ដួង វីរ:សិទ្ធ ពោលនឹកកម្ពុជា និងអ្នកគាំទ្រក្រោយទៅដល់អាមេរិកប៉ុន្មានថ្ងៃ

ទស្សនិកជនរួមទាំងអ្នកគាំទ្រពិតជាបានដឹងហើយថា តារាចម្រៀងវ័យក្មេងសំឡេងផ្អែមលោក ដួងវីរៈ សិទ្ធបច្ចុប្បន្នគឺមិនត្រឹមតែមានទេពកោសល្យ ក្នុងការច្រៀងយ៉ាងពិរោះនោះទេតែក៏មានទេពកោសល្យក្នុងការនិពន្ធទំនុកច្រៀង, ទំនុកភ្លេង និងលេងឧបករណ៍តន្ត្រីសម័យ និងបុរាណទៀតផង។

យ៉ាងណាមិញថ្វីត្បិតតែពេលនេះតារាចម្រៀងរូបសង្ហាដួង វីរ:សិទ្ធបានចាកចេញពីប្រទេសកំណើតទៅដល់ទឹកដីប្រទេសសម្បូរដុល្លារសហរដ្ឋអាមេរិកហើយក៏ពិតមែនប៉ុន្តែសម្រាប់ទឹកចិត្តរបស់តារាប្រុសរូបនេះនៅតែបង្ហាញក្តីនឹករឭកចំពោះអ្នកគាំទ្រ និងស្រុកខ្មែរជានិច្ច។

ជាក់ស្តែងផ្អែកតាមបង្ហាញសារចេញពីទឹកដីសហរដ្ឋអាមេរិកលោក ដួង វីរ:សិទ្ធ បានបញ្ជាក់​ថាលោកពិតជាមានក្តីនឹករឭកខ្លាំងមកដល់ប្រទេសកម្ពុជា។

នៅក្នុងខ្លឹមសារខ្លីមួយឃ្លាដែលតារាប្រុសលោក ដួង វីរ:សិទ្ធ ថ្លែងចេញពីទឹកដីអាមេរិកបានលើកឡើងថា សួស្ដី!កម្ពុជា ខ្ញុំ នឹកអ្នកណាស់ នឹកតន្ត្រី (concert) ដែលធ្លាប់ច្រៀង នឹកសំឡេងអ្នកគាំទ្រពីមុខឆាកតន្ត្រី។

តាមរយ:អត្ថន័យរបស់លោក ដួង វីរ:សិទ្ធ នេះបានធ្វើឲ្យអ្នកគាំទ្រលោកនៅកម្ពុជាកាន់តែបង្ហាញការនឹករឭកខ្លាំងដល់រូបលោកដូចៗគ្នា។

សូមបញ្ជាក់ថា តារាចម្រៀងសំនៀងស្រទន់លោក ដួង វីរ:សិទ្ធ បានឡើងយន្តហោះចាកចេញពីប្រទេ សកម្ពុជាទៅទឹកដីសហរដ្ឋអាមេរិកកាលពីថ្ងៃទី ១៣ ខែវិច្ឆិកាឆ្នាំ២០២២ដើម្បីច្រៀងប្រមូលថវិកាជួយដល់អង្គការ Cambodian Health Professio nals Association of Americaដែលជាអង្គការតែងតែចុះមកជួយព្យាបាលជំងឺប្រជាពលរដ្ឋខ្មែរដែលមានជីវភាពខ្វះខាតជារៀងរាល់ឆ្នាំ៕

អត្ថបទ៖ ចាន់រ៉ា