ជនសង្ស័យមានឈ្មោះ ហេង សុវណ្ណារិទ្ធ ភេទប្រុសអាយុ៣១ឆ្នាំ មុខរបរមិនពិតប្រាកដ  ស្នាក់នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ម៉ូតូដែលជនសង្ស័យលួចម៉ាកហុងដាឌ្រីមសង់ស៊េរីឆ្នាំ 2013 ពាក់ស្លាកលេខ ភ្នំពេញ 1BP-7456 ។

តាមប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុជនរងគ្រោះបានទុកម៉ូតូនៅមុខផ្ទះរបស់គាត់ពេលនោះក៏ដើរចូលទៅក្នុងផ្ទះបាត់  បន្ទាប់មកស្រាប់តែមានជនសង្ស័យ៣នាក់ជិះម៉ូតូនិចមួយគ្រឿងឌុបគ្នា  មកបានមកធ្វើសកម្មភាពលួចយកម៉ូតូនិងសែងចេញពីរបងផ្ទះ  ភ្លាមនោះជនរងគ្រោះបានឃើញទាន់ដេញចាប់និងស្រែកថាចោរៗធ្វេីឲ្យភ្ញាក់ផ្អេីលដល់ប្រជាពលរដ្ឋនាំគ្នាដេញចាប់បានម្នាក់ចំណែក២នាក់ទៀតគេចខ្លួនបាត់។

ក្រោយកេីតហេតុទើបរាយការណ៍ទៅសមត្ថកិច្ចចុះចុះមកដល់ចំណុចកេីតហេតុនាំយកទៅសាកសួរនៅប៉ុស្តិ៍នគរបាលចោមចៅទីទី២ ដើម្បីកសាងសំណុំរឿងយកទៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យដើម្បីចាតការបន្តតាមនិតិវិធី៕

ដោយ៖សុខា

The post ឃើញម៉ូតូទុកមុខផ្ទះទំនងចូលលួចសែងចេញ តែត្រូវម្ចាស់មកទាន់ចាប់ប្រគល់ជូនសមត្ថកិច្ច appeared first on Kampuchea Thmey Daily.

“ ផែនការមេអភិវឌ្ឍន៍ទេសចរណ៍ខេត្តមណ្ឌលគិរី (២០២១-២០៣០)” ត្រូវបានសិក្សារៀបចំដោយគណៈកម្មការអន្តរក្រសួងដឹកនាំដោយលោក ថោង ខុន រដ្ឋ មន្ត្រីក្រសួងទេសចរណ៍។“ផែនការមេ”នេះមានលក្ខណៈជាផែនការសមាហរណកម្មជាមួយអន្តរវិស័យគាំទ្រសំខាន់ៗមួយចំនួនដើម្បីជាត្រីវិស័យដ៏សំខាន់ចង្អុល បង្ហាញយន្តការនិងទិសដៅយុទ្ធសាស្រ្តសំខាន់ៗដើម្បីឆ្លើយតបនឹងចក្ខុវិស័យនៃការអភិវឌ្ឍជាតិក្នុងរយៈពេល(២០២១-២០៣៥)និងបណ្តាឆ្នាំខាងមុខដោយផ្អែ កលើស្ថានភាពបច្ចុប្បន្ននិងការប្តេជ្ញាចិត្តច្បាស់លាស់របស់រាជរដ្ឋាភិបាលក្រោមការដឹកនាំដ៏ឈ្លាសវៃនិងគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដោយផ្តោតលើគោលបំណងសំខាន់៣គឺ៖ទី១.ខេត្តមណ្ឌលគិរី ជាគោលដៅទេសចរណ៍ប្រកបដោយគុណភាព ប្រកបដោយឧត្តមានុវត្តន៍ ។ទី២.ខេត្តមណ្ឌលគិរី ជាមជ្ឈមណ្ឌលសេដ្ឋកិច្ចប្រកបដោយភាពឆ្លាតវៃនិងច្នៃប្រឌិតនិងជាមជ្ឈមណ្ឌលសម្រាប់តំបន់ភាគឦសាន ។ និង ទី៣.ខេត្តមណ្ឌលគិរីជាខេត្តដែលមានការគិតគូរច្បាស់លាស់នូវទស្សនទាន “ការអភិរក្សដើម្បីការអភិវឌ្ឍ ហើយការអភិវឌ្ឍទ្រទ្រង់ដល់ការអភិរក្ស” ។

“ផែនការមេសម្រាប់ការអភិវឌ្ឍវិស័យទេសចរណ៍ខេត្តមណ្ឌលគិរី (២០២១-២០៣៥)” កំណត់ចក្ខុវិស័យសំខាន់ៗដូចតទៅ៖ទី១៖ខេត្តមណ្ឌលគិរីត្រូវកំណត់ ជាគោលដៅអេកូទេសចរណ៍លំដាប់អន្តរជាតិនិងជាខេត្តដ៏សំខាន់ក្នុងការផ្គត់ផ្គង់ផ្កា បន្លែ និងផ្លែឈើសម្រាប់បំពេញតម្រូវការក្នុងប្រទេសនិងឈានដល់ការនាំ ចេញទៅទីផ្សារក្រៅប្រទេស ។ ទី២.ឆ្នាំ២០៣៥ ចំនួនភ្ញៀវទេសចរអន្តរជាតិមកកាន់ខេត្តមណ្ឌលគិរីនឹងកើនឡើងដល់ប្រមាណ៩០ ម៉ឺននាក់ខណៈដែលចំនួន ភ្ញៀវទេសចរក្នុងស្រុកនឹងកើនឡើងដល់ប្រមាណ ២ លាននាក់បង្កើតការងារប្រមាណ ៨ ម៉ឺនកន្លែងនិងបង្កើតចំណូលដោយផ្ទាល់ប្រមាណ ៥០០ លានដុល្លារ និងដោយប្រយោលប្រមាណ ១.០០០ លានដុល្លារជាមួយមេគុណប្រសិទ្ធភាព (Multiplier Coefficient)ចំនួន២ដងចាក់បញ្ចូលក្នុងសេដ្ឋកិច្ចជាតិនិង សេដ្ឋ កិច្ចខេត្តមណ្ឌលគិរី ។ ទី៣.រួមចំណែកធ្វើឲ្យភូមិភាគឦសានដែលមានខេត្តមណ្ឌលគិរីជាស្នូលជាប៉ូលសេដ្ឋកិច្ចទី៤ បន្ទាប់ពីតំបន់រាជធានីភ្នំពេញ តំបន់ឆ្នេរ និងតំបន់សៀមរាបនិង ធ្វើសមាហរណកម្មខេត្តមណ្ឌលគិរីជាមួយតំបន់ផ្សេងៗក្នុងប្រទេស និងក្នុងតំបន់ ។ ទី៤.រក្សាតុល្យភាពឲ្យបានម៉ឺងម៉ាត់រវាងការអភិវឌ្ឍ សេដ្ឋកិច្ច ទេសចរណ៍និងអន្តរវិស័យគាំទ្រជាមួយការអភិរក្សធនធានធម្មជាតិ បេតិកភណ្ឌវប្បធម៌ជនជាតិ ដើមភាគតិចធានាបានផ្លែផ្កានៃការអភិវឌ្ឍសេដ្ឋកិច្ច -សង្គមជាអតិបរមាឈរលើគោលការណ៍នៃការបែងចែកផលប្រយោជន៍ប្រកបដោយសមធម៌ទៅដល់ភាគីពាក់ព័ន្ធ ។

តំបន់អាទិភាពសំខាន់ៗចំនួន ៦ សម្រាប់ការអភិវឌ្ឍន៍វិស័យទេសចរណ៍ខេត្តមណ្ឌលគិរី ត្រូវបានកំណត់ដូចតទៅ៖តំបន់របៀងអេកូទេសចរណ៍និងទេសចរណ៍ ធម្មជាតិនៃដែនជម្រកសត្វព្រៃទាំង ៥(ដែនជម្រកសត្វព្រៃភ្នំព្រេច ណាមលៀរ លំផាត់ កែវសីមា និងស្រែពក) ដែលអនុញ្ញាតឲ្យមានតែការវិនិយោគនិងអភិវឌ្ឍ ន៍សកម្មភាពទេសចរណ៍ដែលមានការគិតគូរច្បាស់លាស់អំពីបរិស្ថាន។ តំបន់របៀងទេសចរណ៍វប្បធម៌ និងអេកូទេសចរណ៍ ប៊ូស្រា-ដាក់ដាំដែលលើកទឹកចិត្ត ឲ្យមានការអភិវឌ្ឍតែសកម្មភាពអេកូទេសចរណ៍និងទេសចរណ៍ធម្មជាតិភ្ជាប់ជាមួយទេសចរណ៍វប្បធម៌ជនជាតិដើមភាគតិច។ ក្រុងសែនមនោរម្យដែលជាបណ្តុំ សកម្មភាពទេសចរណ៍ពហុបំណង ។ តំបន់ស្រុកអូររាំងភ្ជាប់ជាមួយគម្រោងអភិវឌ្ឍន៍ព្រលានយន្តហោះខេត្តមណ្ឌលគិរីដែលអាចអភិវឌ្ឍន៍ជាតំបន់ប្រជុំជនរណ បភ្ជាប់ជាមួយក្រុងសែនមនោរម្យ ។ តំបន់ប្រជុំជននៃស្រុកកោះញែកដែលមានសក្តានុពលក្នុងការរៀបចំអភិវឌ្ឍន៍ជាមណ្ឌលទេសចរណ៍នាពេលអនាគតហើយ ដែលការអភិវឌ្ឍមានវិសាលភាពទូលំទូលាយជាងក្នុងតំបន់អភិរក្សនៃដែនជម្រកសត្វព្រៃនិងតំបន់ទេសចរណ៍សមាហរណតាមច្រកព្រំដែនដែលអនុញ្ញាតឲ្យមានការអភិវឌ្ឍជារមណីយដ្ឋានសមាហរណ។

ទន្ទឹមនឹងនេះស្ថាប័នអនុវត្តផែនការមេនេះត្រូវបានស្នើឲ្យបង្កើតឡើងដូចតទៅ៖កម្រិតថ្នាក់ជាតិ៖គណៈកម្មការអន្តរក្រសួងមួយត្រូវបានបង្កើតឡើងដើម្បីដឹកនាំនិងសម្របសម្រួលការអនុវត្តផែនការមេនេះនិងមានលេខាធិការដ្ឋានមួយដើម្បីធានាដំណើរការការងារប្រចាំថ្ងៃ ។ កម្រិតថ្នាក់ក្រោមជាតិ៖គណៈកម្មាធិការអភិ វឌ្ឍន៍ទេសចរណ៍ខេត្តមណ្ឌលគិរីគឺជាសេនាធិការឲ្យគណៈកម្មការអន្តរក្រសួងខាងលើក្នុងការជំរុញការអនុវត្តផែនការមេនេះ ។យន្តការស្ថាប័នគាំទ្រមួយចំនួន និងត្រូវបានបង្កើតឡើងដើម្បីគាំទ្រការអនុវត្តផែនការមេនេះដូចជាការបង្កើតអង្គភាពគ្រប់គ្រងគោលដៅទេសចរណ៍អាទិភាពទាំង០៦ខាងលើ (DMO-Destination Management Organization) ដែលមានទម្រង់ជាយន្តការអន្តរក្រសួងនិងយន្តការស្ថាប័នចាំបាច់នានា ។

កិច្ចប្រជុំបានពិនិត្យនិងពិភាក្សាលើសេចក្តីព្រាងផែនការមេនិងសម្រេចដូចតទៅ៖ទី១. គាំទ្រជាស្មារតីរួមលើខ្លឹមសារសំខាន់ៗនៃ“ផែនការមេអភិវឌ្ឍន៍ទេសចរណ៍ ខេត្តមណ្ឌលគិរី២០២១-២០៣៥” ។ ទី២.ក្រុមការងារបច្ចេកទេសត្រូវបញ្ចូលបន្ថែមធាតុចូលដែលទទួលបានពីកិច្ចប្រជុំនេះដើម្បីរៀបចំជាសេចក្កីព្រាងចុងក្រោ យដើម្បីគោរពជូនរាជរដ្ឋាភិបាលពិនិត្យ និងអនុម័តដាក់ឲ្យប្រើប្រាស់ក្នុងពេលឆាប់ៗខាងមុខនេះ ​៕

ដោយ៖​លោក បាន វិបុល

The post ខេត្តមណ្ឌលគិរីរំពឹងទទួលបានភ្ញៀវទេសចរអន្តរជាតិប្រមាណ ៩០ម៉ឺននាក់ត្រឹមឆ្នាំ២០៣៥ appeared first on Kampuchea Thmey Daily.

លោក ឃាង ភារម្យ បានអំពាវនាវដល់បងប្អូនប្រជាពលរដ្ឋនិងកម្មកកម្មការិនីដែលរស់នៅក្រុងព្រះសីហនុនិងស្រុកព្រៃនប់ដែលបានចុះឈ្មោះឬនៅមិនទាន់បានចុះឈ្មោះដែលនៅសេសសល់អាយុចាប់ពី១៨ ឆ្នាំឡើងទៅសូមរួសរាន់ទៅចាក់វ៉ាក់សាំងឱ្យបានឆាប់នៅតាមទីតាំងដែលរដ្ឋបាលខេត្តបានកំណត់ជួនដើម្បីឱ្យក្រុមការងារចាក់វ៉ាក់សាំងអាចបញ្ចប់ដូសទី១នៅបំណាចខែមិថុនានេះ។

រដ្ឋបាលក្រុងព្រះសីហនុបានចាប់ផ្តើមប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ១៩ដល់ពលរដ្ឋចាប់ពីថ្ងៃទី១៧ខែមិថុនាឆ្នាំ២០២១នៅតាមទីតាំងចំនួន៥ផ្សេងៗគ្នារួមមានទីតាំងទី១ នៅសាលាឋមសិក្សាវិទ្យាល័យហ៊ុនសែនឃ្លាំងលើ ទី ២នៅសាលាបឋមសិក្សា អនុវត្តអនុវិទ្យាល័យតេជោសែនកម្មករ។

ចាប់ពីថ្ងៃទី២២ខែមិថុនាឆ្នាំ ២០២១ទៅចាក់នៅទីតាំងចំនួន៣ទៀត គឺទីតាំងទី៣នៅសាលាបឋមសិក្សាអនុវិទ្យាល័យសាគូរ៉ា ទីតាំងទី៤. នៅសាលាអនុវិទ្យាល័យសម្ដេចឪ និងទី៥នៅសាលាបឋមសិក្សាវិទ្យាល័យហ៊ុនសែនមិត្តភាព ។

ការចាក់វ៉ាក់សាំងបង្ការជំងឺកូវីដ១៩នៅខេត្តព្រះសីហនុ នៅតាមទីតាំងចំនួន១៩ផ្សេងៗគ្នាក្នុងនោះនៅក្រុងព្រះសីហនុ ៥ទីតាំង ស្រុកព្រៃនប់ ៥ទីតាំង កំពង់សីលា ៤ទីតាំង ក្រុងកោះរ៉ុង ២ទីតាំង និងស្រុកស្ទឹងហាវ ១ទីតាំង និងមាននៅតំបន់សេដ្ឋកិច្ចពិសេសក្រុងព្រះសីហនុនិងតំបន់សេដ្ឋកិច្ចចឺជាង ក្នុងស្រុកព្រៃនប់ផងដែរ៕

សំអឿន

The post ខេត្តព្រះសីហនុបានចាក់វ៉ាក់សាំងបង្ការជំងឺកូវីដ១៩ជូនដល់ពលរដ្ឋជាង១៧ម៉ឺននាក់ហើយ appeared first on Kampuchea Thmey Daily.

លោក ប៉ាង លីដា អភិបាលរងខណ្ឌពោធិ៍សែនជ័យ លើកឡើងថា អាជ្ញាធរខណ្ឌពោធិ៍សែនជ័យ ក្រោមការណែនាំពីលោក ហែម ដារិទ្ធ អភិបាល នៃ គណៈអភិបាលខណ្ឌពោធិ៍សែនជ័យ តែងតែគិតគូរ គ្រប់បញ្ហាជូនបងប្អូនប្រជាពលរដ្ឋរស់នៅក្នុងមូលដ្ឋាន ។ ជាពិសេស បញ្ហាសំរាមនេះផ្ទាល់តែម្តង ពីព្រោះថា បើទីណាមានសំរាម ទីនោះប្រាកដជាមិនមានបរិស្ថានល្អនោះឡើយ ពលរដ្ឋរស់នៅក៏មិនបានស្រួលនោះដែរ ។ ដូច្នេះចំពោះបញ្ហាសំរាមនេះ អាជ្ញាធរខណ្ឌពោធិ៍សែនជ័យ បាននឹងកំពុងគិតគូរខ្លាំងណាស់ ដោយចង់ធ្វើយ៉ាងណាអោយតែប្រជាពលរដ្ឋមានបរិស្ថានស្អាត។ 

នៅក្នុងកិច្ចប្រជុំរបស់គណៈបញ្ជាការឯកភាពរដ្ឋបាលខណ្ឌពោធិ៍សែនជ័យ ជាមួយតំណាងក្រុមហ៊ុន មីហ៊្សុដា ( MIZUDA)  ដែលជាក្រុមហ៊ុនប្រមូលសំរាមថ្មី បន្តវេនពីក្រុមហ៊ុន ស៊ិន ទ្រី លោក ប៉ាង លីដា អភិបាលរងខណ្ឌពោធិ៍សែនជ័យ បានធានាអះអាង ថា ចាប់ពីចាប់ពីថ្ងៃទី១ ខែកក្កដា ឆ្នាំ២០២១ តទៅនៅក្នុងមូលដ្ឋានខណ្ឌពោធិ៍សែនជ័យទាំងមូល ប្រហែលនឹងលែងមានបញ្ហារឿងសំរាមកកស្ទះទៀតហើយ។

 ឆ្លៀតនាឪកាសនេះលោក ប៉ាង លីដា អភិបាលរងខណ្ឌពោធិ៍សែនជ័យ ក្រោមការណែនាំពីលោក ហែម ដារិទ្ធ អភិបាល នៃ គណៈអភិបាលខណ្ឌពោធិ៍សែនជ័យ ក៏ បានសំណូមពរទៅដល់បងប្អូនប្រជាពលរដ្ឋទាំងអស់ សូមបន្តរៀបចំទុកដាក់សំរាមអោយមានរបៀបរាបរយ ត្រឹមត្រូវល្អ ទៅតាមទីតាំងកំណត់ ជៀសវាងបោះចោលពាសវាលពាសកាល ជាពិសេស កុំចោះសំរាមនៅលើគំរបលូ ឬ ក្នុងលូ ដែលអាចនាំអោយស្ទះប្រព័ន្ធលូបង្ហូរទឹក៕ 

រ៉ាវុទ្ធ

The post អាជ្ញាធរខណ្ឌពោធិ៍សែនជ័យសន្យាថានឹងលែងឱ្យមានសំរាមកកស្ទះក្នុងមូលដ្ឋាន ចាប់ពីខែក្រោយទៅ appeared first on Kampuchea Thmey Daily.

លោក គង់ សោភ័ណ្ឌ អភិបាលខេត្តកណ្តាលបានមានប្រសាសន៍នៅក្នុងសេចក្តីជួនដំណឹងថា ក្នុងអំឡុងពេលនៃការអនុវត្តបិទខ្ទប់វិធានការដែលត្រូវអនុវត្តសម្រាប់ភូមិសាស្ត្រដែលត្រូវបានកំណត់ជាតំបន់រឿងទុំគឺបុគ្គលគ្រប់រូបត្រូវបានហាមឃាត់មិនឲ្យធ្វើដំណើរចេញពីលំនៅឋានឬទីសំណាក់បច្ចុប្បន្នរបស់ខ្លួន។

ប៉ុន្តែការធ្វើដំណើរចេញក្រៅពីលំនៅស្ថានឬទីសំណាក់បច្ចុប្បន្នអាចត្រូវបានអនុញ្ញាតក្នុងករណីចាំបាច់ការធ្វើដំណើរទៅប្រកបមុខរបរឬអាជីវកម្មឬបំពេញការងារក្នុងវិស័យឯកជន ក្រសួងស្ថាប័ន ការធ្វើដំណើរទៅកាន់ទីកន្លែងលក់ម្ហូបអាហារឬគ្រឿងឧបភោគបរិភោគឱសថស្ថាននិងទីកន្លែងលក់សម្ភារៈប្រើប្រាស់ចាំបាច់ប្រចាំថ្ងៃដោយអាចឲ្យសមាជិកពីរនាក់ក្នុងមួយលំនៅឋានឬទីសំណាក់ដោយមិនលើសពី៣ដងក្នុងមួយសប្តាហ៍។

ការធ្វើដំណើរទៅមណ្ឌលសុខភាព មន្ទីរពេទ្យ សម្ភពឬទីកន្លែងព្យាបាលដោយមូលហេតុសុខភាពបន្ទាន់ ។ការធ្វើដំណើរទៅជួបមន្ត្រីសុខាភិបាលដើម្បីយកសំណាកទៅធ្វើវិភាគរកមេរោគកូវីដ១៩ ឬចាក់វ៉ាក់សាំងការពារជំងឺកូវីដ១៩។

ការធ្វើដំណើរដើម្បីត្រឡប់ទៅលំនៅស្ថានឬទីសំណាក់របស់ខ្លួនវិញរបស់បុគ្គលដែលបញ្ចប់ការធ្វើចត្តាឡីស័កនិងអ្នកជំងឺចេញពីមន្ទីរពេទ្យឬកន្លែងសម្រាប់ព្យាបាលនៅក្នុងឬចេញពីឬចូលក្នុងតំបន់រឿងទុំដោយមានការសម្របសម្រួលពីអាជ្ញាធរមានសមត្ថកិច្ចនិងការធ្វើដំណើររបស់អ្នកដំណើរតាមផ្លូវអាកាសទៅអាកាសយានដ្ឋាន។

លោក អភិបាលខេត្តបានបន្តថា  ត្រូវបានហាមឃាត់រាល់សកម្មភាពការងារមុខរបរឬអាជីវកម្មទាំងអស់ដែលមិនមែនជាតម្រូវការចាំបាច់ប្រចាំថ្ងៃតែលើកលែងការងារមុខរបរឬអាជីវកម្មអាចត្រូវបានអនុញ្ញាតក្នុងការចាំបាច់ដូចជា ការងាររបស់ស្ថាប័នសាធារណៈ សកម្មភាពការងារដែលពាក់ព័ន្ធនឹងការផ្ដល់សេវាសាធារណៈតាមការកំណត់របស់ស្ថាប័ននីមួយៗរួមមានសេវាពន្លត់អគ្គិភ័យ សេវាផ្គត់ផ្គង់អគ្គិសនី សេវាផ្គត់ផ្គង់ទឹកស្អាតសេវាប្រមូលនិងដឹកជញ្ជូនសំរាមសំណល់រឹងជាដើម សេវាសង្គ្រោះបន្ទាន់និងសេវាសុខាភិបាលរដ្ឋឯកជនឱសថស្ថានសេវាប្រៃសណីយ៍ទូរគមនាគមន៍និងសេវាដែលជាតម្រូវការចាំបាច់ប្រចាំថ្ងៃផ្សេងទៀតដោយមានការអនុញ្ញាតពីសមត្ថកិច្ច។

សេវាដឹកជញ្ជូនម្ហូបអាហារគ្រឿងឧបភោគបរិភោគដើម្បីបម្រើឲ្យភូមិសាស្រ្តដែលត្រូវបានបិទខ្ទប់ សមត្ថភាពការងារមុខរបរអាជីវកម្មចាំបាច់ដទៃទៀតដោយមានការអនុញ្ញាតពីអាជ្ញាធរ។

លោក អភិបាលខេត្តបានបន្តទៀតថា ត្រូវបានហាមឃាត់រាល់ការជួបជុំការប្រមូលផ្ដុំលើកលែងតែក្នុងករណីចាំបាច់អាចជួបជុំក្នុងចំណោមសមាជិកគ្រួសារដែលរស់ក្នុងលំនៅឋានឬទីសំណាក់ជាមួយគ្នា  ការរៀបចំពិធីបុណ្យសព ការប្រមូលផ្ដុំមនុស្សនិងការជួបជុំរបស់បុគ្គលិកសុខាភិបាលដើម្បីយកវត្ថុសំណាកនឹងចាក់វ៉ាក់សាំងនិងការងារសង្គ្រោះបន្ទាន់ផ្សេងៗ ការជួបជុំរបស់អាជ្ញាធរមានសមត្ថកិច្ចក្នុងការបំពេញការងារថែរក្សាសន្តិសុខសណ្តាប់ធ្នាប់និងរៀបរយសាធារណៈហើយរាល់ការជួបជុំឬការប្រមូលផ្ដុំមនុស្សដើម្បីសេពគ្រឿងស្រវឹងគ្រប់ប្រភេទត្រូវបានហាមឃាត់។

លោកអភិបាលខេត្តបានណែនាំដល់ រដ្ឋបាលខេត្តរដ្ឋបាលស្រុកកណ្ដាលត្រឹមត្រូវអនុវត្តហាមឃាត់ឬផ្អាកដាច់ខាតរាល់ទីតាំងក្នុងសភាពការងារមុខរបរឬអាជីវកម្មអាជីវកម្មអាចត្រូវបានអនុញ្ញាតធ្វើអាជីវកម្ម អាជ្ញាធរមានសមត្ថកិច្ចនៅពេលទីតាំងនៃសកម្មភាពការងារមុខរបរឬអាជីវកម្មនោះជាពិសេសផ្សារនិងទីកន្លែងលក់ដូរគ្រឿងឧបភោគបរិភោគភោជនីយដ្ឋានអាហារដ្ឋានត្រូវបានមើលឃើញឬមានការសង្ស័យថាមានការឆ្លងរាលដាលនៃជំងឺកូវី១៩ ។

លោក អភិបាលខេត្តបានបន្ថែមថា បុគ្គលឬនីតិបុគ្គលទាំងឡាយណាដែលបំពានការហាមឃាត់ការធ្វើដំណើរវិធានការហាមឃាត់សកម្មភាពការងារមុខរបរឬអាជីវកម្មនិងវិធានការហាមឃាត់រាល់ការជួបជុំឬការប្រមូលផ្តុំមនុស្សក្នុងតំបន់លឿងទុំនៅភូមិសាស្ត្របិទខ្ទប់នឹងត្រូវអនុវត្តវិធានការច្បាប់យ៉ាងម៉ឺងម៉ាត់រួមទាំងការឃាត់ទុកជាបណ្ដោះអាសន្ននូវមធ្យោបាយធ្វើដំណើរនិងទណ្ឌកម្មរដ្ឋបាលដល់អនុលោមតាមបទបញ្ញត្តិនិងនីតិវិធីជាធរមាន។

បន្ថែមពីលើវិធានការខាងលើបុគ្គលឬនីតិបុគ្គលទាំងឡាយណាដែលមិនអនុវត្តតាមការណែនាំខាងលើនឹងត្រូវទទួលទោសដូចមានកំណត់ក្នុងច្បាប់ស្ដីពីវិធាននៃការទប់ស្កាត់ការឆ្លងរាលដាលនៃជំងឺកូវីដ១៩និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតនិងលិខិតបទដ្ឋានគតិយុត្តពាក់ព័ន្ធជាធរមាន៕

សំអឿន

The post អាជ្ញាធរខេត្តកណ្តាលដាក់ភូមិរកាជាតំបន់លឿងទុំរយៈពេល១៤ថ្ងៃ appeared first on Kampuchea Thmey Daily.

បន្ទាប់មកទៀតកម្ពុជាបានឆ្លងក្នុងសហគមន៍ចំនួន៣លើកក្នុងនោះទី១.ព្រឹត្តិការណ៍សហគមន៍៣វិច្ឆិកាឆ្នាំ២០២០ ទី២.ព្រឹត្តិការណ៍សហគមន៍២៨វិច្ឆិកាឆ្នាំ២០២០និងទី៣ ព្រឹត្តិការណ៍សហគមន៍២០កម្ភៈទើបមានអ្នកស្លាប់ជាបន្តបន្ទាប់ហើយដែលរហូតមកដល់ពេលនេះនៅមិនទាន់បានបិទបញ្ចប់នៅឡើយទេ។

យោងតាមក្រសួងសុខាភិបាលបានឲ្យដឹងថាថ្ងៃនេះក្រសួងបានរកឃើញអ្នកឆ្លងថ្មីចំនួន៨៨៣នាក់ទៀតក្នុងនោះ ករណីឆ្លងសហគមន៍ចំនួន៧៤៨នាក់នាក់និងអ្នកដំណើរមកពីបរទេសចំនួន១៣៥នាក់ ជាសះស្បើយ៦០៧នាក់ និងស្លាប់១៦នាក់។

បើគិតត្រឹមព្រឹក ថ្ងៃទី២៨ ខែមិថុនា ឆ្នាំ២០២១នេះកម្ពុជាមាន អ្នកឆ្លងសរុបចំនួន៤៨៥៣២នាក់ អ្នកជាសះស្បើយចំនួន៤២៧៦៤ នាក់ កំពុងសម្រាកព្យាបាលនៅមន្ទីរពេទ្យចំនួន៥៧៦៨នាក់និង អ្នកស្លាប់ចំនួន៥៥៦នាក់។

តាមកាកត់សម្គាល់អ្នកស្លាប់ដោយសារជំងឺកូវីដ១៩ភាគច្រើនជាមនុស្សមានវ័យចំណាស់និងអ្នកជំងឺដែលមានជំងឺប្រចាំកាយពិសេ សជំងឺសួត បេះដូង លើសឈាមនិងជំងឺទឹកនោមផ្អែមជាដើម។

ចំណែកអ្នកឆ្លងវិញភាគច្រើនជាកម្មករកម្មការិនីបម្រើការងារនៅតាមរោងចក្រសហគ្រាសនានា អាជីវករលក់ដូរតាមផ្សារ ពលករខ្មែរវិលត្រឡប់មកពីប្រទេសនិងប្រជាពលរដ្ឋទូទៅ៕

សំអឿន

The post មកដល់ពេលនេះ កម្ពុជាមានអ្នកឆ្លងជំងឺកូវីដ‑១៩ជិត៥ម៉ឺននាក់និងអ្នកស្លាប់ជាង៥៥០នាក់ appeared first on Kampuchea Thmey Daily.

យោងតាមសេចក្តីជួនដំណឹងរបស់រដ្ឋបាលខេត្តស្វាយរៀងបានឱ្យដឹងថាយុទ្ធនាការចាក់វ៉ាក់សាំងនេះរដ្ឋបាលខេត្តសហការការរៀបចំជាមួយក្រុមគ្រូពេទ្យនៃក្រសួងការពារជាតិនិងក្រុមគ្រូពេទ្យម ន្ទីរសុខាភិបាលខេត្ត ក្នុងនោះនៅក្រុងបាវិតមានចំនួន២ទីតាំងដែលចាក់ដោយក្រុមគ្រូពេទ្យនៃក្រសួងការពារជាតិទីតាំងទី១នៅវិទ្យាល័យជីភូនិងទី២នៅសាលាបឋមមសិក្សានៅមតេយ្យធនធានបាវិត។

ស្រុករំដួលមានចំនួន៨ ទីតាំងដែលទទួលការចាក់ដោយមន្ទីរសុខាភិបាលខេត្ត ទី១ នៅសាលាបឋមសិក្សាបុសមន ទី ២ វិទ្យាល័យពងទឹក ទី ៣ អនុវិទ្យាល័យម៉ឺនជ័យទី៤សាលាបឋមសិក្សាសង្កែទី ៥ សាលាបឋមសិក្សារកំពង់ចក ទី ៦ សាលាបឋមសិក្សាម្រាកទី ៧ សាលាបឋមសិក្សាភូមិក្រូចនិងទី៨ សាលាបឋមសិក្សាវត្តធ្នង់។

ស្រុកកំពង់រោទិ៍មានចំនួន ១០ទី តាំងដោយទទួលការចាក់ដោយក្រុមគ្រូពេទ្យមន្ទីរសុខាភិបាល ទី ១ សាលាបឋមសិក្សាបន្ទាយក្រាំង  ទី២  សាលាបឋមសិក្សាព្រៃក្នៀត ទី៣  សាលាបឋមសិក្សាព្រះពន្លារ ទី៤  សាលាបឋមសិក្សាព្រៃម្នាស់ ទី៥ សាលាបឋមសិក្សាថ្មី  ទី៦  មណ្ឌលសុខភាពស្វាយតាយាន ទី៧  សាលាបឋមសិក្សាហ៊ុនសែនកំពង់រោទិ៍ ទី៨  អនុវិទ្យាល័យត្នោត ទី៩  អនុវិទ្យាល័យខ្សែត្រនិងទី១០  សាលាបឋមសិក្សាព្រៃចំណារ។

បើតាមរដ្ឋបាលខេត្ត ការចាក់វ៉ាក់សាំងនេះអនុវត្តជារៀងរាល់ថ្ងៃចាប់ពីថ្ងៃទី២៩ខែមិថុនាឆ្នាំ២០២១ទៅចាប់ពីម៉ោង៧និង៣០ព្រឹក រហូតដល់ម៉ោង១១និង៣០នាទីនិងចាប់ពីម៉ោង ១រសៀលដល់ម៉ោង ៥រសៀលដោយបងប្អូនប្រជាពលរដ្ឋដែលអញ្ជើញមកទទួលចាក់វ៉ាក់សាំងសូមភ្ជាប់មកជាមួយអត្តសញ្ញាណប័ណ្ណសញ្ជាតិខ្មែរឬលិខិតឆ្លងដែនឬបណ្ណសម្គាល់ការងារឬសំបុត្រកំណើត ទម្រង់ចាក់វ៉ាក់សាំងដែលផ្ដល់ជូនដោយក្រុមគ្រូពេទ្យតាមរយៈអាជ្ញាធរមូលដ្ឋាន៕

សំអឿន

The post ខេត្តស្វាយរៀងបើកយុទ្ធនាការចាក់វ៉ាក់សាំងបង្ការជំងឺកូវីដ១៩ ចាប់ពីស្អែកនេះតទៅ appeared first on Kampuchea Thmey Daily.

លោក ងន សាំង បានពន្យល់ថា ការកើនឡើងចំណែកទីផ្សារថយន្តថ្មី មួយផ្នែកគឺដោយសារតែការបន្ធូបន្ថយអត្រាអាករពិសេសលើមុខទំនិញរថយន្តមួយចំនួនចាប់ពី ១០ ទៅ ២០ភាគរយកាលពីដើមខែកុម្ភៈ ឆ្នាំ២០២១នេះ។ ការបន្ថយអត្រាអាករពិសេសនេះបានជួយដល់ទីផ្សាររថយន្តថ្មីនៅកម្ពុជា ពីព្រោះតម្លៃរថយន្តថ្មីបានធ្លាក់ចុះខ្លះ ធ្វើឱ្យតម្លៃប្រហាក់ប្រហែលរថយន្តមួយទឹក។

ម្យ៉ាងទៀត ដោយសារតែប្រជាពលរដ្ឋយល់ដឹងច្រើនពីសារៈប្រយោជន៍នៃរថយន្តថ្មី ដែលសុីប្រេងតិច ហើយការថែទាំក៏ចំណាយថវិការតិចជាងរថយន្តមួយទឹក។ ចំណែករថយន្តមួយទឹក អ្នកទិញពិបាកមើលពីប្រវត្តរថយន្ត មិនដឹងថាតើរថយន្តនោះធ្លាប់បុក ឫប៉ះទង្គិចគ្នាពីមុនមកឫអត់។

យ៉ាងណាក៏ដោយ លោក ងន សាំង បានបន្តថា ការលក់ថយន្ត ទាំងរថយន្តមួយទឹក និងរថយន្តថ្មី បានថយចុះអស់ប្រមាណ៣០% ដោយសារតែឥទ្ធិពលនៃជំងឺកូវីដ១៩ ដែលបានប៉ះពាល់ដល់ប្រាក់ចំណូល និងជីវភាពរបស់ប្រជាជនកម្ពុជា។

​បើ​យោង​តាម​របាយការណ៍​ក្រសួង​ពាណិជ្ជកម្ម វិបត្តិ​នៃ​ការ​ឆ្លង​រាលដាល​ជំងឺ​កូវីដ ១៩ បាន​ធ្វើ​ឱ្យ​ទឹក​ប្រាក់​នៃ​ការ​នាំចូល​រថយន្ត​ពី​បរទេស​មក​កម្ពុជា​ក្នុង​ឆ្នាំ ២០២០ ធ្លាក់​ចុះ​ជាង ៣៦ ភាគរយ បើ​ធៀប​នឹង​ឆ្នាំ ២០១៩។ កម្ពុជា​បាន​ចំណាយ​ប្រាក់ ១ ០៩៩ លាន​ដុល្លារ ទៅ​លើ​ការ​នាំចូល​រថយន្ត​ពី​ទីផ្សារ​អន្តរជាតិ​ក្នុង​ឆ្នាំ ២០២០ ដែល​ចំនួន​នេះ​ធ្លាក់ចុះ​ពី ១ ៧៣៤,៣១ លាន​ដុល្លារ​ក្នុង​ឆ្នាំ ២០១៩។

ការ​ធ្លាក់​ចុះ​នៃ​ចំនួន​ទឹក​ប្រាក់​នាំ​ចូល​រថយន្ត បាន​ធ្វើ​ឱ្យ​ការ​ប្រមូល​ចំណូល​ពន្ធ​គយ​របស់​កម្ពុជា​ក្នុង​ឆ្នាំ ២០២០ ធ្លាក់​ចុះ​ប្រមាណ ៣០,២៦ លាន​ដុល្លារ។ នេះ​បើ​តាម​លោក អូន ព័ន្ធមុនីរ័ត្ន រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ។

ទិន្នន័យ​ពី​អគ្គនាយកដ្ឋាន​គយ និង​រដ្ឋាករ​កម្ពុជា ឱ្យ​ដឹង​ថា ក្នុង​ឆ្នាំ ២០២០ អង្គភាព​នេះ​ប្រមូល​ចំណូល​បាន ២ ៤១៩,៦ លាន​ដុល្លារ ធ្លាក់​ចុះ ២៤,៨ ភាគរយ​ធៀប​នឹងឆ្នាំ ២០១៩ ក្នុង​នោះ​មុខ​ទំនិញ​រថយន្ត​ដែល​ជា​ប្រភព​ចំណូល​គយ​ដ៏​សំខាន់៕

អត្ថបទ៖ វ៉ាត វិន

The post លោកងន សាំង៖ ចំណែកទីផ្សាររថយន្តថ្មីកើនឡើងដល់៣០% ទោះស្ថិតក្នុងបរិបទកូវីដ១៩ appeared first on Kampuchea Thmey Daily.