Salah វ៉ា Ronaldo ក្លាយជាអ្នកឈ្នះពានកីឡាករល្អបំផុតប្រចាំឆ្នាំរបស់ PFA ច្រើនជាងគេ

ខ្សែប្រយុទ្ធ Liverpool កីឡាករ Mohamed Salah បានក្លាយជាកីឡាករដំបូងគេ ដែលបានឈ្នះពានកីឡាករល្អបំផុតប្រចាំឆ្នាំរបស់ សមាគមន៍កីឡាករបាល់ទាត់អាជីព (PFA) ចំនួន ៣ លើក បន្ទាប់ពីរូបគេឈ្នះពាននេះនៅឆ្នាំ ២០២៥ មួយបន្ថែមទៀត។

មុនក្លាយជាម្ចាស់ពានឯកត្តជនមួយនេះ Salah ត្រូវបានគេបោះឆ្នោតឱ្យឈរនៅលើបេក្ខភាពគូប្រជែងចំនួន ៥ រូបដូចជា មិត្តរួមក្រុមនៅ Liverpool កីឡាករ Alexis Mac Allister, Cole Palmer របស់ Chelsea, Bruno Fernandes របស់ Manchester United, ខ្សែប្រយុទ្ធ Declan Rice របស់ Arsenal និងខ្សែប្រយុទ្ធ Alexander Isak របស់ក្រុមសារិការព្រៃ Newcastle United។

នេះជាលើកទី ៣ ហើយសម្រាប់ខ្សែប្រយុទ្ធសញ្ជាតិ អេហ្ស៊ីប វ័យ ៣៣ ឆ្នាំ ដែលបានឈ្នះពានកីឡាករល្អបំផុតរបស់ PFA ដោយលើកដំបូងរូបគេបានឈ្នះនៅឆ្នាំ ២០១៨ និងលើកទី ២ បានឈ្នះនៅឆ្នាំ ២០២២។ ការឈ្នះពានទាំង ៣ លើកនេះ បានធ្វើឱ្យ Salah ក្លាយជាកីឡាករឈ្នះពាននេះច្រើនជាងគេ ដោយបានវ៉ាដាច់កីឡាករឆ្នើមៗចំនួន ៣ រូប ដែលធ្លាប់ឈ្នះពាននេះចំនួន ២ ដងដូចៗគ្នា ដូចជា Cristiano Ronaldo, Thierry Henry និង Gareth Bale។

ប្រែសម្រួល៖ សេម កុសល
ប្រភព៖ ESPN