ព័ត៌មានអន្ដរជាតិ
ពូទីន ណាត់ជួប ហ្សេលេនស្គី នៅទីក្រុងមូស្គូ
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា លោកយល់ព្រមជួបជាមួយសមភាគីអ៊ុយក្រែន វ៉ូឡូឌីមៀរ ហ្សេលេនស្គី នៅទីក្រុងមូស្គូ ដោយលើកឡើងពីការលើកទឹកចិត្តពីប្រធានាធិបតីអាមេរិក លោក ដូណាល់ ត្រាំ បន្ទាប់ពីកិច្ចពិភាក្សារបស់ពួកគេនៅរដ្ឋអាឡាស្កាកាលពីខែមុន។
លោក ពូទីន បានប្រាប់អ្នកយកព័ត៌មានក្នុងសន្និសីទសារព័ត៌មានក្នុងទីក្រុងប៉េកាំងកាលពីថ្ងៃទី៣កញ្ញាថា «ខ្ញុំមិនដែលបដិសេធរឿងនេះទេ ប្រសិនបើកិច្ចប្រជុំត្រូវបានរៀបចំយ៉ាងល្អ ហើយអាចនាំទៅរកលទ្ធផលវិជ្ជមានមួយចំនួន។ ដូណាល់ (ត្រាំ) បានសួរខ្ញុំថាតើខ្ញុំអាចរៀបចំកិច្ចប្រជុំបែបនេះឬអត់។ ខ្ញុំបានឆ្លើយថា បាទ វាអាចទៅរួច។ ទីបំផុតប្រសិនបើ ហ្សេលេនស្គី រួចរាល់ហើយ អនុញ្ញាតឲ្យគាត់មកទីក្រុងមូស្គូ បន្ទាប់មកកិច្ចប្រជុំនឹងប្រព្រឹត្តទៅ»។
មេដឹកនាំរុស្ស៊ី បានលើកឡើងថា លោកជឿថាដំណោះស្រាយនយោបាយដើម្បីបញ្ចប់ជម្លោះនៅអ៊ុយក្រែននៅតែអាចធ្វើទៅបាន។ លោកបានរំលឹកឡើងវិញនូវសំណើមុនរបស់រុស្ស៊ីក្នុងឆ្នាំ២០២២ ដែលលោកនិយាយថាបានអំពាវនាវដល់ទីក្រុងកៀវឲ្យគោរព «ជម្រើសរបស់ប្រជាជនដែលរស់នៅក្នុងភាគអាគ្នេយ៍នៃប្រទេសអ៊ុយក្រែន» និងដកកងទ័ពចេញពីតំបន់ដែលមានការប្រកួតប្រជែង ហើយបញ្ចប់ជម្លោះភ្លាមៗ។
លោកបានស្នើឲ្យមានឱកាសសម្រាប់ការទូតជាថ្មីក្រោមការដឹកនាំរបស់លោក ត្រាំ។ លោក ពូទីន បាននិយាយថា «យើងឃើញមិនត្រឹមតែការអំពាវនាវរបស់ពួកគេប៉ុណ្ណោះទេ ប៉ុន្តែជាបំណងប្រាថ្នាដ៏ស្មោះស្ម័គ្រក្នុងការស្វែងរកដំណោះស្រាយនេះ»។ យ៉ាងណាក៏ដោយ ទន្ទឹមនឹងការលើកឡើងអំពីកិច្ចប្រឹងប្រែងការទូត លោក ពូទីន ក៏បានព្រមានផងដែរថា ប្រសិនបើគ្មានការរីកចម្រើនទេ រុស្ស៊ីនឹង«ត្រូវដោះស្រាយរាល់កិច្ចការដោយមធ្យោបាយប្រដាប់អាវុធ»។
នៅពេលត្រូវគេសួរនាំអំពីការរៀបចំសម្រាប់ដំណើរទស្សនកិច្ចរបស់លោក ត្រាំ ទៅកាន់ទីក្រុងមូស្គូ លោក ពូទីន បានឆ្លើយថា មិនមានផែនការណាមួយកំពុងស្ថិតក្នុងដំណើរការនោះឡើយ ប៉ុន្តែការអញ្ជើញនៅតែអាចកើតមាន។
ប្រធានាធិបតីរុស្ស៊ីក៏បានឆ្លើយតបទៅនឹងការចោទប្រកាន់នាពេលថ្មីៗនេះរបស់លោក ត្រាំ ដែលថា រុស្ស៊ី ចិន និងកូរ៉េខាងជើង កំពុងឃុបឃិតគ្នាប្រឆាំងនឹងសហរដ្ឋអាមេរិក ដោយនិយាយថា «មនុស្សគ្រប់គ្នាដឹងថា ត្រាំ ចូលចិត្តលេងសើច»។ លោកបានសង្កត់ធ្ងន់ថា ក្នុងដំណើរទស្សនកិច្ចរយៈពេល៤ថ្ងៃរបស់លោកទៅប្រទេសចិន «មិនដែលមាននរណាម្នាក់បង្ហាញការវិនិច្ឆ័យអវិជ្ជមានណាមួយទាក់ទងនឹងរដ្ឋបាលអាមេរិកបច្ចុប្បន្នឡើយ» ហើយអ្នកសន្ទនាទាំងអស់បានគាំទ្រដល់ការបន្តការចរចា៕
ដោយ៖ ឈាង
ចុចអាន៖ ពូទីន៖ រុស្ស៊ី នឹងសម្រេចបានគោលដៅយោធាទាំងអស់ បើអ៊ុយក្រែន មិនឯកភាពលើកិច្ចព្រមព្រៀង
-
ព័ត៌មានជាតិ៥ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៥ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៥ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៤ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស