Vattanac Premium Beer Archives - Kampuchea Thmey Daily

មហាព្រឹត្តិការណ៍ “ពេលវេលាល្អ អបអរសាទរ ឆ្នាំថ្មី ឆ្នាំសកល 2023” នឹងនាំវត្តមានកំពូលតារាចម្រៀង និងកំពូលកីឡាករប្រដាល់ល្បីៗ មកអង្រួនឆាកទូទាំងប្រទេសកម្ពុជា

Kang Tola — Tue, 27 Dec 2022 13:45:20 +0000

ការប្រគំតន្ត្រីដ៏អស្ចារ្យ “ពេលវេលាល្អ អបអរសាទរ ឆ្នាំថ្មី ឆ្នាំសកល 2023” នឹងមានវត្តមានជាថ្មីម្តងទៀត តាមការសន្យា ដែលប្រព្រឹត្តិទៅនាថ្ងៃឆ្លងឆ្នាំថ្មី នៅតាមបណ្តាខេត្តទូទាំងប្រទេសកម្ពុជា។

ត្រៀមខ្លួនហើយឬនៅ! ត្រៀមរាំសប្បាយ ស្រែកហ៊ោកញ្ជ្រៀវ ជាមួយនឹងវត្តមានរបស់ កំពូលតារាចម្រៀងជួរមុខ ក្នុងស្រុកជាច្រើនរូបដូចជា លោក ព្រាប សុវត្ថិ លោក នីកូ អ្នកនាង ឱក សុគន្ធកញ្ញា លោក ណុប បាយ៉ារិទ្ធ អ្នកនាង សុគន្ធ នីសា កញ្ញា មាស សុខសោភា លោក G-Devith កញ្ញា តន់ ចន្ទ័សីម៉ា លោក Tempo ពូ ឃ្លាំង កញ្ញា រ៉ាប៊ី កញ្ញា ឈីន រតនៈ លោក ម៉ម ពេជ្ជរិទ្ធ ព្រមទាំងអាយដលទាំង៤ ដែលកំពុងទទួលបាន ការគាំទ្រ យ៉ាងខ្លាំងពី ទស្សនិកជនគឺ អាយដល លឹម តិចម៉េង ស៊ឹមច័ន្ទពន្លឺ ថុល សុភិទិ និងនាង ដាវីន។ លោកអ្នកក៏ជួបជាមួយវត្តមានតារាល្បីៗជាច្រើនទៀត ដែលមានវត្តមាន នៅគ្រប់ផលិតកម្មនៅក្នុងប្រទេសកម្ពុជា។ បន្ថែមពីនេះក៏មាន ការប្រគុំតន្ត្រី EDM ពី DJ ដ៏ល្បីៗ និងការតាំងពិពរណ៍ម្ហូបអារហារដ៏សម្បូរបែប ជាមួយនឹងស្រាបៀរត្រជាក់ៗ ក៏ដូចជាភេសជ្ជៈប៉ូវកំលាំងគ្រុឌ និងគ្រុឌអាយស៍។

កាន់តែពិសេសសម្រាប់ខេត្តត្បូងឃ្មុំ នឹងមានទសន្សីយភាពដ៏អស្ចារ្យបន្ថែមពីការប្រគុំតន្ត្រី គឺកម្មវិធីប្រដាល់ “គ្រុឌគុនខ្មែរ” ឆ្លងឆ្នាំ ដែលនឹងមានការប្រកួតរយៈពេល ៣ថ្ងៃពេញចាប់ពី ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណ ជិតរង្វង់មូលទល់មុខសាលាខេត្តត្បូងឃ្មុំ។

ទីតាំងមហាព្រឹត្តិការណ៍ “ពេលវេលាល្អ អបអរសាទរ ឆ្នាំថ្មី ឆ្នាំសកល 2023” ទូទាំងប្រទេសកម្ពុជា៖

1. រាជធានីភ្នំពេញ ថ្ងៃទី ៣១ ធ្នូ ឆ្នាំ២០២២ បរិវេណ វឌ្ឍនៈ កាពីតាល ឡាយស្តាយ៍ផាក

2. ក្រុងព្រះសីហនុ ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណ ទីលានតេជោ (កន្ទុយនាគ)

3. ខេត្តសៀមរាប ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណ Pub Street

4. ខេត្តបាត់ដំបង ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណ សួនច្បារសម្តេច ស ខេង (តាមបណ្តោយមាត់ស្ទឹងសង្កែ)

5. ខេត្តកែប ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណទល់មុខសាលាខេត្តកែប

6. ខេត្តត្បូងឃ្មុំ ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណ ទល់មុខសាលាខេត្តត្បូងឃ្មុំ

7. ខេត្តកណ្តាល ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណ Triangle Park

8. ខេត្តកំពង់ឆ្នាំង ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណទីរួមខេត្ត

9. ខេត្តបន្ទាយមានជ័យ ថ្ងៃទី ៣០ – ៣១ ធ្នូ ឆ្នាំ២០២២ & ០១ មករា ឆ្នាំ២០២៣ បរិវេណសួនច្បារខាងមុខទីរួមខេត្ត

សម្រាប់ក្រុមហ៊ុន វឌ្ឍនៈ ប្រ៊ូវើរី ពួកយើងជឿជាក់ថា អាថ៍កំបាំងនៃជីវិត គឺជាភាពរីករាយ ដែលជាសុភមង្គលពិតរបស់មនុស្សគ្រប់រូប ហេតុនេះក្រុមការងារ វឌ្ឍនៈ ប្រ៊ូវើរី បាននិងកំពុងបំពេញបេសកម្មនាំមកនូវភាពរីករាយ និងកម្មវិធីកម្សាន្តដ៏អស្ចារ្យជូនដល់លោកអ្នក និងអតិថិជនរបស់វឌ្ឍនៈ ប្រ៊ូវើរី។ សូមកុំភ្លេចចូលរួមឲ្យបានច្រើនកុះករ ការប្រគុំតន្ត្រីដ៏អស្ចារ្យ “ពេលវេលាល្អ អបអរសាទរ ឆ្នាំថ្មី ឆ្នាំសកល 2023” ជាមួយនឹងវត្តមានកំពូលតារាចម្រៀង ក៏ដូចជាកំពូលកីឡាករប្រដាល់ល្បីៗជាច្រើនប្រចាំប្រទេសកម្ពុជា៕

The post មហាព្រឹត្តិការណ៍ “ពេលវេលាល្អ អបអរសាទរ ឆ្នាំថ្មី ឆ្នាំសកល 2023” នឹងនាំវត្តមានកំពូលតារាចម្រៀង និងកំពូលកីឡាករប្រដាល់ល្បីៗ មកអង្រួនឆាកទូទាំងប្រទេសកម្ពុជា appeared first on Kampuchea Thmey Daily.

ប្រវត្តិបិសាចសមុទ្រ សាយរ៉ិន ស៊ីសាច់ជាអាហារ និងស្អប់មនុស្សប្រុសខ្លាំង

សាង ស្រីល័ក្ខ — Mon, 16 May 2022 07:07:22 +0000

សាយរ៉ិន គឺជាបិសាចសមុទ្រដែលមានរូបរាងមនុស្សពាក់កណ្ដាល ត្រីពាក់កណ្ដាល។ សាយរ៉ិន និងមច្ឆាមានរូបរាងស្រដៀងគ្នាក៏ពិតមែន ប៉ុន្តែសាយរ៉ិនមានភាពកាចសាហាវជាងទេពមច្ឆា។

ប្រវត្តិសាយរ៉ិន

តាមទេវកាក្រិក សាយរ៉ិន គឹជាក្រុមស្ត្រីដែលរស់នៅលើភ្នំឈ្មោះថា ថៃគឺទុស (Taygetus) នៅភាគខាងត្បូងប្រទេសក្រិកបុរាណ ហើយពួកគេមានសមត្ថភាពក្នុងការលេងតន្ត្រី និងចម្រៀង។ ថ្ងៃមួយនៅពេលដែលទេពធីតា ឌីមីតធឺ (Demeter) បាននាំបុត្រីឯករបស់ខ្លួននឹង ហ្សូស(Zeus) ឈ្មោះ ភឺសេផ្វូនី (Persephone) មកលេងនៅឋានមនុស្សលោកស្រាប់តែត្រូវអាទិទេព ហេដឌីស (Hedes) ចាប់យកទៅបាត់។

ពពួកសាយរ៉ិនកាលនោះមាននាទីជាអ្នកចាំការពារព្រះនាង ភឺសេផ្វូនី ទើបទេពធីតា ឌីមីតធឺ ប្រទានស្លាបឲ្យដើម្បីហោះស្វែងរកបុត្រីរបស់ខ្លួនអស់រយៈពេលជាងមួយសប្ដាហ៍ តែមិនឃើញសោះ។ ហេតុនេះហើយទើបទេពធីតា ឌីមីតធឺ មានចិត្តក្ដៅក្រហាយជាខ្លាំង រួចដាក់បណ្ដាសាឲ្យពួកនាងសាយរ៉ិនក្លាយជាបិសាចសមុទ្រទៅ។

សាយរ៉ិនមានចិត្តកាចសាហាវ ស៊ីសាច់ជាអាហារ ជាពិសេសស្អប់មនុស្សប្រុសខ្លាំងណាស់។ ពួកនាងតែងបោកបញ្ឆោទមនុស្ស ដោយប្រើសម្លេងច្រៀង ឬតន្ត្រីដើម្បីអោយមករកនាង មនុស្សដែលជាជនរងគ្រោះច្រើនជា អ្នកនេសាទ អ្នកជិះទូក ក្មេងប្រុស។ នៅពេលយប់ ជាពេលដែលពួកសាយរ៉ិនចេញរកស៊ី ជួនកាលមនុស្សខ្លះ ត្រូវបាននាងយកទៅដាក់នៅលើកោះ ដើម្បីទុកជាអាហារនៅពេលថ្ងៃ។

វិធីដែលអាចការពារជីវិតពីសាយរ៉ិនបានមាន៖

១.ត្រូវធ្វើឲ្យមានសម្លេងខ្លាំងដូចជា ផ្ទុះគ្រាប់បែក

២.ត្រូវតែចេះច្រៀង ឬលេងភ្លេងបានពីរោះជាងពួកវា

៣.យកអីមកបិតត្រចៀក មិនស្ដាប់សម្លេងពួកវា

៤.បើអ្នកអាចគ្រប់គ្រងខ្លួនបាន ពីភ្លេងរបស់នាង ពួកសាយរ៉ិននឹងសម្លាប់ខ្លួនតែម្ដង៕

អត្ថបទ៖ វារី

ចុចអាន៖កំពូលទេពធីតាទាំង ១៣ អង្គនេះ តំណាងឲ្យជំនឿសាសនា របស់ប្រទេស ក្រិក

ចុចអាន៖ប្រពៃណីនៅ ចិន បុរសជាប្ដីអៀវប្រពន្ធមានផ្ទៃពោះ ដើរលើរងើកភ្លើងកំពុងក្ដៅខ្លាំង

The post ប្រវត្តិបិសាចសមុទ្រ សាយរ៉ិន ស៊ីសាច់ជាអាហារ និងស្អប់មនុស្សប្រុសខ្លាំង appeared first on Kampuchea Thmey Daily.

ក្រសួងការងារប្រកាសឈប់លើកថ្ងៃបុណ្យចំលើថ្ងៃអាទិត្យទៅឈប់ថ្ងៃបន្ទាប់

deth leng — Wed, 04 May 2022 09:09:23 +0000

ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី ៤ ខែឧសភា ឆ្នាំ ២០២២នេះ បានប្រកាសឱ្យបញ្ឈប់ការលើកថ្ងៃសម្រាកដែលជាថ្ងៃបុណ្យប៉ះចំថ្ងៃអាទិត្យ ដោយមិនត្រូវលើកពេលទៅឈប់នៅថ្ងៃបន្ទាប់ឡើយ។

សេចក្ដីណែនាំរបស់ក្រសួងការងារ លើកឡើងថា “សូមណែនាំដល់ម្ចាស់ ឬនាយករោងចក្រ សហគ្រាស បងប្អូនកម្មករ និយោជិត និងអង្គការវិជ្ជាជីវៈ គ្រប់ជាន់ថ្នាក់ទាំងអស់ឱ្យបានជ្រាបថា ថ្ងៃឈប់បុណ្យដែលមានប្រាក់ឈ្នួលចំលើថ្ងៃអាទិត្យ មិនត្រូវបានលើកទៅឈប់សម្រាកនៅថ្ងៃបន្ទាប់ឡើយ”។

ក្រសួងការងារបញ្ជាក់ថា ប្រសិនបើកម្មករនិយោជិត និងនិយោជកឯកភាពគ្នាមកធ្វើការបន្ថែមម៉ោងនៅថ្ងៃឈប់បុណ្យ ដែលមានប្រាក់ឈ្នួលចំលើថ្ងៃអាទិត្យ នោះនិយោជកត្រូវគិតការធ្វើការបន្ថែមម៉ោងក្នុងអត្រាស្មើនឹង ២០០ ភាគរយ ឬ ២ ដងនៃប្រាក់ឈ្នួលថ្ងៃធ្វើការធម្មតា៕

The post ក្រសួងការងារប្រកាសឈប់លើកថ្ងៃបុណ្យចំលើថ្ងៃអាទិត្យទៅឈប់ថ្ងៃបន្ទាប់ appeared first on Kampuchea Thmey Daily.

តោះ ចាំកាលទៀត? ដាក់ម៉ាទ្រីប សៀមរាបក៏បាន កំពង់សោមក៏បាន ទៅមើលមហាព្រឹត្តិការណ៍ដ៏ធំអស្ចារ្យ “ពេលវេលាល្អ អបអរសាទរ សង្ក្រាន្តឆ្នាំថ្មី ២០២២”

Sorn Phanith — Wed, 13 Apr 2022 07:00:46 +0000

ពិធីបុណ្យចូលឆ្នាំថ្មីឆ្នាំនេះពិតជាអស្ចារ្យមែនទែន ជាពិសេសក្នុងទឹកដីអច្ឆរិយសៀមរាបអង្គរ និងទឹកដីតារារះនាទិសនិរតីខេត្តព្រះសីហនុ បន្ទាប់ពីកែប្រែមុខមាត់យ៉ាងខ្លាំងត្រៀមទទួលស្វាគមន៍ភ្ញៀវទេសចរណ៍ជាតិ និងអន្តរជាតិ ដើម្បីអបអរសាទរ ពេលវេលាល្អសង្ក្រានឆ្នាំថ្មី ឆ្នាំ ២០២២ បន្ទាប់ពីខកខានរយៈពេល ២ ឆ្នាំ។

ដើម្បីចូលរួមអបអរ និងបង្កើនភាពរីករាយជាមួយបងប្អូនខ្មែរយើង ស្រាបៀរ វឌ្ឍនៈ និង ស្រាបៀរ គ្រុឌ នឹង រៀបចំមហាព្រឹត្តិការណ៍ “ពេលវេលាល្អ អបអរសាទរ សង្ក្រាន្តឆ្នាំថ្មី” រយៈពេលពេល ៣ ថ្ងៃពេញពីថ្ងៃទី១ ៤ ដល់ថ្ងៃទី ១៦ មេសា នៅទីតាំងសំខាន់ៗទាំងពីរនេះ។ ខេត្តសៀមរាប ស្ថិតក្នុងបរិវេណ សួនច្បារ មាត់ស្ទឹងសៀមរាប និង ខេត្តព្រះសីហនុស្ថិតនៅលើឆ្នេរទីលានសម្តេចតេជោរ ដែលសុទ្ធសឹងតែជាទីតាំងប្រជុំជនដ៏ល្អបំផុតសម្រាប់ការជួប ជុំ និងគយគន់ទេសភាពនៃពិធីបុណ្យប្រពៃណីខ្មែរក៏រីករាយនេះ។ មហាព្រឹត្តិការណ៍នេះនឹងប្រព្រឹត្តទៅចាប់ព្រឹក រហូតដល់ពាក់កណ្តាលអធ្រាត្រ ដោយមានការតុបតែងទីតាំងសម្រាប់ថតរូបស្អាតៗទុកជាអនុស្សាវរីយ៍ ការលេង ល្បែងប្រជាប្រិយខ្មែរ ការចាប់ឆ្នោតយករង្វាន់ដ៏ច្រើនសន្ធឹកសន្ធាប់ ការតាំងលក់ម្ហូបអាហារដ៏សម្បូរបែប ភេសជ្ជៈ ស្រាបៀរវឌ្ឍនៈ និងស្រាបៀរគ្រុឌ ជាស្រាបៀរគុណភាពស្តង់ដាពិត ផលិតពីស្រូវសាលីសុទ្ធ១០០%ដំបូងគេបំផុត នៅកម្ពុជា និងកាន់តែពិសេសគឺការប្រគំតន្ត្រីដ៏អស្ចារ្យពីកំពូលតារាចម្រៀងជាច្រើនរូប និងឌីជេដើម្បីឲ្យបងប្អូនយើងរាំលេង កម្សាន្តដល់យប់ជ្រៅរយៈពេល៣ថ្ងៃពេញ និងមានការផ្សាយផ្ទាល់ពីទីតាំងទាំងពីរលើកញ្ចក់ទូរទស្សន៍រស្មីហង្សមាស PNN ហ្វេសបុកផេករបស់ស្រាបៀរវឌ្ឍនៈ ស្រាបៀរគ្រុឌ និងផេកដៃគូជាច្រើនទៀត។ កុំភ្លេចចូលរួមកម្សាន្តឲ្យបានច្រើនកុះករពីទឹកដីអង្គរខេត្តសៀមរាប និងឆ្នេរសមុទ្រសក្បុសខេត្តព្រះសីហនុ។

Vatanac ព្រីមៀរបៀរ គឺជាស្រាបៀរដែលផលិតចេញពីស្រូវសាលីសុទ្ធ ១០០ភាគរយ ដំបូងគេបង្អស់នៅព្រះរាជាណាចក្រកម្ពុជា។ Vatanac ព្រីមៀរបៀរ បង្ហាញនូវប្រណិតភាព ដែលសាកសមបំផុតសម្រាប់ការអបអរសង្ក្រាន្តឆ្នាំថ្មី ជួបជុំមិត្តភក្តិបងប្អូន ហើយទទួលបាននូវបទបទពិសោធន៍ថ្មី ភ្លក់រសជាតិដ៏ឆ្ងាញ់ពិសានេះ។

ស្រាបៀរគ្រុឌ តែងតែចែករំលែកពេលពេលាល្អដល់អ្នកគ្រប់គ្នា មិនថាស្ថិតនៅក្នុងកាលៈទេសៈណាក៏ដោយ អ្នកអាចបង្កើតពេលវេលាល្អៗ ជាមួយមនុស្សជុំវិញបាន។ ពេលដែលលោកអ្នកក្រេប ឱជារសរបស់គ្រុឌដ៏ត្រជាក់លើកដំបូងភ្លាម លោកអ្នកនឹងទទួលបាននូវអារម្មណ៍ ដ៏ល្អ ជាមួយមនុស្សជាទីស្រលាញ់ ព្រមទាំងបរិយាកាសដ៏វិសេសវិសាលបំផុត។ ដូចនេះ សូមបើកគម្របស្រាបៀរ និងទទួលទានដោយក្តីរីករាយ ព្រមទាំងបង្ហាញនូវស្នាមញញឹមសម្រាប់ថាមពលវិជ្ជមាននេះទាំងអស់គ្នា៕

The post តោះ ចាំកាលទៀត? ដាក់ម៉ាទ្រីប សៀមរាបក៏បាន កំពង់សោមក៏បាន ទៅមើលមហាព្រឹត្តិការណ៍ដ៏ធំអស្ចារ្យ “ពេលវេលាល្អ អបអរសាទរ សង្ក្រាន្តឆ្នាំថ្មី ២០២២” appeared first on Kampuchea Thmey Daily.

Vattanac Premium Beer នាំក្តីរីករាយ ជាមួយសំឡេងអបអរសាទរ រាប់ថយក្រោយស្វាគមន៍ឆ្នាំថ្មី ២០២២ ក្នុងកម្មវិធី Late Night Shopping, Fashion & Countdown Party

Sorn Phanith — Mon, 03 Jan 2022 05:26:04 +0000

កាលពីថ្ងៃទី ៣១ ស្រាបៀរ វឌ្ឍនៈ ប្រ៊ូវើរី បានសហការជាមួយផ្សារទំនើបវឌ្ឍនៈ បង្កើតនូវព្រឹត្តិការណ៍ប្រគំតន្ត្រីដ៏អស្ចារ្យ និងធំជាងគេបង្អស់នៅរាជធានីភ្នំពេញ សម្រាប់ការរាប់ថយក្រោយ និង ស្វាគមន៍ឆ្នាំថ្មី។ ជោគជ័យនៃព្រឹត្តិការណ៍ឆ្នាំនេះ ពិតជាសប្បាយ រំភើបជាមួយបទពិសោធន៍ថ្មីនៃការភ្លក់នូវរសជាតិរបស់ស្រាបៀរ វឌ្ឍនៈ ព្រមទាំងការដើរបង្ហាញម៉ូតពីម៉ាកយីហោលំដាប់ពិភពលោក ការរាំលេងជាមួយ DJ និង ទេពកោសល្យសម្តែងរបស់តារាចម្រៀងល្បីៗប្រចាំព្រះរាជាណាចក្រកម្ពុជា។ សំឡេងហូរកញ្ជ្រៀវ ការរួមរាំលេង អាហារឆ្ងាញ់ៗ អមជាមួយស្រាបៀរ វឌ្ឍនៈ បានធ្វើឲ្យបរិយាកាសកាន់តែមហោឡារិក ក្នុងបរិវេណសួនច្បារដ៏ថ្មីស្រឡាងរបស់ផ្សារទំនើបនេះគឺ Vattanac Capital Lifestyle Park។

គួរឲ្យកត់សម្គាល់ផងដែរ នេះជាកម្មវិធីប្រគំតន្ត្រីធំដំបូងគេបង្អស់ របស់ស្រាបៀរ Vattanac Premium Beer ដែលផ្តួចផ្តើមឡើងក្រោមទស្សនៈនៃភាពរីករាយ។ យើងឃើញថា ក្នុងកម្មវិធីនេះ ក៏មានការចូលរួមពីតារា ចម្រៀងលំដាប់ A តារាម៉ូដែលជាតិ អន្តរជាតិ ឌីជេ និងការសម្តែងសិល្បៈពីក្រុមកញ្ញាទេព បូព្រឹក្ស ដែលលាយឡំនឹងសិល្បៈខ្មែរបុរាណ ដែលធ្វើឲ្យឆាកប្រគំតន្ត្រីនេះ កាន់តែរំភើបអស្ចារ្យ និងនាំមកនូវស្នាមញញឹមមកកាន់ទស្សនិកជន និងប្រជាជនកម្ពុជាដែលបានទស្សនាផ្ទាល់ និងតាមការឡាយរបស់ហ្វេសប៊ុកផ្លូវការរបស់ស្រាបៀរ វឌ្ឍនៈ។

ការជួបជុំដែលបានមកពីការប្រមូលផ្តុំរវាងក្រុមគ្រួសារ មិត្តភក្តិ និងមនុស្សជាទីស្រឡាញ់បង្កើតជាពេលវេលាដ៏អស្ចារ្យមួយ ដើម្បីឲ្យពួកគេចែករំលែកភាពរីករាយទៅវិញទៅមក។ ភាពរីករាយនេះហើយ ដែលយើងជឿជាក់ថា ជាអាថ៌កំបាំងនៃជីវិតដ៏ពិតប្រាកដដែលមនុស្សយើងត្រូវការ។ ទាំងនេះ គឺជាហេតុផលដែលក្រុមហ៊ុន វឌ្ឍនៈ ប្រ៊ូវើរី ខិតខំស្រាវជ្រាវរកគ្រឿងផ្សំដ៏មានគុណភាពខ្ពស់បំផុត និងសម្រិតសម្រាំងវត្ថុធាតុដើមបញ្ចូលគ្នាដើម្បីទទួលបានសមិទ្ធផលស្រាបៀរ វឌ្ឍនៈ ដ៏ល្អឥតខ្ចោះនេះផលិតពីស្រូវសាលីសុទ្ធដំបូងគេបង្អស់នៅកម្ពុជា ដើម្បីទទួលបានរសជាតិនៃភាពរីករាយដ៏ពិតប្រាកដ ភាពរីករាយដែលស្ថិតក្នុងខ្លួនប្រជាជនកម្ពុជាគ្រប់ៗរូប។ ស្រាបៀរ វឌ្ឍនៈ ចែករំលែកភាពរីករាយ ដែលអាចឲ្យមនុស្សគ្រប់រូបទទួលបាននូវថាមពលវិជ្ជមានជម្នះរាល់ឧបសគ្គទាំងឡាយ។ ស្រាបៀរ វឌ្ឍនៈ នាំមកនូវស្នាមញញឹម និងភាពរីករាយគ្មានដែនកំណត់ សម្រាប់ការជួបជុំសប្បាយរីករាយគ្រប់កម្មវិធី ។ ដើម្បីភាពរីករាយ អបអរសាទរទាំងអស់គ្នា ជាមួយស្រាបៀរ វឌ្ឍនៈ។

ចង់ដឹងថា ភាពរីករាយដែល Vattanac Premium Beer បាននាំមកជូននាក្នុងកម្មវិធី Late Night Shopping, Fashion & Countdown Party សូមអញ្ជើញទស្សនារូបភាពខាងក្រោមនេះ៖

អំពីក្រុមហ៊ុន វឌ្ឍនៈ ប្រ៊ូវើរី

វឌ្ឍនៈ ប្រ៊ូវើរី នៃ វឌ្ឍនៈ គ្រុប បានសម្រេចជោគជ័យគួរជាទីមោទនៈក្នុងការបើកទំព័រប្រវត្តិសាស្ត្រថ្មីក្នុងវិស័យឧស្សាហកម្មស្រាបៀរនៅប្រទេសកម្ពុជា តាមរយៈការផលិត និងការចែកចាយស្រាបៀរ វឌ្ឍនៈ និងស្រាបៀរ គ្រុឌ ដែលជាស្រាបៀរជាតិថ្មី មានគុណភាព និងស្តង់ដាកម្រិតពិភពលោក នៅលើទឹកដីនៃព្រះរាជាណាចក្រអច្ឆរិយ។

ស្រាបៀរ វឌ្ឍនៈ និងស្រាបៀរ គ្រុឌ របស់ វឌ្ឍនៈ ប្រ៊ូវើរី គឺជាជម្រើសដ៏ត្រឹមត្រូវល្អបំផុត សម្រាប់គុណភាព និងសេវាកម្មល្អឯកជាចម្បង តាមរយៈការសម្រិតសម្រាំងគ្រឿងផ្សំដោយជ្រើសយកវត្ថុធាតុដើមយ៉ាងល្អិតល្អន់ពីក្រៅប្រទេស ដែលមានគុណភាពខ្ពស់ ដូចជា ស្រូវសាលី ផ្កាហប់ និងមេស្រាបៀរ ជាមួយនឹងការបំពាក់នូវគ្រឿងចក្រស្តង់ដាអន្តរជាតិ និងបច្ចេកវិទ្យាទំនើបចុងក្រោយបំផុតពីប្រទេសអាឡឺម៉ង់។

ជាមួយនឹងបទពិសោធន៍ជាច្រើនទសវត្សរ៍ក្នុងវិស័យស្រាបៀរ និងភេសជ្ជៈ វត្តមាននៃរោងចក្រស្រាបៀរ វឌ្ឍនៈ ប្រ៊ូវើរី នឹងជួយជំរុញវិស័យឧស្សាហកម្មស្រាបៀរ និងភេសជ្ជៈនៅក្នុងប្រទេសកម្ពុជាឱ្យកាន់តែមានភាពទំនើបសម្បូរបែបជាមួយនឹងបទពិសោធន៍ថ្មីប្លែកថែមមួយកម្រិតទៀត។ ជាពិសេស គឺជួយជំរុញដល់ការលើកកម្ពស់គុណភាព និងស្តង់ដានៃការផលិតឱ្យកាន់តែមានភាពល្អប្រសើរឡើង៕

The post Vattanac Premium Beer នាំក្តីរីករាយ ជាមួយសំឡេងអបអរសាទរ រាប់ថយក្រោយស្វាគមន៍ឆ្នាំថ្មី ២០២២ ក្នុងកម្មវិធី Late Night Shopping, Fashion & Countdown Party appeared first on Kampuchea Thmey Daily.

Vattanac Premium Beer Archives - Kampuchea Thmey Daily

ប្រវត្តិបិសាចសមុទ្រ សាយរ៉ិន ស៊ីសាច់ជាអាហារ និងស្អប់មនុស្សប្រុសខ្លាំង

ក្រសួង​ការងារ​ប្រកាស​ឈប់​លើក​ថ្ងៃបុណ្យ​ចំលើថ្ងៃអាទិត្យ​ទៅឈប់​ថ្ងៃបន្ទាប់

ក្រសួងការងារប្រកាសឈប់លើកថ្ងៃបុណ្យចំលើថ្ងៃអាទិត្យទៅឈប់ថ្ងៃបន្ទាប់