ព័ត៌មានជាតិ

គម្លាតបុគ្គលនិងគម្លាតសង្គម គឺជាវិធានការដ៏មុតស្រួច សម្រាប់ការអនុវត្តជាប្រចាំរបស់កម្លាំងអាវុធហត្ថ

បានផុស

៥ years មុន

នៅ

ថ្ងៃពុធ ២០ មករា ២០២១

ដោយ

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង បានបញ្ជាក់ឲ្យដឹងថា គម្លាតបុគ្គល និងគម្លាតសង្គម គឺជាវិធានការដ៏មុតស្រួច សម្រាប់ការអនុវត្តជាប្រចាំរបស់កម្លាំងអាវុធហត្ថរាជធានីនិងគ្រប់បណ្តាខណ្ឌទាំង១៤ ដើម្បីបញ្ចៀសពីជំងឺកូវីដ១៩ ខណៈដែលប្រទេសជាង២០០លើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេបញ្ជាការរងកងរាជអាវុធលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញលោកឧត្តមសេនីយ៍ឯក រ័ត្ន ស្រ៊ាង មុននេះបន្តិចបានចេញបទបញ្ជាដ៏តឹងរឹងបំផុតជាថ្មីម្ដងទៀត ដោយគ្មានការយោគយល់អ្វីឡើយ ដោយតម្រូវឲ្យអនុវត្តជាកំហិត គឺហាមដាច់ខាតមិនឲ្យមន្ត្រីអាវុធហត្ថណាម្នាក់ចូលធ្វើការដោយគ្មានពាក់ម៉ាស ឬមិនឆ្លងការត្រួតពិនិត្យកម្ដៅ ឬបាញ់ថ្នាំសម្លាប់មេរោគ សំអាតដៃដោយទឹកអាល់កុល ឬទឹកលាងដៃ នោះទេ។ ផ្ទុយទៅវិញ បើមានមន្ត្រីអាវុធហត្ថណាម្នាក់ មិនព្រមអនុវត្តតាមបទបញ្ជាខាងលើនេះទេ ដាច់ខាត់មិនអនុញ្ញាតឲ្យចូលអង្គភាពហើយកត់ឈ្មោះ អត្តលេខ បញ្ជូនមកលេខាដ្ឋានបន្ទាន់ ដើម្បីមានវិធានការតាមបទពិន័យដោយមិនអនុគ្រោះឡើយ។

ឧត្តមសេនីយ៍ឯក រ័ត្ន ស្រ៊ាង បានថ្លែងមុននេះថា គ្មានមន្ត្រីអាវុធហត្ថណាម្នាក់ហ៊ានអនុវត្តផ្ទុយពីការណែនាំរបស់ក្រសួងសុខាភិបាលនោះទេ។ លោកឧត្តមសេនីយ៍ឯក ក៏បានបន្តថា មន្ត្រីអាវុធហត្ថគ្រប់ៗរូប ត្រូវតែបន្តដាច់ខាត ការអនុវត្តគម្លាតបុគ្គលនិងគម្លាតសង្គម ដែលគឺជាវិធានការដ៏មុតស្រួចរបស់កម្លាំងអាវុធហត្ថ រួមនឹងការត្រួតពិនិត្យសុខភាព វាស់កម្ដៅ ពាក់ម៉ាសបាញ់ថ្នាំសម្លាប់មេរោគជាប្រចាំ ដល់នាយទាហាន នាយទាហានរង ពលទាហានអាវុធហត្ថ មុនពេលចូលកន្លែងធ្វើការ ដោយគ្មានការធ្វេសប្រហែសឡើយ ដើម្បីបង្ការទប់ស្កាត់ពីជំងឺឆ្លង កូវីដ១៩ ដោយគ្មានធ្វេសប្រហែសមួយនាទីណាឡើយ៕