សុខភាព
តើជំងឺរលាកខ្នែងពោះវៀន បណ្តាលមកពីអ្វី? និងត្រូវធ្វើការព្យាបាលយ៉ាងដូចម្តេច?
ជំងឺរលាកខ្នែងពោះវៀន ជាជំងឺមួយដែលរលាកនៅខ្នែងពោះវៀនរបស់មនុស្ស ហើយវាកើតឡើងទៅលើមនុស្សគ្រប់វ័យទាំងអស់។
ក) មូលហេតុ៖
– ការបង្ករោគដោយពពួកវីរុស ឬបាក់តេរីនៅក្នុងពោះវៀន
– ដុំលាមករឹង (ដុំលាមកតូចៗទៅស្ទះរន្ធខ្នែងពោះវៀន)
– ជាពពួកប៉ារ៉ាសិត
– ដុំតូចៗផ្សេងទៀតទៅស្ទះរន្ធខ្នែងពោះវៀន
ខ) ប្រភេទនៃការរលាកខ្នែងពោះវៀន៖
– ការរលាកស្រួចស្រាវ
– ការរលាកដោយមានខ្ទុះ ជាអាប់សែ
– ការរលួយខ្នែងតែម្តង
គ) រោគសញ្ញា៖
– ឈឺពោះខ្លាំងនៅផ្នែកខាងស្តាំក្រោមផ្ចិត
– ក្តៅខ្លួន
– ក្អួតចង្អោរ
– បាយមិនបាន
– អណ្តាតឡើងស
ឃ) រោគវិន្និច្ឆ័យ៖
យើងអាចធ្វើរោគវិនិច្ឆ័យបានដោយ
– អ្នកជំងឺឈឺនៅផ្នែកខាងស្តាំក្រោមផ្ចិតពេលសង្កត់
– ក្តៅខ្លួន
– គ្រាប់ឈាមសឡើងខ្ពស់
– បើធ្វើអេកូ និងស្កេនពោះ ឃើញថាមានរលាកខ្នែងពោះវៀនដោយរីកធំនៃខ្នែង
ង) ផលវិបាក៖
– រលាកខ្នែងពោះវៀនជាជំងឺដែលត្រូវធ្វើការវះកាត់ជាបន្ទាន់ ។ បើយើងមិនឆាប់ព្យាបាលដោយការវះកាត់ទេ អ្នកជំងឺអាចគ្រោះថ្នាក់ដល់ជីវិត
– ពេលខ្នែងរលាកយូរទៅវាបណ្តាលឲ្យរលួយស្អុយក្នុងពោះ ដែលធ្វើឲ្យសាយភាយមេរោគ ដែលកើតជាជំងឺមួយទៀតហៅថា “រលាកស្រោមពោះ”
ច) ការព្យាបាល៖
ដោយសារវិទ្យាសាស្ដ្រ និងមធ្យោបាយព្យាបាលទំនើបៗសព្វថ្ងៃនេះ ការព្យាបាលមានពីរប្រភេទ៖ ដោយ ការវះកាត់ដោយចោះ និងការវះកាត់ដោយការវះពោះផ្ទាល់ (តែទំហំនៃការវះកាត់តូចប្រហែល ៤សង់ទីម៉ែត្រ) នៅផ្នែកខាងស្ដាំក្រោមផ្ចិត។
បញ្ជាក់៖ បច្ចុប្បន្ននៅមន្ទីរពេទ្យកាល់ម៉ែត ជម្រើសរបស់អ្នកជំងឺដោយការវះកាត់ «ដោយចោះតូច » បាន និងកំពុងអនុវត្តន៍ប្រកបដោយសុវត្ថិភាពខ្ពស់ ជាមួយក្រុមកាងារសាស្ត្រាចារ្យ និងវេជ្ជបណ្ឌិតឯកទេសជំនាញ។
សូមលោក លោកស្រីដែលមានបញ្ហាដូចបានរៀបរាប់ជូនខាងលើ អញ្ជើញមកទទួលព័ត៌មានលំអិតបន្ថែម អំពីការពិនិត្យ និងជម្រើសនៃវិធីសាស្ត្រវះកាត់ព្យាបាល ជាមួយក្រុមវេជ្ជបណ្ឌិតឯកទេសនៅមន្ទីរពេទ្យកាល់ម៉ែត៕
អត្ថបទ៖ រស្មី
សូមចុចអាន៖ ឆ្ងល់អត់ ម៉េចបានកើតភ្លឺ? ធ្វើម៉េចឆាប់បាត់?
-
ព័ត៌មានជាតិ១ សប្តាហ៍ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ១ សប្តាហ៍ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
កីឡា១ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ១ សប្តាហ៍ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៤ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សន្តិសុខសង្គម៦ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច៣ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ