តួ ចាំងគីម ថា រាល់ល្ងាចញ៉ាំតែទំពាំងបាយជូរ ដើម្បីរក្សារាងស្វែល ទោះស្ថិតក្នុងវ័យ ៥៣ ឆ្នាំ

តារាសម្តែងកូរ៉េ Lee Young Ae ដែលត្រូវបានគេស្គាល់ថាជាតួ Seo Jang Geum ឬចាំងគីម នៅក្នុងរឿងភាគបុរាណឆ្នាំ ២០០៣ Jewel In The Palace ថ្វីបើមានអាយុ៥៣ឆ្នាំហើយក្ដី ប៉ុន្តែនៅតែបន្តទាក់ទាញមនុស្សជាច្រើនជាមួយនឹងរូបរាងដ៏ក្មេងខ្ចី និងរាងស្លីមស្អាត។

តារា​រូប​នេះ​បាន​រៀបការ​ជាមួយ​អ្នក​ជំនួញ​ជនជាតិ​អាមេរិកាំង Jeong Ho Young ក្នុង​ឆ្នាំ ២០០៩ ហើយ​បាន​ស្វាគមន៍​កូន​ភ្លោះ​ប្រុស​ស្រី​មួយ​គូ​ក្នុង​ឆ្នាំ ២០១១។ ថ្មីៗនេះ Young Ae បានបង្ហាញខ្លួននៅក្នុងកម្មវិធីជជែករបស់ Carol Cheng ដែលមានឈ្មោះថា The Do Show ដែលជាកន្លែងដែលនាងត្រូវបានគេសួរអំពីអាថ៌កំបាំងនៃរូបរាងវ័យក្មេងជារៀងរហូតរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលនោះពិធីករបានចោតសួរទៅកាន់រូបនាងថា “មានពាក្យចចាមអារ៉ាមថា នៅពេលអ្នកតមអាហារ អ្នកផឹកទឹក ១០ កែវក្នុងមួយថ្ងៃ ហើយញ៉ាំតែទំពាំងបាយជូរសម្រាប់អាហារពេលល្ងាច។ តើពិតឬ? ​

Young Ae ញញឹម​​ ហើយបាន​ឆ្លើយ​ថា «នោះ​មិន​ដូច្នោះពេក​ទេ! ជា​យូរ​មក​ហើយ​កាល​ខ្ញុំ​នៅ​ក្មេង នោះជា​​​ជា​វិធីដែលខ្ញុំប្រើសម្រាប់តមអាហារ​។ ប៉ុន្តែមកដល់ពេលនេះ វាជារឿងសំខាន់ក្នុងការញ៉ាំអាហារល្អ ហាត់ប្រាណ ប្រើផលិតផលថែរក្សាស្បែកល្អ និងគ្រប់គ្រងកម្រិតស្ត្រេសរបស់មនុស្សម្នាក់ផងដែរ។ នោះ​ជា​រឿង​សំខាន់​បំផុត»។

លើសពីនេះតឿតដែរ នាងក៏បានរៀបរាប់ផងដែរថា កូនស្រីរបស់នាងដែលមានអាយុ ១៣ ឆ្នាំឆ្នាំនេះ គឺជាអ្នកគាំទ្រដ៏ធំរបស់ក្រុមចម្រៀងបុរស K-pop Tomorrow X Together (TXT) ហើយបានបង្ហាញចំណាប់អារម្មណ៍ក្នុងការចូលរួមកម្មវិធី showbiz ។ Young Ae ជឿ​ថា​​កូន​ស្រី​គួរ​ផ្តល់​អាទិភាព​លើ​ការ​សិក្សា​មុន​នឹង​សម្រេច​ចិត្ត​ថា​នាង​ពិត​ជា​ចង់​ក្លាយ​ជា​អ្នក​សិល្បៈ​ដូចម្ដាយឬយ៉ាងណានោះទេ៕

អត្ថបទ៖ សាង ស្រីល័ក្ខ

ចុចអាន៖ខ្សែភាពយន្តកូរ៉េ “The Roundup Punishment” ឆ្ពោះទៅរកភាពជោគជ័យ ឈានដល់បំបែកកំណត់ត្រា