ជីវិតកម្សាន្ដ
ជិត៤០ឆ្នាំទៅហើយ តួស្រីក្នុងរឿង «យុទ្ធសិល្ប៍ស៊ុនអ៊ូខុង» នៅតែរក្សាសម្រស់ដ៏ផូរផង់
តារាស្រីចាស់វស្សាដ៏ល្បីល្បាញ Zhu Lin ដែលធ្លាប់ចូលរួមសម្ដែងក្នុងរឿងភាគចិនដ៏ល្បីល្បាញនិងពេញនិយម ក្រោមចំណងជើងថា «យុទ្ធសិល្ប៍ស៊ុនអ៊ូខុង ឬ Journey to the West 1986» កាលពេលថ្មីៗនេះ បានបង្ហាញខ្លួននៅទីតាំងបុរាណដ្ឋានក្នុងទីក្រុងបុរាណ Luoyang។ នាពេលនោះ តារាស្រីរូបស្រស់នេះ បានជួបសំណេះសំណាល និងថតរូបអនុស្សាវរីយ៍ជាមួយតារាសម្តែងប្រុសដ៏ល្បីដែលសម្តែងជាតួអង្គព្រះសង្ឃ។
បើទោះជាតួចិនរូបនេះមានវ័យដល់ទៅ៧៣ឆ្នាំទៅហើយក៏មែនពិតមែន ក៏ប៉ុន្តែនិយាយពីសម្រស់វិញ តារាស្រីរូបនេះនៅតែទទួលបានការសរសើរថា «នៅក្មេងជាងវ័យ ស្បែកសរលោងខ្ចី ភ្លឺថ្លា រួមជាមួយរាងកាយស្គមស្តើង (Slim) ដំណើរត្រង់ភ្លើង និងអាកប្បកិរិយាទន់ភ្លន់ រហ័សរហួន ដូចមានតាំងពីវ័យជំទង់ដូច្នោះដែរ។
ថ្វីដ្បិតតែខកខានបង្ហាញខ្លួននៅលើកញ្ចក់ទូរទស្សន៍អស់រយៈពេលជាច្រើនឆ្នាំក៏ដោយ ប៉ុន្តែតួនាទីរបស់គាត់ជាមហាក្សត្រិយានីនៃនគរ Liang ខាងលិច ក្នុងរឿង «Journey to the West» នៅតែជាតួអង្គរឿងព្រេងនិទាន ស្ថិតក្នុងបេះដូងទស្សនិកជនមកទល់សព្វថ្ងៃ។ ជាពិសេស ទោះជាពេលវេលាកន្លងហួសជិត៤០ឆ្នាំហើយក្ដី ក៏តារាស្រីនៅតែទទួលបានការសរសើរពីសម្រស់ក្មេងជាងវ័យ និងមានសាច់ចាំផូផង់ជាទីពេញចិត្តពីសំណាក់ទស្សនិកជនទាំងប្រុសស្រី។
ដោយឡែក នៅក្នុងការស្ទង់មតិជាច្រើននៅលើបណ្តាញទំនាក់ទំនងសង្គមកាលពីប៉ុន្មានថ្ងៃនេះ នៅពេលដែលបោះឆ្នោតជ្រើសរើសតារាស្រីប្រវត្តិសាស្ត្រដ៏ស្រស់ស្អាតបំផុត Zhu Lin តែងតែឈរនៅកំពូលជាមួយ Chen Hong និង Jiang Qinqin។ ទស្សនិកជនសរសើរតារាស្រីរូបនេះថាមានចរិតសុភាពរាបសារ សម្រស់វិញដូចផុសចេញពីផ្ទាំងគំនូរបុរាណចឹង។ ដូច្នេះហើយទើបធ្វើឲ្យកេរ្តិ៍ឈ្មោះរបស់តារាចិនជំនាន់ចាស់រូបនេះ មិនមានការថយចុះសូម្បីតែបន្តិចណាឡើយ។
យោងតាមអ្នកផលិតភាពយន្តនិងអ្នកដឹកនាំរឿងគឺលោកស្រី Jie Yang ធ្លាប់បាននិយាយថា ដើម្បីជ្រើសរើសមនុស្សឲ្យដើរតួជាស្តេចស្រី គាត់ត្រូវគិតគូរពីសម្រស់មនុស្សពីបុរាណយ៉ាងមត់ចត់បំផុត។ ដូច្នេះហើយ តារាស្រីដែលគាត់ចង់ស្វែងរក បន្ថែមពីលើសម្រស់ដ៏ស្រស់សោភារបស់ម្ចាស់ក្សត្រី ក៏ត្រូវមានមន្តស្នេហ៍ ទន់ភ្លន់ ក្រសែភ្នែកមុតផងដែរ ដែលទាំងអស់នេះគឺតួស្រី Zhu Lin មានទាំងអស់។ នាងស្ថិតនៅក្នុងចំណោមនារីដ៏ស្រស់ស្អាតរបស់ភាពយន្ត «Journey to the West» និងត្រូវបានគេចាត់ទុកថា ជានារីស្អាតបំផុតក្នុងរឿងភាគមួយនេះ។
ទោះជាយ៉ាងណាក៏ដោយ បន្ទាប់ពីភាពយន្ត «យុទ្ធសិល្ប៍ស៊ុនអ៊ូខុង» តារាស្រីរូបស្រស់ Zhou Lin ក៏បានចូលរួមសម្ដែងនៅក្នុងខ្សែភាពយន្តល្បីៗមួយចំនួនទៀត ដូចជា Far from War 1987, Kai xuan zai zi ye និង 33 Postcards។ មិនត្រឹមតែប៉ុណ្ណោះ កំពូលតារាស្រីកំពូលសម្រស់នេះ ត្រូវបានគេទទួលស្គាល់ថា ជាតារាសម្តែងលំដាប់ទីមួយក្នុងប្រទេសចិន សមាជិកនៃសមាគមភាពយន្តចិន និងជាសមាជិកនៃសមាគមសិល្បៈសម្តែងភាពយន្តចិន៕
អត្ថបទ៖ សាង ស្រីល័ក្ខ
ចុចអាន៖រឿង «យុទ្ធសិល្ប៍ស៊ុនអ៊ូខុង» ឆ្នាំ១៩៨៦ ល្បីល្បាញទូទាំងពិភពលោក តែការពិតផ្ទុករឿងអាស្រូវជាច្រើន
ចិនជំរុញអាមេរិកឱ្យបញ្ចប់សង្រ្គាមពាណិជ្ជកម្ម ប៉ុន្តែថា ខ្លួនត្រៀមរួចរាល់ដើម្បីតតាំង
ភ្នែករបស់តួអង្គ យ៉ាងគួរ ជំនាន់ឆ្នាំ៩៥ វិះនឹងពិការ បើព្យាបាលមិនទាន់ពេល
ការធ្វើដំណើរពីបរទេសទៅអាមេរិក ធ្លាក់ចុះខ្លាំងក្រោយ ត្រាំ ឡើងកាន់អំណាច
អ្នកនាំពាក្យ ៖ មានពលករខ្មែរ ០២ នាក់ ស្លាប់ និង ០២ នាក់ទៀត របួស ដោយសារការរញ្ជួយដីនៅប្រទេសថៃ
ជោគជ័យលើអាជីពសម្ដែងមិនអស់ចិត្ត Park Bo Gum នៅឆ្លៀតរកលុយពីអចលនទ្រព្យ
ជនសង្ស័យម្នាក់ឆក់ខ្សែក រត់ទ្បើងម៉ូតូ ត្រូវអ្នកលក់ក្របួចជាប់
មកដឹងលម្អិត ពីលក្ខណៈបច្ចេកទេសនាវាជប៉ុនចតនៅកម្ពុជា ដែលមានទម្ងន់ផ្ទុករាប់ពាន់តោន
វៀតណាម បិទរោងចក្រផលិតសណ្តែកបណ្តុះ ក្រោយរកឃើញសារធាតុពុល អាចឲ្យមនុស្សស្លាប់
អ្នកនាំពាក្យ ៖ មានពលករខ្មែរ ០២ នាក់ ស្លាប់ និង ០២ នាក់ទៀត របួស ដោយសារការរញ្ជួយដីនៅប្រទេសថៃ
ចិនចុះកិច្ចព្រមព្រៀងរហូតដល់១១៣ ពង្រឹងឥទ្ធិពលតំបន់ខ្លាំងមិនធ្លាប់មាន ខណៈអាមេរិកបង្កអរិភាព
-
ព័ត៌មានជាតិ១ សប្តាហ៍ agoលោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៤ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៦ ថ្ងៃ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៣ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៦ ថ្ងៃ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៣ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម៦ ថ្ងៃ agoខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ៣ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា