ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនី​យ៍ទោ​ ឃឹម​ សុកខៃ​ ស្នងការនគរបាលខេត្តកំពង់ស្ពឺ​ លោ​កវរសេនីយ៍ទោ​ សាវ​ សុភក្ដី​ អធិការនគរបាលស្រុ​កសាមគ្គីមុនីជ័យ​ បានបញ្ជាឱ្យជំនាញចុះសហការជាមួ​យកំលាំងនគរបាលប៉ុស្ដិ៍រដ្ឋបាល​ជើងរាស់​ចុះដល់ផ្ទះស្រ្ដី​ឈ្មោះ ចក់ សំណាង ភេទស្រី អាយុ៣២ឆ្នាំ នៅភូមិយស់ជោ ឃុំជើងរាស់ ស្រុកសាមគ្គីមុនីជ័យ ដោ​យបានឃាត់ខ្លួនឈ្មោះ សយ សុខឃី ភេទប្រុស អាយុ៣៨ឆ្នាំ ជាប្ដី​ ក្នុងរឿងវាយប្រពន្ធប៉ុនប៉ងកា​ប់ប្រពន្ធដោយកាំបិតបុ័ងតោ​ ពេលប្រពន្ធឆាតទៅតាមទូរស័ព្ទហៅប្តីឲ្យឆាប់ត្រឡប់មកផ្ទះវិញ។

បើតាមការបញ្ជាក់ពីសមត្ថកិច្ចបានឲ្យថា មុនពេលកើតហេតុបុរសជាប្ដីបានបោកចា​នបាយ និង បោកចានសម្លរ​ជះចោ​ល រួចចាប់ក្បាលប្រពន្ធបោក​ បោកទូរស័ព្ទ រួចក៏បានចាប់ច្របាច់ក និងវាយលើប្រពន្ធរងរបួសជា​ច្រើ​ន​កន្លែង បណ្ដាលឲ្យដៃ-ស្មាខាងឆ្វេង និង បានយ​កកាំបិតបុ័ងតោ​ដេញកាប់គោលបំណងប្រុងអោយស្លាប់​ ចៃដន្យប្រ​ពន្ធរត់រកអ្នកជិតខាងឲ្យជួយបានដួល​ទាក់បន្លាលួសរបួសជើងដៃខ្លួនប្រា​ណ​ជាច្រើនកន្លែង​។

ក្រោយពេលកើតហេតុសមត្ថកិច្ចបានឃាត់ខ្លួនជនសង្ស័យមកកាន់អធិការដ្ឋាន​នគរបាលស្រុក​សាកសួរ​ និងបានឆ្លើយសា​រភាពថា​ រូបគេពិតជាបានធ្វើសកម្មភាពដូចកា​ររៀបរាប់និងបណ្ដាលឱ្យប្រពន្ធរងរបួសប្រាកដមែន​ និងដកហូតវត្ថុតាងរួម​មា​ន​៖​ កាំបិតតាំងតោ​១ដើម -ពូថៅ១ដើម​ -ក្បាលកែវបែក​១ -​ទូរស័​ព្ទ១គ្រឿង​-កម្ទេចចានបែកជា​ច្រើន​ ។

បច្ចុប្បន្ន ជនសង្ស័យត្រូវបានកម្លាំងអធិការដ្ឋាននគរបាលស្រុកសាមគ្គីមុនីជ័យ ឃាត់ខ្លួនបណ្តោះអាសន្ន ដើម្បីកសាងសំណុំរឿងចាត់ការតាមនីតិវិធីច្បាប់៕

The post ខឹងប្រពន្ធឆាតតាមឲ្យឈប់ផឹកស្រា ប្ដីក៏ខឹងយកកាំបិតបុ័ងតោដេញកាប់ប្រពន្ធ រត់ពេញភូមិត្រូវសមត្ថកិច្ចឃាត់ខ្លួន appeared first on Kampuchea Thmey Daily.

តាមប្រភពព័ត៌មានពីសមត្ថកិច្ចបានឱ្យដឹងថា ជនសង្ស័យឈ្មោះ ហិន រិទ្ធី អាយុ ៤១ឆ្នាំ មុខរបរលក់ដូរ មានស្រុកកំណើតនៅខេត្តព្រៃវែង និងបច្ចុប្បន្នស្នាក់នៅបន្ទប់ជួល ក្នុងភូមិពោធិតាហោ សង្កាត់ពោធិតាហោ ក្រុងស្វាយរៀង។ ជនសង្ស័យបានធ្វើសកម្មភាពរករឿងឈ្លោះ និងចោទប្រកាន់ប្រពន្ធឈ្មោះ ឃ្លោក សំអន់ អាយុ ៣៦ឆ្នាំ ថាមានសង្សារលួចលាក់។

នៅក្នុងជម្លោះនោះ ជនសង្ស័យបានដាល់ប្រពន្ធចំនួន ២ដៃ ត្រូវចំថ្ពាល់បណ្តាលឱ្យដួលទៅលើដី ជាំក្រហម និងហើមទាំងសងខាង ព្រមទាំងបានយកកាំបិតចិតបន្លែមកភ្ជង់កប្រពន្ធ និងស្រែកគំរាមថា «បើអ្នកណាហ៊ានចូលទៅក្បែរ ខ្លួននឹងចាក់សម្លាប់ប្រពន្ធ»។

ភ្លាមៗនោះ ក្រោមការដឹកនាំរបស់ លោកវរសេនីយ៍ឯក សោម សុភ័ណ្ឌ អធិការនគរបាលក្រុងស្វាយរៀង កម្លាំងសមត្ថកិច្ចចម្រុះ បានចុះទៅដល់ទីតាំងកើតហេតុ ដើម្បីធ្វើការអន្តរាគមន៍។ ក្នុងខណៈពេលសមត្ថកិច្ចចូលទៅឃាត់ ជនសង្ស័យបានព្យាយាមយកកាំបិតចាក់ប្រពន្ធចំនួន ២កាំបិតបន្ថែមទៀត ប៉ុន្តែសំណាងល្អមិនបណ្តាលឱ្យរងរបួសឡើយ ដោយសារសមត្ថកិច្ចជួយអន្តរាគមន៍ទាន់ពេលវេលា។ បន្ទាប់មក ជនសង្ស័យបានតដៃជាមួយសមត្ថកិច្ច ប៉ុន្តែត្រូវកម្លាំងជំនាញបង្ក្រាប និងឃាត់ខ្លួនបានសម្រេច រួមជាមួយវត្ថុតាងកាំបិតចិតបន្លែចំនួន ១ដើម។

សមត្ថកិច្ចបានបញ្ជាក់ថា មូលហេតុដែលឈានដល់អំពើហិង្សានេះ គឺបណ្តាលមកពី «ភ្លើងប្រច័ណ្ឌ»។

បច្ចុប្បន្ន ជនសង្ស័យ រួមទាំងវត្ថុតាង ត្រូវបានកម្លាំងសមត្ថកិច្ចកសាងសំណុំរឿង ដើម្បីចាត់ការបន្តតាមនីតិវិធីច្បាប់៕

The post សមត្ថកិច្ចក្រុងស្វាយរៀង សហការជាមួយកងរាជអាវុធហត្ថ បង្ក្រាបបុរសជាប្តីដែលប្រើហិង្សាលើប្រពន្ធ ព្រោះប្រច័ណ្ឌ appeared first on Kampuchea Thmey Daily.

ហេតុការណ៍នេះបានកើតឡើងកាលពី វេលាម៉ោង ៦និង៣០នាទីល្ងាច ថ្ងៃទី២១ ខែកក្កដា ឆ្នាំ២០២៦ នៅចំណុចផ្ទះ ស្ថិតនៅភូមិព្រៃព្រីងខាងត្បូង២ សង្កាត់ចោមចៅទី៣  ខណ្ឌពោធិ៍សែនជ័យ  រាជធានីភ្នំពេញ។

ជនសង្ស័យឈ្មោះ ឆែម កែម ភេទប្រុស អាយុ៤៨ឆ្នាំ ជនជាតិខ្មែរ  មុខរបរកសិករ ទីលំនៅបច្ចុប្បន្ន ស្ថិតនៅ ភូមិព្រៃព្រីងខាងត្បូង សង្កាត់ចោមចៅទី៣  ខណ្ឌពោធិ៍សែនជ័យ  រាជធានីភ្នំពេញ។ ជនរងគ្រោះ ឈ្មោះ ដេត សារុំ ភេទប្រុស អាយុ៤០ ឆ្នាំ ជនជាតិខ្មែរ  មុខរបរជាងកញ្ចក់ ទីលំនៅបច្ចុប្បន្ន ស្ថិតនៅភូមិស្វាយមីង ឃុំបាគូ  ស្រុកកណ្ដាលស្ទឹង  ខេត្តកណ្ដាល។

តាមប្រភពព័ត៌មានបានឲ្យដឹងថា នៅមុនពេលកើតតាមការរៀបរាប់របស់បងប្អូនជនរងគ្រោះ បានឲ្យដឹងថា ជនរងគ្រោះ នឹង ជនសង្ស័យជាសាច់ថ្លៃគ្នា ពួកគាត់ទាំងពីនាក់បានផឹកស៊ីជាមួយគ្នាតាំងពីម៉ោង៩ព្រឹក រហូតមកដល់ល្ងាចម៉ោង៦នឹង៥០នាទី ថ្ងៃខែឆ្នាំដដែលពួកគ្នាបានឈ្លោះប្រកែកគ្នា រឿងស្គាល់នាក់ធំនាក់តូចនៅកន្លែងការងារបន្ទាប់មកទៀត ពួកគាត់ទាំងពីរនាក់បានវាយគ្នាទៅវិញទៅមក(បាតដៃនិងដៃ) ហើយអ្នកភូមិនៅក្បែរកន្លែងកើតហេតុ បាននាំគ្នាចាប់បំបែកពួកគាត់។ ក្រោយមកជនរងគ្រោះ បានជិះម៉ូតូទៅផ្ទះវិញនៅឯភូមិស្វាយមីង ឃុំបាគូ ស្រុកកណ្តាលស្ទឹងខេត្តកណ្តាល ពេលទៅដល់ផ្ទះជនរងគ្រោះបានប្រាប់អ្នកផ្ទះគាត់ថា គាត់បានវាយគ្នា ហើយគាត់មានអាការៈចុកៗដើមទ្រូង ហើយគាត់បានឱ្យក្រុមគ្រួសារជូនទៅមន្ទីរពេទ្យបង្អែកស្រុកកណ្ដាលស្ទឹង ប៉ុន្តែពេលដែលទៅដល់ពាក់កណ្ដាលផ្លូវជនរងគ្រោះលែងមាត់ក ពេលទៅដល់មន្ទីរពេទ្យគ្រូពេទ្យ បានប្រាប់ថា ជនរងគ្រោះបានដាច់ខ្យល់ស្លាប់បាត់ទៅហើយ តាមការបញ្ជាក់ពីក្រុមគ្រួសារជនរងគ្រោះ ជនរងគ្រោះមានជំងឺប្រចាំកាយផង ដោយមានជំងឺទឹកនោមផ្អែម និង លើកឈាម។

បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនបញ្ជូនទៅផ្នែកព្រហ្មទណ្ឌ នៃ អធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការតាមនីតិវិធី៕ អត្ថបទ៖សុខា

The post ផឹកស៊ីពីរនាក់ ទាស់សម្តីគ្នារហូតផ្ទុះហិង្សាទៅវិញទៅមក បណ្តាលឱ្យម្នាក់ស្លាប់បាត់បង់ជីវិត ពេលបញ្ជូនទៅមន្ទីរពេទ្យ appeared first on Kampuchea Thmey Daily.

យោងតាមការបំភ្លឺពីក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល បានឱ្យដឹងថា ហេតុការណ៍នេះបានកើតឡើងកាលពីវេលាម៉ោង ២២:២០នាទីយប់ ថ្ងៃទី១៨ ខែកក្កដា ឆ្នាំ២០២៦ នៅលើផ្លូវលំជិតវត្តខន្តី ស្ថិតក្នុងភូមិវាលត្រែង ឃុំតាលន់ ស្រុកស្អាង ខេត្តកណ្តាល។ ជនរងគ្រោះ ២នាក់៖ ១. ឈ្មោះ រស់ រិទ្ធី (ប្រុស អាយុ ២០ឆ្នាំ) ជាអ្នកបើកបរម៉ូតូ។ ២. ឈ្មោះ វ៉ាន ចាន់សល់ (ស្រី អាយុ ២១ឆ្នាំ) អ្នកជិះខាងក្រោយ រងរបួសខ្នងធ្ងន់ធ្ងរ។

ដោយមុនពេលកើតហេតុ ជនរងគ្រោះទាំងពីរនាក់បានជិះម៉ូតូឌុបគ្នាត្រឡប់មកពីហូបបង្អែមនៅឃុំត្រើយស្លា លុះមកដល់ចំណុចកើតហេតុ ក៏បានជិះជួបជនសង្ស័យ ២នាក់ ដែលកំពុងជិះម៉ូតូដើរស្វែងរកក្រុមក្មេងដែលធ្លាប់ជេរពួកខ្លួន។ ដោយសារស្មានច្រឡំថាជាក្រុមក្មេងទំនើងទាំងនោះ ជនសង្ស័យឈ្មោះ ថុល កន បានយកកណ្ដៀវគប់សំដៅទៅលើជនរងគ្រោះ បណ្ដាលឱ្យត្រូវចំខ្នងនារីឈ្មោះ វ៉ាន ចាន់សល់ មុតជាប់នៅនឹងខ្នងតែម្ដង។ ក្រោយធ្វើសកម្មភាពរួច ជនសង្ស័យបានជិះម៉ូតូគេចខ្លួនបាត់ ចំណែកជនរងគ្រោះត្រូវបានសាច់ញាតិ និងសមត្ថកិច្ចបញ្ជូនទៅសង្គ្រោះបន្ទាន់នៅមន្ទីរពេទ្យព្រះកុសុមៈ (ពេទ្យលោកសង្ឃ)។

អនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងជំនាញខេត្ត ស្រុក និងប៉ុស្តិ៍នគរបាលរដ្ឋបាលតាលន់ បានបើកការស្រាវជ្រាវរហូតដល់ថ្ងៃទី២០ ខែកក្កដា ឆ្នាំ២០២៦ ទើបឈានទៅឃាត់ខ្លួនជនសង្ស័យដៃដល់បានម្នាក់ ឈ្មោះ ថុល កន (ប្រុស អាយុ ២៩ឆ្នាំ) មានទីលំនៅភូមិទួលក្តី ឃុំត្រើយស្លា ស្រុកស្អាង (ជាអ្នកបើកបរម៉ូតូ និងជាអ្នកយកកណ្ដៀវគប់)។ តាមការពិនិត្យទឹកនោម បង្ហាញថា ជនរូបនេះមានសារធាតុញៀន (+)។ ចំណែក ជនសង្ស័យគេចខ្លួន៖ ឈ្មោះ វ៉ាន្នី សុឺ (ប្រុស អាយុ ២៦ឆ្នាំ) ជាអ្នកជិះខាងក្រោយ។ នៅចំពោះមុខសមត្ថកិច្ច ជនសង្ស័យ ថុល កន បានសារភាពថា ខ្លួនពិតជាបានធ្វើសកម្មភាពយកកណ្ដៀវគប់ទៅលើជនរងគ្រោះបណ្ដាលឱ្យត្រូវចំខ្នងពិតប្រាកដមែន ដោយសារតែការយល់ច្រឡំ។

បច្ចុប្បន្ន ជនសង្ស័យ ថុល កន ត្រូវបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធីច្បាប់។ ដោយឡែក កម្លាំងសមត្ថកិច្ចជំនាញកំពុងបន្តស្រាវជ្រាវ ដើម្បីតាមស្វែងរកចាប់ខ្លួនជនសង្ស័យម្នាក់ទៀតដែលកំពុងរត់គេចខ្លួន យកមកផ្តន្ទាទោសតាមច្បាប់ជាធរមាន៕

The post ករណី​កាប់នារីម្នាក់ជាប់កាំបិតនៅឆ្អឹងខ្នង​ សមត្ថកិច្ច​តាមចាប់ជនដៃដល់បានម្នាក់​ ខណៈ​ម្នាក់​ទៀត​កំពុង​គេច​ខ្លួន appeared first on Kampuchea Thmey Daily.

តាមការបញ្ជាក់ពីជនរងគ្រោះបានដឹងថា មុនពេលកើតហេតុ ជនរងគ្រោះ បានបើកកង់បីឥណ្ឌាទៅរកមិត្តរបស់គាត់ដែលធ្លាប់បានខ្ចីម៉ូតូរបស់គាត់យកទៅបញ្ចាំ អស់រយៈពេលជាង៥ខែមកហើយ គោលបំណងទារលុយត្រឡប់មកវិញ ព្រោះមិត្តរបស់គាត់ បានសន្យាថានឹងសងលុយវិញ ជាថ្នូរមិនដាក់ពាក្យបណ្តឹង។

ខណៈនោះគ្រាន់តែជនសង្ស័យឃើញជនរងគ្រោះមកដល់ភ្លាម បាននាំគ្នាទាញដំបងនិងកាំបិតព្រួតវាយគាត់ បណ្តាលឲ្យគាត់ភ័យរត់គេចខ្លួន។ ភ្លាមៗ ក្រុមបង្កបាននាំគ្នាត្រឡប់មកវិញ រួចវាយបំផ្លាញកង់បីឥណ្ឌាបន្ថែមទៀត ហើយក៏រត់គេចខ្លួនបាត់ស្រមោល។

ក្រោយកើតហេតុ បុរសរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលស្ទឹងមានជ័យ២ ដើម្បីសុំការអន្តរាគមន៍ពីសមត្ថកិច្ច ដើម្បីស្វែងរកជនសង្ស័យ អនុវត្តបន្តតាមនីតិវិធីច្បាប់ ។

គួរបញ្ជាក់ផងដែរថា បុរសរងគ្រោះ ទើបតែស្គាល់គ្នាជាមួយជនបង្កមួយរយៈ ហើយត្រូវបានជនបង្កជាមិត្ត ខ្ចីម៉ូតូម៉ាក NEX របស់គាត់យកទៅបញ្ចាំ ហើយសន្យាអោយលុយវិញ កុំប្តឹងប៉ូលីស តែមិននឹកស្មានថាពេលមកទារលុយ បែជាជួបរឿងបែបនេះនោះទេ ៕ អត្ថបទ ៖ រដ្ឋា

The post បុរសម្នាក់បើកកង់បីឥណ្ឌាទៅរកមិត្ត ដែលខ្ចីម៉ូតូយកទៅបញ្ចាំ ត្រូវជនសង្ស័យនាំគ្នាព្រួតវាយបំផ្លាញកង់បី appeared first on Kampuchea Thmey Daily.

ហេតុការណ៍បង្កមានការភ្ញាក់ផ្អើលឡើង កាលពីវេលាម៉ោងប្រមាណ៥ និង ៣០នាទីល្ងាច ថ្ងៃទី៩ ខែកក្កដា ឆ្នាំ២០២៦ ស្ថិតនៅខាងក្រោយស្ពានអាកាសផ្សារដីហុយ ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

តាមការរៀបរាប់ពីសាក្សីដែលបានឃើញហេតុការណ៍ បានឲ្យដឹងថា មុនពេលកើតហេតុ គេឃើញជនអនាថាទាំងពីរនាក់អង្គុយលេងបៀរ នៅក្បែរបន្ទប់អគ្គិសនី (កាប៊ីនភ្លើង)។ មួយសន្ទុះក្រោយមក អ្នកទាំងពីរបានផ្ទុះការឈ្លោះប្រកែកគ្នាយ៉ាងខ្លាំង មុនឈានដល់ការវាយតប់គ្នាទៅវិញទៅមក។

ក្នុងអំឡុងពេលកើតជម្លោះ ជនសង្ស័យបានទាញដំបងឈើមូលមួយដើម ប្រវែងប្រហែល ៥០សង់ទីម៉ែត្រ វាយសំដៅទៅលើក្បាលជនរងគ្រោះយ៉ាងពេញទំហឹង បណ្តាលឲ្យបែកក្បាលហូរឈាមដួលសន្លប់នៅលើការ៉ូឡា។ ទោះបីមានប្រជាពលរដ្ឋនៅក្បែរនោះព្យាយាមចូលជួយអន្តរាគមន៍ក៏ដោយ ប៉ុន្តែជនរងគ្រោះបានដាច់ខ្យល់ស្លាប់នៅកន្លែងកើតហេតុ។

ក្រោយកើតហេតុ ប្រជាពលរដ្ឋបាននាំគ្នាចោមរោមមើល និងបានឃាត់ខ្លួនជនសង្ស័យ ប្រគល់ជូនសមត្ថកិច្ច ដើម្បីចាត់ការតាមនីតិវិធី។ ស្របពេលជាមួយគ្នានោះ សមត្ថកិច្ចមូលដ្ឋាន និងកម្លាំងជំនាញ បានចុះទៅពិនិត្យ និងធ្វើកោសល្យវិច័យនៅទីតាំងកើតហេតុ។

បន្ទាប់ពីពិនិត្យរួច សមត្ថកិច្ចបានដឹកយកសពជនរងគ្រោះទៅតម្កល់ទុកនៅវត្តទឹកថ្លា ។ ចំណែកជនសង្ស័យ ត្រូវបានបញ្ជូនទៅអធិការដ្ឋាននគរបាលខណ្ឌសែនសុខ ដើម្បីសាកសួរ និងកសាងសំណុំរឿង បញ្ជូនទៅតុលាការចាត់ការបន្តតាមនីតិវិធីច្បាប់ ៕ អត្ថបទ ៖ សំណាង

The post សង្ស័យឈ្លោះគ្នារឿងលេងបៀរ! ជនអនាថា២នាក់ ផ្ទុះហិង្សាវាយគ្នានឹងដំបងឈើ បណ្ដាលឲ្យស្លាប់ម្នាក់ appeared first on Kampuchea Thmey Daily.

យោងតាមមាត្រា ២១៧ នៃក្រមព្រហ្មទណ្ឌ បានចែងថា អំពើហិង្សាប្រព្រឹត្តដោយចេតនាលើអ្នកដទៃ ត្រូវផ្ដន្ទាទោសដាក់ពន្ធនាគារពី ១ឆ្នាំ ទៅ៣ឆ្នាំ និងពិន័យជាប្រាក់ពី ២លានរៀល ទៅ ៦លានរៀល។

លោក ឃឿន សុឡា ហៅ K01 ត្រូវបានកម្លាំងការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ធ្វើការឃាត់ខ្លួនកាលពីថ្ងៃទី៣០ ខែមិថុនា ឆ្នាំ២០២៦ នៅស្នងការដ្ឋាននគរបាលរាជធានីភ្នំពេញ បន្ទាប់ពីរូបលោកចូលខ្លួនបំភ្លឺតាមការកោះហៅរបស់សមត្ថកិច្ចក្រោយពីមានការចែករំលែកវីដេអូលើបណ្ដាញសង្គមពីសកម្មភាពប្រើអំពើហិង្សាលើយុវជនម្នាក់នៅកន្លែងរបស់ខ្លួនដែលម្ដាយជនរងគ្រោះយកមកផ្ញើឲ្យធ្វើការជាមួយ។

ការប្រើអំពើហិង្សាលើយុវជនរងគ្រោះនេះ បានកើតឡើងកាលពីថ្ងៃទី២៨ ខែមិថុនា ដោយសារយុវជនរងគ្រោះមិនស្តាប់បង្គាប់ខ្លួនឲ្យលុតជង្គង់សុំទោសម្តាយដែលរឹងរុសមិនស្តាប់បង្គាប់ម្តាយ។ ក្រោយមានការបែកធ្លាយវីដេអូសកម្មភាពហិង្សាលើយុវជនរងគ្រោះ មហាជនជាច្រើនបានបញ្ចេញមតិរិះគន់លោក K01 ចំពោះទង្វើហិង្សានេះ។

តាមរយៈសារសំឡេងបែកធ្លាយ យុវជនដែលត្រូវឪពុកម្ដាយយកទៅផ្ញើ ស្នាក់នៅដើម្បីឲ្យលោក ឃឿន សុខឡា ហៅ K01​ជួយបណ្ដុះបណ្ដាល ត្រូវបង់ប្រាក់ឲ្យលោកចំនួន១ពាន់ដុល្លារ និងបង់ប្រចាំខែចំនួន២០ម៉ឺនរៀលសម្រាប់ថ្លៃអាហារ៣ពេល។ តែទោះយ៉ាងណា ករណីនេះមិនមានប្រភពណាមួយបញ្ជាក់ឲ្យច្បាស់លាស់នោះទេ៕

អត្ថបទ៖ សុខុម

The post តុលាការសម្រេចចេញដីកាបង្គាប់ឲ្យឃុំខ្លួនលោក K01 ដាក់ពន្ធនាគារព្រៃ ស ក្រោមបទចោទប្រកាន់ ហិង្សាដោយចេតនា appeared first on Kampuchea Thmey Daily.

កាលពីថ្ងៃទី០១ ខែកក្កដា ឆ្នាំ២០២៦ នេះ សាលាដំបូងខេត្តកណ្តាល បានចេញសេចក្តីប្រកាសព័ត៌មានស្តីពី ការសម្រេចឃុំខ្លួនបណ្តោះអាសន្នលើជនត្រូវចោទចំនួន ៣នាក់ ជាប់ពាក់ព័ន្ធនឹងករណីហិង្សាដោយចេតនា និងចាប់បង្ខាំងមនុស្សដោយខុសច្បាប់ ដែលបានកើតឡើងនៅក្នុងក្រុងអរិយក្សត្រ។

យោងតាមអ្នកនាំពាក្យសាលាដំបូងខេត្តកណ្តាល បានឱ្យដឹងថា កាលពីថ្ងៃទី៣០ ខែមិថុនា ឆ្នាំ២០២៦ តុលាការបានទទួលចាត់ការលើសំណុំរឿងព្រហ្មទណ្ឌលេខ ១៤៩៣ អ.ក ចុះថ្ងៃទី២៧ ខែមិថុនា ឆ្នាំ២០២៦។ នៅក្នុងសំណុំរឿងនេះ មានជនត្រូវចោទចំនួន ៣នាក់ បានជិះរថយន្តមួយគ្រឿងម៉ាក Ford ពណ៌ស ពាក់ស្លាកលេខ ភ្នំពេញ 2BU-5414 ទៅធ្វើសកម្មភាពចាប់ក្របួចកអាវជនរងគ្រោះឈ្មោះ ចាន់ ណារ៉ុង ញាត់បញ្ចូលក្នុងរថយន្ត និងបានប្រើហិង្សាទៅលើជនរងគ្រោះថែមទៀតផង ដោយហេតុការណ៍នេះបានកើតឡើងនៅចំណុចផ្ទះជនរងគ្រោះ ក្នុងភូមិព្រែកតាកូវ សង្កាត់ព្រែកតាកូវ ក្រុងអរិយក្សត្រ ខេត្តកណ្តាល។

ប្រភពដដែលបានបន្តថា បន្ទាប់ពីចាប់បង្ខាំងរួច ក្រុមជនត្រូវចោទបានឌុបជនរងគ្រោះឆ្លងតាមកំពង់ចម្លងស្វាយជ្រំ។ លុះធ្វើដំណើរជិតដល់ត្រើយម្ខាង (ខាងជ្រោយចង្វារ) ជនរងគ្រោះបានសុំចុះពីលើរថយន្តដើម្បីបត់ជើងតូច ហើយក៏បានឆ្លៀតឱកាសលោតចុះពីលើទូកដរចូលទៅក្នុងទឹកទន្លេ បណ្តាលឱ្យលិចបាត់ស្រមោលតែម្តង។រហូតមកដល់ថ្ងៃទី១៩ ខែមិថុនា ឆ្នាំ២០២៦ ទើបសមត្ថកិច្ចបានរកឃើញសាកសពជនរងគ្រោះ អណ្តែតមកទើនៅចំណុចមាត់ច្រាំងទន្លេមេគង្គ កោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។

ផ្អែកលើឯកសារ និងភស្តុតាងនានាដែលមាននៅក្នុងសំណុំរឿង ចៅក្រមស៊ើបសួរនៃសាលាដំបូងខេត្តកណ្តាល បានសម្រេចចេញដីកាឃុំខ្លួនបណ្តោះអាសន្នលើជនត្រូវចោទទាំង ៣នាក់ នៅក្នុងពន្ធនាគារខេត្តកណ្តាល ដើម្បីបន្តកិច្ចស៊ើបសួរទៅតាមនីតិវិធីច្បាប់៕

The post សាលាដំបូងខេត្តកណ្តាល ឃុំខ្លួនអធិការរងខណ្ឌជ្រោយចង្វារម្នាក់ និងបក្សពួក២នាក់ ពីបទហិង្សានិងបង្ខាំងមនុស្សខុសច្បាប់ appeared first on Kampuchea Thmey Daily.