ព័ត៌មានជាតិ
ផ្ទះ១ខ្នងនិងសម្ភារៈមួយចំនួនធំ ត្រូវអគ្គិភ័យលេបត្របាក់អស់ទាំងស្រុង នៅក្រុងបានលុង
ផ្ទះមួយខ្នង ត្រូវបានអគ្គីភ័យលេបត្របាក់អស់ទាំងស្រុង និងសម្ភារៈខូចខាតអស់មួយចំនួនធំ ប៉ុន្តែមិនបណ្តាលឲ្យប៉ះពាល់ដល់អាយុជីវិតមនុស្ស ឬផ្ទះអ្នកជិតខាងនោះទេ។ ហេតុការណ៍អគ្គិភ័យនេះ បានកើតឡើងនៅវេលាម៉ោង៧និង១៦នាទីព្រឹកថ្ងៃទី០២ ខែមិថុនា ឆ្នាំ២០២១ ស្ថិតនៅចំណុចចម្ការភូមិជ្រី សង្កាត់យក្ខឡោម ក្រុងបានលុង។
យោងតាមការឲ្យដឹងពីសមត្ថកិច្ចថា អគ្គិភ័យបានឆាបឆេះផ្ទះមួយខ្នងនេះ មានទំហំ ៧ម៉ែត្រគុណ និង៨ម៉ែត្រ ធ្វើអំពីឈើ ជញ្ជាំងក្តារ រនាបក្រាលក្តារ ដំបូលប្រក់ក្បឿង។ ជនរងគ្រោះមានឈ្មោះ ណយ សាខុន ភេទប្រុស អាយុ៦០ឆ្នាំ ជនជាតិខ្មែរ មុខរបរធ្វើចម្ការ មានទីលំនៅភូមិ-ឃុំកើតហេតុខាងលើ ខណៈមិនបាននៅផ្ទះទៅចម្ការ ទុកឲ្យកូននៅចាំផ្ទះ។
សមត្ថកិច្ចបានបញ្ជាក់ថា ផ្តើមមានអគ្គិភ័យឆាបឆេះនេះ គឺមកពីទុសេ្សចរន្តអគ្គិសនីបណ្តាលឲ្យមានអណ្តាតភ្លើងឆាបឆេះយ៉ាងសន្ធោសន្ធៅ បន្ទាប់មកមានរថយន្តពន្លត់អគ្គិភ័យរបស់ស្នងការនគរបាលខេត្តចំនួន៣គ្រឿង ចុះជួយអន្តរាគមន៍បាញ់ពន្លត់ដែរ ជាអកុសលត្រូវបានអគ្គិភ័យលេបត្របាក់អស់បាត់ទៅហើយ ដោយភ្លើងឆេះខ្លាំងពេក។
ក្នុងនោះសម្ភារៈដែលខូចខាតរួមមាន ផ្ទះឈើចំនួន១ខ្នងឆេះអស់ទាំងស្រុង, អត្តសញ្ញាណប័ណ្ណចំនួន២សន្លឹក, សំបុត្រកំណើតចំនួន៤សន្លឹក, ប្លង់ដីចំនួន២ប្លង់, តុឈើធ្នុងធម្មជាតិចំនួន២, ថូផ្កាធ្នុងចំនួន១គូរ, គ្រែប្រអប់ចំនួន១, កង្ហារចំនួន២, លុយដុល្លារចំនួន២ម៉ឺន(សហរដ្ឋអាមេរិក) និងសម្ភារៈប្រើប្រាស់នៅក្នុងផ្ទះមួយចំនួនធំទៀត៕
អត្ថបទ៖ វុទ្ធឦសាន
សូមចុចអាន៖ ជីកស្តារប្រឡាយម័រ ប្រវែងជាង៣គីឡូម៉ែត្រ ចាប់ពីស្ថានីយបូមទឹកលូ ៥ ដល់ស្ថានីយបូមទឹកបឹងទំពុន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង