ប្រជាពលរដ្ឋឃុំក្រាំងអំពិល​ចាប់យករបរចិញ្ចឹមគោ​ដើម្បីលើកស្ទួយជីវភាព

ប្រជាពលរដ្ឋរស់នៅឃុំក្រាំងអំពិល ស្រុកសំរោងទង ខេត្តកំពង់ស្ពឺបានចាប់យកអាជីពចិញ្ចឹមសត្វគោដើម្បីលើកស្ទួយជីវភាពប្រចាំគ្រួសាររហូតតកូនតចៅ។

តាមការអះអាងពីបងប្រុស គង់ សុចាន់បាននិយាយថា ជាយូរមកហើយដែលបងប្អូនប្រជាពលរដ្ឋរស់នៅក្នុងឃុំក្រាំងអំពិល ស្រុកសំរោងទងនាំគ្នាចិញ្ចឹមសត្វគោទុកលក់ព្រោះបានថ្លៃហើយក៏លើកស្ទួយជីវភាពគ្រួសារនិមួយៗរហូតបានលុយទិញឡានជិះធ្វើផ្ទះថ្មរ ហើយចំណាយថវិកាឲ្យកូនចៅបានរៀនសូត្រខ្ពង់ខ្ពស់ដោយសារអាជីពនេះ។

បុរសរូបនេះបានបញ្ជាក់ចំពោះចំណីសម្រាប់ឲ្យសត្វគោរបស់ពួកគាត់គឺពេលព្រឹកព្រលឹមដេញឲ្យទៅសុីស្មៅលើភ្នំក្បែភូមិរបស់ពួកគាត់ស្នាក់នៅចាប់ពីព្រឹកដល់រសៀលទើបដេញចូលក្រោលវិញ។

តាមប្រភពពីបងប្រុស សុន ឆេន វិញបានបញ្ជាក់ថាស្រុកភូមិរបស់ពួកគាត់គ្មានអំពើចោរកម្មដូចស្រុកគេដ៏ទៃឡើយហើយបើសិនជាមានក៏រត់មិនរួចពីកណ្តាប់ដៃប្រជាពលរដ្ឋឡើយ។ ចំណែកសត្វគោដែលបងប្អូនប្រជាពលរដ្ឋក្នុងឃុំក្រាំងអំបិលចិញ្ចឹមទុកលក់ក្នុងមួយគ្រួសារមិនក្រោម៣០ក្បាល។

មួយក្បាលៗមានតម្លៃចាប់ពី៧លានរៀលរហូតដល់១០លានរៀលឯណោះ។ ក្នុងនោះបងប្អូនប្រជាពលរដ្ឋលោកសូមគាំទ្រនូវទីផ្សារលក់និងទិញសត្វគោនាពេលបច្ចុប្បន្នមានតម្លៃខ្ពស់ដែលធ្វើឲ្យប្រជាពលរដ្ឋត្រូវការលក់ចេញយកលុយមកធ្វើផ្ទះថ្មរទ្រនុំខ្ពស់និងសល់លុយទិញឡានជិះដោយពុំចាំបាច់ខ្ចីបុលពីធនាគារឡើយ៕

អត្ថបទ៖ នរា