នៅក្នុងកម្មវិធីប្រគល់ពានរង្វាន់សិល្បករលើកទី១២ កាលពីថ្ងៃព្រហស្បតិ៍ ទី២០ ខែតុលា ​ឆ្នាំ២០២២ តារាសម្តែងកូរ៉េខាងត្បូង Ma Dong-seok បានប្រកាសជាសាធារណៈថា មិត្តស្រីរបស់លោក Ye Jung-hwa គឺជាភរិយាពេញច្បាប់របស់លោក ក្រោយអ្នកទាំងពីរទាក់ទងគ្នាជាគូសង្សារអស់រយៈពេល ៦ឆ្នាំ។

ការប្រកាសរបស់តារាវ័យ ៥១ឆ្នាំរូបនេះ បានធ្វើឱ្យសាធារណជនភ្ញាក់ផ្អើលយ៉ាងខ្លាំង ព្រោះកន្លងមក លោកមិនធ្លាប់ទម្លាយដំណឹងរៀបអាពាហ៍ពិពាហ៍ម្ដងណាឡើយ។

បន្ទាប់ពីការប្រកាសនេះ ភ្នាក់ងារ Big Punch Entertainment របស់ Dong-seok បានចេញមុខមកបញ្ជាក់ថា តាមពិតអ្នកទាំងពីរបានចុះឈ្មោះសំបុត្រអាពាហ៍ពិពាហ៍រួចហើយ កាលពីឆ្នាំ២០២១ ប៉ុន្តែពិធីមង្គលការតាមបែបប្រពៃណីមិនទាន់បានធ្វើនៅឡើយ ដោយ​សារពួកគេ​មមាញឹក​ពេក។ យ៉ាងណាមិញ ពួកគេបានក្លាយជាប្ដីប្រពន្ធពេញច្បាប់ជាមួយគ្នាហើយ គ្រាន់តែរង់ចាំរៀបចំពិធីតាមទំនៀមទម្លាប់ប៉ុណ្ណោះ៕

ប្រែសម្រួល៖ សន្យា

ចុចអាន៖ ធ្លាយរូបភាព Song Joong Ki កំពុងសាងស្នេហ៍ជាមួយតារាសម្ដែងមួយរូប

ចុចអាន៖ ក្មេងៗសុំខ្មាស តួលោកតា ០០១ ក្នុងរឿង “Squid Games” ក្លាយជាម៉ូដែលឲ្យទស្សនាវដ្ដី ‘Arena Homme Plus’

The post Ma Dong-seok រៀបការមួយឆ្នាំហើយ គ្មានអ្នកដឹងទាល់តែសោះ appeared first on Kampuchea Thmey Daily.