ជីវិតកម្សាន្ដ

ក្មេងៗសុំខ្មាស តួលោកតា ០០១ ក្នុងរឿង “Squid Games” ក្លាយជាម៉ូដែលឲ្យទស្សនាវដ្ដី ‘Arena Homme Plus’

បានផុស

៤ years មុន

នៅ

ថ្ងៃសុក្រ ២១ តុលា ២០២២

ដោយ

តារាសម្ដែងជើងចាស់ Oh Yeong Su ឬតួលោកតា ០០១ ក្នុងរឿង “Squid Games” ត្រូវបានជ្រើសជាម៉ូដែលឲ្យម៉ាកយីហោ ‘Balenciaga’ x ‘Adidas’ សម្រាប់ការផ្សព្វផ្សាយលើទស្សនាវដ្ដី ‘Arena Homme Plus’ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីតារាសម្ដែងជើងចាស់រូបនេះ បានទទួលភាពជោគជ័យឈ្នះពានរង្វាន់ពីរផ្ទួនៗគ្នា ពីឆាកអន្តរជាតិសម្រាប់ការសម្តែងរឿង “Squid Games”កន្លងមក។ នាពេលថ្មីនេះ លោកតា Oh Yeong Su បង្ហាញខ្លួនម្តងទៀតនៅលើទស្សនាវដ្តី ‘Arena Homme Plus’ ដែលជាសហការចុងក្រោយបង្អស់រវាងម៉ាកយីហោ ‘Balen ciaga’ និងម៉ាកយីហោ ‘Adidas’។

ជាមួយគ្នានេះដែរ បណ្ដុំឈុតមួយនេះធ្វើឡើងនឹងបង្កប់អត្ថន័យយ៉ាងពិតប្រាកដនៃភាពទាន់សម័យ និងប្រណិត ជាពិសេសចំពោះការរចនាឈុតខោពណ៌ក្រហម ខ្មៅ ខៀវ តាមបែកប័ទ្មកីឡា ដូចគ្នានឹងសំលៀកបំពាក់ក្នុងស៊េរីរឿង “Squid Game” ផងដែរ។

យ៉ាងណាមិញ តារាសម្តែងជើងចាស់ Oh Young-soo ទទួលបានស្រឡាញ់នៅជុំវិញពិភពលោកតាមរយៈឈ្មោះ “Kanbu Grandpa” ក្នុងរឿង ‘Squid Game’ របស់ Netflix ទើបធ្វើឲ្យគាត់ក្លាយជាតារាសម្ដែងកូរ៉េដំបូងគេដែលឈ្នះពានរង្វាន់ Best Supporting Actor Award ពីកម្មវិធី Golden Globe របស់អាមេរិកក្នុងខែមករា៕