ឆ្លើយតបនឹងការសម្រេចរបស់ក្រុមប្រឹក្សាសន្តិសុខជាតិថៃ ក្នុងការដកខ្លួនចេញពីអនុស្សរណៈនៃការយោគយល់គ្នាស្តីពីតំបន់ទាមទារដែនសមុទ្រត្រួតគ្នានៃខ្ពង់រាបបាតសមុទ្រ ដែលបានចុះហត្ថលេខារវាងកម្ពុជា-ថៃ កាលពីឆ្នាំ២០០១ ដែលហៅថា MOU-2001 នោះ អ្នកនាំពាក្យក្រសួងការបរទេសកម្ពុជា ចាត់ទុកថា គឺជាជំហានមួយងាកចេញពីស្មារតីសហប្រតិបត្តិការ ដែលជាមូលដ្ឋានគ្រឹះនៃការចុះហត្ថលេខាលើឯកសារនេះ។

សេចក្តីថ្លែងការណ៍របស់អ្នកនាំពាក្យក្រសួងការបរទេស នាថ្ងៃទី២៤ ខែមេសា ក៏បានអះអាងពីជំហររបស់កម្ពុជា ដែលនៅតែប្តេជ្ញាចិត្តយ៉ាងមុតមាំ និងឥតងាករេចំពោះខ្លឹមសារ និងស្មារតីនៃអនុស្សរណៈនេះ ព្រមទាំងចំពោះសុច្ឆន្ទៈ និងភាពស្មោះត្រង់ ដែលបាននាំឱ្យអនុស្សរណៈនៃការយោគយល់គ្នានេះ សម្រេចបានកាលពីឆ្នាំ២០០១។

អ្នកនាំពាក្យ បានគូសបញ្ជាក់អំពីតម្លៃនៃ MOU-2001 នេះ ដោយបានព៌ណនាថា ការចុះហត្ថលេខាលើ MOU-2001 រវាងកម្ពុជា និងថៃ បានឆ្លុះបញ្ចាំងពីឆន្ទៈពិតប្រាកដ និងផលប្រយោជន៍រួមរបស់ប្រទេសទាំងពីរក្នុងការរៀបចំដោយស្មោះត្រង់នូវក្របខ័ណ្ឌមួយ ដែលភាគីទាំងពីរអាចទទួលយកបានសម្រាប់ការទាញយកនូផលប្រយោជន៍រួមពីធនធាននៅក្នុងតំបន់ដែនសមុទ្រត្រួតគ្នា (OCA)។

ក្នុងពេលដំណាលគ្នានោះ MOU-2001 ក៏ជំរុញការកំណត់ព្រំដែនសមុទ្រស្របតាមច្បាប់អន្តរជាតិផងដែរ។ លើលពីនេះ អ្នកនាំពាក្យក្រសួងការបរទេសកម្ពុជា ថា MOU-2001 ក៏តំណាងឱ្យសុឆន្ទៈរបស់ប្រទេសទាំងពីរ ក្នុងកិច្ចខិតខំប្រឹងប្រែងកំណត់ព្រំដែនសមុទ្រមួយ ប្រកបដោយមិត្តភាព កិច្ចសហប្រតិបត្តិការ និងវិបុលភាពរួម៕

ដោយ៖ ធឿន វ៉ាន់សុង

The post កម្ពុជាឆ្លើយតបចំពោះការដកខ្លួនដោយឯកតោភាគីរបស់ថៃចេញពី MOU-2001 ស្ដីពីតំបន់ដែនសមុទ្រត្រួតគ្នា appeared first on Kampuchea Thmey Daily.

ប្រធានស្តីទីនៃក្រុមប្រឹក្សាអូឡាំពិកអាស៊ី (OCA) លោក Randhir Singh ត្រូវបានបង្ខំឱ្យបន្តតួនាទីរបស់ជាមេដឹកនាំបណ្តោះអាសន្ននៃក្រុមប្រឹក្សាកីឡាអូឡាំពិកអាស៊ី (OCA) បន្ទាប់ពីគណៈកម្មាធិការអូឡាំពិកអន្តរជាតិ (IOC) បានបដិសេធទទួលស្គាល់ការបោះឆ្នោតរបស់ លោក Sheikh Talal ជាប្រធានថ្មី។

Sheikh Talal បានយកឈ្នះបុរសជន​ជាតិគុយវ៉ែតដូចគ្នា គឺលោក Husain Al-Musallam ក្នុងការបោះឆ្នោតប្រធាននៅមហាសន្និបាត OCA ក្នុងទីក្រុងបាងកកកាលពីខែមុន។ លទ្ធផលធ្វើឱ្យ លោក Sheikh Talal ស្នងតំណែងពីបងប្រុសរបស់លោក គឺលោក Sheikh Ahmed ដែលបានដឹកនាំ OCA អស់រយៈពេល ៣០ឆ្នាំរហូតដល់ឆ្នាំ២០២១ នៅពេលលោក​ត្រូវបានបង្ខំឱ្យចុះចេញពីតំណែង បន្ទាប់ពីត្រូវបានរកឃើញ​មានកំហុសក្នុងការក្លែងបន្លំនៅក្នុងតុលាការក្នុងទីក្រុងហ្សឺណែវ ហើយត្រូវបានកាត់ទោសឱ្យជាប់ពន្ធនាគារយ៉ាងហោចណាស់១២ខែ។

យ៉ាងណាក៏ដោយ OCA បានលាតត្រដាងថា ការស៊ើបអង្កេតរបស់ IOC លើការបោះឆ្នោតមិនត្រូវបានគេរំពឹងថា នឹងបញ្ចប់រហូតដល់ខែតុលានោះទេ ដោយលោក Singh បម្រើការជាអ្នកដឹកនាំអង្គការក្នុងអំឡុងពេលព្រឹត្តិការណ៍ Asian Games ដែលនឹងត្រូវធ្វើឡើងចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា។

លោក Singh បានប្រាប់ Reuters ថា ទីក្រុង Hangzhou គ្រោងនឹងផ្តល់ជូននូវការប្រកួតដ៏ទទួលបានជោគជ័យបំផុត ក្រោយបន្ថែមរយៈពេលមួយឆ្នាំទៀតដើម្បីរៀបចំបន្ទាប់ពីការពន្យារពេលបណ្តាលមកពីជំងឺរាតត្បាតកូវីដ-១៩។

លោក Singh បាននិយាយថា ៖«ការបោះឆ្នោត OCA មិនមានជាប់ពាក់ព័ន្ធជាមួយគណៈកម្មាធិការរៀបចំការប្រកួតនោះទេ។ ទីក្រុង Hangzhou បានត្រៀមខ្លួនរួចរាល់ហើយក្នុងការធ្វើជាម្ចាស់ផ្ទះកាលពីឆ្នាំមុន។ កន្លែងរៀបចំរួចរាល់ អ្វីគ្រប់យ៉ាងគឺនៅនឹងកន្លែង ហើយខ្ញុំប្រាកដថាយើងនឹងបានឃើញការប្រកួតកីឡាអាស៊ីដ៏អស្ចារ្យបំផុតមិនធ្លាប់មាន»។

«ឥឡូវនេះ យើងត្រូវធ្វើតាមអ្វីដែល IOC ណែនាំយើង។ យើងត្រូវធ្វើតាមធម្មនុញ្ញអូឡាំពិក ហើយសីលធម៌គឺជាទិដ្ឋភាពសំខាន់បំផុត។ បន្ទាប់ពី IOC បញ្ចប់ការពិនិត្យឡើងវិញ និងបញ្ជូនរបាយការណ៍ យើងនឹងដឹងថា តើពេលណាត្រូវរៀបចំការបោះឆ្នោត OCA លើកក្រោយ»។ លោក Singh បានសង្កត់ធ្ងន់៕

ប្រែសម្រួល៖ មន្នីរ័ត្ន

The post ការស៊ើបអង្កេតការបោះឆ្នោត OCA នឹងមិនប៉ះពាល់ដល់ការប្រកួតកីឡាអាស៊ី appeared first on Kampuchea Thmey Daily.

IOC ក៏បានប្រកាសថា ពួកគេបដិសេធទទួលស្គាល់ការបោះឆ្នោតប្អូនប្រុស​​របស់​លោក Sheikh Ahmad គឺលោក Sheikh Talal Fahad Al-Saba ធ្វើ​ជា​ប្រធាន IOC រហូតដល់មាន​ការស៊ើបអង្កេតត្រឹមត្រូវត្រូវ។ 

លោក Sheikh Talal Fahad បានជំនួសបងប្រុសរបស់ខ្លួន លោក Sheikh Ahmad ដែលបានដឹក​នាំ​ OCA អស់រយៈពេល ៣០ឆ្នាំរហូតដល់ឆ្នាំ២០២១ នៅពេលលោកត្រូវបានបង្ខំឱ្យចុះចេញពីតំណែង បន្ទាប់ពីត្រូវបានគេរកឃើញថា មានទោសពីបទក្លែងបន្លំ​ក្នុងតុលាការ នៅទីក្រុងហ្សឺណែវ ហើយត្រូវបានកាត់ទោសឱ្យជាប់ពន្ធនាគារយ៉ាងហោចណាស់ ១៣ខែ។

រឿងរបស់ លោក Sheikh Talal អាយុ ៥៨ឆ្នាំវិញ ថ្មីៗនេះលោកបានផ្តួលមិត្តរួមជាតិគុយវ៉ែត លោក Husain Al-Musallam ដែលជាអគ្គនាយកអង្គការ និងជាប្រធាន World Aquatics នៅមហាសន្និបាត OCA ក្នុងទីក្រុងបាងកក ដោយសំឡេង ២៤ ទល់នឹង ២០។

មុនពេលការបោះឆ្នោតនៅទីក្រុងបាងកកចាប់ផ្តើម ប្រធានគណៈកម្មការ​សីលធម៌របស់ OCA លោក Wei Jizhong បានព្រមានថា ពួកគេបាន​រក​ឃើញសញ្ញានៃ “ភាពមិនប្រក្រតី” ដែលពួកគេគ្រោងនឹងស៊ើបអង្កេតបន្ទាប់ពីការបោះឆ្នោត។

OCA ត្រូវបានបង្កើតឡើងក្នុងឆ្នាំ១៩៨២ ដោយឪពុករបស់លោក Fahad Al-Ahmed Al-Jaber Al-Sabah ដែលបានដឹកនាំ​រហូតដល់ឆ្នាំ១៩៩០ នៅពេល​លោក​ត្រូវបានសម្លាប់​នៅ​វិមាន Dasman ជា​ថ្ងៃដំបូងនៃការលុកលុយរបស់អ៊ីរ៉ាក់ លើគុយវ៉ែត។

លោក Sheikh Ahmad បានស្នងតំណែងពីគាត់នៅឆ្នាំបន្ទាប់ ហើយបានដឹកនាំអង្គការរហូតដល់គាត់ត្រូវបានបង្ខំឱ្យចុះចេញពីតំណែង ហើយត្រូវបានជំនួសដោយលោក Randhir Singh ដែលមានសញ្ជាតិឥណ្ឌា ជាបណ្តោះអាសន្ន៕

ប្រែសម្រួល៖ មន្នីរ័ត្ន
ប្រភព៖ insidethegames.biz

The post IOC ដាក់បំរាមអតីតប្រធានអូឡាំពិកអាស៊ីរយៈពេល៣ឆ្នាំ appeared first on Kampuchea Thmey Daily.

យ៉ាងណា​វា​ក៏​អាស្រ័យ​លើ​ស្ថាប័ន​គ្រប់គ្រង នៃ​កីឡា​ចំនួន ៣១ ប្រភេទ​កីឡា រៀងៗ​ខ្លួន សម្រាប់​ព្រឹត្តិការណ៍​អូឡាំពិក ទីក្រុង​ប៉ារីស ឆ្នាំ ២០២៤ ដើម្បី​សម្រេច​ថា តើ​ពួកគេ​អនុញ្ញាត​ឲ្យ​អត្តពលិក​មក​ពី​ប្រទេស​រុស្ស៊ី និង​បេឡារុស ចូលរួម​ក្នុង​ព្រឹត្តិការណ៍​នេះ​ដែរ​ឬទេ បន្ទាប់ពី​ការ​បោះឆ្នោត​នៅ​ក្នុង​មហាសន្និបាត​ក្រុមប្រឹក្សា​អូឡាំពិក​អាស៊ី (OCA) នាទី​ក្រុង​បាងកក។

ចំពោះ​អត្តពលិក​រុស្ស៊ី និង​បេឡារុស នឹង​មិន​មាន​សិទ្ធិ​ទទួល​បាន​មេដាយ​ទេ ក្នុង​ការ​ប្រកួត​ព្រឹត្តិការណ៍​កីឡា​ដែល​នឹង​ប្រព្រឹត្តទៅ​នៅ​ចន្លោះ​ថ្ងៃ​ទី ២៣ ខែ​កញ្ញា ដល់​ថ្ងៃ​ទី ៨ ខែ​តុលា ក្រោម​ទង់​ជាតិ​អព្យាក្រឹត និង​គ្មាន​និមិត្តសញ្ញា​ជាតិ​ត្រូវ​បាន​អនុញ្ញាត។

ការ​រំពឹង​ទុក​របស់​អត្តពលិក​រុស្ស៊ី និង​បេឡារុស ចូលរួម​ប្រកួត​ក្នុង​ព្រឹត្តិការណ៍​កីឡា​អាស៊ី (Asian Games) ដែល​ធ្វើឡើង​នៅ​ឆ្នាំនេះ បន្ទាប់ពី​ត្រូវ​បាន​ពន្យារ​ពេល​កាលពី​ឆ្នាំមុន ដោយសារ​ជំងឺ​រាតត្បាត COVID-19។

អត្តពលិក​មកពី​ប្រទេស​រុស្ស៊ី និង​បេឡារុស ត្រូវ​បាន​ហាមឃាត់​ពី​ការ​ប្រកួត​នៅ​ក្របខណ្ឌ​អន្តរជាតិ ចាប់​តាំងពី​ខែ​មីនា ឆ្នាំ ២០២២ បន្ទាប់ពី​ការ​លុកលុយ​របស់​ទីក្រុង​ម៉ូស្គូ មក​លើ​ប្រទេស​អ៊ុយក្រែន។

កាលពី​ខែ​មីនា វេទិកា​អត្តពលិក OCA បាន​គាំទ្រ​ផែនការ​អនុញ្ញាត​ឲ្យ​អត្តពលិក​រុស្ស៊ី និង​បេឡារុស ចូលរួម​ប្រកួតប្រជែង ប៉ុន្តែ​ទាមទារ”យុត្តិធម៌” សម្រាប់​អត្តពលិក​អាស៊ី​នៅ​ក្នុង“ការ​ជម្រុះ​ណាមួយ”។

ប្រធាន​ស្ដីទី​របស់​ក្រុមប្រឹក្សា​កីឡា​អូឡាំពិក​អាស៊ី (OCA) លោក Randhir Singh ក៏​ធ្លាប់​បាន​សន្យា​ថា “ពួកគេ នឹង​មិន​ជ្រៀតជ្រែក​ក្នុង​ប្រព័ន្ធ​មេដាយ​របស់​យើង ឬ កូតា​វគ្គ​ជម្រុះ​អាស៊ី សម្រាប់​កីឡា​អូឡាំពិក​ឡើយ​”។ រហូតមកដល់​ពេលនេះ OCA មិនបាន​ផ្ដល់​ព័ត៌មាន​លម្អិត​ផ្សេងទៀត​ទេ៕

ប្រែសម្រួល ៖ មន្នីរ័ត្ន

ប្រភព ៖ insidethegames.biz

The post អត្តពលិករុស្ស៊ី និង បេឡារុស ត្រូវបាន OCA ត្រួសត្រាយផ្លូវឲ្យចូលរួមប្រកួតកីឡាអាស៊ី Asian Games appeared first on Kampuchea Thmey Daily.