លោក ជុំ កុសល លើកឡើងបែបនេះ បន្ទាប់ពីលោក បឺត សំរេច អតីតកីឡាករខ្មែរបានអះអាងថា ខ្លួនជាកូនម្នាក់របស់លោក ស៊ីន ស៊ីសាមុត អធិរាជសំឡេងមាស ដែលខ្លួនលោកបានទទួលដំណឹងនេះពីម្តាយចិញ្ចឹមរបស់លោកដូចគ្នា។ ស្របពេលជាមួយគ្នានោះ ក៏មានប្រជាជនមួយចំនួនបានបញ្ចេញមតិរិះគន់ និងស្តីបន្ទោសដល់លោក បឺត សំរេច ថាបង្កើតព័ត៌មានចលាចលដល់សង្គម ព្រមទាំងឱ្យលោកទៅពិនិត្យ DNA ដើម្បីបញ្ជាក់ពីការពិតផងដែរ។ លោក បឺត សំរេច ក៏យល់ព្រមពិនិត្យ DNA ប៉ុន្តែ ត្រូវបានភរិយាទី២របស់លោក ស៊ីន ស៊ីសាមុត គឺអ្នកស្រី ខាវ ថងញ៉ុត បដិសេធមិនព្រមឱ្យពិនិត្យឡើយ ព្រមទាំងបដិសេធមិនទទួលស្គាល់លោក បឺត សំរេច ជាកូនបង្កើតរបស់លោក ស៊ីន ស៊ីសាមុត ថែមទៀត។

ទាក់ទិននឹងបញ្ហានេះ រដ្ឋលេខាធិការក្រសួងព័ត៌មាន លោក ជុំ កុសល បានសរសេរសំណេរលើហ្វេសប៊ុករបស់លោកថា រឿងអាថ៌កំបាំងរបស់លោក ស៊ីន ស៊ីសាមុត គ្មាននរណាម្នាក់អាចដឹងបានក្រៅពីរូបលោកផ្ទាល់ទេ ហើយវាក៏បានស្លាប់ទៅបាត់ជាមួយនឹងរូបលោកផងដែរ ទោះបីជាមានមនុស្សជិតស្និទ្ធចេញមុខមកអះអាងយ៉ាងណាក្តី។

ក្រៅពីសំណូមពរដល់មហាជនកុំឱ្យមានការបន្ទោសដល់លោក បឺត សំរេច រដ្ឋលេខាធិការក្រសួងព័ត៌មានរូបនេះ ក៏បានសំណូមពរឱ្យពលរដ្ឋគិតវិជ្ជមានចំពោះលោក បឺត សំរេច ថា៖ “កត្តាសំខាន់ ប្រសិនបើយល់ថា គាត់មានសំឡេងច្រៀងល្អ សូមជួយផ្តល់កម្លាំងចិត្តគាត់ ដើម្បីឱ្យគាត់ខិតខំអភិវឌ្ឍន៍សមត្ថភាពឈានទៅទទួលបានជោគជ័យលើវិស័យចម្រៀងរបស់គាត់”។

ដោយមើលឃើញពីសមត្ថភាពច្រៀងរបស់លោក បឺត សំរេច ពីរោះម្យ៉ាងម្នាក់ពីលោក ស៊ីន សីសាមុត លោក ជុំ កុសល ក៏បានស្នើដល់លោក បឺត សំរេច ខិតខំប្រឹងប្រែងពង្រឹងសមត្ថភាពខ្លួនបន្ថែមទៀត ដើម្បីភាពល្អប្រសើររបស់ខ្លួនឯង៕

The post លោក ជុំ កុសល៖ ករណីលោក បឺត សំរេច មិនគួរស្តីបន្ទោសទេ ព្រោះគាត់ទទួលព័ត៌មានពីម្តាយចិញ្ចឹមប៉ុណ្ណោះ appeared first on Kampuchea Thmey Daily.

ជនត្រូវចោទ ឈ្មោះ អឿន ម៉ូលីកា ភេទស្រី អាយុ២៧ ឆ្នាំ មុខរបរ ជាអ្នករកស៊ី មានទីលំនៅផ្ទះលេខ១០ ផ្លូវលេខ បុរីវ៉ារីណា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

តាមប្រភពព័ត៌មានបង្ហើបឲ្យដឹងថា ជនត្រូវចោទឈ្មោះ អឿន ម៉ូលីកា បានជាប់ពាក់ព័ន្ធលើពាក្យបណ្តឹង២ ដែលសុទ្ធតែជាបទល្មើសព្រហ្មទណ្ឌ ចេញសែកស្អុយ ស្មើទឹកប្រាក់ប្រមាណ ៣៦ ៥០០០ ដុល្លារអាមេរិក ។ ពាក្យបណ្តឹងទី១. អឿន ម៉ូលីកា ចេញមូលប្បទានប័តអត់សាច់ប្រាក់ចំនួន ៣០ ម៉ឺនដុល្លារអាមេរិកឲ្យទៅឈ្មោះ សម្ផស្ស សូលីដា អ្នកលេងតុងទីន​ជាមួយគ្នា និងពាក្យបណ្តឹងទី២ អឿន ម៉ូលីកា បានចេញមូលលប្បទានប័តអត់សាច់ប្រាក់ឲ្យទៅឈ្មោះ ទី ចាន់នូ ចំនួន ៦៥ ០០០ ដុល្លារអាមេរិក ក៏ជាអ្នកលេងតុងទីនដែរ ដើម្បីយកទៅទិញរថយន្ត ដោយជនត្រូវចោទបានអះអាងថា ខ្ចីមិនដល់មួយខែទេ និងប្រគល់ប្រាក់សងវិញគ្រប់ចំនួន ទីបំផុតចេញសែកស្អុយមួយសន្លឹក ។

គួរបញ្ជាក់ផងដែរ កាលពីវេលាម៉ោង១៥និង២៥នាទីថ្ងៃទី១៤ ខែធ្នូ ឆ្នាំ២០២២ កម្លាំងសមត្ថកិច្ចបានចុះធ្វើការឃាត់ខ្លួននាង អឿន ម៉ូលីកា តាមដីកាបញ្ជាឱ្យចូលខ្លួនរបស់លោក ច្រឹង ខ្មៅ ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ លេខ៥៦៣ អ.យ.ក ចុះថ្ងៃទី១២ ខែធ្នូ ឆ្នាំ២០២២ ពាក់ព័ន្ធករណីមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ប្រព្រឹត្តនៅរាជធានីភ្នំពេញកន្លងមក ។ ជនត្រូវចោទ ត្រូវបានបញ្ជូនទៅឃុំខ្លួននៅពន្ធនាគារព្រៃស ជាបណ្តោះអាសន្ន៕

The post តុលាការសម្រេចឃុំខ្លួន អឿន ម៉ូលីកា ពីបទរំលោភលើទំនុកចិត្ត appeared first on Kampuchea Thmey Daily.

តាមការអះអាងពីបងប្រុស គង់ សុចាន់បាននិយាយថា ជាយូរមកហើយដែលបងប្អូនប្រជាពលរដ្ឋរស់នៅក្នុងឃុំក្រាំងអំពិល ស្រុកសំរោងទងនាំគ្នាចិញ្ចឹមសត្វគោទុកលក់ព្រោះបានថ្លៃហើយក៏លើកស្ទួយជីវភាពគ្រួសារនិមួយៗរហូតបានលុយទិញឡានជិះធ្វើផ្ទះថ្មរ ហើយចំណាយថវិកាឲ្យកូនចៅបានរៀនសូត្រខ្ពង់ខ្ពស់ដោយសារអាជីពនេះ។

បុរសរូបនេះបានបញ្ជាក់ចំពោះចំណីសម្រាប់ឲ្យសត្វគោរបស់ពួកគាត់គឺពេលព្រឹកព្រលឹមដេញឲ្យទៅសុីស្មៅលើភ្នំក្បែភូមិរបស់ពួកគាត់ស្នាក់នៅចាប់ពីព្រឹកដល់រសៀលទើបដេញចូលក្រោលវិញ។

តាមប្រភពពីបងប្រុស សុន ឆេន វិញបានបញ្ជាក់ថាស្រុកភូមិរបស់ពួកគាត់គ្មានអំពើចោរកម្មដូចស្រុកគេដ៏ទៃឡើយហើយបើសិនជាមានក៏រត់មិនរួចពីកណ្តាប់ដៃប្រជាពលរដ្ឋឡើយ។ ចំណែកសត្វគោដែលបងប្អូនប្រជាពលរដ្ឋក្នុងឃុំក្រាំងអំបិលចិញ្ចឹមទុកលក់ក្នុងមួយគ្រួសារមិនក្រោម៣០ក្បាល។

មួយក្បាលៗមានតម្លៃចាប់ពី៧លានរៀលរហូតដល់១០លានរៀលឯណោះ។ ក្នុងនោះបងប្អូនប្រជាពលរដ្ឋលោកសូមគាំទ្រនូវទីផ្សារលក់និងទិញសត្វគោនាពេលបច្ចុប្បន្នមានតម្លៃខ្ពស់ដែលធ្វើឲ្យប្រជាពលរដ្ឋត្រូវការលក់ចេញយកលុយមកធ្វើផ្ទះថ្មរទ្រនុំខ្ពស់និងសល់លុយទិញឡានជិះដោយពុំចាំបាច់ខ្ចីបុលពីធនាគារឡើយ៕

អត្ថបទ៖ នរា

The post ប្រជាពលរដ្ឋឃុំក្រាំងអំពិល​ចាប់យករបរចិញ្ចឹមគោ​ដើម្បីលើកស្ទួយជីវភាព appeared first on Kampuchea Thmey Daily.

យ៉ាងណាមិញថ្វីត្បិតតែពេលនេះតារាចម្រៀងរូបសង្ហាដួង វីរ:សិទ្ធបានចាកចេញពីប្រទេសកំណើតទៅដល់ទឹកដីប្រទេសសម្បូរដុល្លារសហរដ្ឋអាមេរិកហើយក៏ពិតមែនប៉ុន្តែសម្រាប់ទឹកចិត្តរបស់តារាប្រុសរូបនេះនៅតែបង្ហាញក្តីនឹករឭកចំពោះអ្នកគាំទ្រ និងស្រុកខ្មែរជានិច្ច។

ជាក់ស្តែងផ្អែកតាមបង្ហាញសារចេញពីទឹកដីសហរដ្ឋអាមេរិកលោក ដួង វីរ:សិទ្ធ បានបញ្ជាក់​ថាលោកពិតជាមានក្តីនឹករឭកខ្លាំងមកដល់ប្រទេសកម្ពុជា។

នៅក្នុងខ្លឹមសារខ្លីមួយឃ្លាដែលតារាប្រុសលោក ដួង វីរ:សិទ្ធ ថ្លែងចេញពីទឹកដីអាមេរិកបានលើកឡើងថា សួស្ដី!កម្ពុជា ខ្ញុំ នឹកអ្នកណាស់ នឹកតន្ត្រី (concert) ដែលធ្លាប់ច្រៀង នឹកសំឡេងអ្នកគាំទ្រពីមុខឆាកតន្ត្រី។

តាមរយ:អត្ថន័យរបស់លោក ដួង វីរ:សិទ្ធ នេះបានធ្វើឲ្យអ្នកគាំទ្រលោកនៅកម្ពុជាកាន់តែបង្ហាញការនឹករឭកខ្លាំងដល់រូបលោកដូចៗគ្នា។

សូមបញ្ជាក់ថា តារាចម្រៀងសំនៀងស្រទន់លោក ដួង វីរ:សិទ្ធ បានឡើងយន្តហោះចាកចេញពីប្រទេ សកម្ពុជាទៅទឹកដីសហរដ្ឋអាមេរិកកាលពីថ្ងៃទី ១៣ ខែវិច្ឆិកាឆ្នាំ២០២២ដើម្បីច្រៀងប្រមូលថវិកាជួយដល់អង្គការ Cambodian Health Professio nals Association of Americaដែលជាអង្គការតែងតែចុះមកជួយព្យាបាលជំងឺប្រជាពលរដ្ឋខ្មែរដែលមានជីវភាពខ្វះខាតជារៀងរាល់ឆ្នាំ៕

អត្ថបទ៖ ចាន់រ៉ា

The post ដួង វីរ:សិទ្ធ ពោលនឹកកម្ពុជា និងអ្នកគាំទ្រក្រោយទៅដល់អាមេរិកប៉ុន្មានថ្ងៃ appeared first on Kampuchea Thmey Daily.

តាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុវេលាព្រឹកលោកនាយកសាលាបានប្រើក្មេងប្រុសម្នាក់រៀនថ្នាក់ទី៦ ឲ្យកាន់ម៉ូទ័រកាត់ស្មៅ ដើម្បីសម្អាតទីធ្លាសាលារៀនទាំងដែលក្មេងប្រុសនោះគ្មានជំនាញ និងតួនាទីក្នុងសាលានោះទេ ពេលកំពុងកាត់ស្មៅគាប់ជូនក្មេងស្រីឈ្មោះ យ៉ុន លក្ខិណា រៀនថ្នាក់ទី៤ (ខ) ដើរទៅជិតក៏ខ្ទាតដុំថ្មត្រូវភ្នែកខាងឆ្វេងបណ្តាលឲ្យរងរបួសធ្ងន់ ហើយមកដល់ថ្ងៃទី១៨ ខែវិច្ឆិកា ឆ្នាំ២០២២នេះ ភ្នែករបស់គាត់បានខូចទាំងស្រុង ដោយមិនអាចព្យាបាលបាន។

ក្រោយរបួសត្រូវភ្នែកភ្លាមៗ គឺឪពុកម្តាយក្មេងស្រីដែលមានជីវភាពក្រីក្រផងនោះ ត្រូវបង្ខំចិត្តយកកូនទៅព្យាបាល ដោយមិនបានទទួលថវិកាសម្រាប់សង្គ្រោះពីគណៈគ្រប់គ្រងសាលានោះទេ ទាំងដែលករណីនេះគឺជាការទទួលខុសត្រូវមួយ​ភាគធំរបស់លោកនាយកសាលា។ ហើយអ្វីដែលហួសថ្លែងនោះគឺថា គ្មានកំណត់ហេតុលើករណីនេះទេ គឺនិយាយគ្នាតែពាក្យសម្តីរវាងនាយកសាលា និងឪពុកម្តាយក្មេងស្រីរងគ្រោះប៉ុណ្ណោះ។

លោក មុឹង សុប៊ុនណានាយកសាលាបឋមសិក្សាព្រៃល្វាបានទទួលស្គាល់ថា ពិតជាមានករណីដែលកើតឡើងជាយថាហេតុលើក្មេងស្រីរងគ្រោះខាងលើប្រាកដមែន។

ដោយឡែកលោក អែម អន ប្រធានការិយល័យអប់រំស្រុកព្រៃកប្បាសវិញបានបកស្រាយថា រឿងនេះដោះស្រាយរួចរាល់ហើយដោយឪពុកម្ដាយសិស្សមិនបានប្តឹងទេដោយពួកគាត់ទទួលយកតាមការសម្របសម្រួលពីសំណាក់លោកនាយកសាលា។

ចំណែកលោក ឡេង ប៊ុនឡុង អធិការនគរបាលស្រុកព្រៃកប្បាស់បានឲ្យដឹងថា លោកអត់ទទួលបានព័ត៌មានខាងលើនេះទេ ព្រោះគ្មានពាក្យបណ្តឹងពីអាណាព្យាបាល។ លោកអធិការបញ្ជាក់ថា បើមានពាក្យបណ្តឹងលោកនិងបើកការស្រាវជ្រាវ។

ក្រោយដឹងថា ក្មេងស្រីរងគ្រោះពិកាភ្នែកម្ខាងទាំងស្រុង នៅថ្ងៃទី១៧ ខែវិច្ឆិកា ឆ្នាំ២០២២ គណៈកម្មាធិការ ស.ស.យ.កស្រុកព្រៃកប្បាសបានចូលរួមជាមួយរដ្ឋបាលស្រុកព្រៃកប្បាស លោកប្រធានក្រុមប្រឹក្សាឃុំព្រៃល្វា លោកប្រធានការិយាល័យអប់រំ យុវជន និងកីឡាស្រុក លោកនាយក លោកគ្រូ អ្នកគ្រូ បានទៅចូលរួមសួរសុខទុក្ខ និងបាននាំយកថវិកាឧបត្ថម្ភសរុបចំនួន ១ លាន ១ សែនរៀល (១, ១០០,០០០) និងគ្រឿងឧបភោគបរិភោគមួយចំនួនជូនគ្រួសារក្មេងស្រីរងគ្រោះ៕

អត្ថបទ៖ វីរៈ

The post ​សិស្សសាលាបឋមព្រៃល្វារងរបួសរហូតពិកាភ្នែក ដោយសារការធ្វេសប្រហែសរបស់នាយកសាលា appeared first on Kampuchea Thmey Daily.

រដ្ឋបាលរាជធានីភ្នំពេញប្រកាសថា «ក្រសួងអប់រំ យុវជន និងកីឡា សហការជាមួយគណៈកម្មាធិការជាតិអូឡាំពិកកម្ពុជា គណៈកម្មាធិការជាតិប៉ារ៉ាឡាំពិកកម្ពុជា សហព័ន្ធកីឡាជាតិ និងស្ថាប័នពាក់ព័ន្ធ នឹងរៀបចំពិធីបើកការប្រកួតកីឡាជាតិលើកទី៣ នាថ្ងៃទី២១ ខែវិច្ឆិកា ឆ្នាំ២០២២ និងពិធីបិទនាថ្ងៃទី៣០ ខែវិច្ឆិកា ឆ្នាំ​២០២២ នៅពហុកីឡដ្ឋានជាតិមរតកតេជោដែលស្ថិតនៅភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ក្រោមអធិបតីភាព ដ៏ខ្ពង់ខ្ពស់ សម្ដេចអគ្គបហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន»។

ការអុជកាំជ្រួចនាថ្ងៃទី២១ និងថ្ងៃទី៣០ ខែវិច្ឆិកា ឆ្នាំ២០២២ វេលាម៉ោង ១៩:០០នាទី នៅពហុកីឡដ្ឋានជាតិ មរតកតេជោ៕

អត្ថបទ៖ ស្រីរ័ត្ន

The post ប្រកួតកីឡាជាតិលើកទី៣ នឹងមានការអុចកាំជ្រួចនៅពហុកីឡដ្ឋានជាតិមរតកតេជោ appeared first on Kampuchea Thmey Daily.

លោកអភិបាលខណ្ឌក៏ពាវនាវដល់ម្ចាស់អាជីវកម្មកុំធ្វើអ្វីប៉ះពាល់ដល់អ្នកជិតខាង រំខានដល់ការរស់នៅរបស់អ្នកជិតខាង ដូចជាការបង្កសំឡេងឮខ្លាំងៗ ឬការបង្កក្លិនស្អុយ។

គោលការផេ្សងទៀតដូជា ម្ចាស់អាជីវកម្ម មិនត្រូវទិញគ្រឿងយុទ្ធភ័ណ្ឌមិនទាន់ផ្ទុះគ្រប់ប្រភេទ ប៉ុន្តែត្រូវរាយការណ៍​មកអាជ្ញាធរមូលដ្ឋាន ដើម្បីប្រគល់ជូនសុីម៉ាក់។ ហើយរាល់ការដឹកជញ្ជូនមិនត្រូវដឹកសំពីងសំពោងឡើយ។ ចំពោះអ្នកបើកបរត្រូវមានប័ណ្ណបើកបរត្រឹមត្រូវ បើកបរដោយមានសីលធម៌។

លោកអភិបាលខណ្ឌបានបញ្ជាក់ថា ម្ចាស់អាជីវកម្មត្រូវអប់រំណែនាំបុគ្គលិក និងកម្មកររបស់ខ្លួន មិនឲ្យមានជាប់ពាក់ព័ន្ធជាមួយគ្រឿងញៀនឡើយ និងមិនឲ្យប្រព្រឹត្តល្បែងសុីសងគ្រប់ប្រភេទ។

ចំពោះមូលដ្ឋានអាជីវកម្ម ដែលពុំទាន់មានលិខិតអនុញ្ញាត ត្រូវស្នើសុំលិខិតអនុញ្ញាតប្រកបអាជីវកម្មឲ្យស្របតាមច្បាប់និងលិខិតបទដ្ឋានគតិយុត្តដែលមានជាធរមាន។

រដ្ឋបាលខណ្ឌទុករយៈពេល១០ថ្ងៃ គិតចាប់ពីថ្ងៃប្រជុំណែនាំនេះតទៅដើម្បីឲ្យបងប្អូន​ម្ចាស់អាជីវកម្ម ដាក់ពាក្យស្នើសុំលិខិតអនុញ្ញាតប្រកបអាជីវកម្ម៕

អត្ថបទ៖ នរា

The post អាជ្ញាធរខណ្ឌច្បារអំពៅ​ណែនាំម្ចាស់​អាជីវកម្មទិញ-លក់អេតចាយគ្រប់ប្រភេទឲ្យមានសណ្ដាប់ធ្នាប់ appeared first on Kampuchea Thmey Daily.

ការតភ្ជាប់បំពង់ទឹកថ្មីនេះ តម្រូវឲ្យរដ្ឋាករទឹកស្វយ័តក្រុងភ្នំពេញផ្អាកការផ្គត់ផ្គង់ទឹកមួយរយៈពេលខ្លីប្រមាណជា ៤ ម៉ោងចាប់ពីម៉ោង ២០ ដល់ម៉ោង ២៤ យប់ថ្ងៃទី ១៨ ខែវិច្ឆិកានេះ ដែលនឹងធ្វើឲ្យគុណភាពទឹកមានភាពល្អក់កករក្នុងរយៈពេលខ្លីក្រោយពេលកាត់ភ្ជាប់បំពង់ទឹកថ្មីរួច៕

The post រដ្ឋាករទឹកតភ្ជាប់បំពង់ទឹកថ្មីផ្អាកការផ្គត់ផ្គង់ទឹកនៅសង្កាត់២ ក្នុងខណ្ឌច្បារអំពៅ appeared first on Kampuchea Thmey Daily.