លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគហរឿងញៀន បានបញ្ជាក់ថា ក្នុងកំឡុងពេលប្រតិបត្តិការជនល្មើសបានធ្វើការតដៃជាមួយសមត្ថកិច្ច បង្កឲ្យសម្ថតកិច្ចរងគ្រោះចំនួន ២រូប បច្ចុប្បន្នកំពុងជញ្ជូនទៅមន្ទីរពេទ្យកាល់ម៉ែត ដើម្បីធ្វើការសង្គ្រោះបន្ទាន់។

លោកឧត្តមសេនីយ៍ឯក ឃឹង សារ៉ាត់ គូសបញ្ជាក់ទៀតថា ក្នុងប្រតិបត្តិការនេះ កម្លាំងជំនាញបានចាប់ខ្លួនជនល្មើសសរុបចំនួន ៧នាក់ ក្នុងនោះមានមេក្លោងធំធ្វើការជួញដូរយ៉ាងសកម្ម ១នាក់ឈ្មោះ រាជ ដកវហូតបានវត្ថុតាងមួយចំនួនរួមមាន ៖ គ្រឿងញៀនមួយចំនួន ,កាំភ្លើងខ្លី ចំនួន ០៣ដើម, គ្រាប់កាំភ្លើង មួយចំនួន និង ជញ្ជីងសម្រាប់ថ្លឹងគ្រឿងញៀន ចំនួន ២គ្រឿង។

បច្ចុប្បន្នជនសង្ស័យនិងវត្ថុតាង ត្រូវបានកម្លាំងជំនាញកំពុងកសាងសំណុំរឿងចាត់ការបន្តតាមនីតិវិធី៕

The post សមត្ថកិច្ចមន្ទីរប្រឆាំងបទល្មើសគ្រឿងញៀន បង្រ្កាបករណីគ្រឿងញៀន នៅភូមិសាស្ត្រខេត្តតាកែវ ឃាត់ខ្លួនមេក្លោងធំ ១នាក់ រួមបក្ខពួក៧នាក់ អាវុធមួយចំនួន appeared first on Kampuchea Thmey Daily.

យោងតាមរបាយការណ៍ដែលបង្ហាញក្នុងកិច្ចប្រជុំគណៈបញ្ជាការយុទ្ធនាការប្រយុទ្ធប្រឆាំងគ្រឿងញៀនខុសច្បាប់ លើកទី១០ នៅព្រឹកថ្ងៃទី១៦ ខែកក្កដា ឆ្នាំ២០២៥ ដែលដឹកនាំដោយលោកសន្ដិបណ្ឌិត នេត សាវឿន ឧបនាយករដ្ឋមន្ដ្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានយុទ្ធនាការ បានឱ្យដឹងថា ក្នុងចំណោមលទ្ធផលដែលបានបង្ក្រាបនោះរួមមាន៖ ករណីជួញដូរ ដឹកជញ្ជូន រក្សាទុក ៣,០៨៦ករណី ឃាត់ខ្លួន ៦,០៧៩នាក់ ករណីកែច្នៃផលិត ៨ករណី ឃាត់ខ្លួន៣១នាក់ ករណីដាំដុះដំណាំកញ្ញា ៧ករណី ឃាត់ខ្លួន៨នាក់ ចាត់ចែងសម្រួលឲ្យប្រើប្រាស់៩ករណី ឃាត់ខ្លួន៣២នាក់ បើកបរក្រោមឥទ្ធិពលគ្រឿងញៀន១៦ករណី ឃាត់ខ្លួន២៦នាក់ និងករណីប្រើប្រាស់២,០៥៦ករណី ឃាត់ខ្លួន៧,២៧៦នាក់ ដោយបានកសាងសំណុំរឿងបញ្ជូន ទៅតុលាការចំនួន៦០១នាក់ បញ្ជូនទៅមណ្ឌលព្យាបាល និងស្តារនីតិសម្បទាចំនួន៦,០៨៤នាក់ និងធ្វើកិច្ច សន្យាប្រគល់ជូនអាណាព្យាបាលយកទៅបន្សាបព្យាបាលនៅតាមសហគមន៍ចំនួន ៥៩១នាក់។

ដោយឡែកអនុវត្តដីកា ឃាត់ខ្លួនបានចំនួន៣៣៦នាក់/៤០៧ដីកា។ ចំពោះករណីធំៗ ដែលមានបណ្តាញខ្សែរយៈចាត់តាំងចំនួន៧៤ករណី ត្រូវបានបង្ក្រាបចាប់មេខ្លោងចំនួន១១នាក់ ខ្សែរយៈបណ្តាញចំនួន២១៩នាក់ ចាប់យកសារធាតុញៀនសរុបប្រមាណ ១,៨២៨គីឡូក្រាម និងសារធាតុគីមីផ្សំសរុបប្រមាណ១៨,៦១០គីឡូក្រាម៕

អត្ថបទ ៖ ម៉េង

The post ឆមាសទី១ ២០២៥នេះ សមត្ថកិច្ចបង្ក្រាបគ្រឿងញៀន ជាង៥ពាន់ករណី ដកហូតបានជិត២តោន  appeared first on Kampuchea Thmey Daily.

ផ្អែក​តាម​ការ​បង្ហោះ​ពី​លទ្ធផល​របស់​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​នៅ​លើ​បណ្ដាញ​សង្គម​របស់​ខ្លួន បាន​បង្ហាញ​ពី​ការ​បង្ក្រាប​គ្រឿងញៀន​ជាច្រើន ដែល​ជា​ការ​បង្ក្រាប​ដោយ​ទទួល​ព័ត៌មាន​បាន​ពី​សេចក្ដីរាយការណ៍​របស់​ប្រជាពលរដ្ឋ​នៅ​តាម​មូលដ្ឋាន ដែល​បាន​ដឹង និង​ជួបប្រទះ​ពី​បញ្ហា​គ្រឿងញៀន ដែល​មាន​អ្នក​ជួញដូរ ក៏ដូចជា​ជន​ប្រើប្រាស់​ជាដើម។

ប្រជាពលរដ្ឋ បាន​បង្ហាញ​ការ​គាំទ្រ​ចំពោះ​ការ​ដាក់​ឱ្យ​ប្រើប្រាស់ App NoDrug ដែល​វា​អាច​ឱ្យ​ពួកគាត់​ធ្វើការ​ផ្តល់​ព័ត៌មាន​ជូន​សមត្ថកិច្ច​បាន​ទាន់​ពេល និង​លឿន​រហ័ស នៅ​ពេល​ជួបប្រទះ​ពី​សកម្មភាព​ប្រើប្រាស់ និង​ការ​ជួញដូរ​គ្រឿងញៀន នៅ​តាម​តំបន់​នានា ពិសេស​ក្នុង​តំបន់​ភូមិឋាន​រស់នៅ​អចិន្ត្រៃយ៍​របស់​ពួកគាត់​ទាំងអស់​គ្នា។

សូម​បញ្ជាក់​ថា អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន បាន​បង្កើត App NoDrug នេះ​ឡើង​មក​អស់​រយៈពេល ១ ឆ្នាំ កន្លង​មក​ហើយ ដែល​បាន​ផ្តល់​ឱកាស​ឱ្យ​ប្រជាពលរដ្ឋ​អាច​រាយការណ៍​បាន​ដោយ​សេរី និង​គ្រប់ពេលវេលា​អំពី​បញ្ហា​គ្រឿងញៀន​ដែល​ពួកគាត់​បាន​ជួបប្រទះ។

ក្នុង​អាណត្តិ​រាជរដ្ឋាភិបាល​នីតិកាល​ទី ៧ នេះ រាជរដ្ឋាភិបាល បាន​ចាត់ទុក​បញ្ហា​គ្រឿងញៀន​គឺជា​កិច្ច​ការងារ​អាទិភាព​ចម្បង​ទី ៤ ដែល​ចាំបាច់​ត្រូវ​យកចិត្តទុកដាក់​គិតគូរ​ក្នុង​ការ​ទប់ស្កាត់ និង​បង្ក្រាប​ឱ្យ​មាន​ប្រសិទ្ធភាព​ខ្ពស់​បំផុត៕

អត្ថបទ ៖ សុភា

The post App NoDrug ផ្តល់អត្ថប្រយោជន៍ច្រើនដល់សមត្ថកិច្ចក្នុងការបង្ក្រាប ករណីគ្រឿងញៀន នៅតាមមូលដ្ឋាន appeared first on Kampuchea Thmey Daily.

កាលពីថ្ងៃទី២៦ ខែមិនា ឆ្នាំ២០២៥ មានប្រជាពលរដ្ឋរស់នៅភូមិអភិវឌ្ឍន៍ សង្កាត់យក្សឡោម បានប្រទះឃើញសត្វឆ្កែមួយក្បាលបានពាំថង់មួយដុំ ក្នុងថង់នោះមានច្រកវត្ថុម៉្យាងមានសណ្ឋានដូចសាច់ជូ ដោយមានការសង្ស័យភ្លាមនោះប្រជាពលរដ្ឋខាងលើបានរាយការណ៍ជូមមកសមត្ថកិច្ច។ ដោយបានទទួលពត៌មានពីប្រជាពលរដ្ឋរាយការណ៍ដូចខាងលើសមត្ថកិច្ចក៏បានចុះទៅដល់ចំនុចរាយការណ៍នោះ ហើយក៏បានត្រួតពិនិត្យតាមវិជ្ជាជីវៈជំនាញ និងបច្ចេកទេសតេស្តពិសោធន៍ឃើញថាពិតជាសារធាតញៀនប្រភេទមេតំហ្វេតាមីន(ម៉ាទឹកកក)ពិតប្រាកដមែន។

ក្រោយពីបានត្រួតពិនិត្យចប់សព្វគ្រប់សមត្ថកិច្ចបានវិចខ្ចប់រក្សាទុក និងបន្តនិតិវិធីក្នុងការស្រាវជ្រាវស៊ើបអង្កេតរកម្ចាស់កញ្ចប់សារធាតុញៀននោះជាបន្ត។

លុះយប់ថ្ងៃទី២៧ ខែឆ្នាំដដែល មានបុរសម្នាក់បានមកជួបសមត្ថកិច្ចដើម្បីសុំដាក់ពាក្យប្ដឹងករណីរូបខ្លួនបាត់គ្រឿងញៀន។ ក្រោយពីសមត្ថកិច្ចបានសាកសួរ និងស្ដាប់ចម្លើយរបស់ជនសង្ស័យចប់ សមត្ថកិច្ចក៏បានឃាត់ខ្លួនជនសង្ស័យរូបនេះតែម្ដងពាក់ព័ន្ធករណីរក្សាទុកនូវសារធាតុញៀន។

ជនសង្ស័យមានឈ្មោះ ឡុច ត្រា ភេទប្រុស អាយុ ៣៥ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិភ្នំ សង្កាត់យក្សឡោម ក្រុងបានលុង ខេត្តរតនគិរី។ ជនសង្ស័យខាងលើវិជ្ជមាន(+) នៃសារធាតុញៀន។ សម្ភារៈដកហូតរួមមាន ក្រាមសថ្លាសង្ស័យជាសារធាតុញៀនចំនួន ៦ថង់ ទម្ងន់សុទ្ធ ២.៩៩ក្រាម និងទូរសព្ទ័ ១គ្រឿង។

បច្ចុប្បន្នជនសង្ស័យខាងលើ ត្រូវបានឃាត់ខ្លួនបណ្ដោះអាសន្ននៅស្នងការដ្ឋាននគរបាលខេត្តរតនគិរីដើម្បីអនុវត្តនិតិវិធី កសាងសុំណុំរឿងបញ្ជូនទៅសាលាដំបូងខេត្តចាត់ការតាមផ្លូវច្បាប់៕

ដោយ៖ ខៀវ ចាប

The post បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន appeared first on Kampuchea Thmey Daily.

ក្រោមបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីដោយលោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ​ នៅថ្ងៃទី១៨ ខែកុម្ភៈ ឆ្នាំ២០២៥ កម្លាំងមន្ទីរស្រាវជ្រាវ និងបង្ក្រាបបទល្មើសសហការជាមួយ អាវុធហត្ថស្រុកត្រាំកក់ ដឹកនាំដោយលោក អនុសេនីយ៍ឯក ជួន តូរៈតៈ នាយការិយាល័យប្រឆាំងគ្រឿងញៀន បានចុះបង្រ្កាបករណីជួញដូររក្សាទុកដោយខុសច្បាប់នូវសារធាតុញៀន ចំណុចលំនៅដ្ឋាន ស្ថិតនៅភូមិមឿងចារ ឃុំជាងទង ស្រុកត្រាំកក់ ខេត្តតាកែវ និងនៅចំណុចរោងបាយខាងជើងផ្ទះ ស្ថិតនៅភូមិត្រពាំងចែង ឃុំសំរោង ស្រុកត្រាំកក់ ខេត្តតាកែវ។​

ជាលទ្ធផល​កម្លាំងជំនាញបានឃាត់ខ្លួនជនសង្ស័យ៦នាក់ និងរកឃើញវត្ថុតាងរួមមាន៖​ ម្សៅក្រាមពណ៌សថ្លាចំនួន​៣៩​កញ្ចប់ (ធំ៥) ទម្ងន់:៨៣.១៩ក្រាម ថ្លឹងទាំងសំបកថង់)​ ជញ្ជីងថ្លឹងថ្នាំញៀនចំនួន០១គ្រឿង​,​ដាវដែកចំនួន០២ដើម​,ម៉ូតូចំនួន០២គ្រឿងម៉ាកC125 ពណ៌ខ្មៅ ពាក់ស្លាកលេខ តាកែវ1G 4948 និង​ មួយគ្រឿងទៀត​ស្លាកលេខ​ ភ្នំពេញ1KU 3592​ ,​ទូរស័ព្ទដៃចំនួន០៦គ្រឿង​,​កាំភ្លើងកែឆ្នៃចំនួន០១ដើម​ សម្ភារៈវិចខ្ចប់ និងសម្ភារៈប្រេីប្រាស់គ្រឿងញៀនមួយចំនួន។

បច្ចុប្បន្នជនសង្ស័យទាំង៦នាក់ខាងលេីត្រូវបានការិយាល័យជំនាញកងរាជអាវុធហត្ថខេត្តកសាងសំណុំរឿង បញ្ជូនទៅអយ្យការអមសាលាដំបូងខេត្តតាកែវ ចាត់ការតាមនីតិវិធី៕

​អត្ថបទ៖ វីរៈ

The post អាវុធហត្ថខេត្តតាកែវ បញ្ជូនខ្លួនជនសង្ស័យ៦នាក់ទៅតុលាការពាក់ព័ន្ធករណីគ្រឿងញៀន appeared first on Kampuchea Thmey Daily.

បើតាមអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា “សំណុំរឿងហ្នឹងបានដល់ស្ថាប័នអយ្យការហើយ ប៉ុន្តែតាំងពីព្រឹករហូតមកដល់រសៀលថ្ងៃនេះ នៅមិនទាន់បានចាត់ទៅព្រះរាជអាជ្ញារងណា ឲ្យបើកការស៊ើបសួរនៅឡើយទេ”។

ក៏ប៉ុន្តែ បើតាមព័ត៌មានលេចឭមិនទាន់ផ្លូវការបានបង្ហើបឲ្យដឹងថា ២.៣ថ្ងៃមុននេះ នាយកដ្ឋានប្រឆាំងចារកម្ម បានឃាត់ខ្លួនជាបន្ត បន្ទាប់មានមន្ត្រី និងអនុប្រធានការិយាល័យទី៨ នៃមន្ទីរប្រឆាំងគ្រឿងញៀន៤នាក់ ពាក់ពន្ធករណី ទទួលសំណូកពីជនជាតិចិន ក្នុងបទល្មើសជួញដូរគ្រឿងញៀន រួចដោះលែងឲ្យមានសេរីភាពវិញ។

បន្ទាប់ពីឃាត់ខ្លួនមន្ត្រីនគរបាល និងអនុប្រធានការិយាល័យមក សមត្តកិច្ចនគរបាលនាយកដ្ឋានប្រឆាំងចារកម្មបានឈានទៅឃាត់ខ្លួនលោកឧត្តមសេនីយ៍ទោ វ៉ាន់ កុសល អនុប្រធានមន្ទីរប្រឆាំងគ្រឿងញៀនទទួលបន្ទុកការិយាល័យទី៨។

ក្រោយពីឃាត់ខ្លួនមន្ត្រីនគរបាលនៃមន្ទីរប្រឆាំងគ្រឿងញៀនខាងលើ ទើបសំណុំរឿងត្រូវបានបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមច្បាប់៕

អត្ថបទដោយ៖មករា

The post ចាប់ខ្លួនអនុប្រធានមន្ទីរប្រឆាំងគ្រឿងញៀនម្នាក់ និងមន្ត្រី៤នាក់បញ្ជូនទៅតុលាការ ពាក់ព័ន្ធទទួលសំណូក appeared first on Kampuchea Thmey Daily.