ខ្សែប្រយុទ្ធឆ្នើម អង់គ្លេស ម្នាក់ រំពឹងខ្លួននឹងឈ្នះពាន Ballon d’Or ឆ្នាំនេះ

ខ្សែប្រយុទ្ធស្លាបរបស់ Liverpool កីឡាករ Mohamed Salah សង្ឃឹមលើខ្លួនឯងនឹងឈ្នះពាន Ballon d’Or ឆ្នាំ ២០២៥។

នៅរដូវកាល ២០២៤-២០២៥ ខ្សែប្រយុទ្ធស្លាបសញ្ជាតិ អេហ្ស៊ីប វ័យ ៣២ ឆ្នាំបានបង្ហាញសមត្ថភាពយ៉ាងអស្ចារ្យជាមួយ Liverpool ដោយរូបគេរកបាន ៣៣ គ្រាប់ និង ២៣ បញ្ជូន (assist) គ្រប់កម្មវិធី ព្រម​ទាំង​បានជួយឱ្យក្រុមហង្សក្រហមឈ្នះពានលីគ​កំពូល​អង់គ្លេស Premier League ។

Salah បានបង្ហើបថា រូបគេចង់ឈ្នះពាន Ballon d’Or ហើយរូបគេក៏រំពឹងថា ខ្លួននឹងអាចអាចឈ្នះពានបាល់មាសនេះនៅឆ្នាំនេះផងដែរ។ ដកស្រង់ពាក្យសម្តីដើម Salah បាននិយាយថា៖ «ខ្ញុំសង្ឃឹម ហើយចង់ឈ្នះពាន Ballon d’Or»។

គួរដឹងថា នៅឆ្នាំ ២០២៥នេះ មានបេក្ខភាពកីឡាករឆ្នើមៗជាច្រើន ដែលកំពុងត្រូវបានគេកត់សម្គាល់ នឹងអាចឈ្នះពានឯកត្តជនកំពូលរបស់ អឺរ៉ុប មួយនេះ ក្នុងនោះក្រៅពី Salah មាន Lamine Yamal, Raphinha និងកីឡាករមួយចំនួនទៀត។ អ្នកឈ្នះពាន Ballon d’Or ឆ្នាំនេះ នឹងត្រូវប្រកាសនៅថ្ងៃទី ២២ ខែ កញ្ញា នៅទីក្រុង ប៉ារីស ប្រទេស បារាំង៕

ប្រែសម្រួល៖ សេម កុសល
ប្រភព៖ Fabrizio Romano