នាយកដ្ឋាន​ប្រយុទ្ធ​នឹង​ជំងឺ​ឆ្លង​បាន​បង្ហោះ​លើ​ហ្វេសបុក​ផេក​ផ្លូវ​ការ​នៅ​រសៀល​ថ្ងៃ​ទី​២៣ ខែ​ឧសភា​នេះ​ថា «មិន​មាន​ភស្ភុតាង»​បង្ហាញ​ថា​មេរោគ​កូវីដ​បំប្លែង​ថ្មី​នេះ​មាន​ភាព​ធ្ងន់ធ្ងរ​កើន​ឡើង​ទេ។ រោគសញ្ញា​នៃ​វីរុស​បំប្លែង​ថ្មី​នេះ​មាន​លក្ខណៈ​ធម្មតា​ដូច​ជា​គ្រុន​ក្ដៅ ក្អក​ ឈឺ​បំពង់ក ហៀរ​សំបោរ អស់​កម្លាំង​។

​នាយក​ដ្ឋាន​បាន​សរសេរ​បញ្ជាក់​ថា៖ «ករណី​ភាគ​ច្រើន​មាន​លក្ខណៈ​ស្រាល​។ វ៉ាក់សាំង​ Covid-19 នៅ​តែ​មាន​ប្រសិទ្ធ​ភាព​បង្ហារ​ជំងឺ​ធ្ងន់ធ្ងរ​។ ហានិភ័យ​សុខភាព​សាធារណៈ​ទូទៅ​ត្រូវ​បាន​វាយ​តម្លៃ​ថា​ទាប»។

បើ​តាម​ CDC មេរោគ​កូវីដ​បំប្លែង​ថ្មី​ NB.1.8.1 ឬNimbus នេះ​គឺ​ជា​វីរុស​រង​នៃ​ Omicron SARS-CoV-2 ជា​ប្រភេទ​វីរុស​ក្រោម​ការ​ត្រួត​ពិនិត្យ​ចាត់​ថ្នាក់​ដោយ​អង្គការ​សុខភាព​ពិភព​លោក​កាល​ពី​ខែ​ឧសភា ឆ្នាំ​២០២៥​មក​ម្លេះ។

ការ​ភ្ជាក់​ផ្អើល​នៃ​ការ​ឆ្លង​កូវីដ​១៩​បំប្លែង​ថ្មី​កំពុង​កើត​ឡើង​នៅ​ប្រទេស​សឹង្ហបុរី​ ដែល​មាន​មនុស្ស​ជិត​ ១៣ ០០០នាក់​បាន​ឆ្លង​ក្នុង​រយៈ​ពេល​មួយ​សប្ដាហ៍​ប៉ុណ្ណោះ​។ យ៉ាងណា​ក្ដីអាជ្ញាធរសុខាភិបាលសិង្ហបុរី បានច្រានចោលភាពធ្ងន់ធ្ងរ នៃការរីករាលដាលនេះ ហើយប្រកាសឲ្យពលរដ្ឋ កុំភ័យស្លន់ស្លោ ព្រោះស្ថានការណ៍ ស្ថិតក្រោមការគ្រប់គ្រងបានយ៉ាងល្អប្រសើរ៕

អត្ថបទដោយ ហ៊ុន សិរីវឌ្ឍន៍

The post នាយកដ្ឋាន​ប្រយុទ្ធ​ជំងឺ​ឆ្លង​បញ្ជាក់​ថា​វ៉ាក់សាំង​កូវីដ​១៩​នៅ​តែ​មាន​ប្រសិទ្ធ​ភាព​ទប់ទល់នឹង​​កូវីដ​បំប្លែង​ថ្មី appeared first on Kampuchea Thmey Daily.

តាមរយៈសារជាសំឡេងដែលបានចែករំលែកនៅរសៀលថ្ងៃទី៦ ខែមិថុនា ឆ្នាំ២០២៤នេះ វេជ្ជបណ្ឌិត លី សូវ៉ាន់ មានប្រសាសន៍ថា៖ “ខ្ញុំសូមជម្រាបជូនឯកឧត្ដម លោកជំទាវ លោក លោកស្រី នៅមន្ទីរពេទ្យ មន្ទីរពិសោធន៍ទាំងអស់មេត្តាជ្រាប់ថា ក្នុងរដូវធ្លាក់ភ្លៀងនេះ ចាប់ផ្ដើមធ្លាក់ភ្លៀងសង្កេតឃើញថា អត្រាវិជ្ជមាននៃជំងឺកូវីដ១៩ ក៏ដូចជាជំងឺផ្ដាសាយមានការកើនឡើងគួរឱ្យកត់សម្គាល់”។

វេជ្ជបណ្ឌិត លី សូវ៉ាន់ ផ្ដាំផ្ញើសូមឱ្យមានការផ្សព្វផ្សាយ និងពង្រឹងការអនុវត្តអនាម័យ ក៏ដូចជាការស់នៅ ដោយនៅមន្ទីរពេទ្យ មណ្ឌលសុខភាព ត្រូវដាក់អ្នកក្ដៅខ្លួននៅម្ខាង អ្នកមិនក្ដៅខ្លួននៅម្ខាង ហើយត្រូវពាក់ម៉ាស់។ ចំណែក ទីកន្លែងប្រជុំ កន្លែងទីប្រជុំជននានា ពិសេសកន្លែងដែលមានការជួបជុំគ្នាច្រើន ឬរោងចក្រ វត្តអារាម ទីផ្សារ ទីប្រជុំជន ទីកន្លែងជួបជុំគ្នាច្រើន បើអ្នកកើតជំងឺផ្ដាយសាយគួរពាក់ម៉ាស់ រក្សាគម្លាតនៅឆ្ងាយពីគ្នា ហើយឧស្សាហ៍លាងដៃជាមួយសាប៊ូ និងទឹក និងប្រើអាល់កុល។

គួរបញ្ជាក់ថា តាមរយៈសេចក្ដីជូនព័ត៌មាន ស្ដីពី ការសរុបស្ថានភាពជំងឺកូវីដ១៩ ក្នុងព្រះរាជាណាចក្រកម្ពុជា សម្រាប់ថ្ងៃទី៥ ខែមិថុនា ឆ្នាំ២០២៤ នេះ បានរកឃើញ ករណីឆ្លងថ្មី ជំងឺកូវីដ-១៩ ចំនួន ៧ករណី ដែលលទ្ធផលបញ្ជាក់ដោយ PCR។ ចំណែកនៅថ្ងៃទី៤ រកឃើញចំនួន ១៤ ករណី, ថ្ងៃទី៣ រកឃើញចំនួន ១ ករណី, ថ្ងៃទី៣១ ខែឧសភា រកឃើញ ៧ ករណី ចំណែក។ គិតមកដល់ថ្ងៃទី៥ ខែមិថុនា នេះ កម្ពុជាបានរកឃើញអ្នកឆ្លងកូវីដសរុបចំនួន ១៣៩ ១៩៦ ករណី (នាំចូលពីក្រៅប្រទេស ២១ ២៤៦ ករណី), ក្នុងនោះ ជាសះស្បើយសរុប ១៣៦ ១០៨ ករណី និង ស្លាប់ ចំនួន ៣ ០៥៦ ករណី៕

The post អត្រាវិជ្ជមាននៃជំងឺកូវីដ-១៩ និងជំងឺផ្ដាសាយមានការកើនឡើងគួរឱ្យកត់សម្គាល់ ក្នុងរដូវភ្លៀងនេះ appeared first on Kampuchea Thmey Daily.

រឿងនេះកើតឡើង បន្ទាប់ពីប្រទេសវៀតណាម ទើបរកឃើញវីរុសកូវីដបំប្លែងខ្លួន JN.1 លើកដំបូង ខណៈករណីឆ្លងបានកើនឡើងសាជាថ្មី ដល់ថ្នាក់មានអ្នកជំងឺត្រូវបញ្ជូនទៅមន្ទីរពេទ្យទៀត។

លោក Le Hong Nga អនុប្រធានមជ្ឈមណ្ឌលគ្រប់គ្រងជំងឺទីក្រុងហូជីមិញ (HCDC) បាននិយាយកាលពីថ្ងៃសុក្រទី២៦ខែមករាថា ករណីឆ្លងថ្មីបង្ហាញថា JN.1 ពិតជាខ្លាំងជាងកូវីដពូជផ្សេង ហើយមានសមត្ថភាពយកឈ្នះប្រព័ន្ធភាពស៊ាំក្នុងខ្លួនមនុស្សទៀតផង។ ទោះបីជាយ៉ាងណាក៏ដោយ វ៉ាក់សាំង នៅតែមានប្រសិទ្ធភាពការពារសេចក្តីស្លាប់ និងការធ្លាក់ខ្លួនឈឺធ្ងន់។

អ៊ីចឹងហើយ ទើបទីក្រុងហូជីមិញ ផ្តល់អនុសាសន៍ឲ្យក្រុមងាយរងគ្រោះក៏ដូចជាស្រ្តីមានផ្ទៃពោះ និងចាស់ជរា ត្រូវទទួលវ៉ាក់សាំងឲ្យបានគ្រប់ដូស។ លើសពីនេះ ទីក្រុងក៏នឹងពិនិត្យអ្នកដែលរស់នៅជាមួយក្រុមមនុស្សងាយរងគ្រោះ ថាតើពួកគេពិតជាបានចាក់វ៉ាក់សាំងគ្រប់ដូសមែនឬអត់ផងដែរ។

តាមសេចក្តីរាយការណ៍របស់ VN Express កាលពីដើមសប្តាហ៍, អ្នកជំងឺកូវីដ១២នាក់ក្នុងចំណោម១៦នាក់ ដែលបញ្ជូនចូលព្យាបាលក្នុងមន្ទីរពេទ្យទីក្រុងហូជីមិញកាលពីខែមុន គឺត្រូវបានតេស្តរកឃើញមានផ្ទុកវីរុសបំប្លែងខ្លួនប្រភេទ JN.1។

ចាប់ពីថ្ងៃទី១៨ខែធ្នូឆ្នាំ២០២៣ ដល់ថ្ងៃទី២២ខែមករាឆ្នាំ២០២៤ មជ្ឈមណ្ឌលប្រយុទ្ធប្រឆាំងជំងឺឆ្លងទីក្រុងហូជីមិញ បានរាយការណ៍អ្នកជំងឺកូវីដចូលសម្រាកព្យាបាលក្នុងមន្ទីរពេទ្យចំនួន៩៤ករណី បូករួមទាំងករណីដែលផ្ទេរទៅព្យាបាលនៅខេត្តជិតៗផងដែរ។

ក្នុង​ចំណោម​នោះ មាន​ករណី​ធ្ងន់ធ្ងរឈានដល់ដាក់​អុកស៊ីសែនចំនួន១៧ករណី ប៉ុន្តែ​មិន​មាន​អ្នក​ស្លាប់​ឡើយ ហើយករណីធ្ងន់ធ្ងរទាំងអស់ សុទ្ធតែជាក្រុមមានហានិភ័យខ្ពស់ ដូចជាអ្នកមិនចាក់វ៉ាក់វាំងឬមិនបានចាក់គ្រប់ដូសជាដើម៕

អត្ថបទ៖ សុខ សុវណ្ណ

ចុចអាន៖ វៀតណាម រកឃើញកូវីដបំប្លែងខ្លួនឆ្លងលឿន មានអ្នកចូលព្យាបាលក្នុងមន្ទីរពេទ្យច្រើនឡើងៗ

The post ទីក្រុងហូជីមិញ គិតគូរឲ្យចាក់វ៉ាក់សាំងកូវីដឡើងវិញ ដើម្បីការពារវីរុសបំប្លែងថ្មីឆ្លងខ្លាំង appeared first on Kampuchea Thmey Daily.

តាមសេចក្តីរាយការណ៍របស់ប្រព័ន្ធផ្សព្វផ្សាយក្នុងប្រទេសនីមួយៗ, ករណីឆ្លងហក់ឡើងវិញនេះ គឺបណ្តាលមកពីវីរុសកូវីដ១៩បំប្លែងខ្លួន JN.1 ហើយមិនត្រឹមតែថៃនិងវៀតណាមទេ មេរោគប្រភេទនេះ ក៏កំពុងជំរុញករណីឆ្លងទូទាំងពិភពលោកផងដែរ។

នៅវៀតណាម, សារព័ត៌មាន VN Express បានរាយការណ៍កាលពីថ្ងៃពុធថា, អ្នកជំងឺកូវីដ១២នាក់ក្នុងចំណោម១៦នាក់ ដែលបញ្ជូនចូលព្យាបាលក្នុងមន្ទីរពេទ្យទីក្រុងហូជីមិញកាលពីខែមុន គឺត្រូវបានតេស្តរកឃើញមានផ្ទុក JN.1។

ចាប់ពីថ្ងៃទី១៨ខែធ្នូឆ្នាំ២០២៣ ដល់ថ្ងៃទី២២ខែមករាឆ្នាំ២០២៤ មជ្ឈមណ្ឌលប្រយុទ្ធប្រឆាំងជំងឺឆ្លងទីក្រុងហូជីមិញ បានរាយការណ៍អ្នកជំងឺកូវីដចូលសម្រាកព្យាបាលក្នុងមន្ទីរពេទ្យចំនួន៩៤ករណី បូករួមទាំងករណីដែលផ្ទេរទៅព្យាបាលនៅខេត្តជិតៗផងដែរ។

ក្នុង​ចំណោម​នោះ មាន​ករណី​ធ្ងន់ធ្ងរឈានដល់ដាក់​អុកស៊ីសែនចំនួន១៧ករណី ប៉ុន្តែ​មិន​មាន​អ្នក​ស្លាប់​ឡើយ ហើយករណីធ្ងន់ធ្ងរទាំងអស់ សុទ្ធតែជាក្រុមមានហានិភ័យខ្ពស់ ដូចជាអ្នកមិនចាក់វ៉ាក់វាំងឬមិនបានចាក់គ្រប់ដូសជាដើម។

ចំណែកនៅប្រទេសថៃវិញ បើយោងតាមនាយកដ្ឋានប្រយុទ្ធជំងឺឆ្លង, មានអ្នកជំងឺ៧១៨នាក់ ត្រូវបានបញ្ជូនទៅព្យាបាលក្នុងមន្ទីរពេទ្យ ចន្លោះថ្ងៃទី១៤ដល់ថ្ងៃទី២០ខែមករា ហើយអ្វីដែលកាន់តែព្រួយបារម្ភគឺថា ក្នុងចំណោមនោះ មានអ្នកជំងឺ១១នាក់ ត្រូវបាត់បង់ជីវិត។

កាលពីសប្តាហ៍មុន មានអ្នកចូលសម្រាកព្យាបាលនៅមន្ទីរពេទ្យជាមធ្យម១០២នាក់ក្នុងមួយថ្ងៃ ពោលគឺកើនឡើង១២.៩% បើធៀបទៅនឹងសប្តាហ៍មុននោះទៀត។ ក្នុងចំណោមអ្នកចូលពេទ្យទាំង៧១៨នាក់ មាន២០៩នាក់ទៅហើយ ដែលឆ្លងមេរោគសួតធ្ងន់ធ្ងរ ខណៈ១៤៩នាក់ ត្រូវការម៉ាស៊ីនជំនួយខ្យល់ដកដង្ហើម។

យោងតាមនាយកដ្ឋាន, មនុស្ស៦នាក់ក្នុងចំណោមអ្នកស្លាប់ គឺមិនបានចាក់វ៉ាក់សាំង ខណៈ៥នាក់ទៀត ចាក់បាន២ដូស ហើយអ្នកជំងឺដែលត្រូវការដាក់ម៉ាស៊ីនជំនួយខ្យល់ដកដង្ហើមចំនួន៤៥នាក់ ក៏មិនបានចាក់វ៉ាក់សាំងដែរ។

យោងតាម​ WHO, JN.1 មានភ្ជាប់ជាមួយអង់ទីហ្សែនថ្មី ដែលជួយឲ្យមេរោគនេះ វាយលុកប្រព័ន្ធការពារបានយ៉ាងងាយស្រួល នាំឲ្យមានការឆ្លងកាន់តែលឿន។ ទោះបីយ៉ាងណាក៏ដោយ មិនមានព័ស្តុតាងណាមួយបង្ហាញថា JN.1 បង្កជាជំងឺធ្ងន់ធ្ងរជាងអូមីក្រុងពូជផ្សេងនោះទេ៕

អត្ថបទ៖ សុខ សុវណ្ណ

ចុចអាន៖ វៀតណាម រកឃើញកូវីដបំប្លែងខ្លួនឆ្លងលឿន មានអ្នកចូលព្យាបាលក្នុងមន្ទីរពេទ្យច្រើនឡើងៗ

The post កូវីដបំប្លែងខ្លួនឆ្លងលឿន កំពុងវាយលុកប្រទេសជិតខាងកម្ពុជា ដល់ថ្នាក់មានអ្នកស្លាប់ appeared first on Kampuchea Thmey Daily.

ក្រុមគ្រូពេទ្យមន្ទីរពេទ្យរបស់បង្អែកខេត្តបានចុះធ្វើការចាក់វ៉ាក់សាំងជូនបងប្អូនប្រជាពលរដ្ឋ និងមន្ត្រីរាជការគ្រប់ជាន់ថ្នាក់ ដោយបានប្រើប្រាស់វ៉ាក់សាំងប្រភេទ SINOPHAM។

ក្រុមគ្រូពេទ្យបានបញ្ជាក់ថា មិនត្រឹមតែចាក់វ៉ាក់សាំងដូសទី ៦ ប៉ុណ្ណោះទេ គឺបច្ចុប្បន្នប្រជាពលរដ្ឋទូទៅចាប់ពីដូសទី១ ឡើងទៅក៏ត្រូវចាក់ដែរ។

រាល់សកម្មភាពរបស់ក្រុមគ្រូពេទ្យ ត្រូវបានការលើកសរសើរពីសំណាក់លោក សុខ លូ អភិបាល នៃគណអភិបាលខេត្តបាត់ដំបងផងដែរ ក្នុងការការពារពីសុខមាលភាពរបស់ប្រជាពលរដ្ឋគ្រប់ស្រទាប់វណ្ណៈ៕

អត្ថបទ ៖ សោ និយមរ័ត្ន

The post ខេត្តបាត់ដំបងចាប់ផ្តើមចាក់វ៉ាក់សាំងដូសទី ៦ ដល់មន្ត្រី និងពលរដ្ឋ appeared first on Kampuchea Thmey Daily.

លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលមានប្រសាសន៍ថា ​ការចាក់វ៉ាក់សាំងការពារជំងឺកូវីដ១៩ បានត្រឹមត្រូវ​វាជួយការពារសរីរាង្គរបស់បុគ្គល​ពីភាពធ្ងន់ធ្ងរ​ការចូលសម្រាកពេទ្យ និងសេចក្ដីស្លាប់ដល់បុគ្គលជាច្រើន។

អ្នកនាំពាក្យរូបនេះបញ្ជាក់ថា ការចាក់វ៉ាក់សាំង​ការពារជំងឺកូវីដ១៩ នៅតែជាមធ្យោបាយ​ផ្ដល់នូវ​អត្ថ​ប្រយោជន៍ធំធេង​ជួយទៅដល់សុខភាព និងសរីរាង្គកាយរបស់បុគ្គល ខណៈកម្ពុជាបានបន្តផ្ដល់ការចាក់វ៉ាក់សាំងដល់ដូសទី ៦ សម្រាប់មនុស្សធំ។

របាយការណ៍របស់ក្រសួងសុខាភិបាល​បង្ហាញថា កំណើនអត្រាអ្នកចាក់វ៉ាក់សាំងកូវីដ-១៩នៅកម្ពុជា គិតត្រឹមថ្ងៃទី១១ ខែមករា ឆ្នាំ២០២៣៖

-លើប្រជាជនអាយុពី ១៨ឆ្នាំឡើង មាន ១០៣,៨២% ធៀបជាមួយចំនួនប្រជាជនគោលដៅ ១០លាននាក់

-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០១,២៣% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់

-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១១០,៤៨% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់

-លើកុមារអាយុ ០៥ឆ្នាំ មាន ១៤១,០៨% ធៀបជាមួយនឹងប្រជាជនគោលដៅ ៣០៤,៣១៧ នាក់

-លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៨០,១៣% ធៀបជាមួយនឹងប្រជាជនគោលដៅ ៦១០,៧៣០ នាក់

-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៩៥,២៩%៕

The post ​ចំនួន​អ្នកចាក់វ៉ាក់សាំងកើនដល់ជាង ៩៥ ភាគរយ ធៀបនឹងមនុស្ស​ ១៦ លាននាក់​ appeared first on Kampuchea Thmey Daily.

សម្ដេចតេជោ ហ៊ុន សែន មានប្រសាសន៍នៅក្នុងពិធីបើកការដ្ឋានសាងសង់ពង្រីក និងលើកកម្រិតកំណាត់ផ្លូវជាតិ​លេខ៧ នៅថ្ងៃទី ០៩ ខែមករា ឆ្នាំ ២០២៣នេះ ដោយសម្ដេចជំរុញឱ្យប្រជាពលរដ្ឋបន្តទទួលយកវ៉ាក់សាំង​ដែលត្រូវចាក់ដូសជំរុញដើម្បភាពស៊ាំនៅក្នុងខ្លួន។

សម្ដេចតេជោ ហ៊ុន សែន ថ្លែងថា៖ «ព្រោះឥឡូវ​មានអាបំប្លែងថ្មី XBB ហើយមិនដឹងថា ទៅខាងមុខវាចេញអ្វីទៀត ហើយ XBB មិនទាន់ចូលមកដល់ស្រុកខ្មែរច្រើនទេ យើងមិនប្រាដកថា វាចូលមក ឬមិនចូលទេ ប៉ុន្តែមានជនជាតិកម្ពុជា ដែលរស់នៅប្រទេសក្រៅបានកើតវាស្រេចរួចទៅហើយ»។

សម្ដេចតេជោ ហ៊ុន សែន បញ្ជាក់ថា យើងមិនដឹងថា ជំងឺកូវីដ១៩ អាចប្រែក្លាយទៅជាមេរោគអ្វីដទៃទៀត។ ដូច្នេះ!បានជាចាំបាច់ត្រូវអំពាវនាវចំពោះប្រជាពលរដ្ឋឱ្យ​ទទួលយកវ៉ាក់សាំងបន្តទៅទៀត កុំឱ្យហួសពេលដល់សង្គ្រោះលែងបាន ទើបស្ដាយក្រោយ។

អង្គការសុខភាពពិភពលោក (WHO) កាលពីពេលថ្មីៗនេះបានឱ្យដឹងថា វីរុសបំប្លែងខ្លួនចុងក្រោយបំផុតនេះ ដែលក្លាយពូជពី អូមីក្រុង ហើយមានឈ្មោះជាផ្លូវការថា XBB.1.5 បានវាយប្រហាររួចទៅហើយក្នុងសហរដ្ឋអាមេរិក។

XBB.1.5 ក៏​ត្រូវ​បាន​គេ​រក​ឃើញ​នៅ​ក្នុង​ប្រទេសមួយចំនួនទៀតផងដែរ ​រួម​មាន​​បារាំង អាល្លឺម៉ង់ ហូឡង់ អេស្ប៉ាញ អៀរឡង់ អូស្ត្រាលី សិង្ហបុរី និង​ឥណ្ឌា៕

អត្ថបទ៖ ឡេង ដេត

The post សម្ដេចតេជោ ហ៊ុន សែន៖ វីរុសកូវីដបំប្លែងថ្មី XBB.1.5 មិនប្រាកដចូលមក ​តែពលរដ្ឋត្រូវចាក់វ៉ាក់សាំងដូសជំរុញ appeared first on Kampuchea Thmey Daily.

ដោយឡែក ការធ្វើតេស្តនៅក្នុងសាលាខេត្តនៅព្រឹកថ្ងៃទី ៣ ខែសីហា ដើម្បីចូលរួមក្នុងពិធីការមួយនៅព្រឹកថ្ងៃទី ៤ ក៏បានរកឃើញអ្នកមានវិជ្ជមានកូវីដ១៩ ចំនួន ៤ នាក់ផងដែរលើមន្ត្រីរាជការ។ ដូច្នេះមន្ទីរសុខាភិបាលខេត្តកំពង់ឆ្នាំងអំពាវនាវដល់ប្រជាពលរដ្ឋនៅក្នុងខេត្តកំពង់ឆ្នាំងមេត្តាប្រុងប្រយ័ត្ន និងស្នើសុំចូលរួមអនុវត្តវិធានការ ៣ កុំ និង ៣ ការពារ។

ទាក់ទងនឹងករណីខាងលើនេះ លោក ចេងចាន់ដូណា អភិបាបាលស្រុកបរិបូណ៌ ក៏បានបញ្ជាក់ឱ្យដឹងដែលថា ព្រះសង្ឃនៅវត្តអង្គរគឺមានអាការៈមិនស្រួលព្រះទ័យ ដោយការសង្ស័យទើបហៅក្រុមគ្រូពេទ្យស្រុកមកពិនិត្យធ្វើសំណាកតាម​រយៈរ៉ាពីតេស្ត ដោយរកឃើញវិជ្ជមានកូវីដ១៩ លើព្រះសង្ឃចំនួន ១៦ អង្គ និងឧបាសកម្នាក់ផងដែរ។

ចំពោះហេតុការណ៍ខាងលើនេះលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល ខេត្តកំពង់ឆ្នាំងបានបញ្ជាក់ថា យើងនិងឲ្យព្រះសង្ឃព្យាបាលជំងឺនេះ នៅក្នុងវត្តដាច់ដោយឡែក ដោយមិនឲ្យមានការទំនាក់ទំនងជាមួយប្រជាពលរដ្ឋនៅក្នុងមូលដ្ឋាននោះឡើយដើម្បីទប់ស្កាត់ការឆ្លងរាលដាលជំងឺកូវីដ១៩ នៅក្នុងសហគមន៍៕

ឈៀងថារិទ្ធ

The post ផ្ទុះកូវីដក្នុងវត្តមួយរកឃើញព្រះសង្ឃ ១៦ ​អង្គ វិជ្ជមានកូវីដ១៩ appeared first on Kampuchea Thmey Daily.