ព័ត៌មានជាតិ
ចៅក្រមស៊ើបសួរចេញដីកាបញ្ឈប់តាមចាប់ខ្លួនលោកបណ្ឌិត សេង សារី ជាផ្លូវការ
ចៅក្រមស៊ើបសួរសាលាដំបូងរាជធានីភ្នំពេញ លោក ញឹម ពិសាល នៅថ្ងៃ២១ ខែកញ្ញា ឆ្នាំ២០២១នេះ បានចេញដីកាបញ្ឈប់ការតាមចាប់ខ្លួនលោកបណ្ឌិត សេង សារី ជាផ្លូវការហើយក្រោយពីមានការអំពាវនាវរបស់សម្តេចតេជោ ហ៊ុន សែន កាលពីម្សិលមិញ។
ដីកាបញ្ឈប់ឲ្យតាមចាប់ខ្លួនរបស់លោក ញឹម ពិសាល បានបញ្ជាក់ថា លោក សេង សារី ត្រូវបានចោទប្រកាន់ពីបទ “រួមគំនិតក្បត់ និងញុះញង់បង្កឲ្យមាន ភាពវឹកវរធ្ងន់ធ្ងរ ដល់សន្តិសុខសង្គម” ប្រព្រឹត្តនៅកម្ពុជា កាលពីថ្ងៃ១៧.២០ និង២១ ខែកក្កដា ឆ្នាំ២០២១ និងអំឡុងពេលបន្តបន្ទាប់បទល្មើសព្រហ្មទណ្ឌមានចែងឲ្យផ្តន្ទាទោស តាមបញ្ញត្តិមាត្រា៤៥៣ មាត្រា៤៩៤ និងមាត្រា៤៩៥ នៃក្រមព្រហ្មទណ្ឌ”។
បើតាមដីកាបញ្ជាក់ថា “សម្រេចលើកលែងការចោទប្រកាន់លើជនត្រូវចោទឈ្មោះ សេង សារី (សាស្ត្រាចារ្យនៅសកលវិទ្យាល័យមានជ័យ ខេត្តបន្ទាយមានជ័យ និងជាអ្នកស្រាវជ្រាវ និងឃ្លាំមើលការអភិវឌ្ឍ សង្គម) កើតថ្ងៃទី០៧ ខែតុលា ឆ្នាំ១៩៧៩ នៅភូមិស្តៅ ឃុំស្តៅ ខេត្តបាត់ដំបង”។
សូមបញ្ជាក់ថា កាលពីថ្ងៃ២០ កញ្ញា សម្តេចតេជោ ហ៊ុន សែន បានអំពាវនាវឲ្យស្ថាប័នតុលាការពិចារណាបញ្ឈប់តាមចាប់ខ្លួនលោក បណ្ឌិត សេង សារី ហើយការអំពាវនាវនេះ បានធ្វើឡើងបន្ទាប់ពីសម្តេចបានស្តាប់ហេតុផល លោកបណ្ឌិត ក្នុងកិច្ចសម្ភាសន៍ ជាមួយសារព័ត៌មាន ខេមបូឌាដេលី ដែលលោកបានបកស្រាយពីគោលបំណង នៃការវិភាគអំពីសេនារីយោ៦ចំណុច កាលពីថ្ងៃទី២១ ខែកក្កដា ឆ្នាំ២០២១ អំពីគម្រោងបង្កើតរដ្ឋាភិបាលបង្រួបបង្រួមជាតិ របស់លោក សម រង្ស៊ី៕
ដោយ ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត