តារយៈការផ្សាយបន្តផ្ទាល់លក់ម៉ាកផលិតផលសំឡីអនាម័យផ្ទាល់ខ្លួននេះដែរ តារាសម្ដែង Huang Zitao ​​បាន​​ចាយ​ប្រាក់​​​វិនិយោគ​​ផលិត​វា ក្នុងគោលបំណងកសាងទំនុកចិត្តឡើងវិញ បន្ទាប់ពីរឿងអាស្រូវសុវត្ថិភាពផលិតផលសំឡីអនាម័យ​បានកក្រើកពេញប្រទេសចិន។

កាលពីខែមីនា ព័ត៌មាននៅក្នុងប្រទេសចិន​​បាន​ផ្ទុះ​​​​​​ជុំវិញ​នៃ​ការ​​​ផ្សព្វផ្សាយអំពីសំឡីអនាម័យ ខោទឹកនោមទារក និងកន្ទបទារក ដែលមិនមានគុណភាព បានរីករាលដាលនៅលើបណ្តាញសង្គមចិនយ៉ាងព្រោងព្រាត។ ​

ជាង​នេះ​ទៅទៀត​ គេដឹងថា ក្រុមហ៊ុនផលិត​​​​​សំឡីអនាម័យ​ជាច្រើននោះ បានប្រើប្រាស់ក្រដាសកខ្វក់ និងកប្បាសដែលមិន​មានអនាម័យសម្រាប់​​ការ​ផលិត​លក់នៅលើទីផ្សារ។ ដោយសារតែមានការខឹងសម្បា តារាប្រុស​​រូប​នេះ​បានហៅការអនុវត្តនេះថា គួរឲ្យខ្ពើមរអើម ហើយបានសន្យាថានឹងបើកដំណើរការរោងចក្រផ្ទាល់ខ្លួនរបស់គាត់ ដើម្បីផលិតផលិតផលអនាម័យដែលស្ត្រីអាចជឿទុកចិត្តបាន។

តួឯកប្រុសក្នុងរឿង «The Negotiator» បានបង្ហើបថា គាត់​បានទិញរោងចក្រ ដំឡើងឧបករណ៍ថ្មី និងសហការជាមួយយីហោថែទាំផ្ទាល់ខ្លួន Duowei ហើយក្រុមរបស់គាត់បានវិនិយោគទឹកប្រាក់ ២៧៥លានយន់​ (៤០ លានដុល្លារអាមេរិក) ដើម្បីបង្កើតម៉ាកផលិតផលអនាម័យផ្ទាល់ខ្លួនឈ្មោះ Domyway ដែលត្រូវបានបង្កើតឡើងក្នុងឆ្នាំ ២០២៥។

រោងចក្ររបស់គាត់ដំណើរការខ្សែសង្វាក់ផលិតកម្មដោយស្វ័យប្រវត្តិយ៉ាងពេញលេញចំនួន៣ ដោយផលិតសំឡីសរុបចំនួន ៣៦០០​ប្រ​​អប់​ក្នុងមួយនាទី ដោយកញ្ចប់នីមួយៗមានលេខកូដ QR ដែលអាចឲ្យអ្នកប្រើប្រាស់មើលដំណើរការផលិតទាំងមូលក្នុងពេលវេលាជាក់ស្តែង។

ជាក់ស្ដែង កាលពីថ្ងៃទី ១១ខែមេសា លោក Huang បានលក់សំឡីអនាម័យចំនួន ៤៩៥០០ ប្រអប់ ក្នុងអំឡុងពេលផ្សាយផ្ទាល់ ក្នុងតម្លៃត្រឹមតែ ០.០១ យន់ប៉ុណ្ណោះ ក្នុងរយៈពេលមួយនាទី។ ការវាយតម្លៃបានលេចឡើងយ៉ាងឆាប់រហ័សនៅលើប្រព័ន្ធផ្សព្វផ្សាយសង្គម ទើបធ្វើឲ្យយីហោរបស់លោកកាន់​តែលក់ដាច់ទៅៗ។ នៅខែឧសភា លោកបានផ្សាយបន្តផ្ទាល់ពីរោងចក្រដោយខ្លួនឯង ក្នុងរយៈពេល ៣០នាទី សំឡីចំនួន ៤៥ម៉ឺន​ប្រអប់ត្រូវបានលក់ដាច់​គ្មានសល់ ដែលបង្កើតប្រាក់ចំណេញដល់ទៅ ៣ លានដុល្លារអាមេរិក។

លើសពីនេះ តារាចម្រៀងបានសរសើរប្រពន្ធរបស់គាត់ឈ្មោះ Xu សម្រាប់ការផ្តល់ឲ្យគាត់នូវទំនុកចិត្តក្នុងការចូលទៅក្នុងទីផ្សារថែរក្សាស្ត្រី ដោយនិយាយថានាងបានសាកល្បងផលិតផលនេះដោយខ្លួនឯង។ លោក​បាន​មាន​ប្រសាសន៍​ថា ​ខ្លួនធ្វើ​នេះ​ដោយ​ការ​ទទួល​ខុស​ត្រូវ​ចំពោះ​ស្ត្រី មិន​មែន​ដើម្បី​ចំណេញ​ទេ។ ការបើកដំណើរការផលិតផល Domyway ជាចំណុចរបត់មួយនៅក្នុងជីវិតរបស់គាត់ ដោយថា ចង់ឲ្យមនុស្សគិតថាខ្លួនជាសហគ្រិនម្នាក់ មិនមែនគ្រាន់តែជាតារាល្បីនោះទេ។

ថ្វីដ្បិតតែការបណ្តាក់ទុនរបស់អតីតក្រុម Exo រូបនេះទទួលបានជោគជ័យមែនពិត បុន្តែយីហោផលិតផលរបស់ស្រ្តីបានជំរុញឲ្យមានការជជែកដេញដោលគ្នា នៅលើប្រព័ន្ធផ្សព្វផ្សាយសង្គមដីគោក ជាមួយនឹងប្រធានបទដែលពាក់ព័ន្ធមានការចូលមើលច្រើនជាង ១០០ លានដង។

អ្នកសង្កេតការណ៍អនឡាញជាច្រើនបានសរសេរថា ទោះបីជាពួកគេមិនមែនជាអ្នកគាំទ្រ Huang Zitaoទេ ប៉ុន្តែពួកគេពេញចិត្តចំពោះភាពស្មោះត្រង់ និងការទទួលខុសត្រូវរបស់តារាប្រុសក្នុងនាមជាថៅកែមួយរូប។ ម្នាក់ទៀតបានសរសើរគាត់ដែលបានប្រើឥទ្ធិពលផ្ទាល់ខ្លួន ដើម្បីជំរុញឲ្យមានការផ្លាស់ប្តូរនៅក្នុងឧស្សាហកម្មសំឡីអនាម័យសម្រាប់ស្រ្តី៕

អត្ថបទ៖ សាង ស្រីល័ក្ខ

ចុចអាន៖តារាសម្តែងចិន លោក Huang Zitao ​ងាក​មក​ចាប់អារម្មណ៍​​​រកស៊ី​ផលិតសំឡីអនាម័យស្រី

The post ត្រឹម​កន្លះ​ម៉ោង Huang Zitao ​រក​ប្រាក់​បាន​៣​លាន​ដុល្លារ ​ពីការលក់សំឡីអនាម័យ appeared first on Kampuchea Thmey Daily.

នៅក្នុងរយៈពេលប៉ុន្មានថ្ងៃថ្មីៗនេះ ព័ត៌មាននៅក្នុងប្រទេសចិន​​បាន​ផ្ទុះ​​​​​​ជុំវិញ​នៃ​ការ​​​ផ្សព្វផ្សាយអំពីសំឡីអនាម័យ ខោទឹកនោមទារក និងកន្ទបទារក ដែលមិនមានគុណភាព បានរីករាលដាលនៅលើបណ្តាញសង្គមចិនយ៉ាងព្រោងព្រាត។ ​ជាង​នេះ​ទៅទៀត​ គេដឹងថា ក្រុមហ៊ុនផលិត​​​​​សំឡីអនាម័យ​នោះ​​ជាច្រើនបានប្រើប្រាស់ក្រដាសកខ្វក់ និងកប្បាសដែលមិនមានអនាម័យសម្រាប់​​ការ​ផលិត​លក់នៅលើទីផ្សារ។

ទោះជាយ៉ាងណាក៏ដោយ ដោយមានការខកចិត្តចំពោះបញ្ហាដ៏ធំសម្រាប់មនុស្សស្រី តារាចម្រៀងដ៏ល្បីល្បាញប្រចាំប្រទេសចិនរូបនេះ បាននិយាយថា លោកនឹងដាក់គោលដៅថ្មីទៅក្នុងទីផ្សារ ដើម្បីផលិតនូវផលិតផលអនាម័យល្អ​បំផុតសម្រាប់មនុស្សស្រី។

តួឯកប្រុសក្នុងរឿង «The Negotiator» បានបង្ហើបថា ចាប់តាំងពីចុងឆ្នាំ២០២៤មក លោកបានចាប់ផ្តើមរៀបចំបង្កើត​រោងចក្រ​ផលិត​សំឡីអនាម័យ ដោយមានគោលដៅធានាគុណភាព និងសុវត្ថិភាពផលិតផល តាមរយៈខ្សែសង្វាក់ផលិតកម្មដែលត្រួតពិនិត្យជារៀងរាល់ថ្ងៃ។ ជាពិសេស លោកស្នើសុំឲ្យសាធារណជនតាមដានគ្រប់ជំហាន ចាប់ពីប្រភពវត្ថុធាតុដើម រហូតដល់ការវេចខ្ចប់យ៉ាងមានគុណភាពនៅក្នុងក្រុមហ៊ុន ដើម្បីជាការធានាគុណភាពដូចដែលលោកលើកឡើង​នាពេលកន្លងមក។

ជាមួយគ្នានោះ ដើម្បីធានាបាននូវភាពជឿជាក់ Huang Zitao បានឲ្យភរិយាវ័យក្មេងរបស់លោកគឺ នាង​ Xu yiyang​ ដែល​ជា​អតីត​សិក្ខាកាមនៅផលិតកម្ម SM Entertainment ព្រមទាំងបុគ្គលិកស្រីៗនៅក្នុងក្រុមហ៊ុន​​​ប្រើប្រាស់​ផលិត​ផល​នេះ​ជា​ការ​ពិសោធន៍​រយៈពេល៩០ថ្ងៃឯណោះ មុន​ចេញ​​លក់​លើ​ទីផ្សារ​។

លោក Huang Zitao បាននិយាយថា៖«ខ្ញុំបានចាប់ផ្តើមទាក់ទងអ្នកផ្គត់ផ្គង់សំឡីអនាម័យជាច្រើនខែមុន។ ខ្ញុំមិនអាចធានាថាផលិតផលនឹងល្អឥតខ្ចោះនោះទេ ប៉ុន្តែខ្ញុំអាចធានាអ្នកប្រើប្រាស់ថា សំឡីអនាម័យដែលខ្ញុំផលិតគឺស្អាត និងមានសុវត្ថិភាពទាំងស្រុងចំពោះស្រ្តី»។

Huang Zitao កើតក្នុងឆ្នាំ ១៩៩៣ ធ្លាប់ជាសមាជិកនៃក្រុមដ៏ល្បីល្បាញ EXO ។ ប៉ុន្តែនៅឆ្នាំ ២០១៥ តារាប្រុសដែលមានជំនាញរ៉េបយ៉ាងស្ទាត់ជំនាញស្រាប់តែចាកចេញពីក្រុម ហើយត្រលប់ទៅប្រទេសកំណើត ដើម្បីបន្តសកម្មភាពក្នុងនាមជាសិល្បៈទោល។ នៅទីនោះ លោកបានចេញអាល់ប៊ុមចម្រៀងជាច្រើន ហើយលេចមុខក្នុងរឿងភាគទូរទស្សន៍ល្បីៗដូចជា «The Negotiator និង The Brightest Star in the Sky» ជាដើម។

កើតក្នុងគ្រួសារអ្នកមានទ្រព្យធន និងបានទទួលមរតកទាំងអស់ពីឪពុកដែលជាស្ថាបនិកក្រុមហ៊ុនកម្សាន្ត L. Tao Entertainment ដូច្នេះមិនមែនជារឿងចម្លែកនោះទេសម្រាប់ Huang Zitao ដែលហ៊ានបណ្ដាក់ទុនលើផលិតផលល្បីៗដាក់លក់លើទីផ្សារបែបនេះ។ ទស្សនិកជនជាច្រើនសុទ្ធតែដឹងហើយថា ឪពុករបស់តារាប្រុស​មាន​ទ្រព្យ​សម្បត្តិ​រហូត​ដល់​ទៅ ៣ ពាន់​លាន​ដុល្លារ ​មាន​ដី ៤ ទៅ ៥ ឡូត៍​ធំៗ​នៅក្នុងទៅក្រុង Qingdao ក្រោយមកនៅឆ្នាំ១៩៩៧ លោក Huang Zhongdong ជាប់ចំណាត់ថ្នាក់ទី ៧ ក្នុងបញ្ជីអ្នកមានបំផុតនៅក្នុងប្រទេសចិន៕

អត្ថបទ៖ សាង ស្រីល័ក្ខ

ចុចអាន៖ជិត៤០ឆ្នាំទៅ​ហើយ​ តួស្រី​ក្នុង​រឿង «យុទ្ធសិល្ប៍ស៊ុនអ៊ូខុង» នៅ​តែ​រក្សាសម្រស់​ដ៏​ផូរផង់​

The post តារាសម្តែងចិន លោក Huang Zitao ​ងាក​មក​ចាប់អារម្មណ៍​​​រកស៊ី​ផលិតសំឡីអនាម័យស្រី appeared first on Kampuchea Thmey Daily.

យោងតាមកាសែត Global Times បានបញ្ចាក់ថា តារាចម្រៀងចិនវ័យ៣១ ឆ្នាំ និងឌីជេហូឡង់​វ័យ ២៨ ឆ្នាំ ត្រូវបានគេគ្រោងសម្រាប់ការសម្តែងរួមគ្នានៅថ្ងៃទី ២០ ខែមេសានៅឯពិធីបុណ្យ។ ប៉ុន្តែ ក្នុងអំឡុងពេលនៃការផ្សាយបន្តផ្ទាល់ជាបន្តបន្ទាប់ លោក Huang បានបញ្ចេញសំឡេងថា Garrix មិនបានចូលរួមក្នុងការហាត់សមសម្រាប់ការសម្តែងនោះទេ។ លើសពីនេះ ក្នុងអំឡុងពេលនៃការសម្តែងដែលបានកំណត់ ឌីជេ បានមកដល់ឆាកមុនដំបូង ដោយបានផ្លាស់ប្តូរអ្វីដែលសន្មត់ថា ជាសកម្មភាពរួមគ្នាទៅជាការសម្តែងទោលរបស់គាត់។

តារា​ចម្រៀង​រូប​នេះ​បាន​សម្ដែង​ការ​មិន​ពេញ​ចិត្ត​ចំពោះ​ឌីជេ និង​ក្រុម​ការងារ​របស់​ខ្លួន ដោយ​បាន​អះអាង​ថា​ គាត់​មើល​ឃើញ​អាកប្បកិរិយា​មិន​គោរពដល់ម្ចាស់ទឹកដីទាល់តែសោះ។ ថ្វីបើយ៉ាងណាក៏ដោយ ជាការឆ្លើយតបទៅនឹងភាពចម្រូងចម្រាសនេះ ឌីជេ Garrix បានហៅហេតុការណ៍នេះថា ជាព័ត៌មានមិនពិត និងការកុហកបោកប្រាស់ទស្សនិកជនសុទ្ធសាធ។

ទន្ទឹមនោះទៀតសោធ Shanghai Dongya Performance Co. ដែលជាអ្នករៀបចំព្រឹត្តិការណ៍នេះ មិនទាន់ធ្វើអត្ថាធិប្បាយលើបញ្ហានេះនៅឡើយទេ ខណៈដែលមហោស្រពតន្ត្រី F1 China Grand Prix បានប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ២១ ខែមេសា នៅទីក្រុងសៀងហៃ។

សូមបញ្ចាក់ដែរថា Huang Zitao ​ត្រូវ​បាន​គេ​ស្គាល់ថាលោកគឺជា​អតីត​សមាជិក​ក្រុម​ចម្រៀង​បុរស​កូរ៉េ​ខាង​ត្បូង​-ចិន EXO ។ គាត់បានចាកចេញពីក្រុមនៅឆ្នាំ ២០១៥ ហើយក្រោយមកបានចាប់ផ្តើមអាជីពទោលនៅប្រទេសចិន។

យោងតាមកាសែត South China Morning Post ឪពុករបស់គាត់ត្រូវបានគេរាយការណ៍ថាជាបុរសមានបំផុតម្នាក់របស់ប្រទេសចិន។ តារា​ចម្រៀង​រូប​នេះ​ទទួល​មរតក​ទ្រព្យ​សម្បត្តិ​ប្រមាណ ៣ ពាន់​លាន​ដុល្លារ​អាមេរិក បន្ទាប់​ពី​ឪពុក​របស់​លោក​ទទួល​មរណភាព​ក្នុង​ឆ្នាំ ២០២០។ ចំណែកឯ Garrix ត្រូវ​បាន​គេ​ទទួល​ស្គាល់​ថា​ជា​ឌីជេ​ដ៏​ជោគជ័យ​បំផុត​មួយ​របស់​ពិភពលោក​ ដោយ​បាន​ជាប់​ក្នុង​បញ្ជី​ឌីជេ​កំពូល​ទាំង​ 100 របស់​ DJ Mag បី​ឆ្នាំ​ជាប់​គ្នា​ចាប់ពី​ឆ្នាំ​ ២០១៦ ដល់​ ២០១៨៕

អត្ថបទ៖ សាង ស្រីល័ក្ខ

ចុចអាន៖Gong Yoo និង Song Hye Kyo អាចនឹងលេចមុខសម្ដែងភាពយន្តរួមគ្នា

The post តារាចម្រៀង Huang Zitao ចោទឌីជេ Martin ថា មិនគោរពតួនាទី ពេលសម្តែងនៅ​ ចិន appeared first on Kampuchea Thmey Daily.