ជីវិតកម្សាន្ដ

ធ្លាយរូបភាព Song Joong Ki កំពុងសាងស្នេហ៍ជាមួយតារាសម្ដែងមួយរូប

បានផុស

៤ years មុន

នៅ

ថ្ងៃចន្ទ ២៤ តុលា ២០២២

ដោយ

ថ្មីៗនេះ អ្នកនិយមលេងអ៊ីនធឺណេតមានការភាន់ច្រឡំ ជាមួយនឹងរូបថត Lovestagram របស់ Song Joong Ki និង Park Bo Young បង្ហោះក្នុងគណនីផ្ទាល់ខ្លួនរបស់ពួកគេ ខណៈមើលទៅអ្នកទាំងពីរដូចកំពុងញ៉ាំអាហារនៅភោជនីយដ្ឋានតែមួយ និងថតរូបជាមួយគ្នាថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយបែកធ្លាយរូបភាពរបស់តារាសម្ដែងទាំងពីររួចមក ភ្លាមៗស្រាប់តែមានពាក្យចចាមអារ៉ាមថា Song Joong Ki កំពុងមានទំនាក់ទំនងស្នេហាជាមួយតារាសម្ដែង Park Bo Young អស់រយៈពេល ៣ ឆ្នាំ បន្ទាប់ពីបែកគ្នាជាមួយអតីតភរិយា Song Hye Kyo ប៉ុន្តែអ្នកគាំទ្របានលុបចោលពាក្យចចាមអារ៉ាមនោះវិញភ្លាមៗដែរ។

ជាមួយគ្នានេះដែរ ពាក្យចចាមអារ៉ាមទាំងនោះបានចង្អុលបង្ហាញថា រូបថតរបស់ Song Joong Ki និង Park Bo Young ត្រូវបានថតនៅពេលខុសគ្នា គ្រាន់តែកន្លែងគឺដូចគ្នាប៉ុណ្តោះ។ បន្ថែមពីនេះ Park Bo Young នៅក្នុងរូបថតរបស់នាងបង្ហាញថា អ្នកទាំងពីរមិនបានអង្គុយនៅតុតែមួយនោះទេ។

គួរបញ្ជាក់ដែរថា Song Joong Ki និង Park Bo Young ត្រូវបានគេដឹងថា ជាមិត្តជិតស្និទ្ធនឹងគ្នា បន្ទាប់ពីបានសម្ដែងក្នុងរឿង “A Werewolf Boy” បន្ទាប់ពី Song Joong Ki តែងបង្ហាញការស្រឡាញ់របស់ខ្លួនយ៉ាងបើកចំហ ចំពោះ Park Bo Young និងថែមទាំងនិយាយទៀតថា “Park Bo Young គឺជារបស់ខ្ញុំ”។ លើសពីនេះដែរ អ្នកគាំទ្រជាច្រើនចង់ឲ្យពួកគេ ក្លាយជាគូស្នេហ៍ពិតប្រាកដជាខ្លាំង។

ទោះបីជាយ៉ាងណាក៏ដោយ អ្នកនិយមលេងអ៊ីនធឺណិតជាច្រើនជឿថា អ្នកទាំងពីរគ្រាន់តែជាមិត្តភក្តិនិងមិត្តរួមអាជីពប៉ុណ្ណោះ។ អ្នកខ្លះបន្ថែមថា អ្នកទាំងពីរបានឲ្យអារម្មណ៍បងប្អូនដ៏អស្ចារ្យ ជំនួសឲ្យគូស្នេហ៍៕

ប្រែសម្រួល៖ សាង ស្រីល័ក្ខ

ចុចអាន៖BLACKPINK នឹងសម្ដែងក្នុងព្រឹត្តិការណ៍ Music Festival ដ៏ធំនៅ អង់គ្លេស