របាយការណ៍លទ្ធផលវិភាគបានបង្ហាញជាសរុបថា សំណាកស្រាសដែលបានប្រមូលនៅកន្លែងកើតហេតុ និងស្រាស​១​សំណាកដែលប្រមូលពីទីតាំង​ផលិតពាក់ព័ន្ធ​មានសារធាតុពុលមេតាណុល​កម្រិតគ្រោះថ្នាក់ខ្លាំង ហួសកម្រិតផឹកបាន (>0.1%)។

សូមបញ្ជាក់ថា កាលពីថ្ងៃទី២៨ ខែតុលា ឆ្នាំ២០២២ នៅវេលាម៉ោង២និង៤៥នាទី នៅក្នុងចម្ការចេក ឡុង ស្រេង បឹង កេត ស្ថិតក្នុងភូមិ៣៥ ឃុំព្រែកកក់ ស្រុកស្ទឹងត្រង់ មានករណីពុលបណ្ដាលឲ្យកម្មករចំនួន៥នាក់បានស្លាប់ និងបញ្ជូនទៅសង្គ្រោះនៅមន្ទីរពេទ្យខេត្តកំពង់ចាម ជាច្រើននាក់។

បើតាមការបញ្ជាក់ពីលោក ឯម វឌ្ឍនា អធិការស្រុកស្ទឹងត្រង់ បានឲ្យដឹងថា មានកម្មករប្រុសចំនួនបីនាក់បានស្លាប់ពេលបញ្ជូនទៅកាន់មន្ទីរពេទ្យខេត្តកំពង់ចាម ខណៈបាញ់ថ្នាំពុល និងបោចស្មៅក្នុងចម្ការចេក បន្ទាប់មកមានអាការៈថប់ៗ ពិបាកដកដង្ហើម និងចុកទ្រូង។

បើតាមសម្តីជនរងគ្រោះដែលធ្វើការនៅចម្ការចេក ឡុង ស្រេង បឹងកេត នោះបានបញ្ជាក់ប្រាប់ថា ក្រោយពីពួកគេយកថ្នាំបាញ់ស្មៅ ក្នុងចម្ការដូចសព្វដង រួចស្រាប់តែកម្មករជាច្រើននាក់ចាប់ផ្តើមមានអាការៈ ថប់ៗ ពិបាកដកដង្ហើម និងចុកទ្រូង ហើយប្រសិនបើមិនបានបញ្ជូលមកកាន់មន្ទីរពេទ្យទាន់ពេលទេនោះអាចបង្កឲ្យស្លាប់ភ្លាមៗ៕

អត្ថបទ៖ សុខុម

The post មជ្ឈមណ្ឌលជាតិពិសោធន៍សុខាភិបាល បង្ហាញលទ្ធផលវិភាគសំណាកស្រាសដែលសង្ស័យពុលកម្មករក្នុងចម្ការចេក ឡុង ស្រេង បឹង កេត appeared first on Kampuchea Thmey Daily.

តាមប្រភពព័ត៌មានពីអាជ្ញាធរមូលដ្ឋានបានឲ្យដឹងថា ករណីដែលបង្កភាពភ្ញាក់ផ្អើលគឺមុនដំបូងមានមនុស្សស្លាប់ចំនួន​០៣នាក់ កាលពីវេលាម៉ោង២រំលងអាធ្រាត ឈានចូលថ្ងៃទី០៣ ខែកក្កដា ឆ្នាំ២០២១ ស្ថិតក្នុងភូមិកោះឈ្វាំង ឃុំស្វាយទងខាងត្បូង ស្រុកកំពង់ត្រាច ខេត្តកំពត លុះដល់ពេលព្រឹកថ្ងៃដដែលទើបមានអ្នកស្លាប់ចំនួន០២នាក់បន្ថែមទៀត ដោយសរុបតួលេខអ្នកស្លាប់ មានរហូតដល់០៥នាក់ ខណៈ០៤នាក់ទៀតកំពុងសង្គ្រោះនៅក្នុងមន្ទីរពេទ្យ។

ប្រភពដដែលបានបញ្ជាក់ទៀតថា ករណីមានមនុស្សស្លាប់ជាបន្តបន្ទាប់បែបនេះ សង្ស័យពុលស្រា ស ព្រោះមុនពេលមានបញ្ហាកើតឡើង ជនរងគ្រោះខាងលើបានទិញស្រា ស ផឹក ជួបជុំគ្នាតាមទម្លាប់អ្នកភូមិ។លុះដល់វេលាម៉ោង២រំលងអាធ្រាត ថ្ងៃទី០៣ ខែកក្កដា ឆ្នាំ២០២១ ស្រាប់តែមានមនុស្ស០៣នាក់បានស្លាប់ និងអ្នកខ្លះទៀតមានអាការៈក្អួតចង្អោរ ទន់ដៃ ទន់ជើង ទើបសាច់ញាតិបញ្ជូនពួកគាត់ទៅព្យាបាលនៅមន្ទីរពេទ្យ ប៉ុន្តែអកុសលមនុស្ស០២នាក់ក្នុងចំណោម០៦នាក់ បានស្លាប់បន្តទៀត។

គួររម្លឹកផងដែរថា កាលពីជាង១ខែមុនក៏មានករណីមនុស្សស្លាប់ដោយសារផឹកស្រា ស ជាច្រើននាក់ផងដែរ ដែលករណីនេះកើតឡើងស្ថិតក្នុងភូមិសាស្ត្រឃុំឫស្សីស្រុកខាងកើត ស្រុកកំពង់ត្រាច ខេត្តកំពត។ចំពោះករណីមានមនុស្សស្លាប់នៅដើមកក្កដា ឆ្នាំ២០២១ នេះ សង្ស័យពុលស្រា ស ដូចគ្នា។ទន្ទឹមនឹងរឿងរ៉ាវខាងលើនេះ គេមិនទាន់ដឹងថា ពលរដ្ឋរងគ្រោះទិញស្រា ស មកពីកន្លែងណា..ហើយអាជ្ញាធរ សមត្ថកិច្ចនិងជំនាញ ចាត់វិធានការបែបណា ដល់អ្នកលក់ ឬអ្នកផលិតសារធាតុស្រវឹង(ស្រា ស)យ៉ាងណានោះទេ៕

អត្ថបទ ៖ សេង ណារិទ្ធ

The post មនុស្ស០៥នាក់ បានស្លាប់ជាបន្តបន្ទាប់ ក្នុងករណីសង្ស័យ​ពុលស្រា ស នៅឃុំស្វាយទងខាងត្បូង appeared first on Kampuchea Thmey Daily.

​សេចក្ដីរាយការណ៍​បឋម​បាន​ឲ្យ​ដឹងថា ករណី​ពុល​ស្រា​ស នេះ​ផ្ដើមចេញពី​ការជួប​ជុំគ្នា​ផឹកស្រា ក្នុង​ពិធី​បុណ្យ​សព​មួយ​កាល​ពី​ប៉ុន្មាន​ថ្ងៃមុន បណ្ដាល​ឲ្យ​ស្លាប់​ជា​បន្ដបន្ទាប់។ មនុស្ស​ទាំង​៧​នាក់​ដែល​ស្លាប់ ក្នុង​ហេតុការណ៍​ពុល​ស្រា​ស​នេះ គឺជា​មនុ​ស្ស​ស្រី​ទាំងអស់។

ប្រធានមន្ទីរព័ត៌មានខេត្តពោធិ៍សាត់ លោក លាង ទិដ្ឋាន បានប្រាប់កម្ពុជាថ្មីនៅរសៀលថ្ងៃទី ២ ខែមិថុនានេះថា ​ករណី​ពុលស្រាស នេះមន្ត្រីជំនាញកំពុងស្រាវជ្រាវ ដោយធ្វើការសាកសួរ​ប្រជាពលរដ្ឋដែលរងគ្រោះ ដោយសារពួកគាត់បាន​ទិញស្រាសតៗគ្នាយកមកទទួលទាន។

លោក លាង ទិដ្ឋាន បាន​ឱ្យ​ដឹងថា ករណីនេះ មានអ្នកស្លាប់ចំនួន ៧ នាក់ កំពុងសម្រាកព្យាបាលក្នុងមន្ទីរពេទ្យ ជាង ៤០ នាក់ គ្រូពេទ្យប្រាប់ថាអាចគ្រប់គ្រងស្ថានការពួកគាត់បានចំនួន ៤០នាក់ ខណៈ២ នាក់មានស្ថានភាពធ្ងន់ធ្ងរកំពុងសង្គ្រោះ​បន្ទាន់។

យ៉ាងណាក៏ដោយ ប្រធានមន្ទីរព័ត៌មានខេត្តរូបនេះ បញ្ជាក់ថា អ្នកស្លាប់ចំនួន ៧ នាក់ គឺមិនទាន់អះអាងទាំងស្រុងថា បណ្ដាលមកពីពុលស្រាសនោះទេ ដោយកំពុងរង់ចាំ​ការ​វិភាគ​របស់គ្រូពេទ្យនៅល្ងាចនេះ។

លោក លាង ទិដ្ឋាន លើកថា “ស្លាប់ ៧ នាក់ ជាជំ​ហាន​ដំ​បូង​​ថា ពុលស្រាស ប៉ុន្តែតាមការបញ្ជាក់របស់ប្រធានមន្ទីរពេទ្យ គឺត្រូវរង់ចាំការពិនិត្យ​ឱ្យបាន​ច្បាស់​លាស់សិន ខ្លាចក្រែងអាចករណីចៃដន្យអ្វី”។

​របាយការណ៍​របស់​សមត្ថកិច្ច​មូលដ្ឋាន បាន​បញ្ជាក់​ថា បច្ចុប្បន្ន​អ្នក​បិទ​ស្រា​សម្នាក់ ត្រូវ​បាន​ឃាត់ខ្លួន នៅ​អធិការដ្ឋាន​នគរ​បាល​ស្រុក​ក្រគរ ឈ្មោះ​ទ្រី វណ្ណា ភេទ​ស្រី អាយុ​៥៤​ឆ្នាំ រស់​នៅ​ភូមិ​សា​នស ឃុំ​អ​ន្សា​ចំបក់ និង​ដកហូត​ស្រា​.​ស យក​ទៅ​ពិនិត្យ​ឡា​បូ រង់ចាំ​លទ្ធផល​ពេល​ក្រោយ៕​

សូមចុចអាន៖ ផ្ទះ​១​ខ្នង​និង​សម្ភារៈមួយចំនួនធំ ត្រូវ​អគ្គិភ័យ​លេប​ត្របាក់​អស់ទាំង​ស្រុង​ នៅ​ក្រុង​បាន​លុង​

The post សង្ស័យពុលស្រាស ស្លាប់ ៧នាក់ និងជាង​៤០ នាក់កំពុងសង្គ្រោះនៅមន្ទីរពេទ្យ នៅពោធិ៍សាត់ appeared first on Kampuchea Thmey Daily.

យោងតាមរបាយការណ៍របស់ក្រសួងសុខាភិបាលបានឱ្យដឹងថា ចាប់ពីថ្ងៃទី១០ រហូតដល់ថ្ងៃទី២៤ ខែឧសភាឆ្នាំ២០២១ មានករណីពុលស្រាស ស្រាថ្នាំនៅស្រុកល្វាឯម ខេត្តកណ្តាល និងស្រុកកំពង់ត្រាច ខេត្តកំពត។

ក្នុងនោះករណីពុលស្រាស ចាប់ពីថ្ងៃទី១០ ដល់ថ្ងៃទី២១ ខែឧសភា បានកើតឡើងនៅក្នុងនៅភូមិតាស្គរ និងភូមិក្តីកណ្តាល ឃុំសារិកាកែវ ស្រុកល្វាឯម ខេត្តកណ្តាលបានបណ្តាលឱ្យមនុស្សចំនួន១២នាក់បានស្លាប់ និង៩នាក់សម្រាកពេទ្យដោយសារការបរិភោគស្រាស និងស្រាថ្នាំដែលមានសារធាតុមេតាណុលលើសកម្រិត។

ចំណែកករណីពុល ស្រា ស ស្រាថ្នាំមួយទៀតបានកើតឡើងពីថ្ងៃទី២១ ដល់ល្ងាចថ្ងៃទី២៤ ខែឧសភា ឆ្នាំ២០២១ នៅភូមិធ្នង់ឃុំឫស្សីស្រុកខាងកើត និងភូមិក្ងាប ឃុំស្វាយទងខាងជើង ស្រុកកំពង់ត្រាច ខេត្តកំពត បណ្តាលឱ្យពលរដ្ឋរងគ្រោះចំនួន៥៥នាក់ ស្រី៧នាក់ដែលមានអាយុចាប់ពី១៩ឆ្នាំ ដល់៧០ឆ្នាំ ក្នុងនោះមានអ្នកស្លាប់ចំនួន១០នាក់ ស្រី៣នាក់មានអាយុចាប់ពី៣៧ ដល់៥៨ឆ្នាំ ដោយសារការបរិភោគស្រាស និងស្រាថ្នាំដែលមានសារធាតុមេតាណុលលើសកម្រិតដូចគ្នា។

លោកសាស្ត្រាចារ្យ ម៉មប៊ុនហេង រដ្ឋមន្ត្រីសុខាភិបាលបានមានប្រសាសន៍ថា បើបងប្អូនប្រជាពលរដ្ឋនៅតែបន្តពិសាស្រាស ឬស្រាថ្នាំទាំងនោះទៀត នោះនឹងបណ្ដាលឱ្យប៉ះពាល់ដល់សុខភាពទៅជាឈឺ ឬអាចបាត់បង់ជីវិត ព្រោះថាការពិសាស្រាដែលមានសារធាតុមេណាណុលលើសកម្រិតធ្វើឱ្យអ្នកពិសាមានរោគសញ្ញាដូចជា ឈឺក្បាល ក្អួត ឈឺពោះ វិលមុខ ស្រវាំងភ្នែក សន្លប់ ប្រកាច់ ពិបាកដកដង្ហើម និងអ្នកខ្លះមានសភាពឡេះឡះថប់ដង្ហើមណែនទ្រូងពិបាកដកដង្ហើម រីកប្រស្រីភ្នែកសន្លឹម។

លោករដ្ឋមន្ត្រីបានក្រើនរំលឹកជាច្រើនលើកច្រើនសារមកហើយដល់ប្រជាពលរដ្ឋឱ្យប្រុងប្រយ័ត្នចំពោះការបរិភោគស្រាស ឬស្រាថ្នាំ ពិសេសប្រជាពលរដ្ឋនៅតាមតំបន់ជនបទត្រូវមើលប្រភពផលិតឱ្យបានច្បាស់លាស់ និងមានការទទួលស្គាល់ពីមន្រ្តីជំនាញត្រឹមត្រូវសិនមុនទិញស្រាស ឬស្រាថ្នាំមកបរិភោគដើម្បីជៀសវាងកុំឱ្យមានការពុលស្រាដែលធ្វើឱ្យប៉ះពាល់ដល់សុខភាព ឬអាយុជីវិត៕

អត្ថបទ៖ សំអឿន

The post មកដឹងចំនួនពលរដ្ឋពុល និងស្លាប់ ដោយសារស្រាស ស្រាថ្នាំត្រឹម១៥ថ្ងៃ appeared first on Kampuchea Thmey Daily.

​​ពលរដ្ឋ​រងគ្រោះ​ទាំងនេះ​បាន ទៅ​ចូលរួម​បុណ្យសព​អ្នកភូមិ​ហើយ​បាន​ពិសា​ស្រា ស ស្រាថ្នាំ បាន​បណ្តាល​ឲ្យ​ពុល​ស្រា​ ហើយ​ត្រូវ​បាន​ប​ញ្ជូន​ទៅ​ព្យាបាល​ជំងឺ​នៅ​មន្ទីរ​ពេទ្យបង្អែក​ស្រុក​កំពង់ត្រាច​ខណៈ​ពលរដ្ឋ​១០​នាក់​ទៀត​ បាន​ស្លាប់​បាត់​បង់ជីវិត​ ដោយសារ​នៅ​ក្នុង​ស្រា​នោះ​មាន​ដាក់​សារធាតុ​មេ​តា​ណុល​លើស​កម្រិត​។ លោក វេជ្ជបណ្ឌិត ញា ប៊ុនថន បាន​បន្តថា​ គិត​ចាប់ពី​ថ្ងៃ​ទី​២១ ដល់​ល្ងាច​ថ្ងៃទី​​២៤ ខែ​ឧសភា ឆ្នាំ​២០២១ មាន​ករណី​ជនរងគ្រោះ​ដោយសារ​ពុល​ស្រា ស ចំនួន​៥៥​នាក់​ស្រី​៧​នាក់​ ដែល​មាន​អាយុ​ចាប់ពី​១៩​ឆ្នាំ ដល់​៧០​ឆ្នាំ ក្នុង​នោះ​មាន​អ្នកស្លាប់​ចំនួន​១០​នាក់​ ស្រី​៣​នាក់​មាន​អាយុ​ចាប់ពី​៣៧​ដល់​៥៨​ឆ្នាំ​។

​យោងតាម​សេចក្តី​ជូន​ដំណឹង​របស់​ក្រសួងសុខាភិបាល​ចេញផ្សាយ​កាលពី​ល្ងាច​ថ្ងៃ​ទី​២៥ ឧសភា​បាន​ឲ្យ​ដឹងថា ​យោង​តាម​លទ្ធផល​ពី​មន្ទីរ​ពិសោធន៍​ជាតិ​ហេតុការណ៍​ស្លាប់​ និង​រងគ្រោះ​នៅ​ស្រុក​កំពង់ត្រាច ខេត្ត​កំពត គឺ​ដោយសារ​ពួកគាត់​បាន​ពិសា​ស្រា ស ​ឬ​ស្រា​ថ្នាំ​ ដែល​មាន​សារធាតុ​មេ​តា​ណុល​ខ្ពស់​ពិតប្រាកដ​មែន ​ព្រោះថា​សំណាក​ស្រា ស​ ដែល​យក​មក​ធ្វើ​វិភាគ​ចំនួន​១១​សំណាក ក្នុង​នោះ​មាន​៦​សំណាក​ មាន​សារធាតុ​មេ​តា​ណុល​លើស​កម្រិត​ធំ​០.២​ភាគរយ​ដល់​១១,៩​ភាគរយ​ ដែល​ធ្វើ​ឱ្យ​ពុល​ ខណៈ​កម្រិត​មិន​ពុល​វិញ​មិន​ត្រូវ​លើស​ពី​០,១​ភាគរយ​ឡើយ​។​

​លោក សាស្ដ្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល​សូម​ក្រើនរំលឹក​ហើយ រំលឹក​ទៀត និង​សូម​អំពាវនាវ​ ដោយ​ទទូច​ដល់​បងប្អូន​ប្រជាពលរដ្ឋ​ កុំ​ពិសា​ស្រា​ ដែល​បិទ​លាយ​គ្មាន​បច្ចេកទេស​ត្រឹមត្រូវ​និង​គ្មាន​ការ​ត្រួតពិនិត្យ​។ លោក រដ្ឋមន្ត្រី​បាន បន្តថា ចំពោះ​អ្នក​ប្រកប​អាជីវកម្ម​ហាម​ដាច់ខាត​កុំ​យក​សារធាតុ​មេ​តា​ណុល​មក​លាយ​ធ្វើ​ស្រា​ ស​ ព្រោះ​វា​បង្ក​ឱ្យ​ពុល​នឹង​ស្លាប់បាត់​បង់ជីវិត​។

​លោក​រដ្ឋមន្ត្រី​បាន​បន្ថែម​ថា ​ចំណែក​បងប្អូន​អាជ្ញាធរខេត្ត​ស្រុក​ខណ្ឌ​ក្រុង​រដ្ឋបាល​ឃុំ​សង្កាត់​ត្រូវ​ចាត់តាំង​កម្លាំង​គ្រប់គ្រង​ឃ្លាំមើល​និង​ទប់ស្កាត់​ការ​លក់​ស្រា​បិទ​ឬ​លាយ​គ្មាន​បច្ចេកទេស​ត្រឹមត្រូវ​ និង​ណែនាំ​ប្រជាពលរដ្ឋ​ចៀសវាង​យក​សារធាតុ​មេ​តា​ណុល​ធ្វើ​ស្រាស​ ដែល​បង្ក​ឱ្យ​ពុល​នឹង​ស្លាប់បាត់​បង់ជីវិត​។​

​លោក​រដ្ឋមន្ត្រី​ បាន​ណែនាំ​ដល់​ប្រជាពលរដ្ឋ​ប្រសិនបើ​មាន​បញ្ហា​សុខភាព​ឬ​មាន​រោគសញ្ញា​នៃ​ការពុល​ស្រា​ដូចជា​ឈឺក្បាល​ក្អួត​ឈឺពោះ​វិលមុខ​ស្រវាំងភ្នែក​សន្លប់​ប្រកាច់​ពិបាក​ដកដង្ហើម​ឬ​សង្ស័យថា​ មាន​ឆ្លង​ជំងឺ​ទៃ​សូម​ប្រញាប់​ទៅ​ពិនិត្យ​ពិគ្រោះ​នៅ​មន្ទីរពេទ្យ​រដ្ឋ​ដែល​នៅ​ជិត​ផ្ទះ​៕​

អត្ថបទ៖ សំអឿន

សូមចុចអាន៖ ​Update តួលេខ​មនុស្ស​ស្លាប់​ដោយ​សង្ស័យ​ពុល​ស្រា ស បើ​គិតពី​ល្ងាច​ថ្ងៃទី​២៥ ខែឧសភា នេះ សរុប​១០​នាក់​ហើយ

​

The post មនុស្ស​ពុល​ស្រា ស នៅ​ខេត្តកំពត​ ៤០​នាក់ បានជា​សះស្បើយហើយ​ appeared first on Kampuchea Thmey Daily.

លោក គង់ សោ​ភ័ណ្ឌ អភិបាលខេត្ត​កណ្តាល និង​ជា​ប្រធាន​គណៈកម្មាធិការ​សាខា​កាកបាទ​ក្រហម​កម្ពុជា​ខេត្ត​ កាល​រសៀល​ថ្ងៃទី​២៣ ខែឧសភា ឆ្នាំ២០២១ បាន​ថ្លែង​នូវ​ការសោកស្តាយ និង​បាន​ចូល​រួម​រំលែក​មរណទុក្ខ​ដល់​គ្រួសារ​សព្វចំពោះ​ការបាត់បង់​សមាជិក​ជាទី​ស្រឡាញ់ និង​សូម​ឧទ្ទិស​នូវ​មហាកុសល​ដល់​វិញ្ញាណក្ខន្ធ​សព​បាន​ដល់​សុគតិភព​។​

លោក​អភិបាលខេត្ត​បានធ្វើការ​លើកទឹកចិត្ត និង​ផ្តាំផ្ញើ​ដល់​គ្រួសារ​សព​ត្រូវ​រឹងមាំខិតខំ​ធ្វើ​ការងារ និង​រក​ទទួលទាន ដើម្បី​លើកស្ទួយ​ជីវភាព​គ្រួសារគ្រប់គ្រង​កូនចៅ​ឲ្យ​បានល្អ ឲ្យ​កូនៗ​បាន​ចូលរៀន​គ្រប់ៗ​គ្នា និង​ត្រូវ​បន្ត​រក្សា​អនាម័យ​តាម​វិធាន​សុខាភិបាល​ដើម្បី​ជៀស​ផុតពី​ជំងឺ​កូ​វីដ​-១៩​។​

អំណោយ​ដែល​ចែកជូន​ដល់​គ្រួសារ​សព ក្នុង​មួយ​គ្រួសារ​ទទួលបាន​៖ អង្ករ៥០​គីឡូក្រាម ត្រីខ ១​យួរ ទឹកត្រី ១​យួរ ទឹក​ស៊ី​អ៊ីវ ១​យួរ ប្រេងឆា ១​ដប មី ១​កេស ទឹក​សុទ្ធ ១​កេស ទឹកក្រូច ១​កេស ជែ​ល​លាងដៃ ១​ដប ម៉ាស ១០​បន្ទះ និង​ថវិកា៥០​ម៉ឺន​រៀល ។​

គួរ​បញ្ជាក់ថា​ ផ្អែក​តាម​លទ្ធផល​មន្ទីរ​ដែ​ល​ទទួលបាន​សំណាក​ស្រា​ចំនួន​៣៨​សំណាក​ក្នុង​នោះ​ស្រា​ថ្នាំ​ចំនួន​១៥​សំណាក ​និង​ស្រាស​ចំនួន​១៣​សំណាក​ ដែលមាន​សារ​ធាតុ​មេ​តា​ណុល​លើស​កម្រិត​ជាង​០,៥​ភាគរយ​ មាន​ចំនួន​២០​សំណាក​អាចធ្វើ​ឲ្យ​ពុល​ខណៈកម្រិត​មិន​ពុល​វិញ​មាន​មិន​លើសពី​០,១​ភាគរយ​ឡើយ​។​

ក្រសួងសុខាភិបាល​សន្និដ្ឋាន​ថា ​ហេតុការណ៍​ស្លាប់​អ្នកភូមិ​ទាំង​១២​នាក់​ខាងលើ​ដោយសារ​ពួកគាត់​បាន​ពិសា​ស្រាស​ ឬ​ស្រាថ្នាំ​ដែលមាន​សារធាតុ​មេ​តា​ណុល​ខ្ពស់ ។​

ក្រសួងសុខាភិបាល​បាន​អំពាវនាវ​ដល់​បងប្អូន​ប្រជាពលរដ្ឋ​បញ្ឈប់​ជាបន្ទាន់​ការ​ពិសារស្រាស​ស្រាថ្នាំ​ដែល​ផលិត​ដោយ​មិនមាន​បច្ចេកទេស​ត្រឹមត្រូវ​ដែល​នាំ​ឲ្យ​ប៉ះពាល់ដល់​សុខភាព​នឹង​ឈានដល់​ស្លាប់​បាត់បង់​អាយុជីវិត​ថែមទៀត​ផង​៕​

អត្ថបទ ៖ សំអឿន​

The post គ្រួសារ​សព​១២​នាក់​ ស្លាប់​ដោយពុល​ស្រា ស​ នៅ​ស្រុក​ល្វាឯម​ទទួលបាន​អំណោយ​ពីសាខា​កាក​បាទក្រហម appeared first on Kampuchea Thmey Daily.

លោក កន សុខកាយ អភិបាលនៃគណៈអភិបាលស្រុកល្វាឯម បានបញ្ជាក់ កម្ពុជាថ្មី នៅរសៀលថ្ងៃទី១៩ ខែឧសភានេះថា រដ្ឋបាលស្រុកល្វាឯមបានប្រជុំគណៈបញ្ជាការឯកភាពទាំងអស់ ណែនាំឱ្យឃុំទាំង១៥ ធ្វើការចុះស្រាវជ្រាវជាបន្ទាន់នៅរសៀលនេះ ហើយប្រមូលស្រាទាំងអស់ដែលមានលក់តាមតួប និងតៀមស្រាទាំងអស់ ដើម្បីយកទៅមន្ទីរពិសោធន៍ពិនិត្យ កុំឱ្យមានករណីកើតឡើងដូចនៅឃុំសារិកាកែវ បន្តទៀត។

លោកអភិបាលស្រុកល្វាឯម បានឱ្យដឹងបន្ថែមថា មន្ទីរពិសោធន៍បានបង្ហាញថាស្រាស មានជាតិមេតាណុលដែលបណ្ដាលឱ្យអ្នកផឹកពុល។ ក្រៅពីអ្នកស្លាប់ទាំង១១ គឺអ្នកជំងឺ២នាក់ស្ថិតក្នុងសភាពធ្ងន់ ដែលកំពុងព្យាបាលនៅភ្នំពេញម្នាក់ ហើយនឹងបញ្ជូនអ្នកជំងឺ៤នាក់ទៅព្យាបាលជាបន្តទៀតនៅរសៀលនេះ។ អាជ្ញាធរបានបង្កើតទីស្នាក់ការ ដោយប្រមូលអ្នកពាក់ព័ន្ធដែលបានហូបស្រាបានចំនួនជាង៦០នាក់។ ចំពោះអ្នកលក់ស្រាជាង២០កន្លែងនោះ គឺអាជ្ញាធរបានប្រមូលស្រា និងសុំគោលការណ៍ពីព្រះរាជអាជ្ញាដើម្បីយកកំទេចចោល ព្រមទាំងឱ្យអ្នកលក់ធ្វើកិច្ចសន្យាបញ្ឈប់ការលក់ដូរ។

លោក កន សុខកាយ បានបញ្ជាក់់បន្ថែមថា សមត្ថកិច្ចមានការសង្ស័យពាក់ព័ន្ធទីតាំងផលិតស្រាមួយកន្លែងនៅភូមិតាស្គរ ឃុំសារិកាកែវ ដែលខាងជំនាញសមត្ថកិច្ចកំពុងធ្វើការក្រោមការដឹកនាំបញ្ជាពីព្រះរាជអាជ្ញា ក្នុងករណីដែលរកឃើញថា ស្រាមានជាតិពុល នោះម្ចាស់ទីតាំងផលិតស្រានោះនឹងទទួលទោសចំពោះមុខច្បាប់។

លោកអភិបាលស្រុកល្វាឯម បានបញ្ជាក់បន្ថែមថា រយៈកាលជាង៥ថ្ងៃនេះ ក្រមការងារមានដូចជា កាំកុងត្រូលខេត្ត ស្នងការដ្ឋាននគរបាល ព្រះរាជអាជ្ញាខេត្ត កម្លាំងអធិការដ្ឋាន កម្លាំងគណៈបញ្ជាការឯកភាពរដ្ឋបាលស្រុក អាជ្ញាធរមូលដ្ឋាន បានចូលរួមដើម្បីធ្វើការ និងស្រាវជ្រាវរកអ្នកពាក់ព័ន្ធក្នុងការផឹកស្រា ដែលបានផ្ទុះដំបូងចេញចាប់ពីថ្ងៃទី១០ ខែឧសភា បន្ទាប់ពីអ្នកកំដរបុណ្យសពបានផឹកស្រានៅថ្ងៃទី១០ ឧសភា ហើយបានពុលជាបន្តបន្ទាប់ ដែលចាប់ផ្ដើមមានអ្នកស្លាប់ម្នាក់ចាប់ពីថ្ងៃទី១២ ខែឧសភា ដែលរហូតមកដល់ពេលនេះ មានប្រពលរដ្ឋស្លាប់សរុប១១នាក់៕

អត្ថបទ៖ ច័ន្ទ ​វីរៈ

The post ១៥ចំណោម២០តូបលក់ស្រាមានមេតាណុល ពុលស្លាប់១១នាក់ អភិបាលស្រុកល្វាឯម បញ្ជាត្រួតពិនិត្យទាំង១៥ឃុំ appeared first on Kampuchea Thmey Daily.

ឯក​ឧត្តម​អភិបាលខេត្ត​កំពង់ឆ្នាំង ​បាន​ថ្លែង​បែបនេះ​នៅ​ព្រឹក​ថ្ងៃ​ទី១៧ ខែធ្នូ​ ​ឆ្នាំ២០២០ក្នុង​ពិធី​កំ​ទេច​ចោល​ស្រា​ ស​ ស្រា​ថ្នាំ ​ជាង៥០០ប៊ីដុង នៅ​ជិត​ទីតាំង​ពន្ធនាគារ​ថ្មី ​ស្ថិត​ក្នុង​ភូមិ​ត្រពាំង​តា​សុខ ឃុំ​ព្រៃ​មូល​ស្រុក​រលាប្អៀរ ក្រោយ​ពេល​ដែល​ប្រជា​ពលរដ្ឋ​នៅ​ស្រុក​ទឹកផុស​បា​ន​នាំ​គ្នា​ពុល​ជាង១០០​​នាក់​និង​ស្លាប់​ចំនួន៨នាក់​ក្នុង​ព្រឹត្តិការណ៍​ថ្ងៃ២៨ខែវិច្ឆិកា កន្លង​មក​។​

ឯក​ឧត្ត​ម​បាន​ប​ន្ត​ទៀត​ថា ករណី​ពុល​ស្រា​ខា​ងលើនេះ គឺជា​ចំណែក​ទទួលខុសត្រូវ​មួយ​របស់ អា​ជ្ញា​ធរ​​ភូមិ ឃុំ​និង​អភិបាល​ស្រុក​ផង​ដែរ ​ដែល​​មិនបាន​គិតគូរ​ពី​សុខ​មាល​ភាព​របស់​ប្រជាពលរដ្ឋ​។ ក្នុង​នោះ​ដែរ​ឯក​ឧត្តម​សំណូមពរ​អាជ្ញាធរ​និង​មន្ត្រី​ជំនាញ​កាំកុងត្រូល មន្ទីរ​ពាណិជ្ជកម្ម​ ត្រូវ​គិតគូរ​ឡើង​វិញ អំពី​ចំណីអាហារ មិន​ផ្តោ​ត​តែ​លើ​ស្រា​នេះ​ទេ ដែល​មាន​ដា​ក់លក់​នៅ​លើ​ទីផ្សារ​ ក៏​ដូច​នៅ​ក្នុង​មូលដ្ឋាន​ជនបទ​ផង​ដែរ ដើម្បី​កុំ​ឲ្យ​កើតហេតុ​ការ​ដូច​រឿង​ខា​ងលើនេះ​កើតឡើង​ទៀត​។​

ដូច្នេះ​ការផលិត​ស្រា ការ​បិទ​ស្រា ការ​លាយ​ស្រា​លក់ គ្មាន​បច្ចេកទេស​គ្មាន​ច្បាប់ទម្លាប់ ត្រូវតែ​ផ្អាក​មួយ​រយៈ​សិន ​ព្រោះថា​បើ​តាម​ផ្លូវច្បាប់​ការ​ដាក់​លក់​ស្រា ​ត្រូវ​បិត​ផ្លាក​យីហោ​ទទួលខុសត្រូវ​ត្រឹមត្រូវ ទើប​អនុញ្ញាត​ឲ្យ​ចរាចរ​លក់ដូរ​បាន​។​

នៅ​ក្នុង​ពិធី​នេះ​ដែរ ឯក​ឧត្តម ខូវ លី ​ស្នងការ​នគរបាល​ខេត្ត​កំពង់ឆ្នាំង​ បាន​រាយការណ៍​ឲ្យ​ដឹង​ថា នៅ​ក្នុង​ព្រឹត្តិការណ៍​ថ្ងៃ២៨វិច្ឆិកា អ្នក​ពុល​ស្រា​សរុប​មាន​ចំនួន១៣១នាក់ ក្នុង​នោះ​បង្ក​ឲ្យ​ស្លា​ប់មាន​ចំនួន៨ នាក់ ។ នៅ​ក្នុង​ហេតុការណ៍​នេះ​សមត្ថ​កិច្ច​ បាន​ចុះ​ប្រតិបត្តិការ​ស្រាវជ្រាវ​ឃាត់ខ្លួន​អ្នក​បិតស្រា និង​លាយ​ស្រា​ពុល​មាន​ជាតិ​មេ​តា​ណុ​ល​ខ្ពស់​ចំនួន៩នាក់​ក្នុង​នោះ៥​នាក់ មាន​ស្រី៣នាក់ បាន​កសាង​សំ​ណុំ​រឿង​បញ្ជូ​នទៅ​តុលាការ​។​

ដោយឡែក​អនុ​វត្តតាម​ការ​ណែនាំរ​ប​ស់​គណៈបញ្ជា​ការ​ឯកភាព​រដ្ឋ​បាលខេត្ត​កំពង់ឆ្នាំង​សមត្ថកិច្ចនិង​​មន្ត្រី​ជំនាញ​ បាន​ចុះ​ប្រតិបត្តិការ​ដោយមាន​ការ​សម្របសម្រួល​ពី​លោក​ព្រះរាជអាជ្ញា​អម​សាលា​ដំ​បូង​ខេត្ត​កំពង់ឆ្នាំង បាន​បិត​កន្លែង​ផលិត​ស្រា​ចំនួន៥១៥កន្លែង កន្លែង​លក់​ស្រា១១១៥ កន្លែង ដកហូត​ស្រា​បាន៣៨៩៥​លីត្រ និង៥១៥ប៊ីដុង ក្នុង​នោះ​ដែរ​ក៏​មាន​មេ​ស្រា​ចំនួន៧៥លីត្រ​មេ​តំបែរ​១កញ្ចប់​និង​មេ​ស្រា​កាច់​ចំនួន​ កន្លះ​លីត្រ​ផង​ដែរ ដែល​សមត្ថកិច្ច បាន​ដឹក​យក​មក​កម្ទេ​ចចោល​នៅ​ថ្ងៃនេះ​ទាំង​អស់ ។​

គួរ​ប​ញ្ជា​ក់​ផង​ដែរ​ថា នៅ​ក្នុង​កា​រក​ម្ទេច​ស្រា​និង​មេ​ស្រា​ពុល​ទាំងអស់​ខាង​លើនេះ​ គឺ​សមត្ថកិច្ច​និង​ក្រុម​ការងារ​បាន​ចាក់​ស្រា​ចោល​នៅ​លើ​ដី ​ហើយ​បាន​ប្រើប្រាស់​រថយន្ត​បាញ់​ទឹ​ក​បន្សាប​ស្រា​ទាំង​នោះនៅ​លើ​ដី​ផង​ដែរ ៕

​អត្ថបទ ៖ ឈៀង ថា​រិ​ទ្ធ

​

The post ក្រោយ​ពុល​មនុស្ស​ស្លាប់​៨​នាក់ អាជ្ញាធរ​ខេត្ត​កំពង់ឆ្នាំង ប្រមូល​ស្រា​ជាង​៥០០​ប៊ីដុង យក​ទៅ​កម្ទេច​ចោល appeared first on Kampuchea Thmey Daily.