សុខភាព
ធ្លាប់ចាក់វ៉ាក់សាំង Sinopharm អាចចាក់វ៉ាក់សាំង Sinovac ដូសជំរុញបានអត់?
វ៉ាក់សាំង ស៊ីណូវ៉ាក់ (Sinovac) ដូសជំរុញ នឹងដំណើរការចាក់ជូនប្រជាពលរដ្ឋទូទៅ នាថ្ងៃចន្ទ ទី១១ ខែតុលា ឆ្នាំ ២០២១ ខាងមុខនេះ។
ទន្ទឹមនឹងការទទួលបាន វ៉ាក់សាំង ស៊ីណូវ៉ាក់ ដូសទី៣ ឬដូសជំរុញ នៅមានប្រជាពលដ្ឋខ្លះ កើតចម្ងល់ថាតើខ្លួនអាចចាក់វ៉ាក់សាំងប្រភេទនេះបានឬអត់ បើ២ដូសដំបូង ចាក់ ស៊ីណូហ្វាម (Sinopharm)?
ទាក់ទិនចម្ងល់នេះ ប្រភពពីក្រសួងសុខាភិបាល បានឱ្យដឹងថា ប្រជាជនកម្ពុជាអាចប្រើវ៉ាក់សាំងដូសជំរុញលាយគ្នាក៏បាន ឬប្រភេទដដែលក៏បាន ពុំមានបញ្ហាអ្វីនោះទេ។
រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង អះអាងថា អ្នកចាក់វ៉ាក់សាំង២ដូសដំបូងប្រភេទផ្សេង អាចចាក់ដូសជំរុញប្រភេទផ្សេងមួយទៀត ឬអាចចាក់ប្រភេទដូចគ្នានឹងលើកមុន ដោយពុំមានផលប៉ះពាល់ ឬផលរំខានច្រើនឡើយ។
ថ្លែងក្នុងសារលិខិតប្រកាសព័ត៌មានរបស់ក្រសួងសុខាភិបាល ឯកឧត្តមមានប្រសាសន៍ថា អ្នកចាក់វ៉ាក់សាំង ស៊ីណូហ្វាម ឬ ស៊ីណូវ៉ាក់ ជាវ៉ាក់សាំងមូលដ្ឋានចំនួន ២ដូសរួចហើយ អាចចាក់វ៉ាក់សាំងប្រភេទដូចគ្នាជាវ៉ាក់សាំង ស៊ីណូហ្វាម ឬ ស៊ីណូវ៉ាក់ សម្រាប់ដូសជំរុញ ឬអាចចាក់វ៉ាក់សាំងប្រភេទផ្សេងគ្នាដូចជា វ៉ាក់សាំង អាស្ត្រាហ្សេនីកា (AstraZeneca) ឬវ៉ាក់សាំង ភីហ្វាយហ្សឺ (Pfizer) ឬ ម៉ូឌឺណា (Moderna) ក៏បានដែរ។
សាស្ត្រាចារ្យ ម៉ម ប៊ុនហេង បញ្ជាក់ទៀតថា ចំពោះការចាក់វ៉ាក់សាំងកូវីដ-១៩ ដូសជំរុញនេះ ទោះបីប្រើប្រាស់វ៉ាក់សាំងប្រភេទដូចគ្នា ឬវ៉ាក់សាំងប្រភេទខុសគ្នាក៏ដោយ ក៏មិនបង្កឱ្យមានផលរំខានច្រើនលើសពីផលរំខានដែលបង្កឡើងដោយវ៉ាក់សាំងនីមួយៗជាធម្មតានោះទេ។
ដោយឡែក លទ្ធផលសិក្សារបស់សាកលវិទ្យាល័យ Oxford ក៏បានបង្ហាញផងដែរថា ការចាក់វ៉ាក់សាំងដូសជំរុញលាយគ្នា ឬដូចគ្នា រឹតតែជួយបង្កើតការឆ្លើយតបនៃប្រព័ន្ធភាពស៊ាំខ្លាំងក្លាប្រឆាំងនឹងវីរុសទាំងពេលបច្ចុប្បន្ន និងអនាគត។
ដូច្នេះ ចំពោះអ្នកធ្លាប់ចាក់វ៉ាក់សាំងប្រភេទ ស៊ីណូហ្វាម ពីមុនមក អាចទៅទទួលចាក់វ៉ាក់សាំង ស៊ីណូវ៉ាក់ ជាដូសជំរុញបាន៕
អត្ថបទ៖ សន្យា
ចុចអាន៖ ចាក់វ៉ាក់សាំង Sinovac ដូសទី៣បាន លុះត្រាតែគ្រប់លក្ខខណ្ឌទាំង ៤ចំណុចនេះ
ចុចអាន៖ ចាក់ Sinovac ជាដូសជំរុញ មិនត្រឹមការពារកូវីដទេ ថែមទាំងអាចប្រឆាំង Delta បានយ៉ាងល្អប្រសើរផងដែរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ