ករណីស្លាប់ Archives - Kampuchea Thmey Daily

ស្ត្រីជាជនជាតិចិនម្នាក់ ចូលទៅមន្ទីរពេទ្យ ប៊ី ធន កម្ពុជា ដាក់សារ៉ុមបាន២កំផ្លោក ស្រាប់តែស្លាប់ភ្លាមៗ

Kang Tola — Fri, 18 Aug 2023 12:57:53 +0000

ភ្នំពេញ ៖ ស្ត្រីម្នាក់ជាជនជាតិចិនបន្ទាប់ពីមិនស្រួលខ្លួនហូបបាយមិនបានក៏ធ្វើដំណើរទៅមន្ទីរពេទ្យ ប៊ី ធន កម្ពុជា ដើម្បីពិនិត្យសុខភាព ខណៈលោកគ្រូពេទ្យក៏បានដាក់សារ៉ុមបានចំនួន២កំផ្លោក ស្រាប់តែស្លាប់ភ្លាមៗនៅក្នុងមន្ទីរពេទ្យនោះតែម្ដង។

ហេតុការណ៍នេះកើតឡើងការពីវេលាម៉ោង២រសៀលថ្ងៃទី១៨ ខែសីហា ឆ្នាំ២០២៣ នៅតាមបណ្ដោយផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

បើតាមប្រភពព័ត៌មានពីសមត្ថកិច្ចបានប្រាប់ឲ្យដឹងថា មាននៅមុនពេលកើតហេតុ មានស្ត្រីម្នាក់ជាជនជាតិចិនបានចូលទៅក្នុងមន្ទីរពេទ្យ ប៊ី ធន កម្ពុជា ដោយប្រាប់ពេទ្យថារូបខ្លួនហូបបាយមិនចូលទេបន្ទាប់ពីប្រាប់លោកគ្រូពេទ្យរួចហើយលោកគ្រូពេទ្យខាងលើក៏បានដាក់សារ៉ុមបានចំនួន២កំផ្លោក ស្រាប់តែស្លាប់ភ្លាមៗនៅក្នុងមន្ទីរពេទ្យនោះតែម្តង ។ ភ្លាមៗនោះក៏បាននាំគ្នារាយការណ៍ទៅដល់ សមត្ថកិច្ចមូលដ្ឋានបានចុះដល់កន្លែងកើតហេតុដើម្បីឲ្យកម្លាំងសមត្ថកិច្ចជំនាញពិនិត្យកោសល្យវិច័យ៕

ដោយ ៖ សុខា

The post ស្ត្រីជាជនជាតិចិនម្នាក់ ចូលទៅមន្ទីរពេទ្យ ប៊ី ធន កម្ពុជា ដាក់សារ៉ុមបាន២កំផ្លោក ស្រាប់តែស្លាប់ភ្លាមៗ appeared first on Kampuchea Thmey Daily.

ឪពុកម្តាយស្ទើរតែមិនជឿដោយកូនបានស្លាប់ ក្រោយគ្រូពេទ្យតាមភូមិម្នាក់ ព្យួរសេរ៉ូមជាង ២ម៉ោង

Kang Tola — Mon, 01 May 2023 12:39:12 +0000

ឪពុកម្តាយសោកស្តាយ និងមិនអស់ចិត្ត ដោយសារកូនប្រុសម្នាក់បានស្លាប់ ក្រោយមានអាការៈអស់កម្លាំង ហៅគ្រូពេទ្យ ដែលតែងដើរព្យាបាលតាមភូមិ មកព្យួរសេរ៉ូមបានជាង២ម៉ោង ក៏ប្រតិកម្មស្លាប់ទាំងព្យួរសេរ៉ូម។

ករណីនេះកើតឡើង កាលពីរសៀលថ្ងៃទី៣០ ខែមេសា ឆ្នាំ២០២៣ ដោយយុវជនម្នាក់ឈ្មោះ ឡាប ប៊ុនទី ភេទប្រុស អាយុ៣៣ឆ្នាំ បានស្លាប់ក្រោយពេលមានអាការៈអស់កម្លាំង ហើយឪពុក បានហៅគ្រូពេទ្យឈ្មោះ ហៀង នៅ ដែលមានទីលំនៅភូមិយីឡិក ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ មកព្យួរសេរ៉ូម លុះព្យួរបានប្រមាណជា ២ម៉ោង យុវជនរងគ្រោះបានប្រកាច់ស្លាប់ទាំងដៃជាប់ព្យួរសេរ៉ូមតែម្តង ។

តាមឪពុកជនរងគ្រោះ បានឱ្យដឹងនៅក្នុងពិធីបុណ្យសពកូនប្រុសថា រូបលោកស្ទើរតែមិនជឿថា កូនរបស់គាត់ស្លាប់ ទាំងដែលមិនមានជំងឺអ្វីសោះ ដោយគ្រាន់តែកូនអស់កម្លាំង លោកក៏ហៅពេទ្យ ខាងលើ មកព្យួរសេរ៉ូម រួចហើយលោកបានបើកឡានទៅប៉ោយប៉ែត ហើយក៏ត្រូវអ្នកផ្ទះ ទូរស័ព្ទប្រាប់ថា កូនបានស្លាប់បាត់ទៅហើយ ធ្វើឲ្យរូបលោក ស្ទើរតែបើកឡានមកមិនដល់ផ្ទះ។ លោកបន្តថា ពេទ្យខាងលើ លោកតែងតែហៅមកព្យាបាលអ្នកផ្ទះជារើយ ៗ តែលើកនេះមិនដឹងជាមូលហេតុអ្វី បានទៅជាយ៉ាងហ្នឹង ។

រហូតមកដល់រសៀលថ្ងៃទី០១ ខែឧសភា ឆ្នាំ២០២៣នេះ ដោយសារតែមិនអស់ចិត្ត នឹងការស្លាប់របស់កូន ឪពុកជនរងគ្រោះ ក៏បានរាយការណ៍ជូនសមត្ថកិច្ច ហើយសមត្ថកិច្ចនគរបាលស្រុកមង្គលបូរី រួមមាន ៖ កម្លាំងប៉ុស្តិ៍ កម្លាំងអធិការស្រុក កម្លាំងព្រហ្មទណ្ឌកម្រិតធ្ងន់នៃស្នងការនគរបាលខេត្តបន្ទាយមានជ័យ និងមន្ត្រីសុខាភិបាលស្រុកប្រតិបត្តិមង្គលបូរី បានចុះមកសាកសួរ និងពិនិត្យសាកសព តែពុំមានការសន្និដ្ឋានថា ការស្លាប់នេះបណ្តាលមកពីអ្វីនោះទេ ។ តែនៅរសៀលថ្ងៃដដែលនេះ គ្រូពេទ្យឈ្មោះ ហៀង នៅ ត្រូវបានសមត្ថកិច្ចនគរបាលព្រហ្មទណ្ឌ ហៅទៅ សាកសួរនៅនឹងប៉ុស្តិ៍នគរបាលរដ្ឋបាលបន្ទាយនាង ។ ក្នុងពិធីបុណ្យសពនេះដែរ គេឃើញប្រពន្ធគ្រូពេទ្យដែលព្យួរសេរ៉ូមបណ្តាឱ្យមនុស្សស្លាប់ខាងលើ បានមកចូលរួមក្នុងពិធីបុណ្យសព ដោយបាននាំយកបច្ច័យ ចំនួន៥លានរៀល ចូលរួមកម្មវិធីបុណ្យផងដែរ។

ករណីនេះលោក ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យ នៅមិនទាន់អះអាង ថា បុគ្គលពេទ្យខាងលើ ជាបុគ្គលពេទ្យក្របខ័ណ្ឌរដ្ឋ ឬជាពេទ្យដែលគ្មានវិជ្ជាជីវៈនោះទេ ហើយការស្លាប់នេះ បណ្តាលមកពីមូលហេតុអ្វីនោះដែរ ព្រោះលោកនៅមិនទាន់ទទួលបានរបាយការណ៍ ពីស្រុកនៅឡើយទេ ។ តែបើតាមប្រភពខ្លះ បាននិយាយថា គ្រូពេទ្យខាងលើ ជាពេទ្យមកពីជុំរុំ មិនមានវិជ្ជាជីវៈ ឬក្របខ័ណ្ឌជាពេទ្យរដ្ឋទេ ហើយតែងតែដើរព្យាបាល ចាក់ថ្នាំ ព្យួរសេរ៉ូម ឲ្យអ្នកនៅមូលដ្ឋាន ដោយភាគច្រើន អ្នកភូមិស្គាល់ច្បាស់ ៕

អត្ថបទ៖ អពៅ

The post ឪពុកម្តាយស្ទើរតែមិនជឿដោយកូនបានស្លាប់ ក្រោយគ្រូពេទ្យតាមភូមិម្នាក់ ព្យួរសេរ៉ូមជាង ២ម៉ោង appeared first on Kampuchea Thmey Daily.

បុរសម្នាក់ស្លាប់នៅក្នុងផ្ទះគ្រួទាយបង្កការភ្ញាក់ផ្អើល

Sophal Tuon — Sun, 18 Sep 2022 03:43:42 +0000

បាត់ដំបង៖ បុរសម្នាក់ បានដេកស្លាប់ នៅក្នុងផ្ទះគ្រូទាយ បង្កការភ្ញាក់ផ្អើលដល់ពលរដ្ឋ និងសមត្ថកិច្ច។

ករណីនេះកើតឡើង កាលពីថ្ងៃទី ១៧ខែកញ្ញា ២០២២ នៅវេលាម៉ោង ០៨និង ០០នាទី ហើយត្រូវបានកម្លាំង សមត្ថកិច្ចផ្នែកសណ្តាប់ធ្នាប់ សាធារណៈ រួមនិងគ្រូពេទ្យជំនាញ បានធ្វើការពិនិត្យ យ៉ាងយកចិត្តទុកដាក់ទៅ លើទីតាំងកើតហេតុ និងសាកសព ដែលស្ថិតនៅក្រុមទី ១០ ភូមិ រំចេក៤ សង្កាត់ រតនៈ ក្រុងបាត់ដំបង ។

សមត្ថកិច្ចបានឱ្យដឹងថា សពឈ្មោះ ស៊ីម រចនា ភេទ ប្រុស អាយុ ២៨ ឆ្នាំ មានទីលំនៅ ផ្ទះលេខ ២៣៣ ក្រុមទី ១១ ភូមិ កាប់គោថ្មី សង្កាត់ អូរចារ ក្រុង បាត់ដំបង ហើយបានមកស្នាក់នៅបណ្ដោះអាសន្ន នៅផ្ទះរបស់ឈ្មោះ ឆយ ណើន ភេទ ប្រុស អាយុ៤៣ ឆ្នាំ មុខរបរ គ្រូទស្សន៍ទាយ មានទីលំនៅ ស្នាក់នៅបណ្តោះអាសន្នផ្ទះលេខ គ្មាន ក្រុមទី ១០ភូមិ រំចេក ៤សង្កាត់ រតនៈ ក្រុង បាត់ដំបង ។

តាមការបញ្ជាក់ពីឈ្មោះ សំ ពិសិដ្ឋ ភេទ ប្រុស អាយុ ៥២ឆ្នាំ ត្រូវជាឪពុកបង្កើតរបស់សព បានឱ្យដឹងថា កូនប្រុស របស់ខ្លួន មានជំងឺប្រចាំកាយធ្ងន់ធ្ងរពេក ហើយទំនងទ្រទ្រង់និងជំងឺមិនបានទើបកើតហេតុការបែបនេះតែម្តង។ សមត្ថកិច្ចបញ្ជាក់ថា តាមការពិនិត្យ សពដេកស្លាប់នៅក្នុងផ្ទះ ក្នុងចន្លោះម៉ោង ០១និង ៤០នាទី នាថ្ងៃទី ១៧ខែ កញ្ញាឆ្នាំ ២០២២ ។

ឆ្លងតាមការពិនិត្យ ស្របតាមការបញ្ជាក់ពីឪពុកសពផង ក្រុមសមត្ថកិច្ចជំនាញ និងគ្រូពេទ្យ បានរកឃើញថា សពជន រងគ្រោះ បានស្លាប់ដោយសារជំងឺរ៉ាំរ៉ៃធ្ងន់ធ្ងរ ក្នុងនោះ មានដូចជា ជំងឺលើសឈាម បេះដូង របេងសួត និងខូចក្រលាន ជាដើម ទើបបណ្តាលឲ្យគាំងបេះដូងស្លាប់តែម្តង។ ក្រោយពិនិត្យរួចហើយ សមត្ថកិច្ច ក៏បានប្រគល់សពជនរងគ្រោះ ឲ្យសាច់ញាតិយកទៅធ្វើបុណ្យតាមប្រពៃណី៕ សៅ សារិទ្ធ

The post បុរសម្នាក់ស្លាប់នៅក្នុងផ្ទះគ្រួទាយបង្កការភ្ញាក់ផ្អើល appeared first on Kampuchea Thmey Daily.

លោកអាចារ្យភ្លុកត្រូវបានស្លាប់ភ្លាមៗ ខណៈកំពុងបូជាសព

Kang Tola — Sat, 27 Aug 2022 12:14:02 +0000

កំពង់ចាម ៖ មានករណីដ៏រន្ធត់មួយបានកើតឡើង ខណៈពេលកំពុងរៀបចំបូជាសាកសពតាមប្រពៃណី ភ្លាមៗនោះស្រាប់តែផ្ទុះឡបូជាសព (ដុតខ្មោច) បណ្តាលឲ្យអាចារ្យភ្លុកម្នាក់ត្រូវបានស្លាប់ភ្លាមៗនៅនឹងកន្លែងកើតហេតុ ដោយប្រជាពលរដ្ឋបានថតវីដេអូជាប់ស្តែងៗ គួរឲ្យរន្ធត់ខ្លាំង។

ហេតុការណ៍នេះកើតឡើងនាវេលាម៉ោង ២និង៤៥នាទី ថ្ងៃទី២៧ ខែសីហា ឆ្នាំ២០២២ ស្ថិតក្នុងភូមិរវាង ឃុំខ្នុល់ដំបង ស្រុកជើងព្រៃ ខេត្តកំពង់ចាម។

តាមប្រភពពីសមត្ថកិច្ចស្រុកជើងព្រៃ បានឲ្យដឹងថា ប្រហែលមកពីកំហុសបច្ចេកទេសដែលបណ្តាលអោយផ្ទុះនេះ គឺមកពីចាក់ប្រេងចូលបង្កាត់អុសក្នុងឡមិនឆេះ ចាក់ជាច្រើនដង ធ្វើឲ្យបរិមាណកំហាប់ប្រេងឡើងខ្ពស់ ពេលដែលដុតភ្លើងឆេះទើបបណ្តាលឲ្យផ្ទុះចេញដាច់ទ្វារត្រូវអ្នកខាងក្រៅស្លាប់លោកតាអាចារ្យភ្លាមៗ៕

អត្ថបទ ៖ ឡេក ចាន់ពេជ្រ

The post លោកអាចារ្យភ្លុកត្រូវបានស្លាប់ភ្លាមៗ ខណៈកំពុងបូជាសព appeared first on Kampuchea Thmey Daily.

ជនជាតិចិនម្នាក់ បើករថយន្តធ្លាក់ទឹកអូរ ឈ្លក់ស្លាប់

Sorn Phanith — Mon, 24 Jan 2022 06:33:57 +0000

បុរសជនជាតិចិនម្នាក់ បើករថយន្តធ្លាក់ចូលក្នុងអូរ បណ្តាលឲ្យឈ្លក់ទឹកស្លាប់យ៉ាងអាណោចអាធ័មនៅក្នុងរថយន្ត។ ហេតុការណ៍ប្រទះឃើញរថយន្តលិចក្នុងទឹកនេះ បានកើតមានឡើងនៅម៉ោង ០៧:២០ នាទីព្រឹក ថ្ងៃទី ២៤ ខែមករា ឆ្នាំ ២០២២ ស្ថិតនៅលើផ្លូវ (វិថីមិត្តភាព) ត្រង់ចំណុច ស្ពានចម្រោះទឹកស្អាត ក្រោយបន្ទាយប៉េអឹម ស្ថិតនៅក្នុងភូមិ ៤ សង្កាត់លេខ ៤ ក្រុង/ខេត្តព្រះសីហនុ។

សមត្ថកិច្ចបានឲ្យដឹងថា រថយន្តដែលបង្កគ្រោះថ្នាក់ដោយខ្លួនឯងនេះ ម៉ាក LEXUS 300 ពណ៌ ទឹកមាស ពាក់ស្លាកលេខ ព្រះសីហនុ 2A-8824 អ្នកបើកបរ ឈ្មោះ YU, JINYUE ភេទ ប្រុស ជនជាតិចិន កើតថ្ងៃ ០៨/០២/១៩៩២ (អាយុ ៣០ឆ្នាំ) កាន់លិខិតឆ្លងដែនលេខ E 75931456 ផុតសុពលភាព ១៦/០៦/២០២៦ ។ សមត្ថកិច្ចបានឲ្យដឹងថា នៅកន្លែងកើតហេតុ គេបានឃើញកង់ ១ គូ បានហើបនៅពីលើផ្ទៃទឹក ដោយឡែកតួរថយន្តគេមើលមិនឃើញទេ ព្រោះវាបានក្រឡាប់លិចចូលក្នុងទឹកបាត់ហើយ។

ករណីនេះ សមត្ថកិច្ចបានសន្និដ្ឋានថា រថយន្តបើកបរក្នុងល្បឿនលឿន ហើយមកដល់ចំណុចកើតហេតុ រថយន្តបានរ៉េចង្កូតធ្លាក់ចូលអូរ ខាងក្រោមស្ពាន។ សមត្ថកិច្ចបានឲ្យដឹងទៀតថា ករណីគ្រោះថ្នាក់ចរាចរណ៍នេះ ជនរងគ្រោះមិនអាចជួយសង្គ្រោះអាយុជីវិតបាននោះទេ ព្រោះគេមិនដឹងថាជនរងគ្រោះបើករថយន្តធ្លាក់ទឹកតាំងពីពេលណាផងនោះ។ ក្រោយកើតហេតុសមត្ថកិច្ចបានយករថយន្តទៅរក្សាទុកនៅការិយាល័យនគរបាលចរាចរណ៍ផ្លូវគោក រីឯសាកសពជនរងគ្រោះបញ្ជូនទៅរក្សាទុកនៅមន្ទីរពេទ្យបង្អែកខេត្ត រង់ចាំក្រុមគ្រួសារមកទទួលយកទៅចាត់ចែងបន្តតាមប្រពៃណី៕

អត្ថបទ៖ ស៊ុយ ចាន់ធា

The post ជនជាតិចិនម្នាក់ បើករថយន្តធ្លាក់ទឹកអូរ ឈ្លក់ស្លាប់ appeared first on Kampuchea Thmey Daily.

រថយន្តពីរគ្រឿងព្រលះគ្នា ជ្រុលទៅបុកម៉ូតូសិស្សសាលាចេញពីរៀនគួរ បណ្តាលឲ្យស្លាប់ ៤ នាក់

Sorn Phanith — Thu, 02 Dec 2021 08:44:15 +0000

ក្មេងសិស្សសាលាជិះម៉ូតូ ២ គ្រឿង ចេញមកពីរៀនគួរពេលយប់ ត្រូវរថយន្តរេចង្កូតបុករះពេញទំហឹង បណ្តាលឱ្យក្មេង ៤ នាក់ ស្លាប់នៅកន្លែងកើតហេតុភ្លាមៗ។ ហេតុការណ៍នេះ បានកើតឡើង នៅវេលាម៉ោង ៥ និង ៣០ នាទីល្ងាចកាលពីថ្ងៃទី ០១ ខែធ្នូ ឆ្នាំ ២០២១ ស្ថិតក្នុងភូមិទូកមាស ឃុំទូកមាសខាងលិច ស្រុកបន្ទាយមាស ខេត្តកំពត លើដងផ្លូវជាតិលេខ ៣១។

យោងតាមប្រភពព័ត៌មាននៅកន្លែងកើតហេតុបានឱ្យដឹងថា មុខពេលកើតរឿងដ៏អាក្រក់នេះ គេឃើញរថយន្តប្រភេទធុនធ្ងន់(ពោងស៊ីម៉ងត៍)បានធ្វើដំណើរពីជើងទៅត្បូង ហើយរថយន្តនោះបានវាជែងម៉ូតូសិស្សសាលា២គ្រឿង ដែលបើកបរស្របគ្នា គាប់ជួនមានរថយន្តម៉ាកម៉ាស្តាមួយគ្រឿង ដែលបោះពួយមកពីត្បូងទៅជើងក្នុងទិសដៅបញ្ច្រាស់ បានមកដល់វាក់អើ ទើបគេចគ្នាមិនផុត រថយន្តទាំងពីរគ្រឿងក៏ប៉ះទង្គិចគ្នាប្រាវ ហើយរថយន្តម៉ាស្តារេចង្កូចជ្រុលទៅបុករះម៉ូតូសិស្សសាលា ២ គ្រឿង ដែលមានមនុស្ស ៤ នាក់ បណ្តាលឱ្យអ្នកបើកម៉ូតូ និងអ្នករួមដំណើរស្លាប់ដេកពេញផ្លូវតែម្តង។

ជុំវិញករណីគ្រោះថ្នាក់ចរាចរខាងលើ សមត្ថកិច្ចមូលដ្ឋានបានឱ្យដឹងថា អ្នកស្លាប់ក្នុងហេតុការណ៍នោះ សុទ្ធតែជាក្មេងសិស្សសាលា ដោយជនរងគ្រោះទាំង ៤ នាក់ ជិះម៉ូតូ២គ្រឿង ទី១. ឈ្មោះលី ជីអ៊ិន ភេទប្រុស អាយុ ១៦ ឆ្នាំ, ទី២. ឈ្មោះ យុ មេត្តា ភេទប្រុស អាយុ ១៥ ឆ្នាំ (ជិះម៉ូតូស្កុបពី)ជនរងគ្រោះទាំងពីរនាក់ មានទីលំនៅភូមិកន្លង់ ឃុំស្តេចគង់ខាងជើង ស្រុកបន្ទាយមាស ខេត្តកំពត,ទី៣. ឈ្មោះ ផាត់ ចំរើន ភេទប្រុស អាយុ ១៦ ឆ្នាំ មានទីលំនៅភូមិដើមចំរៀក ឃុំស្តេចគង់ខាងលិច ស្រុកបន្ទាយមាស និងទី៤. ឈ្មោះ ឈាង បញ្ញា ភេទប្រុស អាយុ ១៥ ឆ្នាំ មានទីលំនៅភូមិឈើទាល ឃុំស្តេចគង់ខាងលិច ស្រុកបន្ទាយមាស ខេត្តកំពត ជនរងគ្រោះទាំងពីរជិះម៉ូតូម៉ាក C125 ពណ៌ខ្មៅ ផលិតឆ្នាំ ២០១៧។

បច្ចុប្បន្នជនរងគ្រោះ ដែលបាត់បង់ជីវិតក្នុងហេតុការណ៍គ្រោះថ្នាក់ចរាចរ ត្រូវបានអាណាព្យាបាលមកទទួលយកទៅកាន់លំនៅឋានរៀងៗខ្លួន ដើម្បីរៀបចំធ្វើបុណ្យប្រពៃណី។ ចំណែកមធ្យោបាយពាក់ព័ន្ធសមត្ថកិច្ច បាននាំយកទៅរក្សាទុកនៅអធិការដ្ឋាននគរបាលស្រុកកំពង់ត្រាច ដើម្បីដោះស្រាយគ្នានៅពេលក្រោយ៕

អត្ថបទ៖ សេង ណារិទ្ធ

The post រថយន្តពីរគ្រឿងព្រលះគ្នា ជ្រុលទៅបុកម៉ូតូសិស្សសាលាចេញពីរៀនគួរ បណ្តាលឲ្យស្លាប់ ៤ នាក់ appeared first on Kampuchea Thmey Daily.

Update៖ ឆេះក្លិបអេលីតនៅខេត្តសៀមរាប បណ្តាលឲ្យស្លាប់មនុស្ស៣នាក់ និងរបួសធ្ងន់ម្នាក់

Sorn Phanith — Thu, 02 Dec 2021 03:55:58 +0000

ឆ្លងចរន្តអគ្គិសនីនៅក្នុងអគារផ្សារទំនើបអាស៊ីផ្លាហ្សា និងភោជនីយដ្ឋានអេលីត ជាន់ក្រោមដី បណ្តាលឲ្យថប់ដង្ហើបស្លាប់មនុស្សចំនួន ៣ នាក់ និងរបួសម្នាក់។ ហេតុការណ៍នេះ បានកើតឡើងនៅវេលាម៉ោង ១៩ និង ៣០ នាទី កាលពីថ្ងៃទី ១ ខែធ្នូ ឆ្នាំ ២០២១ ហើយរលត់ទៅវិញវេលាម៉ោង ២២ និង ៥០ នាទីស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប។

បើតាមរបាយការណ៍សមត្ថកិច្ចបានឲ្យដឹងថា ករណីឆេះអគារផ្សារទំនើបអាស៊ីផ្លាហ្សា និងភោជនីយដ្ឋានអេលីត ជាន់ក្រោមដី នេះបណ្តាលឲ្យមនុស្ស ៣ នាក់បានស្លាប់ និងរងរបួសម្នាក់ ទី១.ឈ្មោះ អ៊ឹង ស៊ឹម ភេទប្រុស អាយុប្រហែល ៤២ ឆ្នាំ រស់នៅភូមិបន្ទាយឈើ សង្កាត់ទឹកវិល មុខរបរសន្តិសុខក្លឹប អេលីត(ដល់ពេទ្យខេត្តស្លាប់), ទី២. ឈ្មោះ ធី មេសា ហៅក្រៅចិត្ត ភេទប្រុស អាយុ ៣៦ ឆ្នាំ រស់នៅភូមិ កន្ត្រក សង្កាត់ស្វាយដង្គ មុខរបរសន្តិសុខ ស្លាប់នៅកន្លែងកើតហេតុ, ទី៣. ឈ្មោះ ឈឿន សំណាង ភេទប្រុស អាយុ ២៦ ឆ្នាំ រស់នៅភូមិខ្នា សង្កាត់ជ្រាវ មុខរបរអ្នកចំរៀង ស្លាប់នៅកន្លែងកើតហេតុ, ទី៤.ឈ្មោះ ប្រាក់ សុភ័ណ្ឌ ភេទ ប្រុស អាយុ ៤១ឆ្នាំ រស់នៅបន្ទប់ជួលភូមិ តាភុល មុខរបរ DJ ក្លឹបអេលីត (កំពុងសង្គ្រោះបន្ទាន់នៅពេទ្យខេត្ត)។ សមត្ថកិច្ចបន្ថែមថា ករណីនេះប្រាស់រថយន្តពន្លត់អគ្គិភ័យ ចំនួន ១០ គ្រឿង។ ម្ចាស់អាគារផ្សារទំនើបអាស៊ីផ្លាហ្សា និងភោជនីយដ្ឋានអេលីត ជាន់ក្រោមដី មានឈ្មោះ តោ សីហា ភេទប្រុស អាយុ ៣៦ ឆ្នាំ រស់នៅទីតាំងខាងលើ។

លោក នួន ពុទ្ធារ៉ា អភិបាលក្រុងសៀមរាប បានឲ្យដឹងថា ករណីនេះសមត្ថកិច្ចចម្រុះបានចុះរុករកជនរងគ្រោះនៅក្នុងក្លឹបអេលីត ទាំងយប់ ហើយលោក ទា សីហា អភិបាលខេត្តសៀមរាប បាននៅរង់ចាំតាមដានមើលលទ្ធផល ដែលសមត្ថកិច្ចរុករកទាំងយប់ផងដែរ។ លោកបន្តថា លទ្ធផលរុកទាំងយប់ គឺមនុស្សស្លាប់៣នាក់ និងរបួសធ្ងន់ម្នាក់ ហើយថ្នាក់ដឹកនាំនៃខេត្តសៀមរាប ពិតជាមានការសោកស្តាយចំពោះគ្រោះអគ្គិភ័យនេះយ៉ាងខ្លាំង។

លោកឧត្តមសេនីយ៍ត្រី តេង ច័ន្ទណាត ស្នងការនគរបាលខេត្តសៀមរាប បានឲ្យដឹងថា កម្លាំងសមត្ថកិច្ចកំពុងស្រាវជ្រាវនៅទីតាំងខាងលើ និងធ្វើកោសល្យវិច័យលើសាកសពជនរងគ្រោះ។លោកបន្តថា ចំពោះវិធានការបន្តយ៉ាងណានោះសមត្ថកិច្ចសុំធ្វើការសិន៕

អត្ថបទ៖ កុសល

The post Update៖ ឆេះក្លិបអេលីតនៅខេត្តសៀមរាប បណ្តាលឲ្យស្លាប់មនុស្ស៣នាក់ និងរបួសធ្ងន់ម្នាក់ appeared first on Kampuchea Thmey Daily.

ឪបុកស្លាប់ កូនប្រុសរបួសក្បាល ខណៈជិះគោយន្តធ្លាក់ជង្ហុករេចង្កូតចូលប្រឡាយ

Sorn Phanith — Tue, 14 Sep 2021 10:04:20 +0000

បុរសម្នាក់ បើកគោយន្តធ្លាក់ជង្ហុក ស្រាប់រេចង្កូតធ្លាក់ទៅធ្លាក់ទឹកប្រឡាយ បណ្តាលឲ្យស្លាប់ ចំណែកឯកូនរងរបួសក្បាលដេរ៥ថ្នេរ។ ហេតុការណ៍នេះ កើតឡើងនៅវេលាម៉ោង៥ និង៥នាទីល្ងាចថ្ងៃទី១៣ ខែកញ្ញា ឆ្នាំ២០២១ នៅភូមិពង្រ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ។

នគរបាលស្រុកភ្នំស្រុក បានឲ្យដឹងថា ជនរងគ្រោះអ្នកបើកគោយន្ត ឈ្មោះ តោន សឿន ភេទប្រុស អាយុ៣៦ឆ្នាំ រស់នៅភូមិគោកចារ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ ចំណែកកូនរួមដំណើរឈ្មោះសៀ ប៊ុនលាង ភេទប្រុស អាយុ៧ឆ្នាំ របួសបែកចិញ្ចើមដេរ៥ថ្នេរ។

នគរបាលស្រុកភ្នំស្រុក បានឲ្យដឹងបន្តទៀតថា មុនពេលកើតហេតុជនរងគ្រោះ បានបើកគោយន្តកន្ត្រៃនាំកូនប្រុស ទៅច្រូតស្មៅឲ្យគោស៊ី ពេលត្រឡប់មកវិញជិតដល់ផ្ទះហើយ ស្រាប់តែមេឃបានធ្លាក់ភ្លៀងយ៉ាងខ្លាំង ពេលនោះជនរងគ្រោះបានព្យាយាមបង្កើនល្បឿនគោយន្តឲ្យលឿន

ដើម្បីឆាប់ដល់ផ្ទះ ពេលមកដល់ចំណុចកើតហេតុស្រាប់តែគោយន្តធ្លាក់ជង្ហុក បណ្តាលឲ្យដៃគោយន្តបោកបុកចំដើមទ្រូងហើយរេចង្កូតធ្លាក់ចូលទឹកប្រឡាយស្លាប់ ចំណែកកូនរងរបួសបើកចិញ្ចើមដេរចំនួន៥ថ្នេរ។ សពត្រូវបានប្រគល់ជូនក្រុមគ្រួសារ ចាត់ចែងធ្វើបុណ្យតាមប្រពៃណី៕

អត្ថបទ៖ វ៉ាន់ ណាង

The post ឪបុកស្លាប់ កូនប្រុសរបួសក្បាល ខណៈជិះគោយន្តធ្លាក់ជង្ហុករេចង្កូតចូលប្រឡាយ appeared first on Kampuchea Thmey Daily.