Connect with us

ជីវិតកម្សាន្ដ

រូបរាង Lee Jang Woo ធ្វើឲ្យផ្ទុះការចាប់អារម្មណ៍ រហូតទស្សនិកជនប្រៀបធៀបសម្រស់ពីមុន

បានផុស

នៅ

នៅក្នុងវគ្គចុងក្រោយនៃស៊េរី ‘I Live Alone’ ដែលចាក់ផ្សាយនៅថ្ងៃទី២៦ ខែមករា អ្នកទស្សនាមានការភ្ញាក់ផ្អើលចំពោះការផ្លាស់ប្តូររូបរាងរបស់ Lee Jang Woo ក្នុងវគ្គនេះតារាសម្ដែងប្រុស ត្រូវបានគេឃើញទៅលេងផ្ទះ Kim Dae Ho ហើយបង្ហាញអាវក្រៅពណ៌បៃតងដែលគាត់បានពាក់តាំងពីគាត់មានអាយុ ២០ ឆ្នាំ។

Lee Jang Woo ទទួលបានការចាប់អារម្មណ៍ជាពិសេស ចំពោះការឡើងទម្ងន់របស់គាត់ពីអ្នកទស្សនានូវឃ្លិបហើយ ជាប្រធានបទដែលបង្កឲ្យមានការសន្ទនា ជាពិសេសចាប់តាំងពីគាត់ត្រូវបានគេកោតសរសើរយ៉ាងខ្លាំងចំពោះតួនាទីដ៏សំខាន់មួយនៅក្នុងរឿងភាគល្បីៗជាច្រើន។ ជាពិសេស Lee Jang Woo មានភាពល្បីល្បាញដោយសាររូបរាងសង្ហា ដែលទទួលបានការសាទរយ៉ាងខ្លាំងនាពេលនោះ។

ទោះយ៉ាងណាក៏ដោយ​​ បន្ទាប់ពីការបង្ហាញខ្លួនចុងក្រោយ Lee Jang Woo មានការចាប់អារម្មណ៍ជាថ្មីលើស្នាដៃមុនរបស់គាត់ ក្នុងអំឡុងពេលដែលមនុស្សជាច្រើនចាត់ទុកថា ជាតារាប្រុសកំពូលនៃអាជីពរបស់គាត់។ អ្នកលេងអ៊ីនធឺណិតបាននឹងកំពុងទស្សនាការសម្តែងកាលពីអតីតកាលទាំងនេះឡើងវិញ ដោយឆ្លុះបញ្ចាំងពីភាពផ្ទុយគ្នា ជាមួយនឹងរូបរាងបច្ចុប្បន្ន។

កាលណោះ តារាសម្ដែងរូបនេះ បានទាក់ទាញការចាប់អារម្មណ៍ពីអ្នកទស្សនានៅក្នុងរឿង ‘Smile Again’ ឆ្នាំ ២០១០​ ជាមួយតារាសម្តែង Ji Chang Wook ។ បន្ទាប់ពីនោះមក គាត់ទទួលបានភាពល្បីល្បាញជាមួយនឹងការបង្ហាញខ្លួនក្នុងរឿងភាគដូចជា ‘Ohjaryongi Ganda,’ ‘Rosy Lovers’, ‘My Only One’, ‘Homemade Love Story’ និងរឿងជាច្រើនទៀត។​ជាពិសេស គាត់ទទួលបានងារជា “The Prince of Weekend Dramas” ជាមួយនឹងតួនាទីរបស់គាត់ក្នុងរឿង “My Only One” ខណៈដែលរឿងមួយនេះទទួលបានអត្រាអ្នកទស្សនាចំនួន ៤៩.៤%។

ក្រោយៗមកទៀត លោក​បាន​បន្ត​ទទួល​បាន​ការ​ស្រលាញ់​ជា​ច្រើន​ បន្ទាប់​ពី​បាន​ចូល​រួម​ក្នុងស៊េរី ‘I Live Alone’។ ថ្វីត្បិតតែឡើងទម្ងន់ក៏ដោយ អ្នកលេងអ៊ីនធឺណេត និងមហាជននៅតែបន្តគាំទ្រតារារូបនេះ ហើយបានបញ្ចេញមតិថា ពេលនេះគាត់នៅតែមុខសង្ហាដដែល ហើយគាត់សង្ហានៅក្នុងវ័យរបស់គាត់ គឺសង្ហាមិនចាញ់គ្នាប៉ុន្មានទេ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖​Sorn អតីតក្រុម CLC ធ្លាប់ត្រូវភ្នាក់ងារ​កូរ៉េ គំរាម​កំហែងនិង​បង្ខំ​​ឲ្យ​ចុះ​កុងត្រា​ដូចទាសករ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

រដ្ឋបាលខេត្ដសៀមរាប នឹងស្នើទៅរដ្ឋាភិបាលបន្តឧបត្ថម្ភប្រាក់ដល់ពលរដ្ឋរស់នៅក្រុងរុនតាឯក

ព័ត៌មានជាតិ២ ម៉ោង មុន

អគារធំមន្ទីរទេសចរណ៍ខេត្តបាត់ដំបង ជាទីតាំងស្នូលបង្កប់​វប្បធម៌ចម្រុះ​សម័យ​អាណានិគម​បារាំង​

ព័ត៌មានជាតិ២ ម៉ោង មុន

ប.ស.ស កុមារ(អ្នកក្នុងបន្ទុកសមាជិក ប.ស.ស) ទទួលបានអត្ថប្រយោជន៍​ព្យាបាលឥតគិតថ្លៃ នៅគ្រប់មន្ទីរពេទ្យដៃគូ ប.ស.ស ទូទាំងប្រទេស

ជីវិតកម្សាន្ដ២ ម៉ោង មុន

ប្រឡូកសិស្បៈជាង១០ឆ្នាំ ខេម ថាដើរមកដល់ចំណុចនេះ មិនដោយសារការគាំទ្របែបសុីជោរទេ

ជីវិតកម្សាន្ដ២ ម៉ោង មុន

រូបរាង Lee Jang Woo ធ្វើឲ្យផ្ទុះការចាប់អារម្មណ៍ រហូតទស្សនិកជនប្រៀបធៀបសម្រស់ពីមុន

Sokha Hotels

ព័ត៌មានពេញនិយម