ការគាំងនេះធ្វើឲ្យប៉ះពាល់ដល់អ្នកប្រើប្រាស់រាប់លាននាក់ ជាពិសេសនៅសហរដ្ឋអាមេរិក ចក្រភពអង់គ្លេស ឥណ្ឌា និងបណ្តាប្រទេសជាច្រើនទៀត។

ពេលអ្នកមើល YouTube បើកកម្មវិធីមក វាលោតផ្ទាំង Homepage ទទេស្អាត ឬបង្ហាញសារ «Something went wrong» ដែលមិនត្រឹមតែគេហទំព័រ YouTube ប៉ុណ្ណោះទេ តែវាក៏ប៉ះពាល់ដល់ App នានាដូចជា YouTube Music, YouTube Kids និង YouTube TV ផងដែរ។

យោងតាមសេចក្តីរាយការណ៍របស់ News.Az ការដាច់លើកនេះ មិនមែនបណ្តាលមកពីការវាយប្រហារតាមអ៊ីនធឺណិត ឬបញ្ហា Server ទាំងស្រុងនោះទេ ប៉ុន្តែវាគឺជាកំហុសបច្ចេកទេសក្នុងប្រព័ន្ធ Algorithm ដែលជ្រើសរើសវីដេអូមកបង្ហាញអ្នកប្រើប្រាស់។

ជុំវិញបញ្ហានេះ ក្រុមហ៊ុន YouTube បានបញ្ជាក់ហេតុផលក្នុងសេចក្តីប្រកាសបង្ហោះលើបណ្តាញសង្គម X ថា ការរអាក់រអួលដែលធ្វើឲ្យអ្នកប្រើប្រាស់មើលមិនឃើញវីដេអូនៅលើ Homepage គឺបណ្តាលមកពី «បញ្ហាបច្ចេកទេសនៅក្នុងប្រព័ន្ធណែនាំវីដេអូ (Recommendations System)។

ក្រោយគាំងមួយម៉ោង ក្រុមហ៊ុនក៏ប្រកាស Final Update ថាបញ្ហាត្រូវបានដោះស្រាយរួចរាល់ ហើយសេវាកម្មទាំងអស់បានត្រឡប់មកជាធម្មតាវិញ៕

អត្ថបទ៖ សុខ សុវណ្ណ

The post ដឹងមូលហេតុ ដែល YouTube គាំងព្រឹកមិញ appeared first on Kampuchea Thmey Daily.

បើយោងតាម Metro បានបញ្ចាក់ថា Mike Black គឺជាម្ចាស់ក្រុមហ៊ុន Told Media ជាទីភ្នាក់ងារអភិវឌ្ឍន៍កម្មវិធីដែលមានតួលេខចំនួនប្រាំពីរនៃប្រាក់ចំណូល បានចាប់ផ្តើមការបណ្តាក់ទុននេះដើម្បីបញ្ចូលគោលការណ៍ដែលគាត់បានបង្រៀននៅក្នុងកម្មវិធីណែនាំអាជីវកម្មអនឡាញរនេះ ។​ ប៉ុន្តែ​គាត់​មិន​បាន​សម្រេច​គោល​ដៅ​របស់​ខ្លួនទេ ដោយ​បាន​លា​ឈប់​ពី​គម្រោង​នេះភ្លាមៗ​បន្ទាប់​ពី​រក​ប្រាក់​បាន​តែ៦៤,០០០ ដុល្លារ​ប៉ុណ្ណោះ ព្រោះបញ្ហាសុខភាពនិង​គ្រួសារ​មក​មុន។

បើយោងតាមគេហទំព័រ The Mirror បានគូសបញ្ចាក់ដែរថា ដំបូង Black តស៊ូបន្ទាប់ពីលះបង់ផ្ទះ ឡាន និងបង្កើតជីវិត។ គាត់​ត្រូវ​បាន​គេ​បដិសេធ​ទឹក ហើយ​រក​មិន​ឃើញ​កន្លែង​ស្នាក់​នៅជារបស់ខ្លួនឡើយ។ សំណាងរបស់គាត់បានផ្លាស់ប្តូរនៅពេលដែលម្ចាស់ឡានម្នាក់ផ្តល់ជម្រកដល់គាត់ ហើយក្រោយមក គាត់រកបាន ៣០០ ដុល្លារដំបូង​ដោយការលក់គ្រឿងសង្ហារឹមតាមអ៊ីនធឺណិត។

ក្នុងរយៈពេលប្រាំថ្ងៃ គាត់រកលុយបានគ្រប់គ្រាន់ដើម្បីទិញកុំព្យូទ័រ។ ត្រឹមពីរសប្តាហ៍ គាត់ទទួលបានកន្លែងការិយាល័យ ហើយមិនយូរប៉ុន្មាន គាត់បានចាប់ផ្តើមជួលកន្លែងមួយ។ បីខែនៅក្នុងការប្រកួតប្រជែង គាត់បានចាប់ផ្តើមធ្វើការជាអ្នកគ្រប់គ្រងប្រព័ន្ធផ្សព្វផ្សាយសង្គម និងបើកដំណើរការម៉ាកកាហ្វេផ្ទាល់ខ្លួនរបស់គាត់។

ទោះជាយ៉ាងណាក៏ដោយនៅថ្ងៃទី ១៣៨ មហាសេដ្ឋី YouTube​ ​រូបនេះបានពិចារណាឡើងវិញ អំពីអាទិភាពរបស់គាត់នៅពេលដឹងថាឪពុករបស់ខ្លួនមានជំងឺមហារីកពោះវៀនធំ។ បន្ទាប់មកគាត់បានសម្រេចចិត្តបញ្ចប់គម្រោងដោយបញ្ជាក់ថា សុខភាព និងគ្រួសារមានសារៈសំខាន់ជាងបញ្ហាប្រឈម ដូច្នេះទើបសម្រេចចិត្តបញ្ឈប់គម្រោងទាំងមូលនេះចោលតែម្ដង។

សូមបញ្ចាក់ដែរថា Mike Black បានចាប់ផ្តើមគម្រោងមួយដែលមានឈ្មោះថា “Million Dollar Comeback Challenge” នៅឆ្នាំ ២០២០ ជាមួយនឹងគោលដៅនៃការចាប់ផ្តើមអាជីវកម្មថ្មី និងពង្រីកវាឱ្យមានតម្លៃ ១ លានដុល្លារ។ ការពិសោធន៍របស់គាត់គឺដើម្បីបញ្ជាក់ថា ការបង្កើតទ្រព្យសម្បត្តិ មនចាំបាច់ត្រូវការដើមទុនដំបូងឡើយ ប៉ុន្តែពឹងផ្អែកលើការលះបង់ ការខិតខំប្រឹងប្រែង និងការយល់ដឹងពីអាជីវកម្ម៕

អត្ថបទ៖ សាង ​ស្រីល័ក្ខ

ចុចអាន៖

The post សេដ្ឋី YouTube​ អាមេរិកមួយរូប បោះបង់ចោលការពិសោធន៍ជីវិត ក្រោយគ្រួសារជួបទុក្ខធំ appeared first on Kampuchea Thmey Daily.

ចំពោះគណនី YouTube របស់ Russell មានអ្នកចុច Subscribe ដល់ទៅ ៦,៦ លាននាក់ឯណោះ ។

យោងតាម Sara McCorquodale នាយកប្រតិបត្តិនៃទីភ្នាក់ងារវិភាគប្រព័ន្ធផ្សព្វផ្សាយសង្គម CORQ បានប្រាប់កាសែត The Guardian ថា Russell អាចរកប្រាក់បានប្រហែល ២ ៥០០ ដុល្លារ ទៅ ៤ ៩៥០ ដុល្លារ ក្នុងមួយវីដេអូ បើគាត់បង្ហោះវីដេអូមួយសប្ដាហ៍ចំនួន ៥ ។

គួរជម្រាបថា លោក Russell ត្រូវគេចោទប្រកាន់ថា បានរំលោភស្ត្រីម្នាក់នៅក្នុងផ្ទះរបស់គាត់ ក្រោយលែងលះពីកំពូលតារាចម្រៀង Katy Perry ត្រឹមតែ ៥ ខែប៉ុណ្ណោះ ។ លើសពីនេះ ស្ត្រីបីនាក់ផ្សេងទៀតក៏បានចោទប្រកាន់ Russell ពីបទរំលោភបំពានផ្លូវភេទ និងផ្លូវចិត្ត ដែលកើតឡើងរវាងឆ្នាំ ២០០៦ និង ២០១៣ ផងដែរ ៕

ប្រែសម្រួល៖ វារី

ប្រភព៖ deadline

ចុចអាន៖ បែកធ្លាយ អតីតស្វាមី Katy Perry ធ្លាប់រំលោភស្ត្រីក្រោយការលែងលះត្រឹម ៥ ខែប៉ុណ្ណោះ

The post YouTube ផ្អាកដាក់ពាណិជ្ជកម្មលើវីដេអូរបស់ Russell Brands ក្រោយរឿងអាស្រូវរំលោភបំពាន appeared first on Kampuchea Thmey Daily.

ខណៈដែលចុងឆ្នាំ ២០២២ ខាង YouTube បានចែករំលែកបញ្ជីវីដេអូចម្រៀងចំនួន ១០ បទដ៏ពេញនិយមបំផុតនៅលើវេទិការបស់ខ្លួន ដែលបានចេញផ្សាយនៅឆ្នាំនេះ។ ក្នុងនោះ ​មាន​តែ​ការ​មើល​ដោយ​អ្នក​ប្រើ YouTube ក្នុង​ប្រទេស​កូរ៉េ​តែប៉ុណ្ណោះ ​ដែល​រាប់​បញ្ចូល​ក្នុង​បញ្ជីទិន្នន័យត្រូវបានប្រមូលពីថ្ងៃទី ១ ខែមករា ដល់ថ្ងៃទី ៣០ ខែតុលា។

ខាងក្រាមនេះគឺជាវីដេអូចម្រៀង K POP ដ៏ពេញនិយមបំផុតទាំង១០ ដែលបានចេញផ្សាយក្នុងឆ្នាំ ២០២២៖

១. Lim Young Woong – “If We Ever Meet Again”

២. PSY – “That That (prod. & feat. Suga of BTS)”

៣. BIGBANG – “Still Life”

៤. (G)I-DLE – “TOMBOY”

៥. Lim Young Woong – “Our Blues, Our Life”

៦. BLACKPINK – “Pink Venom”

៧. IVE – “After LIKE”

៨. GOT the beat – “Step Back” Stage Video

៩. IVE – “LOVE DIVE”

១០. Lim Young Woong – “Rainbow”

ប្រែសម្រួល៖នាងតូច

ចុចអាន៖ទុះការវែកញែកពេញអ៊ីនធឺណិត ក្រោយបែកធ្លាយរូបភាព Rosé និង CEO របស់ Spotify ណាត់ជួបគ្នាទេ

The post Youtube បញ្ចេញវីដេអូចម្រៀង K POP ដ៏និយមបំផុតទាំង ១០ បទក្នុងឆ្នាំ ២០២២ appeared first on Kampuchea Thmey Daily.

វីដេអូនេះ ត្រូវបានបង្ហោះចូលទៅក្នុង YouTube នៅខែមិថុនាឆ្នាំ ២០១៦ ដោយក្រុមហ៊ុនអប់រំរបស់កូរ៉េខាងត្បូង Pinkfong និងថតដោយតារាចម្រៀង Hope Segoine។

គិតត្រឹមខែមីនាឆ្នាំ២០២០ វីដេអូនេះមានអ្នកចូលមើលលើស ៤.៦ ពាន់លានដងរួចទៅហើយ ដែលធ្វើឲ្យវាក្លាយជាវីដេអូមួយ ក្នុងចំណោមវីដេអូដែលត្រូវបានគេចូលមើលច្រើនបំផុតទាំង៥ របស់ YouTube។

គិតត្រឹមខែវិច្ឆិកាឆ្នាំ២០២០ “Baby Shark” ទទួលបានអ្នកមើលជាង ៧.០៤ ពាន់លានដង ធ្វើឲ្យវាក្លាយជាវីដេអូមានអ្នកមើលច្រើនបំផុតនៅលើ YouTube។

ក្រុមហ៊ុន​ Pinkfong បានប្រកាសកាលពីថ្ងៃទី១៣ខែមករាថា “Baby Shark” បានក្លាយជាវីដេអូដំបូងគេនៅលើវេទិកានេះ ដែលមានការចូលមើលលើសពី១០ពាន់លានដង។

“Baby Shark” បានវ៉ាដាច់វីដេអូដែលមានអ្នកមើលច្រើនជាងគេលំដាប់ទីពីររបស់ YouTube គឺបទចម្រៀង “Despacito” ដែលមានអ្នកមើលប្រហែល៣ពាន់លានដង៕

ប្រែសម្រួល៖ Vann Vann

ប្រភព៖ KXAN

ចុចអាន៖ BLACKPINK បំបែក ប្រវត្តិសាស្ត្រ YouTube មាន អ្នក តាមដានច្រើនជាងគេបំផុត

The post Baby Shark បង្កើតប្រវត្តិសាស្រ្ត ជាវីដេអូមានអ្នកមើលច្រើនបំផុតក្នុង YouTube appeared first on Kampuchea Thmey Daily.

នៅក្នុងមាតិកាដែលមានចំណងជើងថា“ ការគ្រប់គ្រងមាតិកាវ៉ាក់សាំង ​ដែលបង្កគ្រោះថ្នាក់​នៅលើយូធូប” វេទិកាដែលគ្រប់គ្រងដោយ Google បាននិយាយថា ខ្លួនកំពុងប្លុកព័ត៌មានមិនពិត អំពីវ៉ាក់សាំងណាមួយ ដែលត្រូវបានអនុម័តដោយអាជ្ញាធរសុខភាពល្បីឈ្មោះ ឬកំពុងចែកចាយទូទាំងពិភពលោក។

YouTube បានសរសេរ​ថា“ យើងបានដកមាតិកាលើកកម្ពស់​ឱសថ ​ដែល​បង្ក​គ្រោះថ្នាក់​ដូចជាការនិយាយថា ការ​ផឹករមៀតអាច​ព្យាបាល​ជំងឺជាដើម” ។ យើងបានបង្កើតគោលនយោបាយ​ទាំងនេះ នៅពេលដែល​ជំងឺ​​បានរាតត្បាត​ ហើយយើងបានធ្វើការជាមួយអ្នកជំនាញ​ ដើម្បី​បង្កើត​គោល​នយោបាយ​ថ្មី​ចំនួន ១០ ជុំវិញ​កូវីដ -១៩ និង​ព័ត៌មាន​មិន​ពិត​ផ្នែក​វេជ្ជសាស្ត្រ។

YouTube និយាយ​ថា​ខ្លួន​បាន​លុប​វីដេអូ​ជាង ១៣០.០០០ ដែល​ជួយ​ផ្សព្វផ្សាយ​ព័ត៌មាន​មិន​ពិត​ចាប់តាំង​ពី​ឆ្នាំ​មុន។

លោក Matt Halprin អនុប្រធានផ្នែកទំនុកចិត្តនិងសុវត្ថិភាពជាសកលរបស់ YouTube បានប្រាប់ The Washington Post ថា“ ការបង្កើតគោលនយោបាយរឹងមាំ ត្រូវការពេលវេលា” ។ យើងចង់ដាក់ចេញនូវគោលនយោបាយមួយ​ដែល​មាន​លក្ខណៈ​គ្រប់​ជ្រុងជ្រោយ ​អាច​អនុវត្ត​បាន​ដោយ​មាន​ភាព​ស្ថិតស្ថេរ​ និង​ដោះស្រាយបញ្ហា​បាន​គ្រប់គ្រាន់៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖មូលហេតុអ្នកជំងឺនៅសេសសល់រោគសញ្ញាក្រោយជា ដែលគេហៅថា កូវីដរយៈពេលវែង

The post YouTube​ ប្លុកវីដេអូ ដែលផ្សព្វផ្សាយព័ត៌មានមិនពិត ប្រឆាំងនឹងវ៉ាក់សាំង appeared first on Kampuchea Thmey Daily.

ទន្ទឹមនោះក្រុមហ៊ុន YouTube ក៏កំពុងផ្អាកឆានែលរបស់ប្រធានាធិបតី Donald Trump យ៉ាងហោចណាស់មួយសប្តាហ៍ដោយសារតែក្រុមហ៊ុនទទួលបានការព្រមាន បន្ទាប់ពីការបង្ហោះវីដេអូដែលបង្ហាញពីការញុះញង់ឲ្យមានអំពើហិង្សា ។

អ្នកនាំពាក្យរបស់ YouTube បាននិយាយនៅក្នុងសេចក្តីថ្លែងការណ៍មួយថា “បន្ទាប់ពីការពិនិត្យឡើងវិញយ៉ាងប្រុងប្រយ័ត្ន ហើយដោយមានការព្រួយបារម្ភអំពីសក្តានុពលនៃអំពើហិង្សាដែលកំពុងកើតមាន យើងបានលុបចោលមាតិកាថ្មីដែលត្រូវបានដាក់ចូលទៅក្នុងឆានែល Donald J. Trump ដោយសារវាបានរំលោភគោលនយោបាយរបស់យើងចំពោះការញុះញង់ឲ្យមានអំពើហិង្សា ។ ជាលទ្ធផលយោងទៅតាមប្រព័ន្ធការរំលោភបំពានរបស់យើង ឥឡូវឆានែលរបស់លោក Trump ត្រូវបានរារាំងមិនឲ្យដាក់បញ្ចូលវីដេអូថ្មី ឬការផ្សាយផ្ទាល់ក្នុងរយៈពេលយ៉ាងតិច ៧ ថ្ងៃ ឬអាចលើសនេះ” ។

ការសម្រេចចិត្តនឹងត្រូវពិនិត្យឡើងវិញក្នុងរយៈពេលមួយសប្តាហ៍ ។ ទោះជាយ៉ាងណាក៏ដោយប្រសិនបើឆានែលរបស់ Trump ទទួលបានការបំពានមួយទៀត ក្រុមហ៊ុននឹងផ្អាករយៈពេល ២ សប្តាហ៍  ហើយការបំពានទី ៣ នឹងបណ្តាលឲ្យមានការដកចេញជាអចិន្ត្រៃយ៍តែម្ដង ។

បំរាមលើប្រធានាធិបតី និងការលុបបំបាត់ទ្រង់ទ្រាយធំនៃបណ្តាញសង្គមកើតឡើង បន្ទាប់ពីកុបកម្មនៅវិមានកាពីតូលនៅក្នុងទីក្រុងវ៉ាស៊ីនតោនឌីស៊ីកាលពីសប្តាហ៍មុន ។ អ្នកគាំទ្ររបស់លោក Trump បានប្រមូលផ្តុំគ្នាតវ៉ាប្រឆាំងនឹងការបញ្ជាក់លទ្ធផលនៃការបោះឆ្នោតប្រធានាធិបតីឆ្នាំ ២០២០ ដោយបញ្ជាក់ថា ពួកគេត្រូវបានលួចបន្លំសន្លឹកឆ្នោត ខណៈដែលភាពចលាចលដោយអំពើហិង្សានោះបានបណ្តាលឲ្យមានមនុស្សស្លាប់ ៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ គ្រាន់តែបិទគណនីរបស់ Trump, Twitter ខាតលុយអស់៥ពាន់លានដុល្លារ

ចុចអាន ៖ ជនជាតិអាមេរិកជាងកន្លះលាននាក់ងាកទៅប្រើ Telegram ក្រោយបណ្ដាញសង្គមធំៗបិទគណនីលោក Trump

The post ទៀតហើយ! YouTube ផ្អាកឆានែលរបស់ Trump មួយសប្ដាហ៍ ក្រោយទទួលសារព្រមានជាបន្តបន្ទាប់ appeared first on Kampuchea Thmey Daily.

វេបសាយនេះរាយការណ៍ថា ផ្អែកលើការគាំងរយៈពេល៣៧នាទី ក្រុមហ៊ុនទំនងជាខាតបង់ទឹកប្រាក់អស់ចំនួន១.៣លានផោនស្មើនឹង១,៧២៩,៣៤៤ដុល្លារអាមេរិក។

នេះគឺផ្អែកទៅលើការពិតដែលថា YouTube បានរាយការណ៍នៅក្នុងត្រីមាសទី៤នៃឆ្នាំ២០២០នេះថា ខ្លួនរកបានចំណូល៣៤.៦៤៨ពាន់លានផោនពីការផ្សាយពាណិជ្ជកម្ម។

នៅពេលគាំងមួយនាទី វាស្មើនឹងប្រាក់ចំណូលពីការផ្សាយពាណិជ្ជកម្មចំនួន៤៦.៦៤៩ដុល្លារឬ២.៧៩៩.៩៩០ដុល្លារក្នុងមួយម៉ោង។

ដូចនេះ គាំងអស់រយៈពេល៣៧នាទីមានន័យថា YouTube អាចខាតបង់ទឹកប្រាក់ប្រមាណ១,៧២៩,៣៤៤ដុល្លារអាមេរិក៕

ប្រែសម្រួលដោយ៖ Vann Vann

ប្រភព៖ Daily Mail

The post ដឹងទេ គ្រាន់តែគាំងមួយភ្លែតយប់មិញ YouTube ខាតលុយប៉ុន្មាន? appeared first on Kampuchea Thmey Daily.