Connect with us

KPT+

លោកយាយសិង្ហបុរីម្នាក់ ទម្លាយល្បិចជនខិលខូច ធ្លាប់ឆបោកប្រាក់ខ្លួនអស់រាប់ម៉ឺនដុល្លារ

បានផុស

នៅ

ប្រទេសសិង្ហបុរី ៖ លោកយាយ លីម (ឈ្មោះមិនពិត) អាយុ ៧០ ឆ្នាំទៅហើយត្រូវបន្តធ្វើការជាអ្នកអនាម័យនៅការិយាល័យមិនឈប់ បន្ទាប់ពីជនខិលខូចឆរបោកប្រាក់សន្សំអស់ ៤ ម៉ឺនដុល្លារ កាលពីខែមេសា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយាយបានឲ្យដឹងថា ជនខិលខូចបន្លំខ្លួនជាមន្ត្រីមកពីការិយាល័យសន្តិសុខសាធារណៈក្រុងប៉េកាំង ហើយប្រាប់គាត់ថាគណនីលោកយាយត្រូវបានលួច និងប្រើដើម្បីបង្កើតគណនីធនាគារនៅប្រទេសចិនសម្រាប់ការលាងលុយ ដូច្នេះពួកគេត្រូវការការសហការពីអ្នកស្រី លីម ជាចាំបាច់ ។

បន្ទាប់ពីអ្នកស្រីប្រាប់អាស័យដ្ឋានទៅដល់ជនខិលខូច មួយសន្ទុះក្រោយមកមានមនុស្សស្រីម្នាក់វ័យប្រហែល ២០ ឆ្នាំទៅរកគាត់និងទាមទារប្រាក់ ៤ ម៉ឺនដុល្លារសម្រាប់ដោះស្រាយរឿងក្ដី ។

ចាប់តាំងពីពេលលោកយាយដឹងខ្លួនមក គាត់មិនអាចទាក់ទងទៅរកជនខិលខូចបានទេ សូម្បីតែរឿងក្ដីដែលគាត់ប្ដឹងប៉ូលិសក៏ត្រូវបិទសំណុំរឿងដោយគ្មានសំណងដែរ ដូច្នេះហើយគាត់ចាំបាច់ត្រូវបន្តការងារយ៉ាងហោចណាស់ពីរឆ្នាំទៀតទើបអាចចូលនិវត្តន៍បាន ។

លោកយាយបង្ហាញឯកសារ និងកាតសម្គាល់ខ្លួនក្លែងក្លាយរបស់ជនបោកប្រាស់

ចុងក្រោយលោកយាយបន្ថែមទៀតថា “អាយុកាន់តែចាស់ ខ្ញុំកាន់តែឆាប់ហត់ និងបេះដូងកាន់តែខ្សោយ ដរាបណាខ្ញុំអាចធ្វើការចិញ្ចឹមខ្លួនឯងបានខ្ញុំនឹងបន្តធ្វើ” ជុំវិញបញ្ហានេះ កូនៗរបស់គាត់នៅមិនទាន់ដឹងនៅឡើយទេព្រោះលោកយាយខ្លាចនាំទុក្ខ និងសម្ពាធដល់ពួកគេជាពិសេសតែម្ដង ៕

ប្រែសម្រួល ៖ វារី

ចុចអាន ៖ នាយកដ្ឋានព័ត៌មានវិទ្យា បង្ហាញពីបច្ចេកទេសរបស់អ្នកបោកប្រាស់​តាមបណ្តាញអ៊ីនធឺណិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម