នៅក្នុងវីដេអូមួយនោះ Lee Jang Woo បាននិយាយថា “ពួកយើងបានទាក់ទងគ្នាអស់រយៈពេល ៦ ឆ្នាំមកហើយ។ អ្វីដែលគួរឲ្យភ្ញាក់ផ្អើលនោះគឺថាថាមពលរបស់ខ្ញុំពិតជាប្រសើរឡើងចាប់តាំងពីយើងចាប់ផ្តើមណាត់ជួប” គាត់បានសារភាពថា ពិតជាចង់បង្កើតគ្រួសារ និងចង់រៀបការបំផុត។ លោក​បាន​បង្ហើប​បន្ថែម​ពី​ក្តី​ប្រាថ្នា​ចង់​បាន​គ្រួសារ​ធំ​មួយ ដោយ​បញ្ជាក់​ថា «​ខ្ញុំ​គិត​ថា​រៀបការ​ ហើយ​មាន​កូន​ច្រើន​គឺ​សមរម្យ​ជាង​»​។

ការលាតត្រដាងនេះកើតឡើងបន្ទាប់ពី Lee Jang Woo បានប្រាប់ពីអាពាហ៍ពិពាហ៍ក្នុងអំឡុងកម្មវិធី ‘2023 MBC Entertainment Awards’ កាលពីឆ្នាំមុន ដោយបង្ហាញពីក្តីស្រឡាញ់របស់គាត់ចំពោះ Jo Hye Won និងបានលើកឡើងពីលទ្ធភាពនៃការពន្យារពេលអាពាហ៍ពិពាហ៍ដោយសារតែការងាររវល់របស់នាង។ ពិភាក្សាលើប្រធានបទនេះបន្ថែមទៀត Lee Jang Woo បានចែករំលែកការយល់ដឹងពីឪពុករបស់គាត់ ដែលបានសង្កត់ធ្ងន់លើសារៈសំខាន់នៃអាពាហ៍ពិពាហ៍ និងសុភមង្គល ដោយជំរុញឲ្យគាត់មិនស្ទាក់ស្ទើរ។

ការ​រំពឹង​ទុក​អំពី​អាពាហ៍​ពិពាហ៍​របស់​ពួក​គេ​ ត្រូវ​បាន​ផ្សព្វផ្សាយ​តាំង​ពី​ដើម​ឆ្នាំមកម៉្លេះ។ Lee Jang Woo និង Jo Hye Won ដែលបានជួបគ្នាក្នុងឈុតរឿង ‘My Only One’ របស់ KBS2 បានបើកចំហរអំពីទំនាក់ទំនងរបស់ពួកគេចាប់តាំងពីការបញ្ជាក់វាកាលពីខែមិថុនាឆ្នាំមុន។ គូស្នេហ៍​មួយគូ​នេះ​បាន​ចែករំលែក​ពេលវេលា​ជាមួយគ្នា​នៅលើ​វេទិកា​ផ្សេងៗ ចាប់ពី​ប៉ុស្តិ៍ YouTube រហូតដល់​កីឡដ្ឋាន​កីឡា​បេស្បល ដោយ​បង្ហាញ​ពី​ក្តី​ស្រឡាញ់​ចំពោះ​គ្នា​ទៅវិញទៅមក​។

ទោះយ៉ាងណាក៏ដោយ Lee Jang Woo បានបង្ហាញពីបំណងប្រាថ្នារបស់គាត់ក្នុងការបង្កើតគ្រួសារមួយ គាត់ក៏ជួបប្រទះនឹងភាពលំបាកនៃតុល្យភាពជីវិតផ្ទាល់ខ្លួនជាមួយនឹងអាជីពរបស់គាត់។ ថ្វីបើមានចិត្តចង់ដោះស្រាយក៏ដោយ ក៏គាត់នៅតែប្តេជ្ញាចិត្តចំពោះការងាររបស់គាត់ ដោយឆ្លុះបញ្ចាំងពីអាទិភាពរបស់គាត់ក្នុងអំឡុងសន្និសីទសារព័ត៌មានរំលឹកខួបលើកទី ១០ នៃកម្មវិធី ‘I Live Alone’ របស់ MBC ៕

អត្ថបទ៖ សាង ស្រីល័ក្ខ

ចុចអាន៖តួ ចាំងគីម ថា រាល់ល្ងាចញ៉ាំតែទំពាំងបាយជូរ ដើម្បីរក្សារាងស្វែល ទោះស្ថិតក្នុងវ័យ ៥៣ ឆ្នាំ

The post Lee Jang Woo បង្ហើបគម្រោងចង់រៀប​ការ​ជាមួយ Jo Hye Won ក្រោយ​ទាក់ទង​គ្នា​ ៦ ឆ្នាំ appeared first on Kampuchea Thmey Daily.

Lee Jang Woo ទទួលបានការចាប់អារម្មណ៍ជាពិសេស ចំពោះការឡើងទម្ងន់របស់គាត់ពីអ្នកទស្សនានូវឃ្លិបហើយ ជាប្រធានបទដែលបង្កឲ្យមានការសន្ទនា ជាពិសេសចាប់តាំងពីគាត់ត្រូវបានគេកោតសរសើរយ៉ាងខ្លាំងចំពោះតួនាទីដ៏សំខាន់មួយនៅក្នុងរឿងភាគល្បីៗជាច្រើន។ ជាពិសេស Lee Jang Woo មានភាពល្បីល្បាញដោយសាររូបរាងសង្ហា ដែលទទួលបានការសាទរយ៉ាងខ្លាំងនាពេលនោះ។

ទោះយ៉ាងណាក៏ដោយ​​ បន្ទាប់ពីការបង្ហាញខ្លួនចុងក្រោយ Lee Jang Woo មានការចាប់អារម្មណ៍ជាថ្មីលើស្នាដៃមុនរបស់គាត់ ក្នុងអំឡុងពេលដែលមនុស្សជាច្រើនចាត់ទុកថា ជាតារាប្រុសកំពូលនៃអាជីពរបស់គាត់។ អ្នកលេងអ៊ីនធឺណិតបាននឹងកំពុងទស្សនាការសម្តែងកាលពីអតីតកាលទាំងនេះឡើងវិញ ដោយឆ្លុះបញ្ចាំងពីភាពផ្ទុយគ្នា ជាមួយនឹងរូបរាងបច្ចុប្បន្ន។

កាលណោះ តារាសម្ដែងរូបនេះ បានទាក់ទាញការចាប់អារម្មណ៍ពីអ្នកទស្សនានៅក្នុងរឿង ‘Smile Again’ ឆ្នាំ ២០១០​ ជាមួយតារាសម្តែង Ji Chang Wook ។ បន្ទាប់ពីនោះមក គាត់ទទួលបានភាពល្បីល្បាញជាមួយនឹងការបង្ហាញខ្លួនក្នុងរឿងភាគដូចជា ‘Ohjaryongi Ganda,’ ‘Rosy Lovers’, ‘My Only One’, ‘Homemade Love Story’ និងរឿងជាច្រើនទៀត។​ជាពិសេស គាត់ទទួលបានងារជា “The Prince of Weekend Dramas” ជាមួយនឹងតួនាទីរបស់គាត់ក្នុងរឿង “My Only One” ខណៈដែលរឿងមួយនេះទទួលបានអត្រាអ្នកទស្សនាចំនួន ៤៩.៤%។

ក្រោយៗមកទៀត លោក​បាន​បន្ត​ទទួល​បាន​ការ​ស្រលាញ់​ជា​ច្រើន​ បន្ទាប់​ពី​បាន​ចូល​រួម​ក្នុងស៊េរី ‘I Live Alone’។ ថ្វីត្បិតតែឡើងទម្ងន់ក៏ដោយ អ្នកលេងអ៊ីនធឺណេត និងមហាជននៅតែបន្តគាំទ្រតារារូបនេះ ហើយបានបញ្ចេញមតិថា ពេលនេះគាត់នៅតែមុខសង្ហាដដែល ហើយគាត់សង្ហានៅក្នុងវ័យរបស់គាត់ គឺសង្ហាមិនចាញ់គ្នាប៉ុន្មានទេ៕

អត្ថបទ៖ សាង ស្រីល័ក្ខ

ចុចអាន៖​Sorn អតីតក្រុម CLC ធ្លាប់ត្រូវភ្នាក់ងារ​កូរ៉េ គំរាម​កំហែងនិង​បង្ខំ​​ឲ្យ​ចុះ​កុងត្រា​ដូចទាសករ

The post រូបរាង Lee Jang Woo ធ្វើឲ្យផ្ទុះការចាប់អារម្មណ៍ រហូតទស្សនិកជនប្រៀបធៀបសម្រស់ពីមុន appeared first on Kampuchea Thmey Daily.