កម្មសិក្សាការីវគ្គវិក្រឹត្យការមន្ត្រីជាន់ខ្ពស់ ថ្នាក់ចេនឡា ចូលរួមកាន់បិណ្ឌវេនទី៩ នៅវត្តប្រាសាទនាងខ្មៅ

នាព្រឹកថ្ងៃច័ន្ទ ទី១៩ ខែកញ្ញា ឆ្នាំ២០២២ ក្នុងថ្ងៃវេនកាន់បិណ្ឌទី៩ កម្មសិក្សាការីវគ្គវិក្រឹត្យការមន្ត្រីជាន់ខ្ពស់ ថ្នាក់ចេនឡា ឆ្នាំ២០២២ បានអញ្ជើញចូលរួមពិធិកាន់បិណ្ឌវេនទី៩ នៅវត្តប្រាសាទនាងខ្មៅ ស្រុកសំរោង ខេត្តតាកែវ ដោយនាំយកនូវ ទេយ្យទានគ្រឿងឧបភោគបរិភោគ ភេសជ្ជៈ វេរប្រគេនដល់ព្រះសង្ឃ និងប្រគេនបច្ច័យដល់វត្តសម្រាប់កសាងសមិទ្ធិផលនានា។

ក្នុងនេះដែរ កម្មសិក្សាការីទាំងអស់ បានអញ្ជើញដាំដើមឈើមានប្រភេទឈើបេង ធ្នុង នៅជុំវិញស្រះទឹកក្នុងវត្ត ដើម្បីជាម្លប់សម្រាប់ពុទ្ធបរិស័ទមកធ្វើបុណ្យ និងកំសាន្ត។

គួរបញ្ជាក់ផងដែរថា ព្រះធម្មវិជ្ជា ជួន កក្កដា ព្រះរាជាគណៈថ្នាក់កិត្តិយស នៃព្រះរាជាណាចក្រកម្ពុជា ព្រះវិន័យធរគណខេត្តតាកែវ និងជានាយកសាលាពុទ្ធិកឋមសិក្សាប្រាសាទនាងខ្មៅ ព្រះអង្គក៏ជាកម្មសិក្សាការីវគ្គវិក្រឹត្យការមន្ត្រីជាន់ខ្ពស់ ថ្នាក់ចេនឡា ឆ្នាំ២០២២ផងដែរ៕