កីឡា

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

បានផុស

១ ខែ មុន

នៅ

ថ្ងៃព្រហស្បតិ៍ ៤ មិថុនា ២០២៦

ដោយ

កីឡាករជនជាតិអាមេរិក Penrose ដែលក្រុមបាល់ទះស្នងការខេត្តស្វាយរៀងយកមកជួយក្រុមក្នុងតេជោលីគ រដូវកាលទី៣ ហាក់នៅមិនទាន់បានបញ្ចេញសមត្ថភាពឲ្យល្អខ្លាំងនៅឡើយទេប៉ុន្មានប្រកួតជុំទី១ កន្លងទៅនេះ ខណៈអ្នកគាំទ្រហាក់ឆ្ងល់លេងមិនខ្លាំងដូចតាមវីដេអូលើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករអាមេរិក Penrose

ជុំវិញសមត្ថភាពកីឡាករអាមេរិក Penrose ម្នាក់នេះលោក សូ សែម គ្រូបង្វឹករបស់ស្នងការខេត្តស្វាយរៀង បានឲ្យដឹងថា ដោយសារបញ្ហាផ្លាស់ប្ដូរទីកន្លែងមិនទាន់សម្របបរិយាកាស និងម្ហូបអាហានៅកម្ពុជារហូតដល់រាគប៉ុន្មានថ្ងៃជាប់គ្នាទៀតផង។ ដោយសារបញ្ហាសុខភាពនេះទើបធ្វើឲ្យរូបគេមិនមានកម្លាំងក្នុងការជួយក្រុម ឬលេងឲ្យបានល្អពេញលេញនោះទេ។

គ្រូបង្វឹកខាងលើបន្ថែមទៀតថា មួយវិញទៀតរូបគេជាកីឡាករមកតំបន់ជឿលឿនខ្លាំងខាងបាល់ទះ និងមានទម្រង់លេងខុសពីអាស៊ាននេះ ដូច្នេះទើបធ្វើឲ្យរូបគេមិនទាន់អានលេងឲ្យត្រូវស៊ីសង្វាក់ជាមួយក្រុមភ្លាមៗបានឡើយ។ យ៉ាងណាអំឡុងពេលសម្រាកប្រហែល ២សប្ដាហ៍នេះលោកសង្ឃឹមថា Penrose អាចនឹងសម្របខ្លួនបានប្រសើរឡើងវិញទាំងបរិយាកាសរស់នៅ និងទម្រង់លេងជាមួយមិត្តរួមក្រុម។

កីឡាករអាមេរិក Penrose

បញ្ជាក់ដែរថា ក្រុមបាល់ទះស្នងការខេត្តស្វាយរៀង បាននាំយកកីឡាករអាមេរិក Penrose អំឡុងពាក់កណ្ដាលខែឧសភា ឆ្នាំ២០២៦ កន្លងទៅនេះដើម្បីមកជួយក្រុមក្នុងការប្រកួតតេជោលីគ រដូវកាលទី៣។ កីឡាករអាមេរិករូបនេះលេងក្នុងតំណែងស្មាត់ស្លាបឆ្វេង (Opposite Hitter) និងជាកីឡាករមានសេវាធ្ងន់ លឿន តាមរយៈការប្រកួតកន្លងទៅនេះ៕