ដើមឡើយអ្នកលក់បានព្រមព្រៀងលក់សំបុត្រ ៣ សន្លឹក ទៅនារីរងគ្រោះតម្លៃ ៧០០ ដុល្លារ ធ្វើឲ្យនាងសប្បាយចិត្តយ៉ាងខ្លាំង ប៉ុន្តែគ្រាន់តែប្រគល់ប្រាក់តាម PayNow ភ្លាម ជនបោកប្រាស់បានប្លុកអ្នកទិញភ្លែត ទាំងក្នុង Carousell និង WhatsApp ។

នារីជាជនរងគ្រោះខាងលើគឺស្ថិតក្នុងចំណោមមនុស្ស ៥៤ នាក់ទៀត ដែលសរុបទឹកប្រាក់ជាង ៤៥,០០០ ដុល្លារ ដែលកើតឡើងក្នុងរយៈពេលមិនដល់ ១ សប្ដាហ៍ផង ។

គួរជម្រាបថា ការប្រគំតន្ត្រី Swift’s The Eras Tour នឹងធ្វើឡើងចំនួន ៦ យប់នៅពហុកីឡដ្ឋានជាតិ ចាប់ពីថ្ងៃទី០១ ដល់ថ្ងៃទី០៤ ខែមីនា និងពីថ្ងៃទី០៧ ដល់ថ្ងៃទី០៩ ខែមីនា ឆ្នាំ ២០២៤ ។ ក្នុងនោះមានអ្នកគាំទ្រចូលរួមប្រហែល ៣០០,០០០ នាក់ ខណៈឯសំបុត្រវិញ មានតម្លៃចន្លោះពី ៨៨ ដុល្លារ ទៅ ១,២២៨ ដុល្លារ ប៉ុន្តែលក់អស់តាំងពី ២ ថ្ងៃដំបូងមកម្ល៉េះ ៕

ប្រែសម្រួល៖ វារី

ប្រភព៖ asianone

ចុចអាន៖ ហ្គីតាសំណព្វ Taylor Swift ដាក់ដេញថ្លៃជាង ១០ម៉ឺនដុល្លារ ដើម្បីយកប្រាក់ជួយកុមារមហារីក

The post អ្នកគាំទ្រ Taylor Swift ចាញ់បោកគេអស់ជាង ៤៥០០០ ដុល្លារ ដើម្បីទិញសំបុត្រទៅប្រគំតន្ត្រី appeared first on Kampuchea Thmey Daily.

ជាមួយគ្នានេះដែរ គាត់ត្រូវបានចោទប្រកាន់ពីបទឃាតកម្មគិតទុកជាមុនលើអតិថិជននៅ Banjarnegara នៃ Central Java ទៀតផង ។ ប៉ូលិសប្រាប់ថា Tohari សន្យាជួយឲ្យអតិថិជនមានបាន ប៉ុន្តែគ្មានប្រសិទ្ធភាពទើបអតិថិជនទារប្រាក់វិញហើយគាត់ក៏បំពុលពួកគេទៅ ។

បុរសខាងលើត្រូវបានចាប់ខ្លួន​ បន្ទាប់ពីកូនប្រុសជនរងគ្រោះប្ដឹងប៉ូលិសថាផ្ទះគ្រូអាគមនេះជាកន្លែងចុងក្រោយដែលឪពុកផ្ដល់ដំណឹងតាម WhatsApp កាលពីថ្ងៃទី២៤ ខែមីនា ។ ដោយសារករណីខាងលើ អាជ្ញាធរក៏ចុះទៅស្រាវជ្រាវនៅផ្ទះ Tohari ក្នុងភូមិ Desa Balun ស្រុក Wanayasa  កាលពីថ្ងៃច័ន្ទនិងប្រទះឃើញសាកសពជាច្រើនដែលកប់ក្នុងសួនគ្រូអាគមនោះ ខណៈផ្នូរខ្លះមានសពពីរបីកប់រួមគ្នាជាមួយទឹកសុទ្ធមួយដបគ្រប់ផ្នូរយ៉ាងចម្លែក ។ 

ប៉ូលិសបន្ថែមទៀតថា ជនរងគ្រោះទាំងអស់មានអាយុចាប់ពី ២៥ ទៅ ៥០ ឆ្នាំ ហើយសពខ្លះត្រូវបានកប់ជាងកន្លះឆ្នាំមកហើយ ប៉ុន្តែសពនីមួយៗមិនមានសញ្ញានៃការប្រើអំពើហិង្សាទេ។ ជាក់ស្ដែងគ្រូអាគម Tohari ធ្លាប់ជាគុកម្ដងកាលពីឆ្នាំ ២០១៩ ដោយសារការចរាចរណ៍លុយក្លែងក្លាយ ចំណែកបទចោទប្រកាន់បច្ចុប្បន្នបណ្ដាលឲ្យគាត់ប្រឈមមុខនឹងការកាត់ទោសប្រហារជីវិតមិនងាយនឹងរួចខ្លួនឡើយ ។ 

គេជឿជាក់ថាលោកតា Slamet បានចាប់ផ្ដើមសម្លាប់មនុស្សតាំងពីឆ្នាំ ២០២០ មកម្ល៉េះដោយបញ្ឆោតជនរងគ្រោះចូលផ្ទះសម្រាប់ធ្វើពិធី ហើយឲ្យពួកគេផឹកល្បាយប៉ូតាស្យូម cyanide និងថ្នាំ sedative ដែលបណ្ដាលឲ្យពុលស្លាប់ ។

យ៉ាងណាគ្រូបោក Tohari នៅតែអះអាងថាបង្ករឿងដ៏ធំទាំងអស់ម្នាក់ឯងគត់ ទោះបីប៉ូលិសបានឃាត់ខ្លួន​ជន​សមគំនិត​ម្នាក់​ដែល​កំពុង​ផ្សព្វផ្សាយ​សេវា​គុណ​លុយ​តាមរយៈការប្រើអាគមក្នុង​បណ្តាញ​សង្គមអនឡាញហើយក្ដី ៕

ប្រភព ៖ BBC

ចុចអាន ៖ លោកយាយសិង្ហបុរីម្នាក់ ទម្លាយល្បិចជនខិលខូច ធ្លាប់ឆបោកប្រាក់ខ្លួនអស់រាប់ម៉ឺនដុល្លារ

The post ចាប់ខ្លួនគ្រូអាគមឥណ្ឌូណេស៊ី ពីបទសម្លាប់មនុស្សយ៉ាងតិច ១២ នាក់ appeared first on Kampuchea Thmey Daily.

លោកយាយបានឲ្យដឹងថា ជនខិលខូចបន្លំខ្លួនជាមន្ត្រីមកពីការិយាល័យសន្តិសុខសាធារណៈក្រុងប៉េកាំង ហើយប្រាប់គាត់ថាគណនីលោកយាយត្រូវបានលួច និងប្រើដើម្បីបង្កើតគណនីធនាគារនៅប្រទេសចិនសម្រាប់ការលាងលុយ ដូច្នេះពួកគេត្រូវការការសហការពីអ្នកស្រី លីម ជាចាំបាច់ ។

បន្ទាប់ពីអ្នកស្រីប្រាប់អាស័យដ្ឋានទៅដល់ជនខិលខូច មួយសន្ទុះក្រោយមកមានមនុស្សស្រីម្នាក់វ័យប្រហែល ២០ ឆ្នាំទៅរកគាត់និងទាមទារប្រាក់ ៤ ម៉ឺនដុល្លារសម្រាប់ដោះស្រាយរឿងក្ដី ។

ចាប់តាំងពីពេលលោកយាយដឹងខ្លួនមក គាត់មិនអាចទាក់ទងទៅរកជនខិលខូចបានទេ សូម្បីតែរឿងក្ដីដែលគាត់ប្ដឹងប៉ូលិសក៏ត្រូវបិទសំណុំរឿងដោយគ្មានសំណងដែរ ដូច្នេះហើយគាត់ចាំបាច់ត្រូវបន្តការងារយ៉ាងហោចណាស់ពីរឆ្នាំទៀតទើបអាចចូលនិវត្តន៍បាន ។

ចុងក្រោយលោកយាយបន្ថែមទៀតថា “អាយុកាន់តែចាស់ ខ្ញុំកាន់តែឆាប់ហត់ និងបេះដូងកាន់តែខ្សោយ ដរាបណាខ្ញុំអាចធ្វើការចិញ្ចឹមខ្លួនឯងបានខ្ញុំនឹងបន្តធ្វើ” ជុំវិញបញ្ហានេះ កូនៗរបស់គាត់នៅមិនទាន់ដឹងនៅឡើយទេព្រោះលោកយាយខ្លាចនាំទុក្ខ និងសម្ពាធដល់ពួកគេជាពិសេសតែម្ដង ៕

ប្រែសម្រួល ៖ វារី

ចុចអាន ៖ នាយកដ្ឋានព័ត៌មានវិទ្យា បង្ហាញពីបច្ចេកទេសរបស់អ្នកបោកប្រាស់​តាមបណ្តាញអ៊ីនធឺណិត

The post លោកយាយសិង្ហបុរីម្នាក់ ទម្លាយល្បិចជនខិលខូច ធ្លាប់ឆបោកប្រាក់ខ្លួនអស់រាប់ម៉ឺនដុល្លារ appeared first on Kampuchea Thmey Daily.

ភាពរីកចម្រើនផ្នែកបច្ចេកវិទ្យាឌីជីថល បានប្រែក្លាយរបៀបរបបរស់នៅ និងការប្រកបអាជីវកម្មរបស់ប្រជាពលរដ្ឋ ដោយប្រើប្រាស់បច្ចេកវិទ្យាជាមធ្យោបាយ ក្នុងការផ្សព្វផ្សាយ លក់ផលិតផល ឬសេវា លើគេហទំព័រ ឬកម្មវិធីបណ្តាញ​ទំនាក់ទំនងសង្គម ជាដើម។ ក្នុងពេលទន្ទឹមគ្នានេះ ក៏មានជនខិលខូចមួយចំនួន បានប្រើប្រាស់​នូវគេហទំព័រ ឬកម្មវិធី​បណ្តាញទំនាក់ទំនងសង្គម (ឧទាហរណ៍ ទំព័រផេកហ្វេសប៊ុក – Facebook Page) ដោយបន្ថែម​ជាមួយ​នឹងការផ្សព្វ​ផ្សាយ (Ads) ដើម្បីទាក់ទាញជនរងគ្រោះ ក្នុងការទិញផលិតផល ឬសេវា ដែលបានផ្សព្វផ្សាយ​ទាំងនោះ។តើជនខិលខូចឆបោកប្រាក់ជនរងគ្រោះ ដោយរបៀបណា?

នាយកដ្ឋានព័ត៌មាន ក្រសួងមហាផ្ទៃ បានបង្ហាញពីបច្ចេកទេស ដែលជនខិលខូចបានប្រើប្រាស់ ដើម្បីឆបោកប្រាក់​ជនរងគ្រោះ (Online Shopping Scam) មានដូចខាងក្រោម៖

១- ប្រើប្រាស់គេហទំព័រ ឬទំព័រផេកបណ្តាញសង្គម (Facebook Instagram ) បង្ហោះលក់នូវផលិតផល ឬសេវា កម្រមានលក់លើទីផ្សារ ឬមានលក់តែផ្តល់ជូននូវតម្លៃពិសេស

២- ប្រើប្រាស់កម្មវិធី Advertising (Ads) ជម្រុញការផ្សព្វផ្សាយឱ្យដល់ជនរងគ្រោះ

៣- ប្រើប្រាស់គណនីក្លែងក្លាយជាច្រើន ដើម្បីផ្តល់មតិយោបល់ល្អៗលើផលិតផល ឬសេវា ដែលពួកគេបានផ្សព្វផ្សាយ បង្ហោះលក់លើគេហទំព័រ ឬបណ្តាញសង្គម

៤- ណែនាំជនរងគ្រោះឱ្យធ្វើការទូទាត់ប្រាក់តាមមធ្យោបាយផ្សេងៗ តួយ៉ាង៖ ទូទាត់ តាមកាតធនាគារ (visa / master card) កម្មវីធីធនាគាររចល័ត (Mobile Banking) ឬតាមប្រព័ន្ធទូទាត់ប្រាក់ឌីជីថល (ឧទាហរណ៍ កម្មវិធី KHQR Wing ឬ TrueMoney ជាដើម)

៥- ចំណែកគណនីដែលជនខិលខូចប្រើប្រាស់ដើម្បីទទួលប្រាក់ទូទាត់ពីជនរងគ្រោះ ភាគច្រើនគឺជាគណនីរបស់ភាគីទី៣ (Money Mule) ដែលជនខិលខូចបានឆបោក ដើម្បីទទួលប្រាក់ ផ្ទេរប្រាក់ ឬដកប្រាក់ ឱ្យពួកគេបន្ត

៦-​ បន្ទាប់ពីជនរងគ្រោះទូទាត់ប្រាក់រួចរាល់​ ពុំមានការផ្តល់ជូនផលិតផល​ ឬសេវា​ ដូចការសន្យាឡើយ។

ជាមួយគ្នានេះ នាយកដ្ឋានព័ត៌មានវិទ្យា បានក្រើនរំលឹកដល់ប្រជាពលរដ្ឋ ពិចារណាមុនពេលទិញ និងទូទាត់ប្រាក់ លើផលិតផល ឬសេវា លើបណ្តាញអ៊ីនធឺណិត ដែលមានភាពមិនប្រក្រតី ឬពុំមានព័ត៌មានអ្នកផ្គត់ផ្គង់ច្បាស់លាស់។

បើតាមនាយកដ្ឋានព័ត៌មានវិទ្យា ក្នុងករណីមានការសង្ស័យ សូមធ្វើការរាយការណ៍ (Report) អត្ថបទផ្សព្វផ្សាយ​ពាណិជ្ជកម្ម (Ads) ឬអត្ថបទ (Posts) នៃផលិតផល ឬសេវាទាំងនោះ ដើម្បីកុំឱ្យមានជនរងគ្រោះ​ធ្លាក់ចូលក្នុង​ល្បិចឆបោកនេះជាបន្តបន្ទាប់ទៀត៕

The post នាយកដ្ឋានព័ត៌មានវិទ្យា បង្ហាញពីបច្ចេកទេសរបស់អ្នកបោកប្រាស់​តាមបណ្តាញអ៊ីនធឺណិត appeared first on Kampuchea Thmey Daily.

ដោយបាន​កិច្ចសហការ​ពី​ជនរងគ្រោះ​ជានារីជាច្រើន និងដោយមានការ​ដឹកនាំ​ចង្អុលណែនាំ​ដ៏​ខ្ពង់​ខ្ពស់​ពី លោក​ឧត្ដមសេនីយ៍ទោ សម សាមួន ស្នងការ​នគរបាល​ខេត្ដ​កំពង់ស្ពឺ និង​បានការ​សម្របសម្រួល​នីតិវិធី​ពី អយ្យការ អម​សាលាដំបូង​ខេត្ដ​កំពង់ស្ពឺ សមត្ថកិច្ច​ផែន​ការងារ​សន្តិសុខ ខេត្តកំពង់ស្ពឺ បាន​បន្ដ​ស្រាវជ្រាវ​និង​សហការ​ជាមួយ​នគរបាល​ខេត្ដ​បន្ទាយមានជ័យ ធ្វើការ​ឃាត់ខ្លួន​មុខសញ្ញា​សង្ស័យ​បាន​នៅ​គោលដៅ សង្កាត់​ប៉ោយប៉ែត ក្រុង​ប៉ោយប៉ែត ខេត្ដ​បន្ទាយមានជ័យ រួច​បញ្ជូនមក​ស្នងកា​រដ្ឋា​ន​នគរបាល​ខេត្តកំពង់ស្ពឺ ចំណាត់ការ​តាម​នីតិវិធី​។​

នៅ​ចំពោះមុខ ជនសង្ស័យ​បាន​ឆ្លើយ​ទទួលស្គាលថា សកម្មភាព​បោកប្រាស់​នា​រី និង​ស្ដ្រី​មួយចំនួន​តាមរយៈ​ប្រព័ន្ធ​បណ្ដាញ​ទំនាក់ទំនង​សង្គម facebook account fake គឺ​ពិតជា​បាន​ធ្វើ​សកម្មភាព​ដោយផ្ទាល់​ និង​ចេះ​ជំនាញ​យ៉ាងពិត​ប្រាកដ ហើយបច្ចុប្បន្ន​ខ្លួន​បា​នប​ង្កើត account face ចំនួន១៥ ដើ​ម្បី​ធ្វើ​សកម្មភាព​បោកប្រាស់​នារី និង​ស្ដ្រី​មួយចំនួន អោយ​លង់​ជឿជាក់ថា​ខ្លួន​ជា​ប្រុស​ស្អាត និង​ជា​អ្នកមាន​ចិ​ត្ដ​ស្មោះ​។​

បច្ចុប្បន្ន​ជនសង្ស័យ​ត្រូវបាន​ចៅក្រម​សម្រេច​ចេញ​ដីកា​បង្គាប់​ឱ្យ​ឃុំខ្លួន​បណ្ដោះអាសន្ន នៅ​ពន្ធនាគារ​ខេត្តកំពង់ស្ពឺ រង់ចាំ​ការ​ជំនុំ​ជំ​ម្រះ​ទោស​នៅពេល​បន្ទាប់​។​

ជាមួយគ្នានេះ កម្លាំងសមត្ថកិច្ចបានស្នើឲ្យបងប្អូន​ពលរដ្ឋ​ខ្មែរ ពិសេស​នារី​ក្មេងៗ និង​ស្ដ្រី​មួយចំនួន គួរតែ​ពិចារណា​ឱ្យបាន​ច្បាស់​ នៅពេលដែល​ខ្លួន​បា​នប​ង្កើ​ត​ទំនាក់​ទំនងជា friends ជាមួយ​នរណាម្នាក់​តាម បណ្ដាញ​ទំនាក់ទំនង​សង្គមហ្វេ​ស​ប៊ុ​កណាមួយ។ ពិសេស​កុំ​ចាញ់បោក​លើ profile រូបប្រុស​ស្អាត​- ស្រី ស្អាត៕​

The post ប្រើ account Facebook​ជាង១០ បោកបញ្ឆោតនារីៗ​លង់​​ខ្លួនជាច្រើននាក់ ត្រូវសមត្ថកិច្ចបង្ក្រាប​ appeared first on Kampuchea Thmey Daily.

ដោយមាន​ការចង្អុលបង្ហាញ​ពី​លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​ខេត្តបន្ទាយមានជ័យ បាន​ឲ្យ​ការិយាល័យ​ប្រឆាំង​បទល្មើស​បច្ចេកវិទ្យា សហការ​ជាមួយ​នាយកដ្ឋាន​ប្រឆាំង​បទល្មើស​បច្ចេកវិទ្យា និង​អធិការដ្ឋាន​នគរបាល​ក្រុង​ប៉ោយប៉ែត នៅ​ថ្ងៃទី​៣១ ខែ​មីនា ឆ្នាំ​២០២១ បានធ្វើការ​ស្រាវជ្រាវ រហូតដល់​ធ្វើការ​ឃាត់ខ្លួន​ជនសង្ស័យ​បាន​នាក់ ឈ្មោះ គង់ ដា ហៅ​ទិ ភេទ​ប្រុស អាយុ ៣៩​ឆ្នាំ នៅ​ចំណុច​ជិត​ផ្សារ សង្កាត់​ប៉ោយប៉ែត ក្រុង​ប៉ោយប៉ែត ខេត្ត​បន្ទាយមានជ័យ និង​នាំយកមក​ការិយាល័យ​ប្រឆាំង​បទល្មើស​បច្ចេកវិទ្យា ដើម្បី​ចាត់ការ​តាម​នីតិវិធី​។

ឧ​ត្ត​ម​សេនីយ៍​ទោ សិទ្ធិ ឡោះ​បានបញ្ជាក់​ឲ្យ​ដឹង​ទៀត​ថា ​ជនសង្ស័យ​ឈ្មោះ គង់ ដា ហៅ​ទិ កន្លងមក​បានធ្វើ​សកម្មភាព​ករណី​ប្រើប្រាស់​បណ្តាញ​សង្គម Line កាលពី​ថ្ងៃទី​១៦ ខែកុម្ភៈ ឆ្នាំ​២០២១ ដោយ​ឲ្យ​ជនរងគ្រោះ​វេរ​លុយ​ពី​ប្រទេស​ថៃ តាមរយៈ​ធនាគារ​ថៃ​ផានិត ចំនួន ៣០៣.៨០០​បាត ហើយ​ឲ្យ​វេរ​ប្រាក់​បាទ​ទៅជា​លុយ​ដុល្លារ​ស្មើ​ចំនួន​៩.៩០៥​ដុល្លារ​តាមរយៈ​ក្រុមហ៊ុន​វេរ​ប្រាក់​មួយ​ទៅ​ឲ្យ​ជនសង្ស័យ​។ ក្រោយពី​ជនល្មើស​បានទទួល​លុយ​រួច គណនី​

​ធនាគារ​របស់​ជនរ​ង​គ្រោះ​ក្នុងប្រទេស​ថៃ​មាន​បញ្ហា ដោយ​ត្រូវបាន​បិទ​បណ្តោះអាសន្ន ដោយ​លុយ​ចំនួន​៣០៣.៨០០​បាទ​នោះ ត្រូវ​បាន​ម្ចាស់​លុយ​ប្តឹង​ធនាគារ​ថៃ​ដក​លុយ​ត្រលប់​មកវិញ​។ ជនសង្ស័យ​គេច​បាត់ ​ដោយសារ​ការ​យកចិត្តទុកដាក់​ធ្វើការ​ស្រាវជ្រាវ​រហូត​ឃាត់ខ្លួន​ជនសង្ស័យ​បាន​ ហើយ​បញ្ជូន​ទៅកាន់​អយ្យការ​អម​សាលាដំបូង​ខេត្ត​បន្ទាយមានជ័យ ដើម្បី​ចាត់ការ​តាម​នីតិវិធី​ច្បាប់​ហើយ​៕

អត្ថបទ៖ វ៉ាន់ ណា​ង

សូមចុចអាន៖ ឃាត់ខ្លួនក្រុមក្មេងទំនើង៣នាក់ក្រោយធ្វើសកម្មភាពកាប់រថយន្ដសាមុយដឹកអ្នកជំងឺ​​ ​

The post បុរស​ម្នាក់​ ត្រូវ​នគរបាល​វាយ​ខ្នោះដៃ​ភ្លាមៗ​ ករណី​បោ​កលុយ​អាជីវករ​តាម​ប្រព័ន្ធ​Line appeared first on Kampuchea Thmey Daily.