សុខភាព
ផលរំខានវ៉ាក់សាំង Sinovac ដូសទី៣ និងថ្នាំគួរទុកតាមខ្លួន ករណីអាការមិនស្រួល
ក្រោយចាក់វ៉ាក់សាំង ស៊ីណូវ៉ាក់(Sinovac) ដូសទី៣ អ្នកខ្លះនឹងទទួលរងផលរំខានលើរាងកាយមួយចំនួន ហើយអ្នកខ្លះទៀតទំនងនឹងគ្មានប្រតិកម្មអ្វីឡើយ។
យោងតាមប្រសាសន៍ ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស លោកជំទាវ ឱ វណ្នឌីន បានឱ្យដឹងថា ជាទូទៅការចាក់វ៉ាក់សាំងតែងមានប្រតិកម្មឆ្លើយតបដូចជា ក្តៅខ្លួន ឈឺក្បាល ឈឺសាច់ដុំ ចង្អោរ ក្អួត អស់កម្លាំងជាដើម ហើយប្រតិកម្មឆ្លើយតប ឬផលរំខាននោះក៏ខុសគ្នាទៅតាមប្រភេទវ៉ាក់សាំងនីមួយៗដែរ។
ទោះយ៉ាងណា ផលរំខានទាំងឡាយនឹងមិនបង្កគ្រោះថ្នាក់ដល់សុខភាពនោះទេ ហើយវានឹងបាត់ទៅវិញក្នុងរយៈពេលដ៏ខ្លី។
លោកជំទាវ ឱ វណ្នឌីន មានប្រសាសន៍ថា បើមានផលរំខាន ក្រោយចាក់វ៉ាក់សាំងកូវីដ-១៩ រួច សូមកុំមានការព្រួយបារម្ភអី ដោយសារតែវ៉ាក់សាំងធ្វើការជាមួយសរីរាង្គ ហើយសរីរាង្គធ្វើការជាមួយវ៉ាក់សាំងវិញ ដោយផលរំខានទាំងនោះនឹងបាត់ទៅវិញ ក្នុងរយៈពេលពេលយ៉ាងយូរ ៣ថ្ងៃប៉ុណ្ណោះ (២៤ម៉ោង-៧២ម៉ោង)។
ចំពោះករណីប្រតិកម្មខាងលើនេះដែរ កើតមានតិចណាស់ ក្នុង១លាននាក់ គឺមានតែ ២ ឬ៣នាក់ទេ។ ទោះយ៉ាងណាបើមានអាការឈឺក្បាល ឬក្ដៅខ្លួនអីជាដើមនោះ អ្នកអាចនៅផ្ទះបាន ដោយលេបថ្នាំប៉ារ៉ាសេតាម៉ុល ១ថ្ងៃ ៣គ្រាប់ ព្រឹក ថ្ងៃ ល្ងាច។ បន្ថែមពីលើនេះអ្នកអាចញ៉ាំទឹកឲ្យបានច្រើន ស្លៀកសម្លៀកបំពាក់ស្ដើងៗ ដើម្បីបន្ថយអាការក្ដៅខ្លួន។
ដោយឡែកប្រសិនមានអាការឈឺចាប់មុខម្ជុល ឬដៃចាក់អ្នកអាច៖
-ស្អំកន្សែងសើម (ត្រូវប្រើកន្សែងស្អាត) លើកន្លែងឈឺចុកចាប់
-ប្រើដៃដែលឈឺនោះធ្វើចលនាតិចៗ ឬហាត់ប្រាណសម្រួលអាការមិនស្រួល
ក្នុងករណីមានអាការថប់ដង្ហើម ឬដកដង្ហើមខ្លីៗ លោកជំទាវអ្នកនាំពាក្យ និងជារដ្ឋលេខាធិការក្រសួងសុខាភិបាលរូបនេះ ណែនាំឲ្យអ្នកចាក់វ៉ាក់សាំងប្រញាប់ទៅជួបគ្រូពេទ្យជាបន្ទាន់៕
អត្ថបទ៖ សន្យា
ចុចអាន៖ ធ្លាប់ចាក់វ៉ាក់សាំង Sinopharm អាចចាក់វ៉ាក់សាំង Sinovac ដូសជំរុញបានអត់?
ចុចអាន៖ ទាំងនេះជាប្រសិទ្ធភាពវ៉ាក់សាំងចំនួន ៥ប្រភេទ ក្រោយពេលចាក់ដូសជំរុញ
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស