ខ្សែភាពយន្ដ​ឯកសារ​បែប​រន្ធត់ «អាពាហ៍ពិពាហ៍ ៩៣» ឬ «Wedding 93» បាននាំយកទៅចាក់ផ្សាយតាមបណ្ដាប្រទេសដូចជា​ សហរដ្ឋអាមេរិក អូស្ត្រាលី និង​បារាំង រយៈពេលជាងមួយខែមកហើយ ខណៈបញ្ចាំងបាន ៤០ថ្ងៃប៉ុណ្ណោះ ភាពយន្តនេះបានទាក់ទាញពិន្ទុពី​គណៈកម្មការ​ និង​អ្នកទស្សនា ​នៅឯមហោស្រព ឱ្យ​បោះឆ្នោត​គាំទ្រ​ រហូតឈ្នះពានផ្ទួនៗ។

ប្រភពពី ​ហ្វេ​ស​ប៊ុ​ក​ផេ​ក Wedding 93 បានឱ្យដឹងថា ក្រោយពី​ចូលរួម​ប្រកួត​ក្នុង​មហោស្រព​ភាពយន្ដ​អន្ដរជាតិ​ចំនួន១៨ ខ្សែភាពយន្ត «អាពាហ៍ពិពាហ៍ ៩៣» ឬ «Wedding 93» បានឈ្នះ​ពានរង្វាន់ភាពយន្តឯកសារល្អបំផុត ឬ «The Best Documentary Award» រហូតដល់​ទៅ ១៤ពាន។ បន្ថែមពីលើនេះ វាបាន​ឈរ​នៅលើលំដាប់កំពូលៗនៃតារាងល្បីៗផ្សេងទៀតដូចជា៖

​លំដាប់​ទី១ ភាពយន្ដ​កម្ពុជាមានការស្វែងរកច្រើនបំផុត​ក្នុង​គេហទំព័រ IMDB

លំដាប់​ទី១ ​ភាពយន្ដ​ឯកសារ​កម្ពុជា​មាន​ប្រជាប្រិយភាពបំផុត​ក្នុងគេហទំព័រ IMDB

លំដាប់​ទី ១ ភាពយន្ដ​ឯកសារ​រន្ធត់​បំផុត ក្នុងគេហទំព័រ IMDB

លេខ​រៀង​ទី១៤ ​ភាពយន្ដ​ឯកសារ​ពេញនិយម​ជា​សកល ​ក្នុងគេហទំព័រ IMDB

ប្រភពដដែលបង្ហើបដែរថា «អាពាហ៍ពិពាហ៍ ៩៣» ឬ «Wedding 93» ក៏​កំពុង​ត្រៀមខ្លួនបង្ហាញវត្តមាននៅក្នុង​ប្រទេស​កម្ពុជា​នាពេលឆាប់ៗផងដែរ៕

អត្ថបទ៖ សន្យា

ចុចអាន៖ ផលិតករទម្លាយថា «Wedding 93» វីដេអូដើមសាហាវជាង Trailer ទៅទៀត

ចុចអាន៖ វណ្ណដា ក្លាយជាសិល្បករ កម្ពុជា ដំបូង បង្ហាញខ្លួនលើទំព័រមុខនៃទស្សនាវដ្ដីអន្ដរជាតិ

The post ត្រឹម ៤០ថ្ងៃ «អាពាហ៍ពិពាហ៍៩៣» ប្រមូលពានបានមិនចេះតិច! appeared first on Kampuchea Thmey Daily.

អ្វីដែលគួរឱ្យចាប់អារម្មណ៍ពីរឿង “អាពាហ៍ពិពាហ៍​ ៩៣” ឬ «Wedding 93» ត្រូវបានផលិតករទម្លាយថា វីដេអូដើមគួរឱ្យព្រឺព្រួចជាង​ Trailer ដែលយើងបានឃើញទៅទៀត​ ខណៈហ្វេននិយមភាពយន្តភ័យរន្ធត់លើកឡើងដែរថា រឿងនេះគួរឱ្យព្រឺខ្លាចនិងរន្ធត់មិនចាញ់ស៊េរីរឿង The Conjuring របស់អាមេរិកឡើយ។ 

តាមរយៈវីដេអូ Trailer និងតាមការរៀបរាប់របស់លោក Paul Zagaris បានឱ្យដឹងថា «Wedding 93» គឺ​ជាខ្សែ​ភាពយន្ត​បែប​ឯកសារ​ដ៏​រន្ធត់​ព្រឺព្រួច​ រៀបរាប់​ពី​ព្រឹត្តិការណ៍​នៃ​អាពាហ៍ពិពាហ៍នៅ​ទី​ជនបទ​​មួយ​ក្នុង​ប្រទេស​កម្ពុជា ​នា​​ឆ្នាំ ១៩៩៣ ដែលមានកូន​កំលោះ​ឈ្មោះ បុល និង​កូន​ក្រមុំ​​ឈ្មោះ រ៉ា​ ។ ​ខណៈ​កំពុង​ធ្វើ​ពិធីសំពះផ្ទឹម ​កូន​ក្រមុំ​មាន​អាកប្បកិរិយា​ប្លែក ខុសប្រក្រតី រហូតដល់ប្រកាច់ ដែលពេលនោះគេជឿថា ​មាន​ព្រលឹង​ចូល​សណ្ឋិតក្នុងខ្លួននាង។

បន្ទាប់មក នាង​បាន​រត់​ចេញ​ចោល​រោងការ រួចឡើង​​​ដើមឈើ​ធំ​មួយ អង្រួនសឹងបាក់ដើម និងសម្លក់សំឡឹងមក​ក្រោម​ជាមួយ​កែវ​ភ្នែក​គួរ​ឱ្យ​ខ្លាច​។ ​ក្រុម​គ្រួសារ​ទាំងសងខាង ក៏ដូចជាអ្នកផង​ បាន​នាំ​គ្នា​​តាមចាប់​នាង​ត្រឡប់​​ទៅផ្ទះ ប៉ុន្តែ​ចុងបញ្ចប់មិនទាន់ដឹងទៅជាយ៉ាងណានៅឡើយ។

ប្រិយមិត្តកម្ពុជាសង្ឃឹមថានឹងបានទស្សនាខ្សែភាពយន្តនេះពេញ ប្រសិនផលិតកម្មណាមួយរបស់អន្តរជាតិទិញសិទ្ធិផលិត ស្របពេលដែលថ្ងៃចាក់បញ្ចាំងនៅឯមហោស្រពភាពយន្ត (Film Festivals) មិនទាន់បញ្ជាក់នៅឡើយ៕

ទស្សនាវីដេអូ Trailer

អត្ថបទ៖ សន្យា

ចុចអាន៖ ខេមរៈ សិរីមន្ត សម្រេចកែតម្រូវពាក្យស្លោក បន្ទាប់ពីរងការរិះគន់ពីមហាជន

ចុចអាន៖ ខ្សែភាពយន្ត Eternals ឈរលើកំពូលតារាង Box Office តែរកចំណូលមិនដូចការរំពឹងទុក

The post ផលិតករទម្លាយថា «Wedding 93» វីដេអូដើមសាហាវជាង Trailer ទៅទៀត appeared first on Kampuchea Thmey Daily.