Connect with us

កីឡា

U-20 កម្ពុជា ចាញ់ U-20 លីបង់ ពាន AFC U-20 Asian Cup ប៉ុន្តែធ្វើបានល្អពេញការប្រកួត

បានផុស

នៅ

ក្រុម U-20 កម្ពុជា បានប្រកួតចាញ់ U-20 លីបង់ ក្នុងជំនួបបើកពូល I នៃវគ្គជម្រុះពានរង្វាន់ជើងឯកយុវជនអាយុក្រោម ២០ឆ្នាំអាស៊ី (AFC U-20 Asian Cup 2022) លទ្ធផល ០-១ នាយប់ថ្ងៃទី១៤ ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចាប់ផ្ដើមនៅវេលាម៉ោង ៧:០០នាទីគត់ លីបង់ ដែលមានកាយសម្បទាល្អជាងកម្ពុជា ចាប់ផ្ដើមដាក់គំនៀបភ្លាមៗ តែម្ដង រហូតអាចរកគ្រាប់បាល់បានមុនដោយកីឡាករលេខ១០ Mohamad Sadek នៅនាទី៩។ បន្ទាប់ត្រូវបានលីបង់នាំមុខ កម្ពុជា ក៏ចាប់ផ្ដើមកែប្រែស្ថានការណ៍ឡើងវិញហើយក៏មានការគ្រប់គ្រងបាល់បានច្រើនជាងមុន ជាពិសេសមានទម្រង់លេងច្បាស់លាស់ យ៉ាងណាមិញមិនអាចធ្វើបានសម្រេចលើការរកគ្រាប់បាល់បានឡើយ និងបានរក្សាលទ្ធផល ០-១ ត្រឹមវគ្គទី១។

ចូលដល់វគ្គទី២ កម្ពុជា ហាក់ធ្វើបានល្អកាន់តែច្រើនថែមទៀត ដោយព្យាយាមជាមួយឱកាសគ្រប់គ្រងបាល់កាន់តែច្រើនជាងវគ្គទី១ទៅទៀត ឬអាចនិយាយបានថាគ្រប់គ្រងការប្រកួត ប៉ុន្តែនៅតែពុំអាចធ្វើបានសម្រេច រហូតដល់លទ្ធផលបញ្ចប់ចុងក្រោយ កម្ពុជា ចាញ់ លីបង់ ០-១។ ប្រកួតបន្ទាប់របស់ U-20 កម្ពុជា ត្រូវជួប U-20 សិង្ហបុរី នៅថ្ងៃទី១៦ ខែកញ្ញា ខាងមុខ៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម