ស្រ្តីរងគ្រោះមានឈ្មោះ អ៊ុត ខុន អាយុ៥៩ឆ្នាំ រស់នៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ជាស្ត្រីមេម៉ាយគ្មានកូន គ្មានផ្ទះសម្បែង ហើយដើរធ្វើអនាម័យតាមផ្ទះដើម្បីយកប្រាក់ឈ្នួល។ ក្រោយមកក៏បានសុំស្រ្តីបង្កខាងលើស្នាក់នៅជាមួយ ដើម្បីធ្វើជាអ្នកអនាម័យ ហើយស្នាក់នៅហូបចុកជាមួយគ្នាអស់រយៈពេលជាង ៣ឆ្នាំមកហើយ។

លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវនិងបង្ក្រាបបទល្មើស បានឱ្យដឹងថា ការបង្ក្រាបករណីខាងលើនេះក៏ទទួលបានបញ្ជាពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីលោក កើត វណ្ណារ៉េត ព្រះរាជអាជ្ញា អមសាលាដំបូងខេត្ត ដឹកនាំដោយលោកអនុសេនីយ៍ឯក តិល តៃលីវ មេបញ្ជាការមូលដ្ឋានកងរាជអាវុធហត្ថក្រុងបានចុះដល់កន្លែងកើតហេតុ ហើយធ្វើការស្រាវជ្រាវ រហូតដល់វេលាម៉ោង ១០និង០០នាទី ថ្ងៃទី២៨ ខែមិថុនា ឆ្នាំ២០២៦ ទើបឃាត់ខ្លួនជនសង្ស័យខាងលើ រួមទាំងដកហូតវត្ថុតាង កាំបិតប៉័ងតោដងឈើប្រវែង ៣០សង់ទីម៉ែត្រ ចំនួន០១ដើម នៅចំណុចហាងកាកាសាឡន ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ហើយនាំមកកាន់មូលដ្ឋានកងរាជអាវុធហត្ថក្រុងប៉ោយប៉ែត ដើម្បីសួរនាំតាមនីតិវិធី។

លោកអនុសេនីយ៍ឯក តិល តៃលីវ មេបញ្ជាការមូលដ្ឋានកងរាជអាវុធហត្ថក្រុង បានឲ្យដឹងទៀតថា ថ្ងៃមួយជនជាតិចិនដែលជាប្តីរបស់ជនសង្ស័យខាងលើបានយកទូរសព្ទ និងកុំព្យូទ័រជាច្រើនគ្រឿងយកមកផ្ញើជនសង្ស័យ។ ពេលនោះជនរងគ្រោះ កំពុងធ្វើការងារអនាម័យ ស្រាប់តែឃើញទូរស័ព្ទចំនួន០៣គ្រឿងធ្លាក់ចេញមកក្រៅ ហើយខ្លួនក៏បានយកទូរស័ព្ទនោះ ទៅលក់ឲ្យអ្នកទិញទូរស័ព្ទខូចៗតាមផ្លូវ បានប្រាក់ចំនួន ២០០,០០០រៀល ស្រាប់តែថៅកែស្រី (ជនសង្ស័យ) បានដឹងថា ជនរងគ្រោះយកទូរស័ព្ទយកទៅលក់ ខ្លួនក៏បានយកកំណាត់ឈើវាយទៅលើជនរងគ្រោះ បណ្ដាលឱ្យរងរបួសចេញឈាមជាច្រើនកន្លែង និងបានយកកាំបិតប៉័ងតោមកគំរាមកាត់ ម្រាមដៃជើង របស់ជនរងគ្រោះ ហើយថែមទាំងគំរាមមិនឱ្យចេញក្រៅផ្ទះទៀតផង។ នៅវេលាម៉ោង ៤ថ្ងៃទី១៤ ខែមិថុនា ឆ្នាំ២០២៦ ជនរងគ្រោះបានមានឱកាសឡើងលើដំបូលផ្ទះពីខាងក្រោយ រួចដើរមកខាងមុខហាងហើយសម្រូតខ្លួនចុះតាមចម្រឹងដែក ពេលចុះមកដល់ក្រោមបានជិះម៉ូតូឌុបទៅផ្ទះប្អូនស្រី នៅមណ្ឌល៤ ដើម្បីព្យាបាលរបួស ហើយបានទៅដាក់ពាក្យបណ្តឹងនៅមូលដ្ឋានកងរាជអាវុធហត្ថក្រុងតែម្តង។

លោកអនុសេនីយ៍ឯក តិល តៃលីវ បានបន្តថា ក្រោយឃាត់ខ្លួន និងសួរនាំរួច ជនសង្ស័យបានឆ្លើយសារភាពថា រូបគេពិតជាបានសកម្មភាពប្រើអំពើហិង្សាដូចការប្តឹងចោទប្រកាន់របស់ជនរងគ្រោះពិតប្រាកដមែន។ ដោយសារខឹងនឹងជនរងគ្រោះយកទូរស័ព្ទដែលជនជាតិចិន ជាសង្សាររបស់ខ្លួនយកទៅលក់យកលុយ។ ដោយផ្អែកលើចម្លើយសារភាព និងមានវត្ថុតាងជាក់ស្តែងកម្លាំងមូលដ្ឋានកងរាជអាវុធហត្ថក្រុង បានកសាងសំណុំរឿងបញ្ជូនមកកាន់បញ្ជាការដ្ឋានកងរាជអាវុធហត្ថខេត្តចាត់ការបន្តតាមនីតិវិធី។

បច្ចុប្បន្នជនសង្ស័យត្រូវបានកម្លាំងការិយាល័យព្រហ្មទណ្ឌ កងរាជអាវុធហត្ថខេត្តបញ្ជូនទៅសាលាដំបូងខេត្ត ដើម្បីអនុវត្តតាមនីតិវិធី៕

The post ចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ appeared first on Kampuchea Thmey Daily.

លោក គួច ចំរើន អភិបាល បានធ្វើការផ្ដាំផ្ញើបែបនេះ ក្នុងឱកាសដែលឯកឧត្តមអញ្ជើញសំណេះសំណាល និងជូនដំណើរ យោធិន នៃកងរាជអាវុធហត្ថ ទើបជ្រើសរើសថ្មី(ជាប់ជាស្ថាពរ) ចូលហ្វឹកហ្វឺន នៅវិទ្យាស្ថានកងរាជអាវុធហត្ថ(កំបូល) នាព្រឹកថ្ងៃទី២៦ ខែកមរា ឆ្នាំ២០២៦ នៅបញ្ជាការរដ្ឋានកងរាជអាវុធហត្ថខេត្តកណ្ដាល។

លោកអភិបាលខេត្តបន្តថា៖ ការហ្វឹកហាត់របស់យើងនៅពេលនេះគឺជាភារកិច្ចស្នូលរបស់កងកម្លាំងជាចាំបាច់ ដើម្បីមកបម្រើ និងការពារប្រទេសជាតិ មាតុភូមិ និងបន្តថែរក្សានូវសុខសន្តិភាពឱ្យបានគង់វង្សយូរអង្វែងរហូតទៅ ហើយទាល់តែយើងមានសមត្ថភាពគ្រប់គ្រាន់ ទើបយើងអាចការពារបូរណភាពទឹកដី និងបន្តថែរក្សានូវសុខសន្តិភាពជូនប្រជាពលរដ្ឋរបស់យើងបានយ៉ាងល្អប្រសើរ។

ក្នុងឱកាសនោះដែរ លោកអភិបាលខេត្ត បានសំដែងនូវការអបអរសាទរចំពោះយុវជនស្ម័គ្រចិត្តចូលបម្រើ កងយោធពលខេមរភូមិន្ទ ក្នុងក្របខ័ណ្ឌកងរាជអាវុធហត្ថ ដែលមានគ្រប់លក្ខណសម្បត្តិ(ជាប់ជាស្ថាពរ) ក្លាយជាយោធិន នៃកងរាជអាវុធហត្ថ ដែលត្រូវបានជូនដំណើរ និងត្រូវចូលហ្វឹកហ្វឺន នៅវិទ្យាស្ថានកងរាជអាវុធហត្ថ(កំបូល) ដែលចេញពីការជ្រើសរើសក្នុងខេត្តកណ្តាល សូមខិតខំរៀនសូត្រ និងបំពេញតួនាទី ភារកិច្ច និងបេសកកម្មកងរាជអាវុធហត្ថ ឱ្យទទួលបានជោគជ័យ និងត្រូវគោរពច្បាប់លក្ខន្តិកៈនៃកងយោធពលខេមរភូមិន្ទ, បទវិន័យទូទៅសម្រាប់កងយោធពលខេមរភូមិន្ទ និងបទបញ្ជាពេលបញ្ចប់វគ្គ និងសូមរគុណ និងកោតសរសើរចំពោះទឹកចិត្តរបស់ក្រុមគ្រួសារ យុវជនស្ម័គ្រចិត្តទាំងអស់ ដែលបានអនុញ្ញាតឱ្យកូន ចៅ ចូលបម្រើកងយោធពលខេមរភូមិន្ទ បំពេញក្របខ័ណ្ឌឱ្យកងរាជអាវុធហត្ថ ដើម្បីបម្រើប្រទេសជាតិ មាតុភូមិនៃយើង។

លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល បានឱ្យដឹងថា៖ បេក្ខជនគ្រប់លក្ខណសម្បត្តិ(ជាប់ជាស្ថាពរ) ទាំង ២២នាក់ ត្រូវបានក្រសួងការពារជាតិ ចេញប្រកាសបញ្ចូលក្របខ័ណ្ឌកងយោធពលខេមរភូមិន្ទ បំពេញឱ្យក្របខ័ណ្ឌកងរាជអាវុធហត្ថ ក្លាយជាយោធិន នៃ កងរាជអាវុធហត្ថ ជាផ្លូវការ និងបានប្រមូលផ្តុំហ្វឹកហ្វឺនសណ្តាប់ធ្នាប់ជួរទ័ពចាប់ពីថ្ងៃទី១៩ ខែមករា ឆ្នាំ២០២៦ និងជូនដំណើរទៅហ្វឹកហ្វឺន នៅវិទ្យាស្ថានកងរាជអាវុធហត្ថ(កំបូល)នាពេលនេះ។ ដោយ៖ម៉េង

The post អភិបាលខេត្តកណ្ដាល ផ្ដាំផ្ញើយោធិនកងរាជអាវុធហត្ថ ជ្រើសរើសថ្មី ខិតខំរៀនសូត្រ គោរពវិន័យ បទបញ្ជា ដើម្បីបម្រើ ការពារប្រទេសជាតិ appeared first on Kampuchea Thmey Daily.

ការ​ចូល​រួម​ក្នុង​វិស័យ​កង​ទ័ព​គឺ​ជា​ការ​ស្ម័គ្រ​ចិត្ត​ក្នុង​ពេលនេះ ប៉ុន្តែ​ច្បាប់​អនុញ្ញាត​ឱ្យ​រដ្ឋាភិ​បាល​ដាក់​ចេញ​នូវ​បទ​បញ្ញាត្តិចាំ​បាច់​មួយ​ ដើម្បី​បំពេញ​គោល​ដៅ​របស់ខ្លួ​ន​ក្នុង​ការ​កសាង​ប្រទេស ​ដែល​មាន​​កង​ទ័ព​ខ្លាំង​បំផុត​នៅ​អឺរ៉ុប​ជា​លើក​ដំបូង​ ចាប់​តាំង​ពី​សង្គ្រាម​លោក​លើក​ទី​ពីរ​។

កាល​ពី​ខែ​វិច្ឆិកា​ឆ្នាំ​មុន ​​កម្លាំង​​​យោធា​​ជាប់​​កាតព្វ​កិច្ច​សកម្ម​ក្នុង​វិស័យ​យោធា ​ឱ្យ​ដឹង​ថា ទាហាន​ដែល​ឈរ​ជើង​មាន​ចំនួន​ ១៨៤ ០០០នាក់ ដែល​កើន​ឡើង​ចំនួន​ ២៥០០នាក់​ ចាប់​តាំង​ពី​ខែ​ឧសភា​ នៅ​ពេល​ដែល​​អធិការបតី​អាល្លឺម៉ង់ លោក​ Friedrich Merz បាន​ប្រាប់​សភា​ថា៖«​កង​ទ័ពអឺរ៉ុប​​ត្រូវ​​តែ​​ក្លាយ​ជា​កង​ទ័ព​​ដែល​ខ្លាំង​បំផុត​​»។

លោក Timo Graf អ្នក​ស្រាវ​ជ្រាវ​ជាន់​ខ្ពស់​នៅ​មជ្ឈ​មណ្ឌល Bundeswehr នៃ​ប្រវត្តិ​សាស្ត្រ​យោធា និង​វិទ្យាសាស្ត្រ​សង្គម​នៅ​ទីក្រុង Potsdam បាន​ប្រាប់ ​Al Jazeera ថា​៖«វា​​ជា​​កម្លាំង​​ដ៏​​ធំ​​បំផុត​​ដែល​​ពួក​គេ​​មាន​​ក្នុង​​រយៈ​ពេល​​យូរ​​​មក​​ហើយ ហើយ​​វាក៏​​​ជា​​កម្លាំង​ខ្លាំង​​បំផុត​ ​ដែល​​យើង​​មាន​​តាំង​ពី​​ឆ្នាំ​២០២១មក​»។

មិន​តែ​ប៉ុណ្ណោះ រដ្ឋា​ភិបាល​​អាល្លឹម៉ង់​កំពុង​ទាក់​ទាញ​យុវជន​ដែល​ស្ម័គ្រ​ចិត្ត​លើ​កិច្ច​សន្យា​រយៈ​ពេល២៣​ខែ ជា​មួយ​នឹង​ប្រាក់​បៀវត្សរ៍ និង​អត្ថ​ប្រយោជន៍​ជា​ច្រើន​។

លោក Graf បាន​បន្ត​​ថា៖«ប្រាក់​ឈ្នួល​គឺត្រឹម​តែ​ ៣ ០០០ដុល្លាប៉ុណ្ណោះ ដោយ​សារ​តែ​លំនៅ​ឋាន​មិន​គិត​ថ្លៃ ការ​ធានា​រ៉ាប់រង​ផ្នែក​វេជ្ជសាស្រ្ត​គឺ​មិន​គិត​ថ្លៃ តែ​ពួកគេ​នឹង​បញ្ចប់​ដោយ​បង់​ប្រាក់​ ២ ៧០០ដុល្លា​ បន្ទាប់​ពី​ពន្ធ និង​ការ​កាត់​ប្រាក់​។​ ចំនួន​នេះ​ ច្រើន​ណាស់​សម្រាប់​យុវជន»​។

រដ្ឋា​ភិបាល​ថ្មី​របស់​អាល្លឺម៉ង់​កំពុង​ពន្លឿន​ការ​រៀប​ចំចំពោះ​ការ​ប្រឈម​មុខ​ដាក់​គ្នា​ ផ្នែក​យោធា​ពេញ​លេញ​ជា​មួយ​រុស្ស៊ី​។ នេះ​បើ​តាម​លោក Sergey Nechayev ឯក​អគ្គ​រដ្ឋ​ទូត​រុស្ស៊ី​ប្រចាំ​ប្រទេស​អាល្លឺម៉ង់ បាន​ប្រាប់​គេហទំព័រ​ព័ត៌មាន​អាល្លឺម៉ង់ Apolut ក្នុង​បទ​សម្ភាសន៍​មួយ​កាល​ពី​ខែ​មុន​។

ត្រឡប់​ទៅ​ លោក Graf បាន​ថ្លែង​​ថា៖«គ្រាន់​តែ​ក្នុង​មួយ​ឆ្នាំ យើង​បាន​ផ្លាស់​ប្តូរ​ពី ៥៨ភាគរយ​ ទៅ ៦៥ភាគរយ​ដែល​​គាំទ្រ​ឱ្យ​មាន​ការ​បង្កើន​សម្រាប់​ចំណាយ​លើ​វិស័យ​ការពារ​ជាតិ​»។

លើស​ពី​នេះ នៅ​ឆ្នាំ២០៣០​ អា​ល្លឺម៉ង់​នឹង​ចំណាយ​ ៣.៥ភាគរយ​នៃ​ផលិត​ផល​ក្នុង​ស្រុក​សរុប​(GDP) របស់​ខ្លួន​លើ​វិស័យ​ការពារ​ជាតិ​៕

ប្រែសម្រួល៖ ណឺ មិនា

The post ​​​​​​សកម្មភាពយោធា​របស់​រុស្ស៊ី​ បង្ខំឱ្យ​​អាល្លឺម៉ង់ងាក​ទៅ​​​ពង្រឹង​សមត្ថភាព​​​​យោធា​​កាន់តែខ្លាំង​ appeared first on Kampuchea Thmey Daily.

លោក វង្ស ពិសេន ណែនាំដូច្នេះ ក្នុងពេលនាំយកអាវរងាជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត, សម្តេចធិបតី ហ៊ុន ម៉ាណែត និងលោកជំទាវបណ្ឌិត ទៅចែកជូនកងកម្លាំងប្រដាប់អាវុធឈរជើងការពារព្រំដែននៅទិសទី២ យោធភូមិភាគទី៤ នាថ្ងៃទី៣១ ខែតុលា នេះ។

នាយឧត្ដមសេនីយ៍ វង្ស ពិសេន បាននាំនូវការផ្តាំផ្ញើសួរសុខទុក្ខ ការនឹករលឹកពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត, សម្តេចធិបតី ហ៊ុន ម៉ាណែត និងលោកជំទាវបណ្ឌិត ដល់កងកម្លាំងទាំងអស់ដែលឈរជើងការពារតាមខ្សែបន្ទាត់ព្រំដែន។

អគ្គមេបញ្ជាការ បានធ្វើការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់កងកម្លាំងកងទ័ព កម្លាំងប៉ូលិស នៅក្នុងការបំពេញភារកិច្ចការពារបូរណភាពទឹកដី ការរក្សាសុខសន្តិភាព ស្ថិរភាព ការកសាងអង្គភាពឲ្យរីកចម្រើន ក៏ដូចជាការទំនាក់ទំនងកិច្ចសហប្រតិបត្តិការល្អជាមួយប្រទេសជិតខាង ប្រែក្លាយព្រំដែនជាតំបន់សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ។

នាយឧត្ដមសេនីយ៍ បានលើកឡើងពីសមិទ្ធផលជាប្រវត្តិសាស្ត្រនៅក្នុងសម័យតេជោសែន ដែលសម្រេចបានការបោះបង្គោលព្រំដែនជាមួយប្រទេសជិតខាងស្ទើរតែរួចរាល់ រួមទាំងការកសាងហេដ្ឋារចនាសម្ព័ន្ធនានានៅតាមតំបន់ព្រំដែន ធ្វើឲ្យបន្ទាត់ព្រំដែនមានភាពច្បាស់លាស់ រក្សាជាមរតក ដែលកំពុងបន្តដឹកនាំដោយរាជរដ្ឋាភិបាលអាណត្តិទី៧ មានសម្តេចធិបតី ហ៊ុន ម៉ាណែត ជានាយករដ្ឋមន្រ្តី។

ជាមួយនោះ នាយឧត្ដមសេនីយ៍ វង្ស ពិសេន ក៏បានផ្តាំផ្ញើដល់មេបញ្ជាការគ្រប់កងឯកភាព ឱ្យបង្កើនការយកចិត្តទុកដាក់ចំពោះប្រសាសន៍ណែនាំរបស់សម្តេចនាយករដ្ឋមន្រ្តី ពាក់ព័ន្ធយោធិនចូលនិវត្តន៍ យោធិនជំនាញ និងមានសមត្ថភាព ត្រូវរក្សាទុកដើម្បីបន្សាំ និងបណ្ដុះបណ្ដាលអ្នកបន្តវេន ហើយយោធិនដល់អាយុចូលនិវត្តន៍ ប៉ុន្ដែនៅក្មេង នៅមានកម្លាំង សូមឱ្យផ្អាកការដាក់ចូលនិវត្តន៍៕

The post អគ្គមេបញ្ជាការ ណែនាំឱ្យកងកម្លាំងបន្តបង្ក្រាបការជួញដូរគ្រឿងញៀន ជួញដូរមនុស្ស តាមព្រំដែន appeared first on Kampuchea Thmey Daily.

មេបញ្ជាការកងរាជអាវុធហត្ថលើផ្ទៃប្រទេស នាយឧត្តមសេនីយ៍ សៅ សុខ​ លើកឡើងដូច្នេះថា៖ «ខ្ញុំកាន់កាំភ្លើងនេះ គឺមិនទៅបាញ់ប្រជាជនខ្លួនឯងទេ តែខ្ញុំមានភារកិច្ចការពារចោរប្លន់ចោរលួច ហើយពិសេសអ្នកដែលឆ្លៀតឱកាសប្រើអាវុធនេះ ប្រឆាំងនឹងរាជរដ្ឋាភិបាល យើងខ្ញុំនឹងប្រើដល់អាហ្នឹង»។ នាយឧត្តមសេនីយ៍ បានបញ្ជាក់ថា នេះមិនមែនជាការគំរាមកំហែងទេ តែជាភារកិច្ចរបស់កងកម្លាំង ដើម្បីការពារអាយុជីវិតប្រជាជន និងរាជរដ្ឋាភិបាលស្របច្បាប់ ដែលកើតចេញពីការបោះឆ្នោត តាមឆន្ទៈរបស់រាស្ត្រ។

លោកនាយឧត្តមសេនីយ៍ បន្តទៀតថា «ព្រោះខ្ញុំទាហាន បើទាហានអត់កាន់កាំភ្លើង មិនមែនទាហានទេ​ ដោះខោអាវហ្នឹងចេញ (ឯកសណ្ឋាន) ជាស៊ីវិលបាត់ ហើយអត់សម្លាប់ប្រជាជនទេ តែមានភារកិច្ចការពារប្រជាជន ហើយមុនគេបំផុត គឺការការពារសុខសន្តិភាព ស្ថិរភាពនយោបាយ»។

ក្នុងនាមជាអគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស នាយឧត្តមសេនីយ៍ សៅ​ សុខា ក៏បានអំពាវនាវជាថ្មីម្ដងទៀតដល់ប្រជាជនទាំងអស់ ជាពិសេសយុវជន យុវនារី កុំជឿលង់តាមការញុះញង់របស់ក្រុមជ្រុលនិយមនៅក្រៅស្រុកតូចក្ដាប់តូចឱ្យសោះ ត្រូវតែដកខ្លួនចេញពីចលនាខុសច្បាប់នេះជាបន្ទាន់។

ការថ្លែងខាងលើរបស់លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ក្នុងឱកាសអញ្ជើញចុះត្រួតពិនិត្យការហ្វឹកហ្វឺនរក្សាសណ្តាប់ធ្នាប់របស់កម្លាំងកងអត្តរាគមន៍​នៃកងរាជអាវុធហត្ថលើផ្ទៃប្រទេស នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ស្ថិតនៅស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី១៧ ខែសីហា ឆ្នាំ២០២៤៕

The post នាយឧត្តមសេនីយ៍ សៅ សុខា៖ កងកម្លាំងប្រើអាវុធ សម្រាប់តែវាយបកជនជ្រុលនិយមបង្កអសន្តិសុខ appeared first on Kampuchea Thmey Daily.

ជនសង្ស័យ ១-ឈ្មោះ ទ្រី សុជា ភេទស្រី អាយុ២៨ឆ្នាំ មុខរបរ (គ្មាន) រស់នៅ ភូមិលលៃ ស្រុកប្រាសាទបាគង ខេត្តសៀមរាប។ ២-ឈ្មោះ អ៊ន់ ប៊ុនឡុង ភេទប្រុសអាយុ១៧ឆ្នាំ មុខរបរសិស្ស រស់នៅភូមិស្ពានក្អែក ឃុំកណ្តែក ស្រុកប្រាសាទបាគង ខេត្តសៀមរាប។ ក្នុងប្រតិបត្តិការនេះ ក្រៅពីឃាត់ខ្លួនជនសង្ស័យបានពីរនាក់សមត្ថកិច្ចអាវុធហត្ថ បានដកហូតវត្ថុតាង ដូចជា លោហធាតុពណ៌លឿង ខ្សែករ០១ខ្សែ, ទូរសព្ទ០២គ្រឿង, លោហធាតុពណ៌លឿងចិញ្ជៀន០២វង់ និងម៉ូតូម៉ាក ហុងដាឃ្លីក០១គ្រឿង។

បច្ចុប្បន្នការិយាល័យជំនាញបានបញ្ជូនជនសង្ស័យ និងវត្ថុតាងប្រគល់ជូនការិយាល័យជំនាញអាវុធហត្ថខេត្តឧត្តរមានជ័យ ដើម្បីបន្តនីតិវិធី។ សូមជម្រាបថា ដេប៉ូលក់គ្រឿងសំណង់ យីហោ ថា ស៊ី នាថ ស្ថិតក្នុងភូមិគោករំដួលសង្កាត់សំរោង ក្រុងសំរោង ខេត្តឧត្តរមានជ័យ ត្រូវបានចោរចូលប្លន់ និងសម្លា ប់ វេលាម៉ោង៤ទៀបភ្លឺ នៅថ្ងៃទី២៥ ខែឧសភា ឆ្នាំ២០២៤  ម្ចាស់ដេប៉ូលក់គ្រឿងសំណង់មានឈ្មោះ សួស សត្ថា អាយុ៥៥ឆ្នាំ៕

ដោយ៖ជុន កុសល

The post ក្រុមចោរប្លន់ថៅកែលក់គ្រឿងសំណង់នៅខេត្តឧត្តរមានជ័យ ត្រូវកម្លាំងអាវុធហត្ថ ខេត្តសៀមរាប ឃាត់ខ្លួន appeared first on Kampuchea Thmey Daily.

​មេបញ្ជាការរង​កង​រាជ​អាវុធ​លើ​ផ្ទៃ​ប្រទេស និង​ជា​មេបញ្ជាការ​កងរាជអាវុធហត្ថ​រាជធានី​ភ្នំពេញ​លោក​ឧ​ត្ត​ម​សេនីយ៍​ឯក រ័ត្ន ស្រ៊ាង មុន​នេះ​បន្តិច​បាន​ចេញ​បទបញ្ជា​ដ៏​តឹងរឹង​បំផុត​ជាថ្មី​ម្ដងទៀត​ ដោយ​គ្មាន​ការយោគយល់​អ្វី​ឡើយ​ ដោយ​តម្រូវ​ឲ្យ​អនុវត្ត​ជា​កំហិត​ គឺ​ហាម​ដាច់ខាត​មិន​ឲ្យ​មន្ត្រី​អាវុធហត្ថ​ណា​ម្នាក់​ចូល​ធ្វើ​ការ​ដោយ​គ្មាន​ពាក់​ម៉ាស ឬ​មិន​ឆ្លង​ការ​ត្រួត​ពិនិត្យ​កម្ដៅ ឬ​បាញ់ថ្នាំ​សម្លាប់​មេរោគ សំអាត​ដៃ​ដោយ​ទឹក​អាល់កុល ឬ​ទឹក​លាងដៃ នោះ​ទេ​។ ផ្ទុយទៅវិញ បើ​មាន​មន្ត្រី​អាវុធហត្ថ​ណា​ម្នាក់​ មិន​ព្រម​អនុវត្ត​តាម​បទបញ្ជា​ខាងលើនេះ​ទេ ​ដាច់​ខាត់​មិន​អនុញ្ញាត​ឲ្យ​ចូល​អង្គភាព​ហើយ​កត់​ឈ្មោះ អត្តលេខ​ បញ្ជូន​មក​លេខា​ដ្ឋា​ន​បន្ទាន់​ ដើម្បី​មាន​វិធានការ​តាម​បទ​ពិន័យ​ដោយ​មិន​អនុគ្រោះ​ឡើយ​។

​ឧ​ត្ត​ម​សេនីយ៍​ឯក រ័ត្ន ស្រ៊ាង បាន​ថ្លែង​មុន​នេះ​ថា គ្មាន​មន្ត្រី​អាវុធហត្ថ​ណា​ម្នាក់​ហ៊ាន​អនុវត្ត​ផ្ទុយ​ពី​ការ​ណែនាំ​របស់​ក្រសួងសុខាភិបាល​នោះ​ទេ​។ លោក​ឧ​ត្ត​ម​សេនីយ៍​ឯក​ ក៏​បាន​បន្ត​ថា មន្ត្រី​អាវុធហត្ថ​គ្រប់ៗ​រូប​ ត្រូវតែ​បន្ត​ដាច់ខាត​ ការ​អនុវត្ត​គម្លាត​បុគ្គល​និង​គម្លាត​សង្គម​ ដែល​គឺជា​វិធានការ​ដ៏​មុត​ស្រួច​របស់​កម្លាំង​អាវុធហត្ថ រួម​នឹង​ការ​ត្រួតពិនិត្យ​សុខភាព វាស់​កម្ដៅ ពាក់​ម៉ាស​បាញ់ថ្នាំ​សម្លាប់​មេរោគ​ជាប្រចាំ ដល់​នាយទាហាន នាយទាហានរង ពលទាហាន​អាវុធហត្ថ មុន​ពេល​ចូល​កន្លែងធ្វើការ​ ដោយ​គ្មាន​ការធ្វេសប្រហែស​ឡើយ ដើម្បី​បង្ការ​ទប់ស្កាត់ពី​ជំងឺឆ្លង កូ​វីដ​១៩ ដោយ​គ្មាន​ធ្វេសប្រហែស​មួយ​នា​ទីណា​ឡើយ​៕

អត្ថបទ៖ វិមាន​

The post គម្លាត​បុគ្គល​និង​គម្លាត​សង្គម​ គឺជា​វិធានការ​ដ៏​មុត​ស្រួច សម្រាប់​ការ​អនុវត្ត​ជាប្រចាំ​របស់​កម្លាំង​អាវុធហត្ថ​ appeared first on Kampuchea Thmey Daily.

នេះ​ជាកា​លើកឡើង​ជារឿយៗ​របស់​លោក​ឧ​ត្ត​ម​សេនីយ៍​ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើ​ផ្ទៃ​ប្រទេស​-​មេបញ្ជាការ កងរាជអាវុធហត្ថ​រាជធានី​ភ្នំពេញ ខណៈ​ពេល​ចាត់​តំណាង​ឲ្យក្រុមការងារ​អាវុធហត្ថ​រាជធានី​ភ្នំពេញ ដឹកនាំ​ដោយ លោក​ឧ​ត្ត​ម​សេនីយ៍​ត្រី ពង្ស សា​វរិ​ទ្ធ មេបញ្ជាការរង និង​ជា​នាយសេនាធិការ កងរាជអាវុធហត្ថ​រាជធានី​ភ្នំពេញ បាន​ចុះសួរសុខទុក្ខ លោក​វរសេនីយ៍ឯក សូ ស៊ី​ដា​រិ​ទ្ធ នាយរង​សេនាធិការ ដែល​មាន​ជំងឺកំពុង​សម្រាក​ព្យាបាល​នៅ​មន្ទីរ​ពេទ្យ​ព្រះ​កេតុមាលា ហៅ ពេទ្យ​១៧៩​នា​ល្ងាច​ថ្ងៃ​ទី០៩ ខែ​មករា ឆ្នាំ​២០២១​នេះ​។​

​គួរ​បញ្ជាក់​ថា ក្រោយ​ទទួល​ព័ត៌មាន​ភ្លាម​លោក​ឧ​ត្ត​ម​សេនីយ​ឯក រ័ត្ន ស្រ៊ាង មេបញ្ជាការរង​កងរាជអាវុធហត្ថ​លើ​ផ្ទៃ​ប្រទេស​និង​ជា​មេបញ្ជាការ​កងរាជអាវុធហត្ថ​រាជធានី​នា​ល្ងាច​ថ្ងៃទី​០៩ ខែ​មករា ឆ្នាំ​២០២១​ បាន​ចាត់​តំណាង​ឲ្យ ក្រុមការងារ​អាវុធហត្ថ​រាជធានី​ភ្នំពេញ ដឹកនាំ​ដោយ លោក​ឧ​ត្ត​ម​សេនីយ៍​ត្រី ពង្ស សា​វរិ​ទ្ធ មេបញ្ជាការរង និង​ជា​នាយសេនាធិការ កងរាជអាវុធហត្ថ​រាជធានី​ភ្នំពេញ បាន​ចុះសួរសុខទុក្ខ លោក​វរសេនីយ៍ឯក សូ ស៊ី​ដា​រិ​ទ្ធ នាយរង​សេនាធិការ ដែល​មាន​ជំងឺ កំពុង​សម្រាក​ព្យាបាល​នៅ​មន្ទី​រពេទ្យ​ព្រះ​កេតុមាលា ហៅ ពេទ្យ​១៧៩​។​ ​ក្នុងឱកាស​នោះ​ក្រុមការងារ បាន​នាំ​យក​ថវិកា​ចំនួន ១ ២០០ ០០០​រៀល ភេសជ្ជៈ​០៤​កេស ទៅ​ជូន​ជា​អំណោយ​សួរសុខទុក្ខ និង​ទុកជា​ការចែករំលែក សម្រាល​បន្ទុក​គ្រួសារ​ក្នុង​ការ​សម្រាក​ព្យាបាល​ ផង​ដែរ​៕

អត្ថបទ៖ វិមាន

The post ​វប្បធម៌​ចែករំលែក​ក្តី​ស្រឡាញ់​ តែងតែ​ដក់​ជាប់​ក្នុង​បេះដូង​កងរាជអាវុធហត្ថ​គ្រប់ៗ​រូប​​ appeared first on Kampuchea Thmey Daily.