ផ្នូរដ៏ប្រណីតថ្លៃកប់ពពក​ត្រូវបានគេ​សាងសង់ឡើងតាំងពីសតវត្សរ៍មុនៗ ខ្លះសូម្បីតែសម័យបុរេប្រវត្តិក៏មាន។

១. ផ្នូររបស់ Nintoku’s តម្លៃប៉ាន់ស្មាន​ ៣០០ លានដុល្លារ

ផ្នូរ Nintoku គឺជាផ្នូរធំជាងគេបង្អស់នៅប្រទេស​ជប៉ុន និងធំលំដាប់​ទី ៣ នៅលើពិភពលោក ដោយមានទីតាំង​នៅ​រដ្ឋអូសាកាប្រទេសជប៉ុន។ ប្រជាជនជប៉ុនហៅទីនោះថា កូហ្វូន​ គឺជាផ្នូរស្ថិតនៅលើ​កោះមានរាងដូចកូនសោ​មួយ​ ប្រសិនបើយើង​មើលឃើញពីខាងលើ។

ណានគុក (Nintoku) ជាព្រះអធិរាជទី ១៦ របស់ជប៉ុនចាប់ពីឆ្នាំ ៣១៣ ដល់ ៣៩៩។ ព្រះអង្គ​ត្រូវបានគេកត់ត្រាមកថា ​មានព្រះជន្ម ១៤២ ឆ្នាំ​។ ផ្នូររបស់ទ្រង់ ស្ថិតនៅកណ្តាលនៃកោះដ៏ធំមួយដែលព័ទ្ធជុំវិញដោយគូរទឹក។ វាមានប្រវែងប្រហែល ៤៨៦ ម៉ែត្រ ទទឹង ៣០៧ ម៉ែត្រព្រំទំាង​កំពស់ ៣៥,៨ ម៉ែត្រ។ អ្នកទស្សនាអាចចូលទៅត្រឹម​កន្លែងគោរពបូជានៅខាងមុខតែប៉ុណ្ណោះ។

ការប៉ាន់ស្មានតម្លៃផ្នូរគឺ ៣០០ លានដុល្លារ។

 ២. ជ្រលងភ្នំនៃផ្នូរស្តេច តម្លៃប៉ាន់ស្មាន ៧៥០ លានដុល្លារ

នៅឆ្នាំ ១៩២២ ផ្នូររបស់ស្តេច Tutankhamun ជា​ព្រះចៅផារ៉ាអុង​បុរាណអេហ្ស៊ីប​ដែលជាព្រះចៅផារ៉ាអុង​ចុងក្រោយរបស់ព្រះរាជាណាចក្រនេះ ត្រូវបានគេរកឃើញនៅឯជ្រលងភ្នំ Theban Hills ប្រទេសអេហ្ស៊ីប។ មកដល់ឥឡូវគេហៅទីនោះ​ថាជា ជ្រលងភ្នំនៃស្តេចផារ៉ាអុង។ រហូតមកដល់បច្ចុប្បន្ន ជ្រលងនោះ​មានផ្នូរចំនួន ៦៣ ដែលត្រូវបានរកឃើញ។

ការរកឃើញដ៏​អស្ចារ្ស បំផុតគឺផ្នូររបស់ស្តេច Tutankhamun ដែលបានទទួលមរណភាពនៅឆ្នាំ ១៣២៣ មុនគ្រឹះស្តសករាជ។ នៅក្នុងបន្ទប់បញ្ចុះសពនោះមានសល់នូវវត្ថុបុរាណមានតម្លៃមហាសាល។ វត្ថុមួយ​ក្នុងចំណោមវត្ថុ​បុរាណសាសនានៅទីនោះ​គឺ​របាំងមុខពេលស្លាប់​របស់ទ្រង់ ដែល​គ្រាន់តែ​វត្ថុមួយនោះ​ត្រូវបានគេ​ប៉ាន់ស្មានថា ​មានតម្លៃយ៉ាងហោចណាស់ ២ លានដុល្លារ។

ផ្នូរនោះសាងសង់ឡើង​ដោយ​មាន​បន្ទប់បញ្ចុះ​និង​ច្រករបៀង​ចូលនិងជណ្តើរ។ ផ្នូរនេះត្រូវបានគេជឿថា ត្រូវបានរងអំពើ​លួចប្លន់ចំនួនពីរដងហើយ​មុនពេលអាជ្ញាធរ​រកឃើញ។ ទោះយ៉ាងណា មឈូសមាស របស់ព្រះចៅ Tutankhamun នៅគវង់វង្ស​ដដែល។

វត្ថុទាំងអស់ ដែលត្រូវបានបញ្ចុះជាមួយព្រះមហាក្សត្រអង្គនេះ ត្រូវបានគេប៉ាន់ស្មានថាមានតម្លៃប្រហែល ៧០០ លានដុល្លារ។ សរុបមកការបន្ថែមសំណង់និងសម្ភារៈវាអាចនឹងចំណាយថវិកាប្រមាណ ៧៥០ លានដុល្លារ​។

៣. ពីរ៉ាមីតនៃ Giza តម្លៃប៉ាន់ស្មាន ៥ ប៊ីលានដុល្លារ

យោងតាម weinerelementary.com បញ្ជី​ផ្នូរដែលថ្លៃបំផុតលើលោកនេះ គឺពីរ៉ាមីត។ ដោយកប់នៅក្រោមថ្ម ៦.៥ លានតោន ម្ចាស់ផ្នូរនេះ​គឺ​ព្រះចៅ ស្តេច Khufu ដែលបាន​បានគ្រប់គ្រងប្រទេសអេហ្ស៊ីបពីឆ្នាំ ២៥៨៩ មុន​គ្រឹស្តសករាជ។​

ពីរ៉ាមីតគឺជាផ្នូរធំដែល​ជាងគេបំផុតនៅលើពិភពលោកដោយមាន​បណ្តោយ ២៣០ ម៉ែត្រ​និងមានកំពស់ប្រហែល ១៥០ ម៉ែត្រ។ មានថ្មប្រមាណជា ២ លានបីសែនដុំ​​ដែលបាន​ប្រមូលផ្តុំមកពីគ្រប់ទិសទី​បង្កើតបានជា​ភាព​អស្ចារ្យ​នៃ​ស្ថាបត្យកម្ម​។

ទោះយ៉ាងណា​ របៀបដែលពីរ៉ាមីតត្រូវបានសាងសង់នៅតែជាអាថ៌កំបាំងនៅឡើយដោយគ្មាន​អ្នកវិទ្យាសាស្ត្រ និងបុរាណអាចបំបែកបាននៅឡើយ។ អ្នកខ្លះនៅតែជឿថា វាជាការងារបែប​វេទមន្ត​ឬជនបរទេសមាឌយក្សា(មនុស្សបុរាណភ្នកមួយ​ដែលមានក្នុងរឿង​ ១០០១ យប់ ​ហើយបានផុតពូជយូរយារណាស់មកហើយ​) មានជាប់ទាក់ទងនិងសំណង់នេះ។

ទោះបីជាប្រើ​បច្ចេកវិទ្យានាពេលបច្ចុប្បន្ននេះក៏​អ្នកជំនាញខ្លះជឿថា នឹងត្រូវ​ចំណាយប្រាក់ដល់ទៅ ៥ ប៊ីលាន​ដុល្លារដើម្បីចម្លងរចនាបថផ្នូរដដែលនេះ​៕

ប្រែសម្រួល៖ ឡាពីស

ចុចអាន៖ ទីក្រុង​ខ្មោច​​ ៦កន្លែងដែលត្រូវគេបោះបង់ចោលនៅ​លើពិភពលោក

The post ព្រឺសម្បុរ មកឃើញកំពូលផ្នូរដ៏ថ្លៃរាប់ពាន់លានដុល្លារ appeared first on Kampuchea Thmey Daily.

១. រុក្ខវិថី Ginkgo ក្រុង ​អាសាន ប្រទេស កូរ៉េខាងត្បូង

ទីក្រុងអាសាន ប្រទេសកូរ៉េខាងត្បូងល្បីល្បាញខ្លាំងជាមួយនឹងផ្លូវរុក្ខវិថី ហ្គីងហ្គោ ដែលប្រែជាម្លប់ពណ៌លឿងរាល់រដូវស្លឹកឈើជ្រុះរាល់ឆ្នាំ។ ផ្លូវនេះមានបណ្តោយតាមដងទន្លេហ្គូគីយ៉ូ ដែលលាតសន្ធឹងប្រវែង ២ គីឡូម៉ែត្រ។ ជារៀងរាល់ឆ្នាំវាតែងបញ្ចេញនូវពណ៌មាសនិងកម្រាលព្រំស្លឹកលឿងដល់អ្នកស្រុកនិងអ្នកទេសចរនានា។

២.​ ផ្លែចេក នៅកំពង់ផែ Coffee Harbour ប្រទេសអូស្រ្តាលី

នៅឯកំពង់ផែ Coffee Harbour ប្រទេស អូស្រ្តាលី មានផ្លែចេកដ៏ធំមួយមានប្រវែង ១៣ម៉ែត្រ ដែលជានិមិត្តរូបនៃប្រទេសនេះ។ វាបានបើកដំណើរការតាំងពី ឆ្នាំ ១៩៦៥ និងបានទាក់ទាញភ្ញៀវទេសចរជាង១៥ ម៉ឺននាក់ជារៀងរាល់ឆ្នាំ។

៣. ក្រុង Izamal ប្រទេស ម៉ិកស៊ិក

ទីក្រុង អ៊ីហ្សាំម៉ាល ត្រូវបានគេស្គាល់ទូទាំងប្រទេសម៉ិកស៊ិកថាជា “ទីក្រុងពណ៌លឿង” ។ វាមានអាយុកាលតាំងពី ១០០០ ឆ្នាំមុនគ.ស  ដែលទីក្រុងនេះជាកន្លែងសក្ការៈបូជាឧទ្ទិសដល់ព្រះអាទិទេព Kinich Kakmó។

៤. ក្រុង ហូយអាន ប្រទេស វៀតណាម

ហូយអាន ជាទីក្រុងតែមួយគត់ដែលបានគេចផុតពីសង្រ្គាមវៀតណាមដោយគ្មានការប៉ះទង្គិច។ ទីក្រុងដ៏ត្រកាលនេះត្រូវបានគេស្គាល់ថាជា “ទីក្រុងពណ៌លឿង” ប្រចាំប្រទេសវៀតណាមផងដែរ​។ អគារនៅទូទាំងទីក្រុងត្រូវបានលាបពណ៌លឿង និងពណ៌មាស ដែលធ្វើឲ្យទូទាំងក្រុងមានពណ៌ភ្លឺចិញ្ចាច។

អ្នកខ្លះនិយាយថា អគារទាំងនោះត្រូវបានលាបពណ៌លឿង ដើម្បីឱ្យវាត្រជាក់ក្នុងកម្ដៅត្រូពិក។ អ្នកខ្លះទៀតនិយាយថា ដោយសារពណ៌នេះតំណាងឱ្យ “ឧត្តមភាព” នៅក្នុងវប្បធម៌វៀតណាម។

៥. តំបន់ជនបទ Luoping ប្រទេសចិន

រៀងរាល់រដូវ វាលស្រែនៅជុំវិញជួរថ្មកំបោរនៃថ្មភ្នំល្ពៅក្នុងខេត្តយូណាន នៃប្រទេសចិនត្រូវបានប្រែទៅជាសមុទ្រពណ៌លឿងភ្លឺប្រៀបបាននឹងដំណាំដ៏ច្រើនក្រៃលែងនៃរដូវផ្ការីក។

៦. វិមាន  ក្រុង Vienna ប្រទេសអូស្រ្តាលី

វិមាន Schönbrunn ចាប់ផ្តើមដំបូងជា ផ្ទះសំណាក់ប៉ុណ្ណោះ។  នៅពាក់កណ្តាលសតវត្សរ៍ទី ១៨ វាត្រូវបានគេផ្លាស់ប្តូរទៅជាវិមានដែលមាន ១,៤៤១ បន្ទប់ និងត្រូវបានលាបពណ៌លឿង ដែលព័ទ្ធជុំវិញដោយសួនច្បារស្រស់ស្អាតបំផុត។

៧. វត្ត  Shwedagon  ក្រុង Yangon ប្រទេសមីយ៉ាន់ម៉ា

វត្ត Shwedagon នៅទីក្រុងយ៉ាំងហ្គោនត្រូវបានគេដឹងថា ជាវត្តមានអាយុចាស់ជាងគេបំផុតនៅលើពិភពលោក ដែលមានអាយុកាល ២៥០០ ឆ្នាំ។  ភាពទាក់ទាញបំផុតនៃវត្តដ៏ចំណាស់នេះគឺរូបសំណាកកម្ពស់ ១១០ ម៉ែត្រមានពណ៌មាស និងព័ទ្ធជុំវិញដោយពេជ្រចំនួន ៤៥៣១ គ្រាប់ក្នុងទំហំ ៧២ ការ៉ាត់។

៨. តំបន់ Dallol ប្រទេសអេត្យូពី

ដាឡាល ជាកន្លែងក្តៅបំផុតនៅលើផែនដី និងជាកន្លែងដែលមានពណ៌លឿងស្អាតបំផុតមួយក្នុងចំណោមពណ៌លឿងស្អាតបំផុតលើលោក។ ភ្នំភ្លើងរាងសាជីមូល នៅវាលខ្សាច់ដាណាក់នៃប្រទេសអេត្យូពី បានបន្សល់ដោយស្ពាន់ធ័រដែលពោរពេញទៅដោយពណ៌លឿងស្រស់។

៩. ​វិមាន Jal Mahal ក្រុង Jaipur ប្រទេសឥណ្ឌា

វិមានទឹក Jal Mahal ត្រូវបានសាងសង់ឡើងនៅចំកណ្តាលបឹង នៅសតវត្សរ៍ទី ១៨ ដើម្បីធ្វើជាកន្លែងស្នាក់នៅ​និងសម្រាប់បរបាញ់សត្វទារបស់ពូជពង្សរាជវង្ស។

ការបញ្ចាំងពន្លឺទៅលើវិមាននាពេលយប់នៅកណ្តាលបឹងនេះ ធ្វើឲ្យវាមានទេសភាពស្អាតដ៏អស្ចារ្យប្រចាំប្រទេសឥណ្ឌាផងដែរ៕

 ប្រែសម្រួល៖ សន្យា

ចុចអាន៖ តើ​ប្រទេសណាមួយ​ដែល​មាន​ពលរដ្ឋ​ឆ្លាតជាងគេបង្អស់ក្នុងលោក? អាមេរិក?​ចិន?​អត់ទេ…

ចុចអាន៖ ស្វែងយល់​រឿង​ពិត​ពី​ក្រោយរូបគំនូរដ៏ល្បីៗបំផុតលើលោក

The post ៩ កន្លែងនៅជុំវិញពិភពលោក សម្រាប់​អ្នក​ស្នេហា​ពណ៌លឿង appeared first on Kampuchea Thmey Daily.

គ្រាន់តែ​បន្ទប់ Royal Penthouse Suite Access ជា​អាផាតមិនឯកជនមួយក្នងសណ្ឍាគារនេះ ក៏មានតម្លៃ​ដល់ទៅ ៥៣,០០០ ដុល្លារអាមេរិកសម្រាប់ស្នាក់នៅត្រឹម​តែមួយយប់ដែរ។

អាផាតមែននេះ មានបន្ទប់គេង ៤ បន្ទប់ទឹក ៦ ដែលមាន​ឥដ្ឋធ្វើពី​ថ្មម៉ាបរាបស្មើ មានបង្អួចដែលកញ្ចក់អាចការពារគ្រាប់កាំភ្លើងបាន។

ពីគ្រប់ជ្រុង នៃអាគារ ភ្ញៀវអាច​មើលឃើញបឹងហ្សឺណែវច្បាស់ទែង។

ចំណែកបន្ទប់ទទួលភ្ញៀវ មានបណ្ណាល័យ និងបារ ដែលអាចផ្ទុកទេសចរបាន ៤០ នាក់។

បន្ទប់បរិភោគអាហារដែលប្រដាប់ដោយ​បរិក្ខាកំពូលៗមកពីអ៊ីតាលី មានសមត្ថភាពទទួលមនុស្សបាន ២៦ នាក់។

សណ្ឋាគារកណ្តាលទីក្រុងហ្សឺណែវនេះបានបើកទ្វារកាលពី​ថ្ងៃទី ១៨ ខែឧសភាឆ្នាំ ១៩៦២។

នៅឆ្នាំ ១៩៨០ វាត្រូវបានទិញយក ដោយក្រុមហ៊ុន Swissair-Nestlé។

មកដល់​ឆ្នាំ ១៩៨៩ គ្រួសារតាម៉ាន Leon Tamman បានក្លាយជាម្ចាស់វិមាននេះហើយ​ ក្រុមគ្រួសារនេះ​បានវិនិយោគ ១៩០ លានដុល្លារ​ជួសជុលនិងបើកដំណើរការ​ជាថ្មីនៅឆ្នាំ ១៩៩៦ ជា “សណ្ឋាគារជាមួយឈ្មោះថ្មីថា វីលសុន (Wilson Hotel)។

ដល់ឆ្នាំ ២០០០ Wilson Hotel បានក្លាយជាសមាជិកនៃក្រុមស្តារវូដ (Starwood) ។

ពីឆ្នាំ ២០០៧ ដល់ឆ្នាំ ២០១០ Wilson Hotel ត្រូវបានគេកែលម្អម្តងទៀត ដោយចំណាយជាង ​៤០ លានដុល្លារ​អាមេរិកទៀត ធ្វើយ៉ាងណាដើម្បីឃើញទិដ្ឋភាពទឹកពីទេសភាពបឹង និងព័ទ្ធជុំវិញដោយពន្លឺចិញ្ចែង។ ភ្ញៀវក៏​អាចមើលជួរភ្នំ Swiss Alps ពីបន្ទប់គេងរបស់ខ្លួនទៀតផង។

នៅក្នុងខែវិច្ឆិកាឆ្នាំ ២០១៦ ឧបករណ៍​កុំព្យូទ័ររបស់សណ្ឋាគារនេះ​ត្រូវវីរុសចារកម្មលុកចូល​ ហើយការពិភាក្សាធំៗ​របស់មេដឹកនាំពិភពលោក​ដែល​ទៅប្រជុំនៅទីនោះត្រូវបែកធ្លាយ​ចេញ។

សណ្ឋាគារ​ភាគច្រើន​ទទួលភ្ញៀវជា​ប្រមុខរដ្ឋចាប់ពីលោក​ប៊ីលគ្លីនតុន ដល់មីខាហ៊ីលហ្គូបាឆូវ។

នៅខែកក្កដាឆ្នាំ ២០១៧ សណ្ឋាគារវីលសុនបានទទួលងារ​ជាសណ្ឋាគារឈរលំដាប់លេខ ១ ក្នុងលោក៕

ប្រែសម្រួល៖ ឡាហ្សូលី

ចុចអាន៖ មួយជីវិតមានម្តង ស្ដាយ​ណាស់បើ​មិន​បាន​ទៅដល់​កន្លែង​ទាំង​អស់​នេះ!

The post សណ្ឋាគារ​ប្រណីត​គ្មានពីរ ​មួយយប់ ៨ ម៉ឺនដុល្លារអាមេរិក appeared first on Kampuchea Thmey Daily.

១. WITTAMER: BRUSSELS

នៅ​ពេល​ដែល​យើង​បានទៅដល់ទីក្រុងព្រុចសែល ​កុំភ្លេច​ចូលទៅ​ហាង Wittamer ។ ហាងនេះទទួលបានចំ​ណាត់​ថ្នាក់ផ្កាយ៥ ក្នុងបញ្ជីរ Trip Advisor ចេញ​ពីអ្នក​ដំណើរ​ដែល​បានទៅដល់ទីនោះ​។ ហាងលក់ស្ករ​សូកូឡា​ដ៏​ល្បី​នេះ​មាន​ទីតាំង​នៅជិត Place du Grand Sablon ដែល​ជាពិភពនៃក្តី​ស្រមៃរបស់​អ្នកចូលចិត្តញ៉ាំ​​ស្ករ​សូកូឡា​ទាំងឡាយ។

២. BRUYERRE: BRUSSELS

ហាង Bruyerre ​បានបើកតាំងពីឆ្នាំ ១៩០៩ ​មកម្ល៉េះ ហើយបច្ចុប្បន្នហាងនេះ​បានរីកសាខារហូត ៣៨ ប្រទេស​ជុំវិញពិភពលោក។ អ្វីដែលធ្វើ​ឲ្យ​សូកូឡា​របស់ ​Bruyerre មានភាពខុសប្លែកពីម៉ាកសូកូឡាដទៃ គឺគេ​ចំណាយ​ពេល​ធ្វើនិងថែរក្សា​វា​រហូត​ដល់​៣​ខែ ​ជា​ពិសេស​ពួកគេ​និយាយថា ​មិន​បាន​ប្រើ​ប្រេង​ដូង​លាយ​ជាមួយ​នោះទេ​។

៣. YUZU: GHENT

​មនុស្ស​មួយចំនួន​និយាយ​ថា ​ទីក្រុង ​Ghent ​គឺប្រៀប​ដូចជា​ត្បូង​ដ៏មានតម្លៃ​នៅក្នុង​ប្រទេស​បែលហ្ស៊ិក​។ ទោះបីជាមានគេមើលឃើញថា នៅទីក្រុង Ghent ទាក់​ទាញភ្ញៀវទេសចរបានតិចជាងនៅទីក្រុង Brussels និង Bruges ក៏ដោយ តែ Ghent ក៏ទទួលបានការ​កោតសរសើរថាជាកន្លែង​លក់សូកូឡាដ៏​អស្ចារ្យពីអ្នក​ដំណើរ​មួយចំនួន។ ការផលិតសូកូឡាយីហោ YUZU នេះបានធ្វើការផលិតរួមជាមួយប្រទេសជប៉ុន និងតែងតែពិសោធន៍ជាមួយការកែប្រែរូបរាងថ្មី ខណៈដែលសូកូឡានេះមានគុណភាពខ្ពស់។

៤. GINKGO PATISSERIE: BRUSSELS

Ginkgo មិនមែនជាហាងលក់ស្ករសូកូឡាទេ ប៉ុន្តែគេបានដាក់លក់ជាមួយនិងហាងលក់នំរបស់ពួកគេ។ពួ កគេលក់ស្ករសូកូឡាអស់ទាំងនោះលាយជាមួយ​និង​​នំខេកធ្វើឲ្យភ្ញៀវទេសចរមានជម្រើសងាយស្រួលក្នុងការជ្រើសរើស។

៥. THE CHOCOLATE LINE: BRUGES

សម្រាប់អ្នកចូលចិត្តស្ករសូកូឡានិងចង់ភ្លក់រសជាតិប្លែកៗ ទីនោះគឺជាក្តីស្រមៃរបស់ពួកគេហើយ។ សូកូឡាយីហោនេះបានបម្លែងពីគ្រាប់សណ្តែកទៅជាសូកូឡាដ៏ឆ្ងាញ់នៅក្នុងរោងចក្រទីក្រុង BRUGES ។ យើងអាចបញ្ជារទិញស្ករសូកូឡាយីហោនេះនៅតាមអ៊ិនធរណិតក៏បានដែរ។

ប្រែសម្រួល៖ Blossom

ចុចអាន៖ តើ​ប្រទេសណាមួយ​ដែល​មាន​ពលរដ្ឋ​ឆ្លាតជាងគេបង្អស់ក្នុងលោក? អាមេរិក?​ចិន?​អត់ទេ…

The post ៥ កន្លែង​ជា​ឋានសួគ៌សម្រាប់អ្នកចូលចិត្តស្ករសូកូឡា appeared first on Kampuchea Thmey Daily.

ផ្ទុយ​ពី​អ្វី​ដែល​មនុស្ស​មួយ​ចំនួន​គិត​ថា​សៀវភៅ​គ្រាន់តែ​អាន​ធម្មតា​ប៉ុណ្ណោះ ​តែ​មក​ដល់​បច្ចុប្បន្ន​នេះ​សៀវភៅ​នៅ​តែ​មាន​ប្រជាប្រិយភាព​ខ្លាំង​ដដែល។ អ្នក​​ដែល​ចូលចិត្ត​ការ​អាន​ប្រាកដជា​មាន​អារម្មណ៍​ថា ​គ្មាន​អ្វី​ប្រសើរ​ជាង​ការ​ដើរ​ចូល​ហាង​លក់​សៀវភៅ​ឡើយ។ ទោះបី​ជា​រយៈ​ពេល​ច្រើន​ម៉ោង ​តែ​ជា​ក្ដី​សុខ​មួយ​នៅ​ពេល​ដែល​បាន​កាន់​សៀវភៅ​សំណព្វចិត្ត​នៅ​ក្នុង​ដៃ​ត្រលប់​មក​​ផ្ទះ​វិញ។

​សារ​ព័ត៌មាន National Geographic បាន​សរសេរថា​ ហាង​លក់​សៀវភៅ​មួយ​ដែល​ដូចជា​កន្លែង​វេទមន្ត​នោះ​គឺ​បណ្ណាគារ Ateneo Grand Splendid ដែល​មាន​ទីតាំង​ស្ថិត​នៅ​សង្កាត់ Recoleta នៃ​ទីក្រុង Buenos Aires ប្រទេស​អាហ្សង់ទីន។ កន្លែង​នេះ​ត្រូវ​បាន​គេ​ហៅ​ថា “ហាង​លក់​សៀវភៅ​ដ៏​ស្រស់​ស្អាត​បំផុត​នៅ​លើ​ពិភពលោក” ។ ​ដើមឡើយ​វា​គ្រាន់តែ​ជា​រោង​មហោស្រព​ដែល​បាន​បង្កើត​ឡើង​នៅ​ឆ្នាំ ១៩១៩ ប៉ុណ្តោះ។ ប៉ុន្តែ​ទំហំ​និង​ផ្ទៃ​ខាងក្នុង​ដ៏​អស្ចារ្យ​របស់​វា​បាន​ធ្វើ​ឱ្យបណ្ណាល័យនេះ​ក្លាយ​ជា​កន្លែង​ដ៏​ល្អ​មួយ​​នៅ​ទសវត្ស​ឆ្នាំ ២០០០។ នៅ​ពេល​​ឈានជើង​ចូល​ខាងក្នុង​បណ្ណាគារ Ateneo Grand Splendid យើង​នឹង​បាន​ឃើញ​នូវ​អំពូល​ភ្លើង​ដែល​បំភ្លឺ​ព្រឹមៗ​នៅ​លើ​ធ្នើរ​សៀវភៅ​ទាំងអស់​ដែល​តម្រង់​ជួរ​តាម​ជញ្ជាំង​នីមួយៗ។ ធ្នើរ​សៀវភៅ​ទាំងនេះ​ត្រូវ​បាន​ដាក់​បញ្ចូល​ជាមួយ​សៀវភៅ CD និង DVD បន្ថែម​ទៀត។ ​ជា​ការពិត​ដែល​ថា​ទីកន្លែង​ស្រស់​ស្អាត​មួយ​នេះ​បាន​សាងសង់​ឡើងវិញ​នៅ​ដើម​ទសវត្ស​ឆ្នាំ ១៩០០ ព្រោះ​វា​បាន​បង្ហាញ​យ៉ាង​ច្បាស់​អំពី​ផ្នែក​ខ្លះ​នៃ​ស្ថាបត្យកម្ម​ដែល​មាន​លក្ខណៈ​ចំណាស់​ តែ​គួរ​ឲ្យ​ជាប់ចិត្ត​មិន​អាច​ចាកចេញ​ទៅ​កន្លែង​ផ្សេង​បាន​។ នៅ​ទីនោះ​ក៏​មាន​ហាង​កាហ្វេ​មួយ​នៅ​ខាងក្រោយ​បណ្ណាល័យដែល​មាន​អតិថិជន​ជា​ច្រើន​បាន​មក​ទីនេះ​អាន​បណ្ដើរ​ផឹក​កាហ្វេ​បណ្ដើរ។

​លក្ខណៈ​ពិសេស​ល្អៗ ជា​ច្រើន​នៅ​ក្នុង​បណ្ណាល័យ Ateneo Grand Splendid ។ ​ផ្នែក​ខ្លះ​ ផ្ទុក​នូវ​សៀវភៅ​​ដែល​សរសេរ​ជា​ភាសា​អេស្ប៉ាញ។ សម្រាប់​អ្នក​ដែល​មិន​ចេះ​អាន​ភាសា​ ការ​ជ្រើសរើស​សៀវភៅ​សរសេរ​ជា​ភាសា​អង់គ្លេស​ដែល​មាន​ទៅ​តាម​កម្រិតរបស់វា។ ​ ​ផ្នែក​ខ្លះទៀតគេតម្រៀប​​សៀវភៅ​មនោសញ្ចេតនា​និង​រូបភាព​បែប​រ៉ូមែនទិក លោក​អ្នក​អាច​ថតរូប​លេង​កម្សាន្ត​បានផងដែរ។ ​

យ៉ាងណាក្ដី មិនចាំបាច់​ទាល់​តែ​​ទិញ​កាហ្វេ​ឬ​អ្វីមួយ​ទើប​អាចចូល​ទស្សនា​ហាង​លក់​សៀវភៅ​ដើម្បី​បាន​ថតរូប​នោះ​ទេ ​ព្រោះ​បុគ្គលិក​ទទួល​ភ្ញៀវ​គ្រប់គ្នាដែលទៅដល់ទីនោះ។ យើង​អាច​ថតរូប​នៅ​តាម​ជញ្ជាំង​ដាក់​សៀវភៅ​មួយ​ក្នុង​ចំណោម​ជញ្ជាំង​ដែល​ជា​ធ្នាក់ៗ​ច្រើន​ទៀត​ដែល​នៅ​តាម​ហាង​កាហ្វេ។ ប្រាកដ​ណាស់​ថា​បើ​សិន​បាន​ថតរូប​នៅ​បណ្ណាល័យ​មួយ​នេះ​វិញ​ធានា​ថា​​ទទួល​បានការ​ចាប់​អារម្មណ៍​យ៉ាង​ខ្លាំង​នៅ​លើ Fecebook និង Instagram មិន​ខាន​ទេ។

ជា​ការ​ពិត​​អាហ្សង់ទីន​ល្បីល្បាញ​ដោយសារ​ប្រទេស​នេះ​មាន​អក្សរសាស្ត្រ និង សៀវភៅ​រាប់​ពាន់​ក្បាល​ត្រូវ​បាន​គេ​បោះ​ពុម្ព​ផ្សាយ​នៅ​ទីនោះ​ក្នុង​មួយ​ឆ្នាំៗ។

ប្រសិន​បើ​លោក​អ្នក​កំពុង​តែ​មាន​គម្រោង​គិត​ចង់​ទៅ​លេង​ទីកន្លែង​ស្រស់​ស្អាត​មួយ​នេះ​យើង​ខ្ញុំ​សូម​ណែ​នាំ​​លោក​អ្នក​ទៅ​កម្សាន្ត​នៅ​ខែ​មិថុនា ​ព្រោះ​ជា​ខែ​ដែល​ស្ងាត់​បំផុត​សម្រាប់​កន្លែង​នេះ។ លោក​អ្នក​អាច​ទៅ​ក្នុង​អំឡុង​ពេល​ចុង​សប្ដាហ៍​ក៏​ជា​គំនិត​ល្អ​មួយ​ផង​ដែរ ​ព្រោះ​មនុស្ស​ភាគច្រើនទាំង​នៅ​សាលារៀន​ឬនៅ​កន្លែង​ធ្វើ​ការ​ក៏​មក​ទីនេះ​រួម​គ្នា​ដែរ៕

ប្រែសម្រួល៖ Blue Sky

ចុចអាន៖ មូលហេតុដែលពេលខ្លះ មនុស្ស​យើងព្រមចុះចាញ់ជីវិត

The post បណ្ណាគារ​នៅ​អាហ្សង់ទីន​កន្លែង​ប្រមូល​ផ្ដុំ​សៀវភៅ​ដ៏​ស្រស់​ស្អាត​បំផុត​​លើ​លោក appeared first on Kampuchea Thmey Daily.