ព័ត៌មានជាតិ
Update តួលេខមនុស្សស្លាប់ដោយសង្ស័យពុលស្រា ស បើគិតពីល្ងាចថ្ងៃទី២៥ ខែឧសភា នេះ សរុប១០នាក់ហើយ
កំពត ៖ គិតចាប់ពីល្ងាចថ្ងៃទី២៥ ខែឧសភា ឆ្នាំ២០២១នេះ ចំនួនអ្នកស្លាប់ដោយសារពុលស្រា ស គឺមានចំនួន១០នាក់ហើយ ខណៈជាង៣០នាក់ទៀតកំពុងសម្រាកព្យាបាលនៅក្នុងមន្ទីរពេទ្យ។
សូមបញ្ជាក់ថា ករណីដូចមានមនុស្សពុលស្រាខាងលើនេះ បានកើតឡើងតាំងពីយប់ថ្ងៃទី២១ ខែឧសភា ឆ្នាំ២០២១ ដោយបានកើតឡើងនៅចំណុចភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ខេត្តកំពត។ យោងតាមប្រភពព័ត៌មានពីអ្នកស្រុក បានឲ្យដឹងថា នៅយប់ថ្ងៃទី២១ ខែឧសភា ឆ្នាំ២០២១ ពលរដ្ឋជាច្រើននាក់ បាននាំគ្នាទៅចូលរួមកំដរបុណ្យសពអ្នកភូមិផងរបងជាមួយ ខណៈនោះក៏មានការជួបជុំហូបចុកគ្រឿងស្រវឹង(ស្រា ស)ផងដែរ។
លុះហូបចុកបានបន្តិច ក៏ស្រាប់តែពលរដ្ឋទាំងនោះមានអាការៈចុកពោះ ក្អួតចង្អោរទើបសាច់ញាតិដឹកមកកាន់មន្ទីរពេទ្យដើម្បីជួយសង្គ្រោះ ហើយនៅយប់ថ្ងៃទី២១ ខែឧសភា ក៏មានពលរដ្ឋម្នាក់ស្លាប់បាត់បង់ជីវិត។
ប្រភពដដែលបានរៀបរាប់ទៀតថា លុះចូលដល់ព្រឹកថ្ងៃទី២៣ ខែឧសភា ក៏មានមនុស្សស្លាប់២នាក់បន្ថែមទៀត ហើយចូលមកដល់ព្រឹកថ្ងៃទី២៤ ខែឧសភា ឆ្នាំ២០២១ ក៏មានអ្នកស្លាប់បន្តបន្ទាប់រហូតដល់៥នាក់ទៀត ដែលតួលេខអ្នកស្លាប់រហូតដ់់ចំនួន៨នាក់ ឯអ្នកលំពុងសម្រាកព្យាបាលចំនួន៣៣នាក់។
ចំពោះតួលេខដែលកម្ពុជាថ្មីទទួលបាននៅល្ងាចថ្ងៃទី២៥ ខែឧសភា ឆ្នាំ២០២១នេះ គឺមានអ្នកស្លាប់ដោយសារពុលស្រា ស ចំនួន២នាក់ទៀត សរុបទាំងអស់គឺ១០នាក់ហើយ ខណៈមនុស្សជាង៣០នាក់ទៀតកំពុងសម្រាកព្យាបាលនៅក្នុងមន្ទីរពេទ្យបង្អែក៕
ដោយ ៖ សេង ណារិទ្ធ
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)