មុនក្លាយជាម្ចាស់ពានឯកត្តជនមួយនេះ Salah ត្រូវបានគេបោះឆ្នោតឱ្យឈរនៅលើបេក្ខភាពគូប្រជែងចំនួន ៥ រូបដូចជា មិត្តរួមក្រុមនៅ Liverpool កីឡាករ Alexis Mac Allister, Cole Palmer របស់ Chelsea, Bruno Fernandes របស់ Manchester United, ខ្សែប្រយុទ្ធ Declan Rice របស់ Arsenal និងខ្សែប្រយុទ្ធ Alexander Isak របស់ក្រុមសារិការព្រៃ Newcastle United។

នេះជាលើកទី ៣ ហើយសម្រាប់ខ្សែប្រយុទ្ធសញ្ជាតិ អេហ្ស៊ីប វ័យ ៣៣ ឆ្នាំ ដែលបានឈ្នះពានកីឡាករល្អបំផុតរបស់ PFA ដោយលើកដំបូងរូបគេបានឈ្នះនៅឆ្នាំ ២០១៨ និងលើកទី ២ បានឈ្នះនៅឆ្នាំ ២០២២។ ការឈ្នះពានទាំង ៣ លើកនេះ បានធ្វើឱ្យ Salah ក្លាយជាកីឡាករឈ្នះពាននេះច្រើនជាងគេ ដោយបានវ៉ាដាច់កីឡាករឆ្នើមៗចំនួន ៣ រូប ដែលធ្លាប់ឈ្នះពាននេះចំនួន ២ ដងដូចៗគ្នា ដូចជា Cristiano Ronaldo, Thierry Henry និង Gareth Bale។

ប្រែសម្រួល៖ សេម កុសល
ប្រភព៖ ESPN

The post Salah វ៉ា Ronaldo ក្លាយជាអ្នកឈ្នះពានកីឡាករល្អបំផុតប្រចាំឆ្នាំរបស់ PFA ច្រើនជាងគេ appeared first on Kampuchea Thmey Daily.

ថ្លែងនៅក្នុងកិច្ចសម្ភាសខ្លីមួយជាមួយទំព័រ Ballon d’Or ខ្សែប្រយុទ្ធសញ្ជាតិ អេហ្ស៊ីប វ័យ ៣៣ ឆ្នាំ បានជ្រើសរើសកីឡាករឆ្នើមៗ ៥ នាក់ ដែលជាជម្រើសក្នុងក្តីស្រមៃរបស់ខ្លួន។ ក្នុងនោះ Salah បានជ្រើសរើស Leo Messi, Cristiano Ronaldo, Zinedine Zidane, Ronaldo Nazario និងរូបគាត់ខ្លួនឯង។

ចំពោះកីឡាករទាំង ៥ នាក់ខាងលើ ដែល Salah បានជ្រើសរើស ហាក់មានការភ្ញាក់ផ្អើលដែរ ដោយក្នុងចំណោមកីឡាករទាំង ៥ នាក់នោះ គឺពុំមានអ្នកចាំទី ខ្សែការពារ ឬ ខ្សែបម្រើសូម្បីម្នាក់ ពោលគឺសុទ្ធតែជាខ្សែប្រយុទ្ធសុទ្ធតែម្តង៕

ប្រែសម្រួល៖ សេម កុសល
ប្រភព៖ Fabrizio Romano

The post Salah បង្ហាញជម្រើស ៥ នាក់ក្នុងក្តីស្រមៃរបស់ខ្លួន មានទាំង M10 និង CR7 appeared first on Kampuchea Thmey Daily.

នៅរដូវកាល ២០២៤-២០២៥ ខ្សែប្រយុទ្ធស្លាបសញ្ជាតិ អេហ្ស៊ីប វ័យ ៣២ ឆ្នាំបានបង្ហាញសមត្ថភាពយ៉ាងអស្ចារ្យជាមួយ Liverpool ដោយរូបគេរកបាន ៣៣ គ្រាប់ និង ២៣ បញ្ជូន (assist) គ្រប់កម្មវិធី ព្រម​ទាំង​បានជួយឱ្យក្រុមហង្សក្រហមឈ្នះពានលីគ​កំពូល​អង់គ្លេស Premier League ។

Salah បានបង្ហើបថា រូបគេចង់ឈ្នះពាន Ballon d’Or ហើយរូបគេក៏រំពឹងថា ខ្លួននឹងអាចអាចឈ្នះពានបាល់មាសនេះនៅឆ្នាំនេះផងដែរ។ ដកស្រង់ពាក្យសម្តីដើម Salah បាននិយាយថា៖ «ខ្ញុំសង្ឃឹម ហើយចង់ឈ្នះពាន Ballon d’Or»។

គួរដឹងថា នៅឆ្នាំ ២០២៥នេះ មានបេក្ខភាពកីឡាករឆ្នើមៗជាច្រើន ដែលកំពុងត្រូវបានគេកត់សម្គាល់ នឹងអាចឈ្នះពានឯកត្តជនកំពូលរបស់ អឺរ៉ុប មួយនេះ ក្នុងនោះក្រៅពី Salah មាន Lamine Yamal, Raphinha និងកីឡាករមួយចំនួនទៀត។ អ្នកឈ្នះពាន Ballon d’Or ឆ្នាំនេះ នឹងត្រូវប្រកាសនៅថ្ងៃទី ២២ ខែ កញ្ញា នៅទីក្រុង ប៉ារីស ប្រទេស បារាំង៕

ប្រែសម្រួល៖ សេម កុសល
ប្រភព៖ Fabrizio Romano

The post ខ្សែប្រយុទ្ធឆ្នើម អង់គ្លេស ម្នាក់ រំពឹងខ្លួននឹងឈ្នះពាន Ballon d’Or ឆ្នាំនេះ appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Liverpool គឺមានទំនុកចិត្តខ្ពស់ ក្នុងការរក្សា Salah និង Van Dijk ឱ្យស្នាក់នៅទឹកដី Anfield បន្តទៀត។

ប្រភពដដែលបានបន្ថែមថា កីឡាករទាំង ២ កំពុងខិតជិតនឹងដាក់ប៊ិចបន្តកិច្ចសន្យាថ្មីដូចគ្នា ដោយ Salah កំពុងតែស្ថិតក្នុងការចរចាដំណាក់កាលចុងក្រោយ ហើយការបន្តកិច្ចសន្យាថ្មីផ្លូវការនឹងលេចចេញឆាប់ៗ។ ចំណែក Van Dijk វិញ ក៏កំពុងស្ថិតក្នុងការចរចាដំណាក់កាលចុងក្រោយដូចគ្នា ហើយខ្សែការពារសញ្ជាតិ ហូល្លង់ វ័យ ៣៣ ឆ្នាំរូបនេះ ត្រូវបានគេរំពឹងថា នឹងស្នាក់នៅជាមួយក្រុមហង្សក្រហមរយៈពេល ២ ឆ្នាំបន្ថែមទៀត។

គួររម្លឹកថា Salah ត្រូវបាន Liverpool ចុះកុងត្រាយកបានពី AS Roma កាលពីរដូវក្តៅឆ្នាំ ២០១៧។ ចំណែក Van Dijk វិញ ត្រូវបានក្លិបចុះកុងត្រាយកបានពីក្រុម Southampton នៅរដូវក្តៅឆ្នាំ ២០១៨។ ការស្នាក់នៅទឹកដី Anfield ជាច្រើនឆ្នាំមកនេះ អ្នកទាំង ២ បានរួមចំណែកជួយក្រុមឈ្នះពានច្រើនមែនទែន ដូចជា Champions League, Premier League, UEFA Super Cup និង FIFA Club World Cup ជាដើម៕

អត្ថបទ៖ សេម កុសល
ប្រភព៖ Fabrizio Romano

The post ដំណឹងល្អ! Salah និង Van Dijk ជិតបន្តកិច្ចសន្យាថ្មីជាមួយ Liverpool appeared first on Kampuchea Thmey Daily.

ក្រោយស៊ុតបញ្ចូលទី២ និងបញ្ចូលបាល់ឲ្យមិត្តរួមក្រុម២លើក Mohamed Salah បានក្លាយជាកីឡាករដំបូងគេនៅក្របខណ្ឌ Premier League ​ដែល​រក​បាន​គ្រាប់ស៊ុតបាល់ស៊ុតបញ្ចូលទី និងបញ្ចូនបាល់ឲ្យមិត្ដរួមក្រុមបានច្រើនជាងគេមុនថ្ងៃបុណ្យណូអែល។ ខ្សែប្រយុទ្ធជនជាតិអេហ្ស៊ីបវ័យ៣២ឆ្នាំ ​បាន​ស៊ុតបញ្ចូលទីបាន១៣គ្រាប់ និងបញ្ចូលបាល់ឲ្យមិត្តរួមក្រុមបាន១០លើក ជាកំណត់ត្រាថ្មីមួយ មិនធ្លាប់មានកីឡាករនៅលីគកំពូលអង់គ្លេសធ្វើបានទេ។

«ខ្ញុំមិនបានគិតអំពីវាមុនពេលការប្រកួតទេ និយាយឲ្យស្មោះត្រង់ទៅ ប៉ុន្តែខ្ញុំរីករាយដែលខ្ញុំបានធ្វើវា។ វាជាអ្វីមួយដែលធ្វើឲ្យខ្ញុំសប្បាយចិត្ត។ ខ្ញុំមានមោទនភាព ហើយខ្ញុំ នឹង​បន្ត​ខំជាងនេះទៀត​»។ កីឡាករ Mohamed Salah បាននិយាយបែបនេះ ក្រោយបំបែកកំណត់ត្រាថ្មីនៅក្របខណ្ឌ ​Premier League។

បន្ទាប់ពីស៊ុតបញ្ចូលទី២គ្រាប់ក្នុងការប្រកួតទល់នឹងក្រុម Tottenham Hotspur ខ្សែប្រយុទ្ធ Mohamed Salah បានឡើងមកឈរលេខ៤ ក្នុងនាមកីឡាកររកគ្រាប់ស៊ុតបញ្ចូលទីច្រើនបំផុតក្នុងប្រវត្តិសាស្រ្ដរបស់ក្លិប Liverpool។

កីឡាករ Mohamed Salah បានបន្ថែមថា ៖«ជាការពិតណាស់ វាជារឿងដ៏អស្ចារ្យក្នុងការសម្រេចបាន ជាមួយក្លិបធំដូចជា Liverpool។ ប៉ុន្តែម្តងទៀត អ្វីដែលសំខាន់បំផុតគឺយើងបានឈ្នះការប្រកួត ការទទួលបានសមិទ្ធផលនោះគឺអស្ចារ្យណាស់»។

ប្រែសម្រួល៖ ផា រតនា

The post Salah ជាកីឡាករទី១នៅអង់គ្លេសស៊ុត និងបញ្ជូន​បាល់ច្រើនជាងគេមុនថ្ងៃបុណ្យណូអែល appeared first on Kampuchea Thmey Daily.

ស្ទើរមិនគួរឲ្យជឿ ក្រុមទាំង២​ទទួលបាន​ការ​ទាត់ប៉េណាល់​ទី​១១​ម៉ែត្រ​១​លើក​ដូចគ្នា ប៉ុន្តែ​​កីឡាករ​ឆ្នើម​ទាំង២គឺ​ Kylian Mbappe និង Mohamed Salah ស៊ុតមិនចូលគ្នាទៅវិញ។

លោក Arne Slot គ្របង្វឹករបស់ក្រុម Liverpool បានប្រាប់ TNT Sports ថា៖«ក្នុងករណីទាំង២យប់មិញ អ្នកគិតថា ប្រាកដណាស់បាល់នឹងចូលសំណាញ់ទី។ ប៉ុន្តែពួកគេ​បែរជាខកខាន ដូច្នេះពួកគេបានបង្ហាញយើងនៅថ្ងៃនេះថាពួកគេទាំង២ជាមនុស្ស។ នៅក្នុងករណីរបស់ Mbappe អ្នកចាំទី Kelleher គឺពូកែ»។

ក្នុងន័យនេះ លោកចង់សំដៅថា Kylian Mbappe និង Mohamed Salah ជាមុនស្ស។ ពួកគេអាចបង្កកំហុស អាចស៊ុតមិនចូល មិនមែនជារឿងចំណែកទេក្នុងវិស័យបាល់ទាត់។

ចំពោះ Mbappe ហាក់កំពុងជាប់គាំងក្នុងរដូវកាលនេះ ក្រោយស៊ុត​ទើប​បាន​​៨គ្រាប់ប៉ុណ្ណោះ​សម្រាប់ការ​បង្ហាញ​ខ្លួន​​១៧ប្រកួត​ឲ្យ​ Real Madrid។

ចំណែក Salah នៅតែបន្ដធ្វើបានល្អជាមួយ Liverpool ក្នុងរដូវកាលនេះ ក្រោយ​ស៊ុត​បញ្ចូល​ទី​បាន១២គ្រាប់​ក្នុងការបង្ហាញខ្លួន១៩លើក។

Real Madrid ធ្វើមិនបានល្អសោះក្នុង​ពានរង្វាន់ UEFA Champions League ជាមួយកំណែទម្រង់រូបមន្ដថ្មីក្នុងរដូវកាលនេះ។ បច្ចុប្បន្នពួកគេឈរ​លេខ២៤ ក្នុងតារាងពិន្ទុ ក្រោយប្រកួត៥លើក ឈ្នះ២ និង​ចាញ់៣ ​រក​បាន​តែ​៦ពិន្ទុ៕

ប្រែសម្រួល៖ ផា រតនា

The post Arne Slot ថា ពួកគេ​ជា​មនុស្ស​ ក្រោយ Mbappe និង Salah ស៊ុតប៉េណាល់ទីមិនចូល appeared first on Kampuchea Thmey Daily.