សុខភាព
សុំបញ្ឈប់ការបញ្ច្រកទឹកផ្សេងៗ ចូលមាត់ជនរងគ្រោះពេលបាត់បង់ស្មារតី ព្រោះវាអាចបង្កជាគ្រោះថ្នាក់
នៅពេលដែលមានមនុស្ស សន្លប់ ឬបាត់បង់ស្មារតីភ្លាមៗ គេតែងតែខ្នះខ្នែងជួយសង្គ្រោះដោយវិធីផ្សេងៗ។ ខ្លះដាក់ជនរងគ្រោះឲ្យដេកស្មើ រួចដើរ កន្លងទៅកន្លងមក។ ខ្លះគេឲ្យខាំកែងជើងជនរងគ្រោះ។ មួយចំនួនធំទម្លាប់ យកទឹកឃ្មុំលាយទឹកក្រូចឆ្មារ បញ្ច្រកមាត់ជនរងគ្រោះ តើទម្លាប់នេះពិតជាជួយជនរងគ្រោះមែនឬទេ?
យើងពិនិត្យមើលផ្លូវអាហារ និងផ្លូវខ្យល់ត្រង់បំពង់ក។ វាជាផ្លូវខ្វែងគ្នា នៅពេលយើងលេបទឹកឬអាហារ បំពង់ខ្យល់ត្រូវបិទជិត តែនៅពេលយើងស្រូបខ្យល់ចូលវិញ បំពង់អាហារត្រូវបិទជិតវិញ ឯបំពង់ខ្យល់ត្រូវបើក។ ការការពារផ្លូវដង្ហើមដោយបិតឬបើក ទៅតាមតម្រូវការបែបនេះ ធានាបានដោយចលនារ៉េផ្លេច (ស្វ័យប្រវត្តិ) របស់សរីរាង្គមួយក្រុមស្ថិតនៅត្រង់ផ្លូវបំបែកនេះ រួមទាំងបន្ទះឆ្អឹងខ្ចីតូចមួយដែលហៅថា epiglottis។
នៅពេលមានវិបត្តិបាត់បង់ស្មារតីធ្ងន់ធ្ងរ យន្តការបិទបើក និងការពារផ្លូវដង្ហើមត្រូវផ្អាក ឬមានដំណើរការមិនប្រក្រតី។ ដូចនេះនៅពេលជនរងគ្រោះបាត់ស្មារតី ទឹកដែលបញ្ច្រកចូលតាមមាត់អាចចូលទៅក្នុងសួតតាមផ្លូវខ្យល់ដែលបើកចំហ វាធ្វើឲ្យរលាកសួត ហើមសួត ហើយប្រសិនបើបរិមាណទឹកដែលចូលច្រើន ដល់ ១៥ ទៅ ២០មីលីលីត្រ ហើយជូរខ្លាំងផងនោះ គ្រោះថ្នាក់កាន់តែធ្ងន់អាចដល់បាត់បង់ជីវិត ឬធ្វើឲ្យជំងឺដែលមានស្រាប់កាន់តែធ្ងន់ឡើង។ ដោយហេតុនេះ ចំពោះមុខជនរងគ្រោះដែលបាត់ស្មារតី មិនគប្បីបញ្ច្រកអ្វីទាំងអស់តាមមាត់។ ត្រូវដាក់អ្នកជំងឺក្នុងស្ថានភាពដេកផ្អៀងដើម្បីសុវត្ថិភាព។ ហៅរកគ្រូពេទ្យ ឬរថយន្តគិលានសង្គ្រោះ ដើម្បីជួយជាបន្ទាន់។ ការខាំកែងជើងប្រហែលជាវិធីមួយគ្រាន់តែភ្ញោចដោយធ្វើឲ្យជនរងគ្រោះឈឺខ្លាំង ហើយរើបម្រះ ក្នុងករណីដែលគាត់មានវិបត្តិស្មារតីតិចតួច។ មិនគប្បីបន្លាយពេលវេលាឲ្យខាតបង់ ដោយរវល់ធ្វើវិធីផ្សេងៗដែលមិនបានជួយដល់ជនរងគ្រោះទេ។
គប្បីចងចាំថា ជំងឺស្ទះសរសៃឈាមខួរក្បាលអាចជាមូលហេតុមួយនៃវិបត្តិស្មារតី ឬបាត់បង់ស្មារតី ជាពិសេសប្រសិនបើអ្នកជំងឺមានអាការៈខ្សោយដៃ ឬជើងមួយចំហៀងខ្លួនផង។ ក្នុងករណីនេះគេអាចមានឱសថដោយឡែកមួយ ដែលអាចជួយអ្នកជំងឺបាន ប្រសិនបើគាត់បានមកដល់មន្ទីរពេទ្យមុនរយៈពេល ៣ម៉ោង ប្រសិនបើយូរជាងនេះ គេមិនអាចប្រើឱសថនេះបានទេ។
ប្រសិនបើមានករណីបន្ទាន់ ឬវិបត្តិបាត់បង់ស្មារតីណាមួយ សូមទំនាក់ទំនងមកមន្ទីរពេទ្យកាល់ម៉ែត ដែលមានវេជ្ជបណ្ឌិតជំនាញ រង់ចាំជួយអ្នកជំងឺទាន់ពេលវេលា ប្រកបដោយប្រសិទ្ធភាពខ្ពស់៕
អត្ថបទ៖ រស្មី
សូមចុចអាន៖ ពេលឈឺក្បាល កោសខ្យល់នៅកញ្ចឹងក អាចគ្រោះថ្នាក់ធ្ងន់
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ