Gumball 3000 បានយ៉ាងល្អ ពិសេសដោយបង្ហាញទស្សនីយភាពវប្បធម៌ខ្មែរ ក្នុងន័យបំផុសការផ្សព្វផ្សាយកិត្តិនាមកម្ពុជា ឱ្យកាន់តែល្បីសុះសាយទៅកាន់ឆាកអន្តរជាតិ តាមរយៈ អ្នកជំនួញ; influencer; តារាអន្តរជាតិ និង youtuber ល្បីៗទាំងនេះ៕

The post កម្ពុជាបំបែកកំណត់ត្រាពិភពលោកព្រឹត្តិការណ៍ Gumball 3000 appeared first on Kampuchea Thmey Daily.

ក្នុងឱកាសនៃជំនួប លោកអ្នកឧកញ៉ា លាង ឃុន បានគោរពជម្រាបជូនសម្ដេចធិបតីអំពីជោគជ័យនៃការរៀបចំព្រឹត្តិការណ៍ Gumball 3000 នៅកម្ពុជា ដែលព្រឹត្តិការណ៍នេះទទួលបានការកោតសរសើរពីគណៈប្រតិភូ Gumball 3000 ផ្ទាល់ និងបានបញ្ជាក់ថា “កម្ពុជាជាម្ចាស់ផ្ទះរៀបចំព្រឹត្តិការណ៍Gumball 3000 ល្អបំផុតក្នុងរយ:ពេល ២៥ ឆ្នាំនៃការរៀបចំ ព្រឹត្តិការណ៍នេះ” ។ ជាមួយគ្នានេះ ព្រឹត្តិការណ៍ Gumball 3000 ត្រូវបានផ្សព្វផ្សាយយ៉ាងទូលំទូលាយនៅលើបណ្ដាញសារព័ត៌មាន និងបណ្ដាញសង្គមនានា ដោយមានអ្នកចូលរួមទស្សនាសរុបប្រមាណជាង ១០០០ លាននាក់ ហើយនឹងបន្តកើនឡើងថែមទៀត។

 លោកអ្នកឧកញ៉ាបានគោរពថ្លែងអំណរគុណចំពោះការគាំទ្ររបស់រាជរដ្ឋាភិបាល, ក្រសួងទេសចរណ៍, ក្រសួង-ស្ថាប័ន​ និង​អាជ្ញាធរដែនដី​ពាក់ព័ន្ធដែលបានផ្តល់នូវកិច្ចសហការរៀបចំព្រឹត្តិការណ៍នេះឱ្យទទួលបានជោគជ័យគួរជាទីមោទនៈ និងបានគោរពជម្រាបជូនសម្ដេចធិបតីបន្ថែមទៀតថា ព្រឹត្តិការណ៍នេះក៏បានរួមចំណែកដល់ការងារមនុស្សធម៌ តាមរយៈការកៀរគរថវិកាសប្បុរសធម៌ដើម្បីបរិច្ចាគជូនមន្ទីរពេទ្យកុមារអង្គរខេត្តសៀមរាប ដោយបានទទួលថវិកាសរុបចំនួន ៤៥ម៉ឺនដុល្លារអាម៉េរិក។

ជាការឆ្លើយតប, សម្ដេចធិបតីបានសម្ដែងនូវការអបអរសាទរ និងវាយតម្លៃខ្ពស់ចំពោះជោគជ័យ និងកិច្ចសហការល្អប្រសើរនៃរៀបចំព្រឹត្តិការណ៍ Gumball 3000 នេះ ព្រមទាំងបានថ្លែងអំណរគុណដល់គ្រប់ភាគីពាក់ព័ន្ធដែលបានរួមចំណែកក្នុងការរៀបចំព្រឹត្តិការណ៍នេះដោយរលូន និងជោគជ័យ។

 សម្ដេចធិបតីក៏បានថ្លែងអំណរគុណចំពោះ ក្រុមហ៊ុនជីប ម៉ុងគ្រុប, ដៃគូសហការ និងអ្នកចូលរួមទាំងអស់ដែលបានចូលរួមដោយស្ម័គ្រចិត្ត និងបានបរិច្ចាគធនធានផ្ទាល់ខ្លួនដើម្បីរួមចំណែកទ្រទ្រង់សកម្មភាពរបស់មន្ទីរពេទ្យកុមារអង្គរខេត្តសៀមរាប និងបានថ្លែងអំណរគុណចំពោះក្រុមគ្រូពេទ្យនៃមន្ទីរពេទ្យកុមារអង្គរខេត្តសៀមរាបដែលបានខិតខំព្យាបាល និងថែទាំសុខភាព ព្រមទាំងបានជួយសង្គ្រោះអាយុជីវិតដល់កុមារកម្ពុជា នាពេលកន្លងមករហូតមកដល់បច្ចុប្បន្ន។

ទន្ទឹមនេះ, សម្ដេចធិបតីបានគូសបញ្ជាក់ថា ជោគជ័យនៃការរៀបចំព្រឹត្តិការណ៍ Gumball 3000 ផ្ដល់អត្ថប្រយោជន៍សំខាន់ ៣សម្រាប់កម្ពុជា៖ (១) ចូលរួមផ្សព្វផ្សាយពីអត្តសញ្ញាណជាតិខ្មែរ, ផ្សព្វផ្សាយពីវប្បធម៌សម្បូណ៌បែបរបស់កម្ពុជាទៅកាន់ពិភពលោក, (២)ទាក់ទាញភ្ញៀវទេសចរណ៍អន្តរជាតិកាន់តែច្រើនមកទស្សនាកម្ពុជា ជាពិសេសតំបន់រមណីយដ្ឋានអង្គរ ខេត្តសៀមរាប និង (៣) បង្ហាញដល់ពិភពលោកថា កម្ពុជាមានសមត្ថភាពខ្ពស់រៀបចំព្រឹត្តិការណ៍លំដាប់អន្តរជាតិប្រកបដោយសុវត្ថិភាព, ជោគជ័យ, តាមរយៈការធានាបានូវសុខសុវត្ថិភាព និងសមត្ថភាពនៃការទទួលបដិសណ្ឋារកិច្ចដ៏ល្អចំពោះភ្ញៀវអន្តរជាតិ ជាមួយការអភិវឌ្ឍដ៏ឆាប់រហ័សរបស់កម្ពុជា។

 សម្ដេចធិបតីក៏បានគូសបញ្ជាក់ថារាជរដ្ឋាភិបាលនឹងបន្តគាំទ្រចំពោះការរៀបចំព្រឹត្តិការណ៍អន្តរជាតិនានា និងលើកទឹកចិត្តដល់ក្រុមហ៊ុន ជីប ម៉ុង គ្រុប បន្តសហការជាមួយក្រសួង-ស្ថាប័នពាក់ព័ន្ធរបស់រាជរដ្ឋាភិបាលដើម្បីរៀបចំព្រឹត្តិការណ៍ថ្មីៗបន្ថែមទៀតនាថ្ងៃអនាគត៕

The post សម្ដេចធិបតី៖ កម្ពុជាមានសមត្ថភាពខ្ពស់រៀបចំព្រឹត្តិការណ៍លំដាប់អន្តរជាតិ ដូចជាGumball 3000 ដោយជោគជ័យ appeared first on Kampuchea Thmey Daily.

ព្រឹត្តិការណ៍ Gumball 3000 Rally បានប្រព្រឹត្តទៅនៅកម្ពុជារយៈពេល ៣ថ្ងៃ គឺចាប់ពីថ្ងៃទី១៥-១៧ ខែកញ្ញា ឆ្នាំ២០២៤ ដោយមានកំពូលតារាលំដាប់ពិភពលោក ធុរជន ក្រុមកីឡាករល្បីៗ និងYoutuber អន្តរជាតិ មកពី
៤០ប្រទេស ចូលរួមដឹកនាំដោយលោក Maximillion Cooper នាយកប្រតិបត្តិ និងជាស្ថាបនិក Gumball 3000 ផ្ទាល់។

ជាលើកដំបូងហើយសម្រាប់កម្ពុជា ក្នុងការរៀបចំព្រឹត្តិការណ៍អន្តរជាតិដ៏ធំនេះ ដែលមិនត្រឹមជាព្រឹត្តិការណ៍ជួបជុំក្បួន រថយន្តអន្តរជាតិ Gumball 3000 Rally លើកទី២៥ ប៉ុណ្ណោះទេ តែធ្វើឡើងក្នុងគោលដៅធំ ៤ គឺដើម្បីផ្សព្វផ្សាយ វិស័យទេសចរណ៍នៅកម្ពុជា; ជាយុទ្ធនាការសប្បុរសធម៌ ដើម្បីរៃអង្គាសថវិកាជួយដល់ មន្ទីរពេទ្យកុមារអង្គរ; បើកឱកាស ឱ្យវិនិយោគិនបរទេស និងវិនិយោគិនក្នុងស្រុកបានជួបគ្នា។

គួររំឭកថា ព្រឹត្តិការណ៍ Gumball 3000 Rally ជាការរៀបចំដោយឧកញ៉ា លាង ពៅ អគ្គនាយកពហុពាណិជ្ជកម្ម និងជាសមាជិកក្រុមប្រឹក្សាភិបាល ក្រុមហ៊ុន ជីប ម៉ុង សហការជាមួយក្រសួងទេសចរណ៍ និងស្ថាប័នពាក់ព័ន្ធនានា ជាអ្នករ៉ាប់រងទាំងស្រុង ដោយមិនប្រើប្រាស់ថវិកាដែលសប្បុរសជនបរិច្ចាគ ទៅកាន់មន្ទីរពេទ្យកុមារអង្គរឡើយ៕

The post ព្រឹត្តិការណ៍ Gumball 3000 រៃអង្គាសថវិកាបានជិតកន្លះលានដុល្លារ ជូនមន្ទីរពេទ្យកុមារអង្គរ appeared first on Kampuchea Thmey Daily.

តាមរយៈហ្វេសប៊ុកផេកផ្លូវការ Gumball 3000 ទិដ្ឋភាពជាច្រើនដែលបង្អួតពីកម្ពុជា​ បានបង្ហាញជាបន្តបន្ទាប់ទៅកាន់ពិភពលោក​ ភ្ជាប់ជាមួយនឹងសំណេររៀបរាប់ពីអារម្មណ៍រីករាយ ដែលបានមកកាន់ទឹកដីព្រះរាជាណាចក្រកម្ពុជា និងទទួលបានការស្វាគមន៍ដ៏កក់ក្តៅ ទាំងពីថ្នាក់ដឹកនាំក្រសួង-ស្ថាប័ននានា​ និងពលរដ្ឋកម្ពុជា។​

ប្រភពដដែលបញ្ជាក់ថា​ អ្វីដែលអស្ចារ្យបំផុតសម្រាប់ក្រុមប្រតិភូ Gumball 3000 គឺពិធីស្វាគមន៍អាហារល្ងាច​ដោយមានបង្ហាញនូវផ្ទាំងទស្សនីយភាពសិល្បៈបុរាណខ្មែរ មុខប្រាសាទបាយ័ន និងជារាត្រីដែលមិនអាចបំភ្លេចបាន​ សម្រាប់ក្រុមរបស់ខ្លួន។ គួរជម្រាបដែរថា ក្នុងការចូលរួមទស្សនាការសម្តែងសិល្បៈបុរាណខ្មែរនេះ​ ក្រុមប្រតិភូ Gumball 3000 ក៏បានស្លៀកសម្លៀកបំពាក់ប្រពៃណីខ្មែរផងដែរ។

ក្រៅពីភាពភ្ញាក់ផ្អើលនេះ​​ ក្រុមប្រតិភូ Gumball 3000 ក៏បានធ្វើរឿងដ៏អស្ចារ្យជាមួយកម្ពុជា​ គឺការបំបែកកំណត់ត្រា «ការតាំងបង្ហាញរថយន្តទំនើបច្រើនបំផុតលើពិភពលោក» មុននឹងបន្តដំណើរទៅប្រទេសក្នុងតំបន់អាសុីបន្ទាប់ទៀត ជាមួយនឹងក្តីសង្ឃឹមថា​ “នឹងអាចធ្វើបាន” ខណៈគណៈកម្មការ Guinness World Record បានរាប់ចំនួនរថយន្តប្រណិតទាំងនោះរួចទៅហើយ។

ដោយឡែក ភាពភ្ញាក់ផ្អើលចុងក្រោយដែលប្រតិភូ Gumball 3000 ទទួលបានពីកម្ពុជា​ មុននឹងចាកចេញបន្តដំណើរទៅកាន់ប្រទេសថៃ គឺការការពារយ៉៉ាងល្អពីសំណាក់កងកម្លាំងមានសមត្ថកិច្ចកម្ពុជា ដោយបានសម្រួលការធ្វើដំណើររបស់ក្រុមប្រតិភូ រហូតដល់ច្រកទ្វារព្រំដែនអន្តរជាតិប៉ោយប៉ែត និងពលរដ្ឋយ៉ាងច្រើនកុះករអមសងខាងផ្លូវស្វាគមន៍ ទន្ទឹមនឹងការជូនដំណើរក្រុមប្រតិភូ។

គួររម្លឹកថា ព្រឹត្តិការណ៍ដ៏អស្ចារ្យនេះ ប្រមូលផ្ដុំទៅដោយរថយន្ត Supercar និងកំពូលរថយន្តប្រណិតៗ ពីសំណាក់ជនមានឥទ្ធិពល ធុរជន កីឡាករ និងកំពូលតារាលំដាប់ពិភពលោក មកជួបជុំគ្នានៅកម្ពុជា។ ព្រឹត្តិការណ៍នេះ មិនត្រឹមជាការជួបជុំរថយន្តប្រណិតប៉ុណ្ណោះទេ គឺបានជួយផ្សព្វផ្សាយពីវិស័យទេសចរណ៍កម្ពុជា និងស្វែងរកថវិកាពីសប្បុរសជន ជូនដល់មន្ទីរពេទ្យកុមារអង្គរ ខេត្តសៀមរាប។ ​ក្នុងនោះ ឧកញ៉ា​ លាង ពៅ អគ្គនាយកក្រុមហ៊ុន​ ជីបម៉ុង បានចាយថវិកាផ្ទាល់ខ្លួនរាប់ម៉ឺនដុល្លារ ដើម្បីចូលរួមចំណែកលើកស្ទួយមុខមាត់ប្រទេសជាតិ៕

The post ប្រតិភូ​ Gumball 3000 ដក់ចិត្តជាមួយនឹងការស្វាគមន៍របស់កម្ពុជា ហើយសន្យាថា​ “នឹងមិនភ្លេចកម្ពុជាឡើយ” appeared first on Kampuchea Thmey Daily.

អ្វីដែលកាន់តែពិសេសក្នុងកម្មវិធីស្វាគមន៍នេះ គឺក្រុមប្រតិភូ Gumball 3000 បានចូលរួមដោយស្លៀកឈុតប្រពៃណីខ្មែរ ទស្សនាការសម្តែងសិល្បៈបុរាណ ដែលរៀបចំធ្វើឡើងនៅមុខប្រាសាទបាយ័ន ទឹកដីនៃសៀមរាប និងបានរៀបរាប់ថា “ជារាត្រីដែលមិនអាចបំភ្លេចបាន” ។

សកម្មភាពនេះ ធ្វើឱ្យពលរដ្ឋខ្មែរ ពិសេសថ្នាក់ដឹកនាំគ្រប់ជាន់ថ្នាក់របស់កម្ពុជា មានមោទនភាពផងដែរ ក្នុងនាមជាកូនខ្មែរ។ ផ្សារភ្ជាប់នឹងរូបភាពទាំងនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា “ប្រពៃណីយេីង​ យេីងរក្សា​ យេីងបានផ្សព្វផ្សាយកាន់តែល្បីសុះសាយដល់ពិភពលោក​ ពិសេសបងប្អូនជាភ្ញៀវទេសចរណ៍ជាច្រេីននៃកម្មវិធី​ Gumball 3000​ បានស្លៀកសម្លៀកបំពាក់ប្រពៃណីខ្មែរ និងទស្សនាសិល្ប:បុរាណខ្មែរ​នៅពីមុខប្រាសាទបាយ័នរបស់ខ្មែរ”។

ព្រឹត្តិការណ៍នេះប្រមូលផ្តុំដោយកំពូលតារាជាតិ-អន្តរជាតិល្បីៗ កីឡាករ YouTubers និងជនមានឥទ្ធិពលជុំវិញពិភពលោក ដែលជាប្រតិភូ Gumball 3000 ។ តាមរយៈអ្នកមានឥទ្ធិពលទាំងនេះ កម្ពុជារំពឹងថា នេះជាឱកាសរបស់ក្នុងការទាញយកផលប្រយោជន៍ជាច្រើន អំពីព្រឹត្តិការណ៍នេះ រួមមានការទាំងការផ្សព្វផ្សាយអំពីវប្បធម៌ អរិយធម៌ និងសក្ដានុពលទេសចរណ៍ ទៅកាន់ពិភពលោក។ នេះបើយោងតាមការឲ្យដឹងពីមន្ទីទេសចរណ៍ខេត្ត សៀមរាប៕

អត្ថបទ៖ ចាន់រ៉ា

The post ក្រុមប្រតិភូ Gumball 3000 ស្លៀកពាក់ប្រពៃណីខ្មែរ យប់មិញនេះ ជាចំណែកចូលរួមផ្សព្វផ្សាយអរិយធម៌ខ្មែរ appeared first on Kampuchea Thmey Daily.

ក្នុងសកម្មភាពជួយផ្សព្វផ្សាយវប្បធម៌នេះ ឧកញ៉ា ខេមរៈ សេរីមន្ត ទទួលបានការកោតសរសើរផងដែរ ពីសំណាក់សាធារណជន និងអ្នកគាំទ្ររបស់លោក។

គួរបញ្ជាក់ថា ថ្ងៃនេះ ជាថ្ងៃចុងក្រោយហើយនៃព្រឹត្តិការណ៍ Gumball 3000 លើទឹកដីព្រះរាជាណាចក្រកម្ពុជា និងជាថ្ងៃដ៏សំខាន់ សម្រាប់ព្រឹត្តិការណ៍នេះ ក្នុងការបំបែកកំណត់ត្រារថយន្តទំនើបចតច្រើនជាងគេបំផុតលើពិភពលោក ដោយមានរថយន្តទំនើបៗជាច្រើនរយគ្រឿងចូលរួម ទាំងក្នុងស្រុក និងក្រៅស្រុក។

ដោយឡែកចំពោះអាកាសធាតុ នៅក្រុងសៀមរាបព្រឹកនេះ មានពពកក្រាស និងភ្លៀងធ្លាក់ទើបតែថមរយបន្តិច រីឯរថយន្តទំនើបៗទាំងនោះ ក៏កំពុងចតត្រៀមត្រាត្រៀមលក្ខណៈបំបែកឯកទគ្គកម្មផងដែរ។

គួររម្លឹកថា ព្រឹត្តិការណ៍ដ៏អស្ចារ្យនេះ ប្រមូលផ្ដុំទៅដោយរថយន្ត Supercar និងកំពូលរថយន្តប្រណិតៗ ពីសំណាក់ជនមានឥទ្ធិពល ធុរជន កីឡាករ និងកំពូលតារាលំដាប់ពិភពលោក មកជួបជុំគ្នានៅកម្ពុជា។ ព្រឹត្តិការណ៍នេះ មិនត្រឹមជាការជួបជុំរថយន្តប្រណិតប៉ុណ្ណោះទេ គឺបានជួយផ្សព្វផ្សាយពីវិស័យទេសចរណ៍កម្ពុជា និងស្វែងរកថវិកាពីសប្បុរសជន ជូនដល់មន្ទីរពេទ្យកុមារអង្គរ ខេត្តសៀមរាប។

តួយ៉ាង តារាចម្រៀង និងមានងារជាឧកញ៉ា ខេមរៈ សេរីមន្ត ក៏បានចូលរួមសកម្មភាពជាច្រើន ក្នុងព្រឹត្តិការណ៍ Gumball 3000 នេះផងដែរ៕

The post ឧកញ៉ា ខេមរៈ សេរីមន្ត គ្រងឈុតបុរាណខ្មែរ ថ្ងៃចុងក្រោយនៃព្រឹត្តិការណ៍ Gumball 3000 លើទឹកដីកម្ពុជា appeared first on Kampuchea Thmey Daily.

សេចក្តីជូនដំណឹងរបស់រដ្ឋបាលរាជធានីភ្នំពេញ ចុះថ្ងៃទី១៣ ខែកញ្ញា ឆ្នាំ២០២៤ បានឱ្យដឹងថា ព្រឹត្តិការន៍នេះនឹងរៀបចំនៅនៅទីធ្លាបរិវេណ សួនច្បារមុខវត្តបទុមវតី ជុំវិញវិមានឯករាជ្យ កំណាត់មហាវិថីព្រះសីហនុ និងកំណាត់មហាវិថីព្រះសុរាម្រឹត (ចាប់ពីរង្វង់មូលវិមានឯករាជ្យ រហូតដល់ស្តុបនាគបាញ់ទឹក) ក្នុងភូមិសាស្ត្រខណ្ឌចំការមន និងខណ្ឌដូនពេញ រាជធានីភ្នំពេញ។

ដើម្បីឱ្យព្រឹត្តិការណ៍ខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបាននូវការកកស្ទះចរាចរណ៍ រដ្ឋបាលរាជធានីភ្នំពេញនឹងធ្វើការបញ្ចៀសចរាចរណ៍ជាបណ្តោះអាសន្ននៅកំណាត់ផ្លូវមួយចំនួន។

នៅថ្ងៃទី១៥ ខែកញ្ញា ឆ្នាំ២០២៤ ចាប់ពីវេលាម៉ោង ១៤:០០នាទី រហូតដល់វេលាម៉ោង ១៦:០០នាទី មានការតាំងបង្ហាញក្បួនរថយន្ត មហាជនគាំទ្រក្នុងស្រុកប្រមាណ ៣០០គ្រឿង នៅជុំវិញវិមានឯករាជ្យ ដោយមិនអនុញ្ញាតឱ្យយានយន្តគ្រប់ប្រភេទធ្វើដំណើរជុំវិញវិមានឯករាជ្យរយៈពេល០២ម៉ោងជាបណ្តោះអាសន្ន។

ចាប់ពីវេលាម៉ោង ១៧:៣០នាទី រហូតដល់ម៉ោង ២០:៣០នាទី មានការតាំងបង្ហាញក្បួនរថយន្ត គណៈប្រតិភូ Gumball 3000 និងរថយន្តមហាជនគាំទ្រក្នុងស្រុក ជុំវិញរង្វង់មូលវិមានឯករាជ្យ លើកំណាត់មហាវិថីព្រះសីហនុ កំណាត់មហាវិថីព្រះសុរាម្រឹត (ចាប់ពីរង្វង់មូលវិមានឯករាជ្យ រហូតដល់ ស្តុបនាគបាញ់ទឹក) និងកំណាត់មហាវិថីសម្តេចសុធារស (ចាប់ពីស្តុបនាគបាញ់ទឹក រហូតដល់មហាវិថី សម្តេចសុធារស កែងវិថីឧកញ៉ា ឈុន)។

ចាប់ពីវេលាម៉ោង ២០:៣០នាទី រហូតដល់វេលាម៉ោង ២៤:០០នាទី មានការរៀបចំប្រគំតន្ត្រីជាតិ  អន្តរជាតិ នៅសួនច្បារមុខវត្តបទុមវតី និងតាំងបង្ហាញក្បួនរថយន្តតាមកំណាត់មហាវិថីព្រះសីហនុ កំណាត់មហាវិថីព្រះសុរាម្រឹត (ចាប់ពីរង្វង់មូលវិមានឯករាជ្យ រហូតដល់ស្តុបនាគបាញ់ទឹក) និងកំណាត់មហាវិថីសម្តេចសុធារស (ចាប់ពីស្តុបនាគបាញ់ទឹក រហូតដល់មហាវិថីសម្តេចសុធារស កែងវិថី ឧកញ៉ា ឈុន)។

ចាប់ពីវេលាម៉ោង ២៤:០០នាទី រថយន្តរបស់គណៈប្រតិភូ GumBall 3000 ចំនួន ១០១គ្រឿង ធ្វើដំណើរចេញពីទីតាំងប្រគំតន្ត្រីនៅសួនច្បារមុខវត្តបទុមវតីទៅចតនៅមុខសណ្ឋាគារ ហៃយ៉ាត់ រីជិនស៊ី ភ្នំពេញ លើកំណាត់ផ្លូវលេខ១៧៨ (ចាប់ពីវិថីព្រះអង្គយុគន្ធរ រហូតដល់វិថីព្រះអង្គអេង)។

ចំណែកនៅព្រឹកថ្ងៃទី១៦ ខែកញ្ញា វេលាម៉ោង ០៥:០០នាទីព្រឹក រថយន្តមហាជនគាំទ្រក្នុងស្រុកប្រមាណ ៣០០គ្រឿង ធ្វើដំណើរចាកចេញពីរាជធានីភ្នំពេញ ទៅខេត្តសៀមរាប ដោយចេញដំណើរពីទីធ្លាមុខសាលមហោស្រពកោះពេ ឆ្លងកាត់ស្ពាននាគ ឆ្ពោះទៅរង្វង់មូលសម្តេចព្រះសង្ឃរាជ ជួន ណាត បត់ស្តាំទៅតីរវិថីព្រះស៊ីសុវត្ថិ ឆ្ពោះទៅរង្វង់មូលដើមពោធិ៍ បត់ឆ្វេងតាមវិថីបក្សីចាំក្រុង (ផ្លូវលេខ៩៤) រហូតដល់រង្វង់មូលវត្តភ្នំ បត់ស្តាំ តាមវិថីបារាំង (ផ្លូវលេខ៤៧) ឆ្ពោះទៅសួនច្បាររង្វង់មូលកាំភ្លើងកួចកាណុង បត់ស្តាំឡើងទៅស្ពានមិត្តភាពកម្ពុជា-ជប៉ុន រហូតដល់រង្វង់មូលព្រហ្មបាយ័ន ឆ្ពោះទៅផ្លូវជាតិលេខ៦។

ចាប់ពីវេលាម៉ោង ០៨:០០នាទី ដល់វេលាម៉ោង ១០:០០នាទី រថយន្តគណៈប្រតិភូ GumBall 3000 ចំនួន ១០១គ្រឿង ធ្វើដំណើរចាកចេញពីរាជធានីភ្នំពេញ ទៅខេត្តសៀមរាប ដោយចេញដំណើរពី សណ្ឋាគារ ហៃយ៉ាត់ រីជិនស៊ី ភ្នំពេញ តាមផ្លូវលេខ១៧៨ ឆ្ពោះទៅមហាវិថីព្រះនរោត្តម បត់ស្តាំតាម បណ្តោយមហាវិថីព្រះនរោត្តម ឆ្ពោះទៅរង្វង់មូលវត្តភ្នំ បន្តទៅវិថីបារាំង (ផ្លូវលេខ៤៧) ឆ្ពោះទៅសួនច្បារ រង្វង់មូលកាំភ្លើងកួចកាណុង បត់ស្តាំឡើងទៅស្ពានមិត្តភាពកម្ពុជា-ជប៉ុន រហូតដល់រង្វង់មូលព្រហ្មបាយ័ន ឆ្ពោះទៅផ្លូវជាតិលេខ៦៕
ដោយ៖ ស្រីរ័ត្ន

The post ថ្ងៃទី១៥-១៦ កញ្ញា រដ្ឋបាលរាជធានីបិទផ្លូវមួយចំនួន ដើម្បីរៀបចំព្រឹត្តិការណ៍ GumBall 3000 ផ្សព្វផ្សាយទេសចរណ៍ appeared first on Kampuchea Thmey Daily.

ព្រឹត្តិការណ៍ Gumball 3000 Rally នឹងប្រព្រឹត្តទៅរយៈពេល ៣ថ្ងៃ គឺចាប់ពីថ្ងៃទី១៥-១៧ ខែកញ្ញា ឆ្នាំ២០២៤ ដោយមានកំពូលតារាលំដាប់ពិភពលោក ធុរជន ក្រុមកីឡាករល្បីៗ និងYoutuber អន្តរជាតិ មកពី ៤០ប្រទេស ចូលរួម ដឹកនាំដោយលោក Maximillion Cooper នាយកប្រតិបត្តិ និងជាស្ថាបនិក Gumball 3000 ផ្ទាល់។

តើព្រឹត្តិការណ៍នេះ ចំណេញអ្វីដល់កម្ពុជា?
ជាលើកដំបូងហើយសម្រាប់កម្ពុជា ក្នុងការរៀបចំព្រឹត្តិការណ៍អន្តរជាតិដ៏ធំនេះ ដែលមិនត្រឹមជាព្រឹត្តិការណ៍ជួបជុំក្បួន រថយន្តអន្តរជាតិ Gumball 3000 Rally លើកទី២៥ ប៉ុណ្ណោះទេ តែធ្វើឡើងក្នុងគោលដៅធំ ៤ គឺដើម្បីផ្សព្វផ្សាយ វិស័យទេសចរណ៍នៅកម្ពុជា; ជាយុទ្ធនាការសប្បុរសធម៌ ដើម្បីរៃអង្គាសថវិកាជួយដល់ មន្ទីរពេទ្យកុមារអង្គរ; បើកឱកាស ឱ្យវិនិយោគិនបរទេស និងវិនិយោគិនក្នុងស្រុកបានជួបគ្នា។ ពិសេស គឺជំរុញកិត្តិនាមរបស់កម្ពុជា ឱ្យបន្តល្បីល្បាញ នៅលើឆាកអន្តរជាតិ តាមរយៈសកម្មភាពចូលរួមបំបែកឯតទគ្គកម្មពិភពលោក លើប្រធានបទ «ការតាំងបង្ហាញរថយន្ត ទំនើបច្រើនជាងគេបំផុត លើពិភពលោក»។

គូសបញ្ជាក់ដែរថា ព្រឹត្តិការណ៍ដ៏អស្ចារ្យនេះ នឹងអនុញ្ញាតឱ្យសាធារណជនចូលរួមទស្សនាកម្សាន្តសេរី និងអាចចូលរួម បរិច្ចាគធនធានផ្ទាល់ខ្លួន​ ដើម្បីឧបត្ថម្ភជូនមន្ទីរពេទ្យកុមារអង្គរផងដែរ។ ក្រៅពីជួយផ្សព្វផ្សាយពីវិស័យទេសចរណ៍ ថវិកាទាំងអស់ ដែលទទួលបានពីសប្បុរសជនក្នុងការបរិច្ចាគ និងឧបត្ថម្ភនានាក្នុងព្រឹត្តិការណ៍នេះដែរ នឹងត្រូវជូនទៅមន្ទីរពេទ្យកុមារអង្គរ ខេត្តសៀមរាបទាំងអស់។

គួររម្លឹកថា ព្រឹត្តិការណ៍ Gumball 3000 Rally ជាការរៀបចំដោយឧកញ៉ា លាង ពៅ អគ្គនាយកពហុពាណិជ្ជកម្ម និងជាសមាជិកក្រុមប្រឹក្សាភិបាល ក្រុមហ៊ុន ជីប ម៉ុង សហការជាមួយក្រសួងទេសចរណ៍ និងស្ថាប័នពាក់ព័ន្ធនានា ជាអ្នករ៉ាប់រងទាំងស្រុង ដោយមិនប្រើប្រាស់ថវិកាដែលសប្បុរសជនបរិច្ចាគ ទៅកាន់មន្ទីរពេទ្យកុមារអង្គរឡើយ។

គោលដៅណាខ្លះ ដែលក្រុមប្រតិភូអន្តរជាតិ Gumball 3000 នឹងឆ្លងកាត់?
នៅថ្ងៃទី១៥ ក្រុមរថយន្តនេះ នឹងធ្វើដំណើរចូលមកកម្ពុជា តាមច្រកទ្វារព្រំដែនអន្តរជាតិបាវិត ដើម្បីមកជួបជុំគ្នា នៅរាជធានីភ្នំពេញ ដោយចតឡានចាប់ពីរង្វង់មូលវិមានឯករាជ្យ រហូតដល់សួនច្បារវត្តបុទុម។ ថ្ងៃនោះ ក៏មានការសម្តែង រថយន្ត នៅផ្លូវសុធារស រួមនិងការប្រគុំតន្ត្រីដើម្បីស្វាគមន៍ផងដែរ។

ព្រឹកថ្ងៃបន្ទាប់ ក្រុមរថយន្តប្រណិតទាំងនេះ នឹងបន្តដំណើរទៅកាន់ខេត្តសៀមរាប ដោយមានការសម្រាកបាយថ្ងៃត្រង់ នៅបរិវេណចំណតព្រៃប្រស់ ដែលនោះជាឱកាសសម្រាប់អ្នកស្រុកក្នុងតំបន់ ដើម្បីរួមចំណែកទាក់ទាញ​លើវិស័យ ទេសចរណ៍ ដោយការផ្តល់សេវាល្អ។

នៅថ្ងៃចុងក្រោយ ពោលគឺថ្ងៃទី ១៧ ខែកញ្ញា ជាថ្ងៃដែលប្រតិភូ Gumball 3000 បានជ្រើសយកប្រាសាទអង្គរ មរតវិសេសវិសាលរបស់ខ្មែរលើទឹកដីអង្គរ ជាទីតាំងចតរថយន្តប្រណិតច្រើនជាងគេបំផុត ដើម្បីបំបែកកំណត់ត្រា ពិភពលោក មុននឹងចាកចេញពីកម្ពុជា បន្តទៅកាន់ប្រទេសថៃ តាមច្រកទ្វារព្រំដែនអន្តរជាតិប៉ោយប៉ែត៕

បុគ្គលល្បីៗណាខ្លះ នឹងមានវត្តមានក្នុងព្រឹត្តិការណ៍ ?umball ???? លើទឹកដីអង្គរចុងសប្តាហ៍នេះ?​

The post រថយន្តប្រណីតរាប់រយគ្រឿង នឹងចតនៅមុខប្រាសាទអង្គរវត្ត ដើម្បីបំបែកកំណត់ត្រាពិភពលោក appeared first on Kampuchea Thmey Daily.