ត្រឹម ៤០ថ្ងៃ «អាពាហ៍ពិពាហ៍៩៣» ប្រមូលពានបានមិនចេះតិច!

ក្រោយចាក់បញ្ចាំងបាន ៤០ថ្ងៃ ភាពយន្ដ​ឯកសារ​បែប​រន្ធត់ «អាពាហ៍ពិពាហ៍ ៩៣» ឬ «Wedding 93» បានឈ្នះពានរង្វាន់ចំនួន ១៤​ពាន ពីអន្តរជាតិ។ នេះបើយោងតាមការបង្ហោះពី ហ្វេសប៊ុកផេកផ្លូវការ Wedding 93 កាលពីថ្ងៃទី ១៤​ ខែធ្នូ ឆ្នាំ២០២១ កន្លងទៅ។

ខ្សែភាពយន្ដ​ឯកសារ​បែប​រន្ធត់ «អាពាហ៍ពិពាហ៍ ៩៣» ឬ «Wedding 93» បាននាំយកទៅចាក់ផ្សាយតាមបណ្ដាប្រទេសដូចជា​ សហរដ្ឋអាមេរិក អូស្ត្រាលី និង​បារាំង រយៈពេលជាងមួយខែមកហើយ ខណៈបញ្ចាំងបាន ៤០ថ្ងៃប៉ុណ្ណោះ ភាពយន្តនេះបានទាក់ទាញពិន្ទុពី​គណៈកម្មការ​ និង​អ្នកទស្សនា ​នៅឯមហោស្រព ឱ្យ​បោះឆ្នោត​គាំទ្រ​ រហូតឈ្នះពានផ្ទួនៗ។

ប្រភពពី ​ហ្វេ​ស​ប៊ុ​ក​ផេ​ក Wedding 93 បានឱ្យដឹងថា ក្រោយពី​ចូលរួម​ប្រកួត​ក្នុង​មហោស្រព​ភាពយន្ដ​អន្ដរជាតិ​ចំនួន១៨ ខ្សែភាពយន្ត «អាពាហ៍ពិពាហ៍ ៩៣» ឬ «Wedding 93» បានឈ្នះ​ពានរង្វាន់ភាពយន្តឯកសារល្អបំផុត ឬ «The Best Documentary Award» រហូតដល់​ទៅ ១៤ពាន។ បន្ថែមពីលើនេះ វាបាន​ឈរ​នៅលើលំដាប់កំពូលៗនៃតារាងល្បីៗផ្សេងទៀតដូចជា៖

​លំដាប់​ទី១ ភាពយន្ដ​កម្ពុជាមានការស្វែងរកច្រើនបំផុត​ក្នុង​គេហទំព័រ IMDB

លំដាប់​ទី១ ​ភាពយន្ដ​ឯកសារ​កម្ពុជា​មាន​ប្រជាប្រិយភាពបំផុត​ក្នុងគេហទំព័រ IMDB

លំដាប់​ទី ១ ភាពយន្ដ​ឯកសារ​រន្ធត់​បំផុត ក្នុងគេហទំព័រ IMDB

លេខ​រៀង​ទី១៤ ​ភាពយន្ដ​ឯកសារ​ពេញនិយម​ជា​សកល ​ក្នុងគេហទំព័រ IMDB

ប្រភពដដែលបង្ហើបដែរថា «អាពាហ៍ពិពាហ៍ ៩៣» ឬ «Wedding 93» ក៏​កំពុង​ត្រៀមខ្លួនបង្ហាញវត្តមាននៅក្នុង​ប្រទេស​កម្ពុជា​នាពេលឆាប់ៗផងដែរ៕

អត្ថបទ៖ សន្យា

ចុចអាន៖ ផលិតករទម្លាយថា «Wedding 93» វីដេអូដើមសាហាវជាង Trailer ទៅទៀត

ចុចអាន៖ វណ្ណដា ក្លាយជាសិល្បករ កម្ពុជា ដំបូង បង្ហាញខ្លួនលើទំព័រមុខនៃទស្សនាវដ្ដីអន្ដរជាតិ