ព័ត៌មានអន្ដរជាតិ

ហេតុការណ៍ដ៏រន្ធត់បំផុតកាល១៥ឆ្នាំមុន ការរញ្ជួយដីនិងរលកយក្សស៊ូណាមិនៅជប៉ុន ជាការចង់ចាំដ៏អាក្រក់បំផុត

បានផុស

៣ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

ខួប១៥ឆ្នាំនៃរលកយក្សស៊ូណាមិនិងការរញ្ជួយដីក្នុងពេលជាមួយគ្នាដែលបណ្តាលឲ្យមានវិនាសកម្មសម្លាប់មនុស្សជាង២ម៉ឺននាក់ និងបណ្តាលឲ្យផ្ទុះឆេះខូចរោងចក្រថាមពលនុយក្លេអ៊ែរ នៅFukushima ប្រទេសជប៉ុន។

យោងតាមភ្នាក់ងារព័ត៌មាន រ៉យទ័រ និងAP ពលរដ្ឋ អគារ ហេដ្ឋារចនាសម្ព័ន្ធជាច្រើនត្រូវបានលេបត្របាក់ត្រឹមមួយរំពេច ខណៈរថយន្តខ្នាតតូចរុញទៅបុកជញ្ជាំងទឹកកម្ពស់១០ម៉ែត្រ ហេតុការណ៍នេះជារលកយក្សស៊ូណាមិកើតឡើងដោយគ្រោះរញ្ជួយដីដ៏ធំបំផុតក្នុងប្រវត្តិសាស្ត្រជប៉ុនកាលពីថ្ងៃទី១១ ខែមីនា ឆ្នាំ២០១១ បង្កឱ្យភ័យរន្ធត់តាមបណ្តោយឆ្នេរសមុទ្រភាគឦសានក្នុងប្រទេស។

ផ្ទះជាច្រើនខ្នងត្រូវបានបោកបក់ទៅក្នុងសមុទ្រឆេះខ្ទេចខ្ទី ដោយរលកយក្សស៊ូណាមិ និងរញ្ជួយដី ក្នុងខេត្ត Fukushima កាលពីថ្ងៃទី១១ ខែមីនា ឆ្នាំ២០១១។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សយ៉ាងហោចណាស់ ១ ០០០នាក់ស្លាប់ភ្លាមៗ ខណៈជញ្ជាំងទឹកបានហូរយកអ្វីៗទាំងអស់ទៅតាមវាដែរ។

រញ្ជួយដីកម្រិត ៨.៩ រ៉ិចទ័របានវាយប្រហារនៅម៉ោង ១:៤៦ រសៀល មានចំណុចកណ្តាលប្រហែល ១២៥គីឡូម៉ែត្រពីឆ្នេរសមុទ្រ និងកើតឡើងនៅជម្រៅ ១០គីឡូម៉ែត្រនៅក្រោមបាតសមុទ្រ។

ចំណែករលកយក្សស៊ូណាមិបោកបក់មកលើច្រាំងភ្លាមៗ ថែមទាំងនាំយកផ្ទះសម្បែង រោងចក្រ កសិដ្ឋាន ទូកនេសាទ និងអាកាសយានដ្ឋានក្នុងស្រុកទៅជាមួយផង បង្កឱ្យមានការប្រកាសអាសន្ននៅទូទាំងអាស៊ីបូព៌ា និងប៉ាស៊ីហ្វិក។

មិនតែប៉ុណ្ណោះប្រជាជននៅតំបន់ទំនាបនៃកោះតៃវ៉ាន់ ឥណ្ឌូណេស៊ី ហ្វីលីពីន និងហាវ៉ៃត្រូវបានជម្លៀសចេញ។

មនុស្សយ៉ាងហោចណាស់ ១០០នាក់នៅលើកប៉ាល់មួយត្រូវបានបោកបក់ទៅឆ្ងាយ។ អ្នកផ្សេងទៀតនៅលើដីព្យាយាមរត់គេចខ្លួនតាមរថយន្តនិងឡានក្រុង ប៉ុន្តែត្រូវបានទឹកសមុទ្រវ៉ាដាច់ ខណៈរថភ្លើងដឹកអ្នកដំណើរពីរគ្រឿងត្រូវបានរាយការណ៍ថារសាត់ទៅតាមទឹក។

ចំណែកផ្លូវថ្នល់ដួលរលំ និងបំបែកជាពីរដោយសារការរញ្ជួយដី បង្ខំឱ្យអាជ្ញាធរបញ្ជូនអ្នកជួយសង្គ្រោះតាមកប៉ាល់ និងឧទ្ធម្ភាគចក្រជាពិសេសមានយន្តហោះ ៣០០គ្រឿង និងនាវា ៤០គ្រឿងផងដែរ។

គួរបញ្ជាក់ថា ការរញ្ជួយដី និងរលកយក្សស៊ូណាមិ បង្កឱ្យមានការខូចខាតយ៉ាងធ្ងន់ធ្ងរ រួមទាំងមានវិបត្តិរោងចក្រថាមពលនុយក្លេអ៊ែរក្នុងខេត្ត Fukushima និងសម្លាប់មនុស្សសរុបជាង ១៨ ០០០នាក់។

វាគឺជាការរញ្ជួយដីនេះគឺធំបំផុតមិនធ្លាប់មាន ដែលបានវាយប្រហារប្រទេសជប៉ុនក្នុងរយៈពេល១៤០ឆ្នាំ៕

ប្រែសម្រួល៖ ណឺ មិនា