កីឡា

គ្រូបង្វឹកតាហ្ស៊ីគីស្ថាន៖ សរសើរខាងកម្ពុជាថាលេងល្អ និងជាគូប្រកួតស័ក្តិសមជាមួយក្រុមលោក

បានផុស

១ year មុន

នៅ

ថ្ងៃព្រហស្បតិ៍ ៥ មិថុនា ២០២៥

ដោយ

មុនប៉ះគ្នាល្ងាចនេះគ្រូបង្វឹករបស់ក្រុមជម្រើសជាតិតាហ្ស៊ីគីស្ថាន បានសរសើរម្ចាស់ផ្ទះកម្ពុជាថាជាក្រុមល្អមួយហើយវាស័ក្ដិសមណាស់ក្នុងការប៉ះជាមួយក្រុមរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Gela Shekiladze

លោក Gela Shekiladze គ្រូបង្វឹកជម្រើសជាតិតាហ្ស៊ីគីស្ថាន បានឲ្យដឹងក្នុងសន្និសីទសារព័ត៌មានថា ក្រុមកម្ពុជាគឺជាក្រុមល្អមួយតាមដែលលោកមើលការប្រកួត ៣-៤ កន្លងទៅនេះ។ ការលេងបាល់តាមបែបទំនើប មានបច្ចេកទេសល្អ ការបញ្ជូនបាល់ឲ្យគ្នាក៏ល្អ និងលេងបាល់ខ្ពស់ក៏ល្អថែមទៀត ដូច្នេះនេះជាដៃគូស័ក្តិសមមួយសម្រាប់កូនក្រុមរបស់លោក។

គ្រូបង្វឹកកម្ពុជា

គ្រូបង្វឹករូបនេះលើកឡើងទៀតថា បើទោះជាល្ងាចនេះជាការប្រកួតមិត្តភាពក៏ដោយតែលោកជឿជាក់ថាម្នាក់ៗនឹងលេងអស់ ១០០%។ ក្រុមរបស់លោកត្រៀមខ្លួនបានរួចរាល់ហើយសម្រាប់ល្ងាចនេះ។ ការប្រកួតល្ងាចនេះនឹងជាការប្រកួតដ៏ល្អសម្រាប់ក្រុមរបស់លោកត្រៀមខ្លួនប្រកួតជាផ្លូវការជាមួយប្រទេសហ្វីលីពីននៅថ្ងៃទី១០ ខែមិថុនា ឆ្នាំ២០២៥ នៃពានរង្វាន់ AFC Asian Cup។

ទិដ្ឋភាពហ្វឹកហាត់របស់តាហ្ស៊ីគីស្ថាន

បញ្ជាក់ដែរថា ជំនួបមិត្តភាពរវាងកម្ពុជា និងតាហ្ស៊ីគីស្ថាន នឹងធ្វើឡើងនៅយប់ថ្ងៃទី៥ ខែមិថុនា ឆ្នាំ២០២៥ នៅពហុកីឡដ្ឋានជាតិ។ ការប្រកួតនេះចាប់ផ្ដើមពីម៉ោង ៧យប់តទៅ និងមានផ្សាយតាមទូរទស្សន៍ BTV ផងដែរ៕