តាមរយៈទំព័រហ្វេសប៊ុកផ្លូវការផលិតកម្មបារមី បានបង្ហាញការស្វាគមន៍យ៉ាងកក់ក្តៅចំពោះវត្តមាន DJ Kdep ដោយចាត់ទុកលោកជាស្ថាបនិកវិស័យហុីបហប (The Legendary DJ Kdep)។

បើតាមការបញ្ជាក់ DJ Kdep ចូលរួមជា Judge មួយរូបក្នុងចំណោម Judge ទាំង ៣ របស់កម្មវិធី។ DJ Kdep ជាសិល្បកររៀមច្បង ដែលត្រូវបានទស្សនិកជនគ្រប់វ័យទទួលស្គាល់ថា គាត់ជាបិតាស្ថាបនិកម្នាក់នៃចលនាតន្ត្រីហ៊ីបហបរបស់ប្រទេសកម្ពុជា។ បារមី គូសបញ្ជាក់ទតថា ផលិតកម្មពិតជារំភើបដែលមានសិល្បកររៀមច្បង ចូលរួមជាមួយគ្នា ហើយរំពឹងថា លោកនឹងនាំំយកចក្ខុវិស័យ ក៏ដូចជាបទពិសោធជាច្រើនឆ្នាំក្នុងស្រុក មកបង្ហាញ បង្រៀន ដើម្បីត្រួសត្រាយផ្លូវដល់អ្នកជំនាន់ក្រោយ។

គួររំលឹកថា កម្មវិធីប្រឡងចម្រៀងរ៉េបថ្មីនេះ ធ្វើឡើងតាមការសន្យារបស់់ផលិតកម្មបារមី ដោយផលិតកម្មវិធីប្រឡង Rapper ថ្មីមួយជារបស់ខ្មែរ ពោលគឺក្រោយការប្រកាសលែងបន្តផលិតជាមួយកម្មវិធីប្រឡងចម្រៀងរ៉េបដ៏មានប្រជាប្រិយ ‘‘The Rapper’’ ដែលមានប្រភពចេញពីប្រទេសថៃ។

ប្រមាណជាង ២ខែកក្រោយការសន្យា ពោលគឺនៅថ្ងៃព្រហស្បតិ៍ទី២៥ ខែកញ្ញា ផលិតកម្មបារមី និងភ្លើងគប់ ក៏បានប្រកាសនិមិត្តសញ្ញាកម្មវិធីប្រឡងចម្រៀងរ៉េបថ្មីមួយនេះ ដោយចាត់ទុកថា ជាអត្តសញ្ញាណនៃជំពូកថ្មីមួយសម្រាប់តន្ត្រីនៅព្រះរាជាណាចក្រកម្ពុជា។ ខណៈ ផលិតកម្មបានចាត់ទុក “The Next Level: Rapstar” ជាកម្មវិធីទូរទស្សន៍ខ្មែរមួយដែលយុវជនខ្មែរទាំងអស់គ្នាគួរតែមានមោទនភាព ហើយនេះមិនមែនគ្រាន់តែជាការប្រលងប្រកួតប្រជែងចម្រៀងរ៉េបទេ គឺជាដំណើរឆ្ពោះទៅមុខដើម្បីសម្រេចក្តីស្រមៃ។

ប្រភពដដែលបន្ថែមដែរថា និមិត្តសញ្ញានៃកម្មវិធីនេះ ក៏តំណាងឱ្យការធ្វើដំណើរក្នុងវិស័យតន្ត្រី HipHop ដែលបេក្ខជនម្នាក់ៗត្រូវអភិវឌ្ឍដុះខាត់សមត្ថភាពខ្លួន ពីមួយវគ្គទៅមួយវគ្គមុននឹងអាចឡើងបានគ្រប់កាំ រហូតបានក្លាយទៅជា RAPSTAR មួយដួង។ ខណៈកម្មវិធីនឹងក្លាយជាស្ពានសម្រាប់សិល្បករជំនាន់ក្រោយដែលមានទេពកោសល្យពិតប្រាកដ។

គួរជម្រាបថា “The Next Level: Rapstar” កម្មវិធីប្រឡងចម្រៀងរ៉េបថ្មីមួយ ផលិតដោយ Baramey Production និង ភ្លើងគប់ (PlerngKob) និងទទួលបានការឧបត្ថម្ភធំពីដៃគូសហការផ្សេងទៀតផងដែរ។ ដោយឡែក ចំពោះពេលវេលាជាក់លាក់នៃដំណើរការកម្មវិធីនេះ ផលិតកម្មបារមី មិនទាន់បញ្ជាក់ឱ្យដឹងនៅឡើយទេ៕

The post DJ Kdep ក្លាយជា Judge កម្មវិធីប្រកួត Rapper ដំបូងរបស់បារមី “THE NEXT LEVEL: RAPSTAR” appeared first on Kampuchea Thmey Daily.

កម្មវិធីប្រឡងចម្រៀងរ៉េបថ្មីនេះ ធ្វើឡើងតាមការសន្យារបស់់ផលិតកម្មបារមីជាង ២ខែកន្លងទៅ ដែលថា គ្រោងផលិតកម្មវិធីប្រឡង Rapper ថ្មីមួយជារបស់ខ្មែរ ពោលគឺក្រោយការប្រកាសលែងបន្តផលិតជាមួយកម្មវិធីប្រឡងចម្រៀងរ៉េបដ៏មានប្រជាប្រិយ ‘‘The Rapper’’ ដែលមានប្រភពចេញពីប្រទេសថៃ។

តាមរយៈសារពីទំព័រហ្វេសប៊ុកផ្លូវការ នារាត្រីថ្ងៃព្រហស្បតិ៍ទី២៥ កញ្ញានេះ ផលិតកម្មបារមី បានបញ្ជាក់ថា ផលិតករ អ្នកបង្កើត និងក្រុមការងារទាំងអស់ បានដាក់ជំនាញរៀងៗខ្លួនដើម្បីបង្កើត “The Next Level: Rapstar” ឱ្យលេចចេញជារូបរាងឡើង។ ផលិតកម្មគូសបញ្ជាក់ទៀតថា “The Next Level: Rapstar” ជាកម្មវិធីទូរទស្សន៍ខ្មែរមួយដែលយុវជនខ្មែរទាំងអស់គ្នាគួរតែមានមោទនភាព ហើយនេះមិនមែនគ្រាន់តែជាការប្រលងប្រកួតប្រជែងចម្រៀងរ៉េបទេ គឺជាដំណើរឆ្ពោះទៅមុខដើម្បីសម្រេចក្តីស្រមៃ។

ប្រភពដដែលបន្ថែមដែរថា និមិត្តសញ្ញានៃកម្មវិធីនេះ ក៏តំណាងឱ្យការធ្វើដំណើរក្នុងវិស័យតន្ត្រី HipHop ដែលបេក្ខជនម្នាក់ៗត្រូវអភិវឌ្ឍដុះខាត់សមត្ថភាពខ្លួន ពីមួយវគ្គទៅមួយវគ្គមុននឹងអាចឡើងបានគ្រប់កាំ រហូតបានក្លាយទៅជា RAPSTAR មួយដួង។ ខណៈកម្មវិធីនឹងក្លាយជាស្ពានសម្រាប់សិល្បករជំនាន់ក្រោយដែលមានទេពកោសល្យពិតប្រាកដ។

គួរជម្រាបថា “The Next Level: Rapstar” កម្មវិធីប្រឡងចម្រៀងរ៉េបថ្មីមួយ ផលិតដោយ Baramey Production និង ភ្លើងគប់ (PlerngKob) និងទទួលបានការឧបត្ថម្ភធំពីដៃគូសហការផ្សេងទៀតផងដែរ។ ដោយឡែក ចំពោះពេលវេលាជាក់លាក់នៃដំណើរការកម្មវិធីនេះ ផលិតកម្មបារមី មិនទាន់បញ្ជាក់ឱ្យដឹងនៅឡើយទេ៕

The post ទីបំផុត បារមី រួមគ្នាសម្រេចបានកម្មវិធីប្រឡងចម្រៀងរ៉េបថ្មីមួយឱ្យកម្ពុជា គឺ “The Next Level: Rapstar” appeared first on Kampuchea Thmey Daily.

នេះបើតាមការប្រកាសរបស់ផលិតកម្មបារមី កាលពីយប់ថ្ងៃទី១១ ខែកក្កដានេះ។

បើតាមការបញ្ជាក់ ការបញ្ចប់លែងបន្តផលិតជាមួយនឹងកម្មវិធីនេះ ក៏ដោយយោងទៅតាមសេចក្តីប្រកាសពីរាជរដ្ឋាភិបាលកម្ពុជា ស្តីអំពីការបញ្ឈប់ការចាក់ផ្សាយខ្សែភាពយន្តថៃគ្រប់ប្រភេទ នៅលើកញ្ចក់ទូរទស្សន៍។

តួយ៉ាង ‘’The Rapper’’ ជាកម្មវិធីប្រឡងចម្រៀងរ៉េបដ៏មានប្រជាប្រិយភាព មានប្រភពចេញពីប្រទេសថៃ (The Rapper) ហើយត្រូវបានទិញសិទ្ធយកទៅផលិតក្នុងប្រទេសវៀតណាម ក៏ដូចជាកម្ពុជា។ ទាំង The Rapper ថៃ និង វៀតណាម គឺជាកម្មវិធីប្រឡងចម្រៀងរ៉េបដែលទទួលការពេញនិយមទស្សនាជាប់ចំណាត់ថ្នាក់លេខ១ ក្នុងប្រទេស ហើយបានបង្កើតធនធានតារាចម្រៀងរ៉េបដែលមានសមត្ថភាព និងទេពកោសល្យជាច្រើនផងដែរ។

ដោយហេតុថាកម្មវិធីនេះមានប្រភពពីប្រទេសថៃ និងដោយយោងតាមសេចក្តីប្រកាសពីរាជរដ្ឋាភិបាលកម្ពុជា ស្តីអំពីការបញ្ឈប់ការចាក់ផ្សាយខ្សែភាពយន្តថៃគ្រប់ប្រភេទ នៅលើកញ្ចក់ទូរទស្សន៍ផងនោះ ផលិតកម្មបារមី ក៏សម្រេចបញ្ឈប់បន្តការផលិតជាមួយ The Rapper Cambodia ។

ទន្ទឹមនឹងការប្រកាសនេះ ផលិតកម្មបារមី ក៏សម្តែងការអរគុណផងដែរទៅកាន់ក្រុមបណ្តាអ្នកគាំទ្រ ក៏ដូចជាបេក្ខជនដែលវូលរួមប្រលងប្រជែងកន្លងមក។ ជាពិសេស ក្រុមការងារពាក់ព័ន្ធ ដែលស្វិតស្វាញជួយឱ្យដំណើរការនៃកម្មវិធីកន្លងមកប្រកបដោយជោគជ័យ។យ៉ាងណា ដ្បិតផលិតកម្មបារមីលែងបន្តរដូវកាលថ្មីជាមួយកម្មវិធីនេះក៏ពិតមែន ប៉ុន្តែផលិតកម្មបញ្ជាក់ថា ខ្លួននិងភ្លើងគប់ជាមួយក្រុមការងារ បាននិងកំពុងផលិតកម្មវិធីប្រលងថ្មីមួយ ដែលមានបញ្ចូលគំនិតថ្មីៗប្រកបដោយភាពច្នៃប្រឌិត រួមបញ្ចូលវប្បធម៌ ដើម្បីលើកស្ទួយវិស័យតន្ត្រីខ្មែរ ជំនាន់តន្ត្រីកម្ពុជា ហើយគ្រោងនឹងបង្ហាញភាពភ្ញាក់ផ្អើលនេះដើមខែសីហាខាងមុខ៕

The post បារមី បង្ហើបថា កំពុងផលិតកម្មវិធីប្រលង Rapper ថ្មីមួយជារបស់ខ្មែរ ដោយគ្រោងដាក់ចេញដើមខែសីហា appeared first on Kampuchea Thmey Daily.

ទោះគ្មានវត្តមានគ្រូបង្វឹកនៅចាំបង្ហាញតម្រង់ទិសដល់ឆាកប្រកួតផ្តាច់ព្រ័ត្រ តែ OGGolden បានប្រឹងប្រែងអស់ពីសមត្ថភាពដើម្បីតបស្នងនឹងតម្លៃដែល Ruthko ធ្លាប់ចង្អុរបង្ហាញខ្លួនកន្លងមក ជាមួយនឹងប្រយោគមួយឃ្លាថា «លោកគ្រូ ខ្ញុំធ្វើបានហើយលោកគ្រូ» ។

ជាមួយនឹងពាក្យពេចន៍មួយប្រយោគនេះ ទស្សនិកជនដែលនៅទីតាំងឆាកប្រកួតផ្ទាល់ បានស្រែកហ៊ោបន្ទោរអបអរ ខណៈមហាជនដែលទស្សនាតាមការ Live ផ្ទាល់ឯណេះវិញ ក៏បង្ហាញក្តីរំជួលចិត្តជាមួយនឹងម្ចាស់ជ័យលាភីរូបនេះផងដែរ តាមរយៈការបញ្ចេញមតិ។

ជ័យជំនះ OGGolden ធ្វើបាន បន្ទាប់ពីឆ្លងកាត់ការប្រកួតដ៏ស្វិតស្វាញអស់ជាច្រើនវគ្គ ក្នុងកម្មវិធីប្រឡងចម្រៀងរ៉េប Ra pper Fighter រដូវកាលទី១ ជាមួយខ្សែកជ័យលាភី និងងទឹកប្រាក់ ៦០លានរៀល។

ការឈ្នះពាននេះក៏ជាការឧទ្ទិសកុសលទៅកាន់ព្រលឹង Coach របស់ខ្លួនផងដែរ ដែលតាមថែរក្សារហូតដល់គេអាចលើកពានបានយ៉ាងជោគជ័យនិងគួរមោទន:។ អ្នកគាំទ្របានលើកឡើងថាអារម្មណ៍មួយនេះ សប្បាយលាយឈឺចាប់គឺ ពិបាកទប់ណាស់ជោគជ័យហើយ ធ្វើបានហើយតែគ្មានវត្តមានគ្រូនៅក្បែរ៕

The post មួយឃ្លាពីម្ចាស់ជ័យលាភី RAPPER FIGHTER ធ្វើឱ្យមហាជនពោលថា ទប់ទឹកភ្នែកមិនបានទេ appeared first on Kampuchea Thmey Daily.

ទន្ទឹមនេះ កញ្ញាក៏បានរំលឹកដល់ពាក្យពេចន៍សន្យារវាងអ្នកទាំងពីរ ថានឹងធ្វើបទចម្រៀងរួមគ្នា ធ្វើឱ្យមហាជនកាន់តែអាណិតស្រណោះ និងសោកស្តាយចំពោះការបាត់បង់វត្តមានតារាពេញដោយសមត្ថភាពរូបនេះ។

គួរជម្រាបថា Ruthko ជាតារា rapper ដ៏ល្បីមានសមត្ថភាព និងធ្លាប់ជា Coach ម្នាក់ក្នុងកម្មវិធី The Rapper Cambodia បានបាត់បង់ជីវិត ក្នុងឧបទវហេតុគ្រោះថ្នាក់ចរាចរណ៍ ដែលបង្កដោយរថយន្ត LEXUS RX330 ស្លាកលេខខេមរភូមិន្ទ 2–4771 ដែលបើកបត់ឆ្លងបញ្ច្រាសបុកមួយទំហឹង កាលពីវេលាម៉ោង ១:២០នាទីយប់រំលងអាធ្រាត ឈានចូលថ្ងៃទី ៦ ខែមករា ឆ្នាំ២០២៥ ស្ថិតនៅផ្លូវ ៦០ម៉ែត្រ ។

ជាមួយនឹងការបាត់បង់តារារ៉េបរូបនេះ មហាជនដែលជាអ្នកគាំទ្រ ក៏ដូចជាសិល្បករសិល្បការិនីជាច្រើន បានបង្ហាញការតក់ស្លុត និងចូលរួមសម្តែងការសោកស្តាយដល់ក្រុមគ្រួសារនៃសពផងដែរ៕

The post វ៉ាន់នីឡា បញ្ចេញវីដេអូអនុស្សាវរីយ៍រួមគ្នានឹង Ruthko រំលឹកគ្រាសន្យា ថានឹងធ្វើចម្រៀងរួមគ្នា តែម្នាក់ត្រូវឃ្លាតលែងត្រឡប់ appeared first on Kampuchea Thmey Daily.