ព័ត៌មានជាតិ
លោក គៀត ច័ន្ទថារិទ្ធ៖ ប្រព័ន្ធ Hotline នឹងគ្រប់គ្រងជនបរទេសស្នាក់នៅកម្ពុជាកាន់តែមានប្រសិទ្ធភាព
លោក គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍បានបញ្ជាក់ថា គោលបំណងសំខាន់នៃការប្រើប្រាស់ប្រព័ន្ធ Hotline គឺដើម្បីជំរុញការគ្រប់គ្រងជនបរទេសកំពុងស្នាក់នៅកម្ពុជាឲ្យបានច្បាស់លាស់ និងជួយសម្រួលបញ្ហាប្រឈមមួយចំនួនរបស់ជនបរទេសអន្តោប្រវេសន៍ឲ្យកាន់តែមានប្រសិទ្ធភាព។
លោក គៀត ច័ន្ទថារិទ្ធ បញ្ជាក់បែបនេះនៅថ្ងៃទី៦ ខែធ្នូ ឆ្នាំ២០២២នេះ ក្នុងកិច្ចប្រជុំស្ដាប់របាយការណ៍ស្ដីពីប្រព័ន្ធ Hot line សម្រាប់ការបំពេញបែបបទអេឡិចត្រូនិច និងការស៊ើបអង្កេតលើករណីជនបរទេសប្រើប្រាស់លិខិតឆ្លងដែនដែលមានចុះទិដ្ឋាការ និងត្រាក្លែងក្លាយ។
បើតាមលោក គៀត ច័ន្ទថារិទ្ធ ប្រព័ន្ធ Hotline នេះបានចងក្រងជាមួយស្ថាប័នចំនួន ៣ចូលរួម មាន៖ អគ្គនាយកដ្ឋានអន្តោប្រវេសន៍ ក្រសួងសុខាភិបាល និងអគ្គនាយកដ្ឋានគយ និងរដ្ឋាករកម្ពុជា ខណៈលោក បានកោតសសើរដល់ក្រុមការងារដែលបានខិតខំប្រឹងប្រែងកន្លងមក សម្រាប់ការបង្កើតប្រព័ន្ធគ្រប់គ្រងជនបរទេសស្នាក់នៅក្នុងប្រទេសកម្ពុជានេះឡើង។
តែយ៉ាងណា លោក គៀត ច័ន្ទថារិទ្ធ បានណែនាំឲ្យក្រុមការងារបន្តធ្វើការរៀបចំក្រុមបច្ចេកទេស ក្រុម Hotline និងក្រុមស្រាវជ្រាវ បន្ថែមទៀត ដើម្បីចងក្រង ហើយខិតខំដោះស្រាយបញ្ហាដែលនៅសេសសល់ និងធ្វើយ៉ាងណាឲ្យមានលក្ខណៈឲ្យកាន់តែល្អប្រសើរឡើង។
លោកអគ្គនាយកអន្តោប្រវេសន៍រូបនេះ ក៏បានជំរុញដល់ក្រុមការងារបន្តធ្វើយ៉ាងណាត្រូវរៀបចំផែនការការងារមួយនេះឲ្យបានច្បាស់លាស់ ក៏ដូចជាបញ្ហាបច្ចេកទេសកាន់តែសុក្រិត្យ ដើម្បីប្រសិទ្ធភាពការងារក្នុងការគ្រប់គ្រង ការផ្ដល់ព័ត៌មាន និងការជូនដំណឹងទៅជនបរទេសអន្តោប្រវេសន៍តាមរយៈប្រព័ន្ធ Hotline នេះ ឲ្យកាន់តែមានប្រសិទ្ធភាពខ្ពស់៕
ដោយ៖ ធឿន វ៉ាន់សុង
-
ចរាចរណ៍៧ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៥ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ១ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង២ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ