ព័ត៌មានជាតិ

ឪបុកស្លាប់ កូនប្រុសរបួសក្បាល ខណៈជិះគោយន្តធ្លាក់ជង្ហុករេចង្កូតចូលប្រឡាយ

បានផុស

៤ years មុន

នៅ

ថ្ងៃអង្គារ ១៤ កញ្ញា ២០២១

ដោយ

បុរសម្នាក់ បើកគោយន្តធ្លាក់ជង្ហុក ស្រាប់រេចង្កូតធ្លាក់ទៅធ្លាក់ទឹកប្រឡាយ បណ្តាលឲ្យស្លាប់ ចំណែកឯកូនរងរបួសក្បាលដេរ៥ថ្នេរ។ ហេតុការណ៍នេះ កើតឡើងនៅវេលាម៉ោង៥ និង៥នាទីល្ងាចថ្ងៃទី១៣ ខែកញ្ញា ឆ្នាំ២០២១ នៅភូមិពង្រ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលស្រុកភ្នំស្រុក បានឲ្យដឹងថា ជនរងគ្រោះអ្នកបើកគោយន្ត ឈ្មោះ តោន សឿន ភេទប្រុស អាយុ៣៦ឆ្នាំ រស់នៅភូមិគោកចារ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ ចំណែកកូនរួមដំណើរឈ្មោះសៀ ប៊ុនលាង ភេទប្រុស អាយុ៧ឆ្នាំ របួសបែកចិញ្ចើមដេរ៥ថ្នេរ។

នគរបាលស្រុកភ្នំស្រុក បានឲ្យដឹងបន្តទៀតថា មុនពេលកើតហេតុជនរងគ្រោះ បានបើកគោយន្តកន្ត្រៃនាំកូនប្រុស ទៅច្រូតស្មៅឲ្យគោស៊ី ពេលត្រឡប់មកវិញជិតដល់ផ្ទះហើយ ស្រាប់តែមេឃបានធ្លាក់ភ្លៀងយ៉ាងខ្លាំង ពេលនោះជនរងគ្រោះបានព្យាយាមបង្កើនល្បឿនគោយន្តឲ្យលឿន

ដើម្បីឆាប់ដល់ផ្ទះ ពេលមកដល់ចំណុចកើតហេតុស្រាប់តែគោយន្តធ្លាក់ជង្ហុក បណ្តាលឲ្យដៃគោយន្តបោកបុកចំដើមទ្រូងហើយរេចង្កូតធ្លាក់ចូលទឹកប្រឡាយស្លាប់ ចំណែកកូនរងរបួសបើកចិញ្ចើមដេរចំនួន៥ថ្នេរ។ សពត្រូវបានប្រគល់ជូនក្រុមគ្រួសារ ចាត់ចែងធ្វើបុណ្យតាមប្រពៃណី៕

អត្ថបទ៖ វ៉ាន់ ណាង