Miss Tourism International Archives - Kampuchea Thmey Daily

រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា

Bun sopheap — Fri, 04 Apr 2025 03:44:39 +0000

ប្រព័ន្ធផ្សព្វផ្សាយរបស់មីយ៉ាន់ម៉ា ថ្មីៗនេះបានរាយការណ៍ថា ក្រុមអ្នកជួយសង្គ្រោះបានរកឃើញសាកសពអតីតជ័យលាភីបវកញ្ញាទេសចរណ៍ឆ្នាំ២០១៨ នៅក្រោមគំនរបាក់បែកនៃអគារខុនដូ Sky Villa នៅទីក្រុង Mandalay ប្រទេសមីយ៉ាន់ម៉ា បន្ទាប់ពីរងគ្រោះរញ្ជួយដីដ៏ធ្ងន់ធ្ងរកាលពី១សប្ដាហ៍មុន។ នេះបើយោងតាមការចេញផ្សាយរបស់សារព័ត៌មានVN Express នៅថ្ងៃទី០៤ខែមេសានេះ។

ពេលរកឃើញសាកសពនាងបានពាក់អាវពណ៌ស និងខោជើងវែងនិងនៅតែកាន់កាបូបលុយក្នុងដៃ។ តាមរយៈដំណើរការកំណត់អត្តសញ្ញាណសាកសព នាងគឺជា Sili Mee ដែលបានឈ្នះការប្រកួតបវរកញ្ញាទេសចរណ៍មីយ៉ាន់ម៉ាឆ្នាំ ២០១៨ ដែលជាបវកញ្ញាតំណាងប្រទេសមីយ៉ាន់ម៉ាក្នុងកម្មវិធីប្រកួត Miss Tourism World 2018 និង Miss Tourism World Intercontinental 2019 នៅប្រទេសចិន។

Blessed Entertainment អ្នករៀបចំកម្មវិធី Miss Tourism Myanmar បានបញ្ជាក់ព័ត៌មាននៃការស្លាប់នេះ និងចូលរួមរំលែកទុក្ខដល់គ្រួសារបវកញ្ញារូបនេះផងដែរ ខណៈសព Miss Tourism Myanmar 2018 នឹងត្រូវយកទៅទីក្រុង Yangon ហើយធ្វើបុណ្យតាមពិធីសាសនា។

(រូបភាព៖ Kenh14.vn)

យោងតាមកាសែត The New York Times អគារ Sky Villa ដែលជាអគារខុនដូកម្ពស់ ១២ជាន់ត្រូវបានសាងសង់ក្នុងឆ្នាំ ២០១៧គឺជាទីតាំងមួយក្នុងចំណោមទីតាំងដែលរងការបំផ្លិចបំផ្លាញធ្ងន់ធ្ងរបំផុតពីគ្រោះរញ្ជួយដី។

សូមបញ្ជាក់ថាគ្រោះរញ្ជួយដីដែលមានកម្រិត ៧.៧ រ៉ិចទ័រ យោងតាមការស្ទាបស្ទង់ភូមិសាស្ត្រសហរដ្ឋអាមេរិក បានវាយប្រហារកណ្តាលប្រទេសមីយ៉ាន់ម៉ា កាលពីថ្ងៃទី ២៨ ខែមីនា ខណៈការរញ្ជួយបានកើតឡើងនៅទូទាំងប្រទេសជិតខាង រួមទាំងប្រទេសថៃ វៀតណាម និងផ្នែកខ្លះនៃប្រទេសចិនផងដែរ។

គិតត្រឹមព្រឹកថ្ងៃសុក្រ, តួលេខមនុស្សស្លាប់ដោយរញ្ជួយដីនៅមីយ៉ាន់ម៉ា បានកើនឡើងដល់ ៣ ៩០១នាក់ និង៥ ៩៧៨នាក់រងរបួស ខណៈ៧១៩នាក់បាត់ខ្លួន។ ទោះបីជាយ៉ាងណា ក្រុមជួយសង្គ្រោះព្រមានថា តួលេខជនរងគ្រោះអាចនឹងបន្តហក់ឡើងខ្ពស់ទៀត ព្រោះនៅមានតំបន់ជាច្រើនដែលក្រុមរុករកមិនទាន់ទៅដល់៕

(រូបភាព៖ Kenh14.vn)

(រូបភាព៖ បណ្ដាញសង្គម)

អត្ថបទ៖ ប៊ុន សុភាព

The post រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា appeared first on Kampuchea Thmey Daily.

បវរកញ្ញាតំណាងកម្ពុជា ឆន ស្រីណេត ចេញទៅប្រកួតMiss Tourism International ថ្ងៃនេះ

Sokhom Khon — Thu, 10 Nov 2022 07:26:59 +0000

ដូចការគ្រោងទុកបវរកញ្ញា ឆន ស្រីណេត ពេលនេះបានធ្វើដំណើរចាកចេញពីប្រទេសកម្ពុជាឆ្ពោះទៅកាន់ប្រទេសម៉ាឡេសុីហើយនៅព្រឹកថ្ងៃព្រហស្បតិ៍ទី១០ ខែវិច្ឆិកា ឆ្នាំ២០២២ ដើម្បីចូលរួមការប្រកួតលើឆាកអន្តរជាតិក្នុងកម្មវិធី Miss Tourism International 2022។

ដំណើរចេញទៅប្រកួតលើឆាកអន្តរជាតិរបស់បវរកញ្ញាតំណាងកម្ពុជា គឺកញ្ញា ឆន ស្រីណេត នៅព្រឹកនេះគេសង្កេតឃើញមានការចូលរួមជូនដំណើរផងដែរពីសំណាក់អ្នកគាំទ្រ និងបងប្អូនមិត្តភក្តិនៅឯអាកាសយានដ្ឋានអន្តរជាតិភ្នំពេញ។ក្នុងនោះក៏មានការជូនពរ និងលើកទឹកចិត្តដល់កញ្ញា ឆន ស្រីណេត ក្នុងការចេញទៅប្រកួតលើឆាកអន្តរជាតិនាពេលនេះផងដែរ។

ចំណែកឯសាមីខ្លួនកញ្ញា ឆន ស្រីណេត មុនពេលចាកចេញទៅប្រកួតនៅប្រទេសម៉ាឡេស៊ីក្នុងកម្មវិធីMiss Tourism International 2022នេះដែរ នាងក៏បានបញ្ជាក់យ៉ាងខ្លីថា សម្រាប់នាងបានត្រៀមខ្លួនរួចរាល់ហើយសម្រាប់ការចេញទៅប្រកួតលើកនេះ។ យ៉ាងណាមិញ ស្រីណេត កន្លងមកបានក៏ក្លាយជានារីមួយរូបដ៏លេចធ្លោក្នុងចិត្តមហាជនគ្រប់មជ្ឈដ្ឋាន ខណ:ដែលបវរកញ្ញារូបនេះ គឺពោពេញដោយសមត្ថភាពឆ្លាតវ័យ និងរូបសម្រស់ស្រស់ស្អាតគួរទាក់ទាញខ្លាំង៕

អត្ថបទ៖ ចាន់រ៉ា

The post បវរកញ្ញាតំណាងកម្ពុជា ឆន ស្រីណេត ចេញទៅប្រកួតMiss Tourism International ថ្ងៃនេះ appeared first on Kampuchea Thmey Daily.

ឆន ស្រីណេត រំភើបចិត្តខ្លាំង ខណៈពេលនាំយកអំណោយទៅជូនបងប្អូនខ្មែរកម្ពុជាក្រោម

Sorn Phanith — Sun, 18 Sep 2022 06:54:08 +0000

ពិតជារំភើប និងទទួលបានការគាំទ្រកាន់តែខ្លាំងថែមទៀត បន្ទប់ពីឃើញសកម្មភាពសប្បុរសធម៌របស់បវរកញ្ញា ឆន ស្រីណេត ដែលជាម្ចាស់ជយលាភីលំដាប់រងទី ១ នៃកម្មវិធីប្រកួតសម្រស់ Miss Universe Cambodia នាំយកអំណោយសប្បុរសធម៌ចែកជូនបងប្អូនខ្មែរកម្ពុជាក្រោមខ្វះខាត។

ទង្វើនេះកំពុងទទួលបានការគាំទ្រ និងសរសើរពីមហាជនពិសេសអ្នកនិយមតាមដានវិស័យបវរកញ្ញានៅកម្ពុជា។ នៅក្នុងសកម្មភាពមនុស្សធម៌នេះដែរ គេឃើញបវរកញ្ញាទេសចរណ៍អន្តជាតិកម្ពុជា ឆន ស្រី ណេត បានសម្តែងអារម្មណ៍រំភើប និងសប្បាយចិត្តខ្លាំងទៅកាន់បងប្អូនខ្មែរកម្ពុជាក្រោម។

កញ្ញា ឆន ស្រីណេត បានបញ្ជាក់ថា «ពួកគាត់បានទទួលបានហើយ មើលតែស្នាមញញឹមពួកគាត់ខ្ញុំមានក្តីសុខណាស់! នាងខ្ញុំសប្បាយចិត្តខ្លាំងណាស់ ហើយសូមថ្លែងអំណរអគុណយ៉ាងក្រៃលែងទៅដល់បងប្អូនទាំងអស់ដែលចូលរួមថវិកាជាមួយនាងខ្ញុំ ដើម្បីជួយដល់បងប្ងូនខ្មែរក្រោម ដែលកំពុងខ្វះខាតអាហារស្បៀង»។

បវរកញ្ញាក្រោមកញ្ញា ឆន ស្រីណេត បានបន្តថា នាងសូមជូនបុណ្យដល់បងប្អូនទាំងអស់គ្នា! ជូនពរបងប្អូនទាំងអស់ និងក្រុមគ្រួសារមានសុខភាពល្អសំណាងល្អរកស៊ីមានបានទាំងអស់គ្នា។ កញ្ញា ឆន ស្រីណេត ធ្លាប់បញ្ជាក់ថា នាងកើតនៅខេត្តព្រះត្រពាំង (កម្ពុជាក្រោម) ដែលឪពុកម្ដាយរបស់នាងជាជនជាតិខ្មែរ។ បច្ចុប្បន្ននាងជាគ្រូបង្រៀនក្បាច់ហាត់ប្រាណ និងជាអ្នកបង្ហាញម៉ូត(Freelance)នៅរាជធានីភ្នំពេញ។ ឆន ស្រីណេត បានបង្ហាញឲ្យអ្នកគាំទ្រវិស័យបវរកញ្ញាឃើញថា នាងពិតជាមានសមត្ថភាពមិនធម្មតា ដែលមហាជនតែងសរសើរគ្រប់គ្នាទៅលើសមត្ថភាព។

សូមជម្រាបថា ថ្វីត្បិត ឆន ស្រីណេត កន្លងមកពុំបានក្លាយជាម្ចាស់ជយលាភីគ្រងមកុដពិតមែន តែនាងបានក៏ក្លាយជានារីមួយរូបដ៏លេចធ្លោក្នុងចិត្តមហាជនគ្រប់មជ្ឈដ្ឋាន ខណៈដែលស្រីណេត គឺពោលពេញដោយសមត្ថភាពឆ្លាត និងរូបសម្រស់ស្រស់ស្អាតគួរទាក់ទាញខ្លាំង។ ដោយសារហេតុផលនេះហើយទើប ឆន ស្រីណេត ឆក់បានឱកាសក្នុងវិស័យសិល្បៈ និងភាពយន្តជាបន្តបន្ទាប់។

កាន់តែចាប់អារម្មណ៍ថែមទៀតនោះថ្មីៗនេះ ក៏មានដំណឹងភ្ញាក់ផ្អើលថា កញ្ញា ឆន ស្រីណេត ក្តាប់បានឱកាសក្លាយជាម្ចាស់មកុដ Miss Tourism Inter national Cambodia២០២២ នឹងតម្រូវឱ្យបវរ កញ្ញារូបនេះ ត្រៀមខ្លួនតំណាងឱ្យកម្ពុជាចូលរួមប្រកួតលើឆាកអន្តរជាតិ Miss Tourism International ២០២២ លើកទី ២ ៥នៅប្រទេសម៉ាឡេស៊ី៕

អត្ថបទ៖ ចាន់រ៉ា

The post ឆន ស្រីណេត រំភើបចិត្តខ្លាំង ខណៈពេលនាំយកអំណោយទៅជូនបងប្អូនខ្មែរកម្ពុជាក្រោម appeared first on Kampuchea Thmey Daily.

ឆន ស្រីណេត ខ្មែរកម្ពុជាក្រោម ត្រៀមបង្ហាញខ្លួននៅ Miss Tourism International 2022

Sorn Phanith — Wed, 31 Aug 2022 09:10:21 +0000

អ្នកគាំទ្របង្ហាញការចូលរួមអបអរ និងចាប់អារម្មណ៍ជាថ្មីបន្ទាប់ពីមានដំណឹងថា បវរកញ្ញា ឆន ស្រីណេត ម្ចាស់ជយលាភីលំដាប់រងទី ១ នៃកម្មវិធីប្រកួតសម្រស់ Miss Universe Cambodia កំពុងត្រៀមតំណាងកម្ពុជាចេញទៅប្រកួតលើឆាកអន្តរជាតិក្នុងកម្មវិធី Miss Tourism International 2022 នៅប្រទេសម៉ាឡេស៊ី នាពេលឆាប់ៗខាងមុខនេះ។

កញ្ញា ឆន ស្រីណេត ធ្លាប់បញ្ជាក់ថា នាងមានអាយុ ២៥ ឆ្នាំកើតនៅខេត្តព្រះត្រពាំង(កម្ពុជាក្រោម)ដែលឪពុកម្ដាយរបស់នាងជាជនជាតិខ្មែរ។ បច្ចុប្បន្ននាងជាគ្រូបង្រៀនក្បាច់ហាត់ប្រាណ និងជាអ្នកបង្ហាញម៉ូត (Freelance) នៅរាជធានីភ្នំពេញ។ ឆន ស្រីណេត បានបង្ហាញឲ្យអ្នកគាំទ្រវិស័យបវរកញ្ញាឃើញថា នាងពិតជាមានសមត្ថភាពមិនធម្មតា ដែលមហាជនតែងសរសើរគ្រប់គ្នាចំពោះសមត្ថភាព ។

គេចាំបានថាថ្វីត្បិត ឆន ស្រីណេត កន្លងមកពុំបានក្លាយជាម្ចាស់ជយលាភីគ្រងមកុដពិតមែន តែនាងក៏ក្លាយជានារីមួយរូបដ៏លេចធ្លោក្នុងចិត្តមហាជនគ្រប់មជ្ឈដ្ឋាន ខណៈដែលស្រីណេត គឺពោពេញដោយសមត្ថភាព ឆ្លាត និង រូបសម្រស់ស្រស់ស្អាតគួរទាក់ទាញខ្លាំង។ ដោយសារហេតុផលនេះ ហើយទើប ឆន ស្រីណេត ឆក់បានឱកាសក្នុងវិស័យសិល្បៈ និងភាពយន្តជាបន្តបន្ទាប់។

ដោយឡែកថ្មីៗនេះ ស្រាប់តែមានដំណឹងភ្ញាក់ផ្អើល និងចាប់អារម្មណ៍ថា កញ្ញា ឆន ស្រីណេត ក្តាប់បានឱកាសក្លាយជាម្ចាស់មកុដ Miss Tourism International Cambodia ២០២២ នឹងតម្រូវឱ្យបវរ កញ្ញារូបនេះ ត្រៀមខ្លួនតំណាងឱ្យកម្ពុជាចូលរួមប្រកួតលើឆាកអន្តរជាតិ Miss Tourism International ២០២២ លើកទី ២៥ នៅប្រទេសម៉ាឡេស៊ី។

បើយោងតាមទំព័រហ្វេសប៊ុក Miss Tourism International Cambodia បានធ្វើការប្រកាសជាផ្លូវការថា នឹងជ្រើសបវរកញ្ញា ឆន ស្រីណេត ជាម្ចាស់គ្រងមកុដ Miss Tourism International Cambodia ឆ្នាំ២០២២ ដែលនាងនឹងត្រូវចេញដំណើរទៅប្រកួតនៅលើឆាកអន្តរជាតិ នៅប្រទេសម៉ាឡេស៊ី អំឡុងខែវិច្ឆិកា ឆ្នាំ ២០២២ នេះ។ ដំណឹងនេះ បានធ្វើឲ្យអ្នកគាំទ្រចូលរួមអបអរគ្រប់គ្នា៕

អត្ថបទ៖ ចាន់រ៉ា

The post ឆន ស្រីណេត ខ្មែរកម្ពុជាក្រោម ត្រៀមបង្ហាញខ្លួននៅ Miss Tourism International 2022 appeared first on Kampuchea Thmey Daily.