កាណាដា Archives - Kampuchea Thmey Daily

ភ្លើងឆេះព្រៃនៅកាណាដានិងអាមេរិក កំពុងបង្ខំជម្លៀសមនុស្សចេញ ព្រមទាំងមានផ្សេងពុលគ្រោះថ្នាក់

Minea Neu — Thu, 16 Jul 2026 02:56:38 +0000

ភ្លើងឆេះព្រៃដែលកំពុងតែបន្ត នៅជាង ៨៣០ កន្លែង នៅប្រទេសកាណាដា នៅថ្ងៃពុធ រួមជាមួយនឹងភ្លើងឆេះព្រៃជាង ១០កន្លែង នៅភាគខាងជើងរដ្ឋ Minnesota សហរដ្ឋអាមេរិក បង្ខំឱ្យមានការជម្លៀសមនុស្សចេញនិងការភាយផ្សែងមិនល្អដល់តំបន់ Lower 48 គ្របដណ្តប់នៅក្នុងតំបន់នោះ ។

សារព័ត៌មាន ABC ផ្សាយនៅថ្ងៃទី១៦ ខែកក្កដា ឆ្នាំ២០២៦ ភ្លើងឆេះព្រៃធំៗមួយចំនួនកំពុងឆេះនៅភាគខាងលិច-កណ្តាលនៃរដ្ឋ Ontario ដោយបំផ្លាញព្រៃឈើក្រាស់ៗ និងបញ្ចេញផ្សែងយ៉ាងច្រើន។

ទិដ្ឋភាពផ្សែងនៅអាមេរិក។ រូបភាព៖ EarthCam

បច្ចុប្បន្ន ខ្យល់កំពុងដឹកនាំផ្សែងនោះចូលទៅក្នុងសហរដ្ឋអាមេរិក បង្កើតឱ្យមានគុណភាពខ្យល់ដ៏គ្រោះថ្នាក់សម្រាប់មនុស្សរាប់លាននាក់ទូទាំងតំបន់ Midwest និងភាគឦសាននៅថ្ងៃពុធ និងរហូតដល់ចុងសប្តាហ៍។

នៅរសៀលថ្ងៃពុធ គុណភាពខ្យល់បានឈានដល់កម្រិតមិនល្អ សម្រាប់សុខភាពក្នុងទីក្រុងញូវយ៉ក តំបន់ Eastern Lake Ontario, Central New York និងផ្នែកខ្លះនៃតំបន់ Western New York ។ នេះបើយោងតាមគេហទំព័រត្រួតពិនិត្យខ្យល់ AirNow ។

លោក Zohran Mamdani អភិបាលក្រុងញូវយ៉ក លើកឡើងក្នុងសេចក្តីថ្លែងការណ៍ប្រព័ន្ធផ្សព្វផ្សាយសង្គមមួយកាលពីថ្ងៃពុធថា៖ « គុណភាពខ្យល់បានឈានដល់កម្រិតមិនល្អសម្រាប់សុខភាពក្នុងតំបន់មួយចំនួននៃទីក្រុងញូវយ៉ក ដោយសារតែផ្សែងពីភ្លើងឆេះព្រៃ នៅប្រទេសកាណាដា។ គុណភាពខ្យល់មិនល្អប៉ះពាល់ដល់មនុស្សគ្រប់គ្នា ប៉ុន្តែមនុស្សមួយចំនួនងាយនឹងរងផលប៉ះពាល់ជាងអ្នកដទៃ រួមទាំងអ្នកមានបញ្ហាបេះដូង ឬសួត មនុស្សចាស់ អ្នកមានផ្ទៃពោះ ទារក និងកុមារ»។

លោក Mamdani ជំរុញឱ្យប្រជាជនក្នុងទីក្រុងញូវយ៉កជៀសវាងសកម្មភាពក្រៅផ្ទះដែលមិនចាំបាច់ និងស្នាក់នៅផ្ទះក្នុងបរិយាកាសមានម៉ាស៊ីនត្រជាក់។

លោកនិយាយថា ទីក្រុងកំពុងផ្តល់ជូនម៉ាស់ដោយឥតគិតថ្លៃ ដើម្បីជួយមនុស្សទប់ទល់នឹងផ្សែង៕

សម្រួល៖ ណឺ មិនា

The post ភ្លើងឆេះព្រៃនៅកាណាដានិងអាមេរិក កំពុងបង្ខំជម្លៀសមនុស្សចេញ ព្រមទាំងមានផ្សេងពុលគ្រោះថ្នាក់ appeared first on Kampuchea Thmey Daily.

ការបាញ់ប្រហារគ្នាក្នុងពិធីបុណ្យមួយនៅកាណាដា បណ្តាលឲ្យមានអ្នកស្លាប់និងរបួសជិត១០នាក់

Rann Reuy — Sun, 12 Jul 2026 09:28:06 +0000

មនុស្សយ៉ាងហោចណាស់ប្រាំនាក់បានរងរបួស និងពីរនាក់ត្រូវបានប្រកាសថា«បាត់បង់ជីវិត» បន្ទាប់ពីឧប្បត្តិហេតុបាញ់ប្រហារដ៏សកម្មមួយនៅទីក្រុងតូរ៉ុនតូ ប្រទេសកាណាដា នៅថ្ងៃទី១១ ខែកក្កដា (ត្រូវថ្ងៃទី១២ ពេលវេលានៅកម្ពុជា) នេះបើយោងតាមការជូនដំណឹងបន្ទាន់របស់ប៉ូលីសនៅលើ X។

ទីភ្នាក់ងារព័ត៌មានរ៉យទ័រ បានរាយការណ៍ថា ប៉ូលីសបានឲ្យដឹងថា មន្ត្រីបានរកឃើញមនុស្សប្រាំនាក់រងរបួសដោយសាររបួសដោយគ្រាប់កាំភ្លើង ប៉ុន្តែមានប្រភពខ្លះថា ជនរងគ្រោះដោយសាររបួសមានរហូតដល់៦នាក់។ ជនរងគ្រោះពីរនាក់ត្រូវបានប្រកាសថាស្លាប់នៅកន្លែងកើតហេតុ។ ស្ថានភាពរបស់ជនរងគ្រោះដែលនៅសល់មិនទាន់ដឹងភ្លាមៗនៅឡើយទេ។

ការបាញ់ប្រហារនេះបានកើតឡើងនៅ Midtown Toronto ក្នុងអំឡុងពេលពិធីបុណ្យ Salsa on St Clair ដែលជាពិធីបុណ្យឡាទីនប្រចាំឆ្នាំ។ នេះបើយោងតាម CTV News។

អាជ្ញាធរបានជំរុញឱ្យសាធារណជនជៀសវាងតំបន់នោះ និងធ្វើតាមការណែនាំទាំងអស់ពីប៉ូលីស ខណៈពេលដែលការស៊ើបអង្កេត និងការឆ្លើយតបនៅតែបន្ត។

អ្នកនាំពាក្យប៉ូលីស Toronto បានបដិសេធមិនផ្តល់ព័ត៌មានលម្អិតបន្ថែមលើសពីព័ត៌មានដែលបានបង្ហោះនៅលើ feed ផ្លូវការរបស់នាយកដ្ឋាននៅលើ X។ ប៉ុន្តែ សេចក្តីរាយការណ៍ ក្រោយមកបានបញ្ជាក់អំពីអត្តសញ្ញាណរបស់អ្នកស្លាប់ទាំងពីរនាក់សុទ្ធតែជាបុរស៕

យោងតាម AP, ដោយផ្អែកលើសេចក្តីជូនដំណឹងចុងក្រោយបំផុតពីសេវាប៉ូលីសទីក្រុង Toronto ក្រុមអ្នកស៊ើបអង្កេតជឿថា ការបាញ់ប្រហារនេះមិនមែនជាការវាយប្រហារដោយចៃដន្យទៅលើពិធីបុណ្យ ឬអ្នកចូលរួមនោះទេ។ ផ្ទុយទៅវិញ វាហាក់ដូចជាការបាញ់ប្រហារគ្នារវាងបុគ្គលពីរនាក់ដែលកំពុងតម្រង់គោលដៅគ្នាទៅវិញទៅមកនៅជិតពិធីបុណ្យ Salsa on St. Clair៕

The post ការបាញ់ប្រហារគ្នាក្នុងពិធីបុណ្យមួយនៅកាណាដា បណ្តាលឲ្យមានអ្នកស្លាប់និងរបួសជិត១០នាក់ appeared first on Kampuchea Thmey Daily.

កាណាដា វិនិយោគយ៉ាងសម្បើមក្នុងប្រវត្តិសាស្ត្រក្នុងវិស័យយោធា ស្របពេលពិភពលោកបែកបាក់

Minea Neu — Tue, 07 Jul 2026 06:37:00 +0000

ប្រទេសកាណាដា បានជ្រើសរើសក្រុមហ៊ុនការពារជាតិអាល្លឺម៉ង់ ដើម្បីសាងសង់ នាវាមុជទឹកថ្មីរបស់កងទ័ពជើងទឹករបស់ខ្លួន ជាកិច្ចព្រមព្រៀងផ្គត់ផ្គង់យោធាដ៏ធំបំផុតក្នុងប្រវត្តិសាស្ត្រកាណាដា។

នាយករដ្ឋមន្ត្រីកាណាដា លោក Mark Carney បានប្រកាសកាលពីថ្ងៃចន្ទថា រដ្ឋាភិបាលកាណាដាបានជ្រើសរើសក្រុមហ៊ុន TKMS របស់អាល្លឺម៉ង់សម្រាប់កិច្ចសន្យានាវាចំនួន ១២គ្រឿង មានតម្លៃរាប់ពាន់លានដុល្លារ។ នេះបើយោងតាមសារព័ត៌មាន BBC ផ្សាយនៅថ្ងៃទី៧ ខែកក្កដា ឆ្នាំ២០២៦ ។

នាយករដ្ឋមន្ត្រីកាណាដា លោក Mark Carney ។ រូបភាព៖ Getty Images

ការប្រកាសនេះធ្វើឡើងមុនពេល លោក Carney ចាកចេញទៅចូលរួមកិច្ចប្រជុំកំពូលណាតូនៅប្រទេសតួកគី ជាកន្លែងដែលសមាជិកណាតូប្រឈមនឹងសម្ពាធ ដើម្បីបង្ហាញថាពួកគេកំពុងជំរុញការវិនិយោគលើវិស័យការពារជាតិ។

ចាប់តាំងពីឡើងកាន់តំណែងមក លោក Carney បានបង្កើនការចំណាយលើវិស័យការពារជាតិរបស់ប្រទេសកាណាដាដល់ ២% នៃផលិតផលក្នុងស្រុកសរុប (GDP) ហើយប្តេជ្ញាចិត្តថានឹងឈានដល់ ៥% នៅឆ្នាំ ២០៣៥ ។

យោងតាមរដ្ឋាភិបាលកាណាដា ប្រទេសនេះមានតែនាវាមុជទឹកមួយក្នុងចំណោម ៤គ្រឿងប៉ុណ្ណោះដែលអាចធ្វើដំណើរតាមសមុទ្រនាពេលបច្ចុប្បន្នបាន។

លោក Carney លើកឡើងថា៖ « នៅក្នុងពិភពលោកដ៏គ្រោះថ្នាក់ និងបែកបាក់គ្នាកាន់តែច្រើន ប្រទេសកាណាដាត្រូវតែត្រៀមខ្លួន ដើម្បីការពារផលប្រយោជន៍ ការពារប្រជាពលរដ្ឋ កសាងសេដ្ឋកិច្ច និងធានាអនាគតរបស់យើង។ ដើម្បីសម្រេចគោលដៅនោះ យើងកំពុងធ្វើការផ្គត់ផ្គង់សម្ភារៈការពារជាតិដ៏ធំបំផុតនៅក្នុងប្រវត្តិសាស្ត្ររបស់ប្រទេសយើងជាមួយនឹងល្បឿន មហិច្ឆតា និងមានវិន័យ»។

យ៉ាងណា រដ្ឋាភិបាលមិនទាន់បានចេញផ្សាយតម្លៃប៉ាន់ស្មាន សម្រាប់កិច្ចព្រមព្រៀងនេះនៅឡើយទេ។

លោក Carney បន្ថែមថា៖ « គម្រោងនេះគឺលើសពីការទិញនាវាមុជទឹកទៅទៀត។ វាកសាងសមត្ថភាពឧស្សាហកម្មរបស់ប្រទេសកាណាដា»។

គួរបញ្ជាក់ថា ក្រុមហ៊ុនការពារជាតិ TKMS របស់អាល្លឺម៉ង់ ជាក្រុមហ៊ុនផលិតនាវាមុជទឹកមិនមែននុយក្លេអ៊ែរធំជាងគេបំផុតរបស់ពិភពលោក បានប្រកួតប្រជែងជាមួយក្រុមហ៊ុនផលិតនាវា Hanwha Ocean របស់កូរ៉េខាងត្បូង សម្រាប់ការដេញថ្លៃនាវាមុជទឹក៕

សម្រួល៖ ណឺ មិនា

The post កាណាដា វិនិយោគយ៉ាងសម្បើមក្នុងប្រវត្តិសាស្ត្រក្នុងវិស័យយោធា ស្របពេលពិភពលោកបែកបាក់ appeared first on Kampuchea Thmey Daily.

អូស្រ្តាលី នឹងលក់ប្រព័ន្ធរ៉ាដាទំនើបឲ្យកាណាដា លើកដំបូង ក្នុងតម្លៃ ១.៧៥ប៊ីលាន

Minea Neu — Mon, 22 Jun 2026 07:04:19 +0000

ខណៈស្ថានភាពពិភពលោកនៅតែមានភាពតានតឹងមិនលុះថ្ងៃ រដ្ឋាភិបាលប្រទេសអូស្ត្រាលីលើកឡើងនៅថ្ងៃចន្ទ នេះ ថា ខ្លួននឹងលក់ប្រព័ន្ធបច្ចេកវិទ្យារ៉ាដាទំនើប ដែលមានសមត្ថភាពរុករកឃើញមីស៊ីលរយៈចម្ងាយឆ្ងាយទៅឱ្យកាណាដា ក្រោមកិច្ចព្រមព្រៀងតម្លៃ ១.៧៥ប៊ីលានដុល្លារ លើការនាំចេញក្នុងវិស័យការពារជាតិដ៏ធំបំផុតមិនធ្លាប់មានរបស់ខ្លួន។

ភ្នាក់ងារសារព័ត៌មានរ៉យទ័រ ផ្សាយថ្ងៃទី២២ ខែមិថុនា ឆ្នាំ២០២៦ កិច្ចព្រមព្រៀងនេះគឺជាការលក់រ៉ាដាទៅក្រៅប្រទេសលើកដំបូងរបស់អូស្ត្រាលី លើបច្ចេកវិទ្យារ៉ាដា Over-the-Horizon ហើយនឹងគាំទ្រដល់ការឃ្លាំមើលរបស់កាណាដា នៅតំបន់អាកទិក។

នាយករដ្ឋមន្ត្រីអូស្រ្តាលី លោក Anthony Albanese ។ រូបភាព៖ Reuters

នាយករដ្ឋមន្ត្រីអូស្រ្តាលី លោក Anthony Albanese លើកឡើងក្នុងសេចក្តីថ្លែងការណ៍មួយថា៖ « កិច្ចព្រមព្រៀងថ្ងៃនេះ គឺជាព្រឹត្តិការណ៍ដ៏សំខាន់មួយ ក្នុងការជួញដូរលើវិស័យការពារជាតិអូស្ត្រាលី ដាក់មូលដ្ឋានគ្រឹះសម្រាប់កិច្ចសហការឧស្សាហកម្មការពារជាតិកាន់តែស៊ីជម្រៅ និងផ្តល់ផលប្រយោជន៍ទៅវិញទៅមក ជាមួយកាណាដា»។

គួរបញ្ជាក់ថា តំបន់អាកទិករបស់ប្រទេសកាណាដាតំណាងឱ្យជិត៤០% នៃផ្ទៃដីសរុបរបស់ខ្លួន ទោះបីជាមានប្រជាជនរស់នៅតិចនិងមានហេដ្ឋារចនាសម្ព័ន្ធតិចតួចក៏ដោយ។

តំបន់អាកទិកភាគច្រើនក៏ជារបស់រុស្ស៊ី ហើយមានប្រហែលមួយភាគប្រាំនៃផ្ទៃដី ប្រឈមមុខជាមួយនឹងកាណាដានិងរដ្ឋ Alaska របស់សហរដ្ឋអាមេរិក។

លោក Stephen Fuhr រដ្ឋលេខាធិការទទួលបន្ទុកការផ្គត់ផ្គង់លើវិស័យការពារជាតិរបស់កាណាដា មានប្រសាសន៍ថា៖ « កាណាដា កំពុងពង្រឹងសន្តិសុខអាកទិកតាមរយៈគម្រោងរ៉ាដាអាកទិកលើលំហអាកាស។ គម្រោងនេះ[ទិញប្រព័ន្ធរ៉ាដាពីអូស្រ្តាលី] គឺជាផ្នែកមួយនៃកិច្ចខិតខំប្រឹងប្រែងដ៏ទូលំទូលាយ ដើម្បីកសាងបណ្តាញឃ្លាំមើល និងទំនាក់ទំនងអាកទិករួមបញ្ចូលគ្នា ហើយនឹងពង្រឹងសមត្ថភាពរបស់កាណាដាក្នុងការត្រួតពិនិត្យ ការយល់ដឹង និងឆ្លើយតបទៅនឹងសកម្មភាពក្នុងតំបន់អាកទិក»។

មិនតែប៉ុណ្ណោះ បណ្តាញរ៉ាដាប្រតិបត្តិការ Jindalee របស់អូស្ត្រាលីអាចរកឃើញ តាមដានសកម្មភាពយន្តហោះ កប៉ាល់ និងមីស៊ីលចម្ងាយរហូតដល់ ៣ ០០០គីឡូម៉ែត្រ។

ភាគីអូស្ត្រាលី ថា កិច្ចព្រមព្រៀងចែករំលែកបច្ចេកវិទ្យាជាមួយកាណាដានឹងបង្កើតការងារប្រហែល ៣០០កន្លែង ក្នុងប្រទេសអូស្ត្រាលី ហើយក៏ជាដំណាក់កាលដំបូងនៃកិច្ចសហការរវាងប្រទេសទាំងពីរលើប្រព័ន្ធរ៉ាដាផងដែរ៕

សម្រួល៖ ណឺ មិនា

The post អូស្រ្តាលី នឹងលក់ប្រព័ន្ធរ៉ាដាទំនើបឲ្យកាណាដា លើកដំបូង ក្នុងតម្លៃ ១.៧៥ប៊ីលាន appeared first on Kampuchea Thmey Daily.

តើមានកត្តាអ្វី ធ្វើឲ្យ កាណាដា ប្តូរចិត្តពីឈប់ប្រើយន្តហោះអាមេរិក ទៅទិញពីស៊ុយអែតវិញ?

Minea Neu — Fri, 29 May 2026 12:00:00 +0000

ប្រទេសកាណាដា លើកឡើងកាលពីថ្ងៃពុធថា ខ្លួនចង់កាត់បន្ថយការពឹងផ្អែកលើក្រុមហ៊ុនការពារជាតិអាមេរិក ដោយប្រកាសពីផែនការទិញយន្តហោះព្រមានឲ្យដឹងមុន (Early warning planes) ពីក្រុមហ៊ុន Saab របស់ប្រទេសស៊ុយអែត ជាជាងជ្រើសយកការប្រកួតប្រជែងពីក្រុមហ៊ុន Boeing របស់អាមេរិក។

យោងតាមទីភ្នាក់ងារសារព័ត៌មានរ៉យទ័រ ចេញផ្សាយថ្ងៃទី២៨ ខែឧសភា ឆ្នាំ២០២៦ នាយករដ្ឋមន្ត្រីកាណាដា លោក Mark Carney ថា៖ « កាណាដានឹងជ្រើសរើសយកក្រុមហ៊ុន GlobalEye – Saab មានមូលដ្ឋានជាមួយក្រមហ៊ុន Bombardier ព្រោះយន្តហោះព្រមាន E-7 Wedgetail របស់ក្រុមហ៊ុន Boeing ពន្យារពេលយូរនិងចំណាយលើសកម្រិត ហើយស្ថិតក្នុងការប្រកួតប្រជែងផងដែរ»។

នាយករដ្ឋមន្ត្រីកាណាដា លោក Mark Carney ។ រូបភាព៖ Reuters

លោក Carney ប្រាប់សន្និសីទការពារជាតិមួយនៅទីក្រុង Ottawa ថា៖ « ជាមួយនឹងឧបករណ៍ចាប់សញ្ញាទំនើបៗ និងប្រព័ន្ធបេសកកម្មជាច្រើន ដូចជា ប្រព័ន្ធ GlobalEye របស់ Saab នឹងក្លាយជាធនធានសំខាន់សម្រាប់កងកម្លាំងប្រដាប់អាវុធកាណាដា ដើម្បីរុករកនិងទប់ស្កាត់ការគំរាមកំហែងនៅទូទាំងតំបន់អាកទិក»។

នាយករដ្ឋមន្ត្រីកាណាដារូបនេះ បានសន្យាកាលពីខែមីនាថា ប្រទេសកាណាដានឹងទទួលខុសត្រូវទាំងស្រុង ចំពោះការការពារទឹកដីអាកទិកដ៏ធំរបស់ខ្លួន បន្ទាប់ពីការពឹងផ្អែកលើភាពជាដៃគូជាមួយសហរដ្ឋអាមេរិកអស់រយៈពេលជាច្រើនទសវត្សរ៍ ដើម្បីឃ្លាំមើលដែនដីនិងសមុទ្រជាង ៤.៤លានគីឡូម៉ែត្រការ៉េ ដែលជាទឹកដីធំជាងឥណ្ឌាទៅទៀត។

យ៉ាងណាមិញ សហរដ្ឋអាមេរិក និងសម្ព័ន្ធមិត្តផ្សេងទៀតបានត្អូញត្អែរអស់រយៈពេលជាច្រើនឆ្នាំមកហើយថា ប្រទេសកាណាដាមិនបានបំពេញគោលដៅចំណាយផ្នែកយោធាដល់អង្គការណាតូនោះទេ។

រដ្ឋាភិបាលសេរីរបស់ លោក Carney បានប្រកាសពីផែនការកាលពីឆ្នាំមុន ក្នុងការបង្កើនការចំណាយលើការការពារជាតិ ហើយ កាលពីខែមីនា កាណាដាបានឈានដល់គោលដៅនៃការចំណាយ២% នៃផលិតផលក្នុងស្រុកសរុបលើវិស័យការពារជាតិកាលពីឆ្នាំមុន៕

សម្រួល៖ ណឺ មិនា

The post តើមានកត្តាអ្វី ធ្វើឲ្យ កាណាដា ប្តូរចិត្តពីឈប់ប្រើយន្តហោះអាមេរិក ទៅទិញពីស៊ុយអែតវិញ? appeared first on Kampuchea Thmey Daily.

កាណាដាសម្លឹងពង្រឹងទំនាក់ទំនងពាណិជ្ជកម្ម និងវិនិយោគជាមួយវៀតណាម

Huon Dina — Tue, 17 Feb 2026 04:49:16 +0000

រដ្ឋមន្ត្រីក្រសួងពាណិជ្ជកម្មអន្តរជាតិកាណាដា លោក Maninder Sidhu បាននិយាយក្នុងបទសម្ភាសន៍ជាមួយកាសែត Tuoi Tre កាលពីពេលថ្មីៗនេះថា ប្រទេសកាណាដាមានគោលបំណងពង្រឹងកិច្ចសហប្រតិបត្តិការសេដ្ឋកិច្ចជាមួយប្រទេសវៀតណាម និងទាក់ទាញការវិនិយោគពីវៀតណាមបន្ថែមទៀត ចំពេលដែលទំនាក់ទំនងទ្វេភាគីបន្តរីកឡើង។

លោក Sidhu បានកំណត់វិស័យកសិកម្ម ថាមពល ហេដ្ឋារចនាសម្ព័ន្ធ និងអវកាស ជាវិស័យសំខាន់ៗសម្រាប់ពង្រីកកិច្ចសហប្រតិបត្តិការ និងបានបញ្ជាក់ជាថ្មីនូវការប្តេជ្ញាចិត្តរបស់កាណាដា ក្នុងការបង្កើតលក្ខខណ្ឌអំណោយផលសម្រាប់វិនិយោគិនវៀតណាម។

លោកបានបន្ថែមថា វៀតណាមគឺជាដៃគូដ៏សំខាន់មួយសម្រាប់កាណាដា ដោយចំណងមិត្តភាពទ្វេភាគីកាន់តែរឹងមាំឡើងៗក្នុងប៉ុន្មានឆ្នាំថ្មីៗនេះ។

គួរគូសបញ្ជាក់ថា នៅពេលកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ចូលជាធរមាននៅឆ្នាំ ២០១៨ ពាណិជ្ជកម្មទ្វេភាគីរវាងកាណាដា និងវៀតណាម មានទំហំ ៤,៨ ប៊ីលានដុល្លារអាមេរិក។ តាំងពីពេលនោះមក ចំនួននេះបានកើនឡើងទ្វេដងដល់ជាង ១១ ប៊ីលានដុល្លារ។

ទោះបីជាពាណិជ្ជកម្មទ្វេភាគីស្ទុះឡើងបែបនេះក្ដី លោក Sidhu បាននិយាយថា វានៅតែមានឱកាសច្រើនសម្រាប់ការពង្រីកបន្ថែមទៀត ជាពិសេសក្នុងវិស័យកសិកម្ម។ លោកបានអបអរសាទរវៀតណាមដែលបានបម្រើការជាប្រធាន CPTPP នៅឆ្នាំនេះ និងបានសង្កត់ធ្ងន់លើអាទិភាពរួមគ្នាក្នុងការលើកកម្ពស់ពាណិជ្ជកម្មដែលមានមូលដ្ឋានលើច្បាប់ ចំ ពេលដែលពាណិជ្ជកម្មសកលរងហានិភ័យពីពន្ធរបស់អាមេរិក។

ក្រៅពីនេះ រដ្ឋមន្ត្រីបានលើកឡើងថា ការបង្ហើយការចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា នឹងក្លាយជាជំហានជាក់ស្តែងមួយទៅមុខ។ ក្នុងនាមជាសមាជិកអាស៊ានដ៏សំខាន់មួយ វៀតណាមដើរតួនាទីយ៉ាងសំខាន់ក្នុងការជំរុញការចរចា ហើយកាណាដាសង្ឃឹមថានឹងធ្វើការយ៉ាងជិតស្និទ្ធជាមួយប្រទេសដើម្បីបញ្ចប់ការចរចា។

លោក Sidhu បានគូសបញ្ជាក់ពីគំនិតផ្តួចផ្តើម Major Projects Office របស់ប្រទេសកាណាដា ដែលបានចាប់ផ្តើមនៅក្នុងខែមិថុនា ឆ្នាំ២០២៥ ដើម្បីពន្លឿនការអនុម័ត និងការសាងសង់គម្រោងធំៗ ដូចជាហេដ្ឋារចនាសម្ព័ន្ធថាមពល រ៉ែ និងកំពង់ផែ ដែលមានតម្លៃប្រមាណ ១៥០ ប៊ីលានដុល្លារកាណាដា (១១០ ពាន់លានដុល្លារ)។ វានឹងជំរុញការផ្គត់ផ្គង់ថាមពល និងរ៉ែសំខាន់ៗទៅកាន់ទីផ្សារពិភពលោក ខណៈពង្រឹងហេដ្ឋារចនាសម្ព័ន្ធដែលគាំទ្រដល់ពាណិជ្ជកម្មជាមួយដៃគូដូចជាវៀតណាម។

បច្ចុប្បន្ន កាណាដាកំពុងលើកកម្ពស់ការលើកទឹកចិត្តពន្ធប្រកួតប្រជែង ជាមួយនឹងអត្រា ១៣,២% ដែលជាអត្រាទាបបំផុតនៅក្នុង G7 ដើម្បីបង្កើនភាពទាក់ទាញរបស់ខ្លួនចំពោះវិនិយោគិនបរទេស រួមទាំងវៀតណាមផងដែរ៕

The post កាណាដាសម្លឹងពង្រឹងទំនាក់ទំនងពាណិជ្ជកម្ម និងវិនិយោគជាមួយវៀតណាម appeared first on Kampuchea Thmey Daily.

Air Canada ផ្អាកជើងហោះហើរទៅកាន់គុយបាពីពេលនេះទៅ ព្រោះវិបត្តិប្រេងធ្ងន់ធ្ងរ

Minea Neu — Tue, 10 Feb 2026 06:00:00 +0000

ក្រុមហ៊ុនអាកាសចរណ៍ Air Canada បានផ្អាកសេវាកម្មហោះហើរទៅកាន់ប្រទេសគុយបា ដោយសារតែខ្វះខាតប្រេងឥន្ធនៈ បម្រើដល់ជើងហោះហើរ ប្រសិនបើនៅបន្តជើងហោះហើរទៅកាន់កោះនេះ។ យោងតាម Al Jazeera ផ្សាយនៅថ្ងៃទី៩ខែកុម្ភៈ។

យន្តហោះ Air Canada ។ រូបភាព៖ ក្រុមហ៊ុនអាកាសចរណ៍កាណាដា។

ក្រុមហ៊ុនអាកាសចរណ៍ បាននិយាយនៅក្នុងសេចក្តីប្រកាសព័ត៌មានកាលពីថ្ងៃចន្ទថា ក្រុមហ៊ុន Air Canada បានសម្រេចចិត្តផ្អាកការហោះហើរ បន្ទាប់ពីការណែនាំ ដែលធ្វើឡើងដោយរដ្ឋាភិបាលពីភាពមិនប្រាកដប្រជា ក្នុងការផ្គត់ផ្គង់ប្រេងដល់អាកាសចរណ៍នៅអាកាសយានដ្ឋានគុយបា។

សេចក្តីថ្លែងការណ៍បន្ថែមថា៖ «វាត្រូវបានគេព្យាករណ៍ថា ចាប់ពីថ្ងៃទី ១០ខែកុម្ភៈនេះ ប្រេងឥន្ធនៈសម្រាប់អាកាសចរណ៍នឹងមិនមានលក់ឱ្យអាកាសយានដ្ឋាននៅលើកោះនេះទៀតទេ។ សម្រាប់ជើងហោះហើរដែលនៅសេសសល់ ក្រុមហ៊ុន Air Canada នឹងដឹកប្រេងបន្ថែមទៅចាក់ ឬចុះចត ប្រសិនបើចាំបាច់ ពេលធ្វើដំណើរត្រឡប់មកវិញ»។

ក្រុមហ៊ុនអាកាសចរណ៍បានបន្តថា អាទិភាពបន្ទាន់របស់ក្រុមហ៊ុន គឺការបញ្ជូនអតិថិជនដែលបានចុះចតនៅប្រទេសគុយបា មកកាន់ប្រទេសកាណាដាវិញ។

ក្រុមហ៊ុន Air Canada បានលើកឡើងទៀតថា៖ « ក្នុងរយៈពេលប៉ុន្មានថ្ងៃបន្ទាប់ ក្រុមហ៊ុននឹងដំណើរការជើងហោះហើរទទេរ ឆ្ពោះទៅភាគខាងត្បូង ដើម្បីទទួលយកអតិថិជនប្រមាណ ៣ ០០០នាក់ ដែលបានទៅដល់គោលដៅហើយ ដឹកពួកគេត្រឡប់មកផ្ទះវិញ» ។

គួរបញ្ជាក់ថា ជើងហោះហើរបច្ចុប្បន្នដំណើរការជាមធ្យម ១៦ ជើង ក្នុងមួយសប្តាហ៍ទៅកាន់គោលដៅចំនួន ៤ ក្នុងប្រទេសគុយបា។

នៅក្នុងសេចក្តីជូនដំណឹងអំពីបេសកកម្មផ្លូវអាកាស(NOTAM) នៃអាកាសយានដ្ឋានអន្តរជាតិ Jose Marti នៃទីក្រុង Havana ឱ្យដឹងកាលពីថ្ងៃអាទិត្យថា៖ « ប្រេងឥន្ធនៈសម្រាប់យន្តហោះម៉ាក Jet A១ នឹងមិនមានទៀតទេ។ ចាប់ផ្តើមពីថ្ងៃអង្គារ នៅម៉ោង ៥ ព្រឹក ដោយព្រមានជាធរមានរហូតដល់ថ្ងៃទី ១១ ខែមីនា»។

គួរបញ្ជាក់ថា គុយបាមិនអាចពន្លឿនសេដ្ឋកិច្ចរបស់ខ្លួនបានទេ ដោយសារវិបត្តិថាមពលធ្ងន់ធ្ងរ និងអាចយូរជាងនេះ។ ការដួលរលំនៃការដឹកជញ្ជូនប្រេងពីបរទេស ជាពិសេសពីប្រទេសវ៉េណេស៊ុយអេឡា កាន់តែមានភាពមិនល្អ។ លើសពីនេះ ការរឹតបន្តឹងទណ្ឌកម្មរបស់សហរដ្ឋអាមេរិក កង្វះរូបិយប័ណ្ណបរទេសដើម្បីទិញប្រេងឥន្ធនៈក្នុងតម្លៃស្តង់ដារ។

ការខ្វះខាតនេះ បង្ខំឱ្យមានការផ្អាកប្រេងឥន្ធនៈចំពោះអាកាសចរណ៍ ក្នុងអាកាសយានដ្ឋានហាវ៉ាណា ការបែងចែកសាំងមានភាពតឹងរ៉ឹង និងដាច់ចរន្តអគ្គិសនីបានរីករាលដាលក្នុងប្រទេស គិតត្រឹមខែកុម្ភៈ ឆ្នាំ ២០២៦ ៕

ប្រែសម្រួល៖ ណឺ មិនា

The post Air Canada ផ្អាកជើងហោះហើរទៅកាន់គុយបាពីពេលនេះទៅ ព្រោះវិបត្តិប្រេងធ្ងន់ធ្ងរ appeared first on Kampuchea Thmey Daily.

នាយករដ្ឋមន្ត្រីកាណាដា រំពឹងថាអាមេរិក គោរពអធិបតេយ្យភាពរបស់ខ្លួន

Minea Neu — Fri, 30 Jan 2026 08:56:32 +0000

នាយករដ្ឋមន្ត្រីកាណាដា លោក ម៉ាក ខានៃ (Mark Carney) បានចោទសួរអំពីរបាយការណ៍ដែលថា មន្ត្រីសហរដ្ឋអាមេរិកបានជួបគ្នាក្នុងការស្វែងរកឯករាជ្យភាពសម្រាប់ខេត្ត Alberta របស់ប្រទេសកាណាដា កាលពីថ្ងៃព្រហស្បតិ៍ ហើយខ្លួនរំពឹងថា រដ្ឋបាលសហរដ្ឋអាមេរិកនឹងគោរពអធិបតេយ្យភាពរបស់ប្រទេសកាណាដា។

នាយករដ្ឋមន្ត្រីកាណាដា លោក Mark Carney. Reuters

កាសែត Financial Times បានផ្សាយឱ្យដឹងថា មន្រ្តីក្រសួងការបរទេសអាមេរិកបានបើកកិច្ចប្រជុំចំនួនបីជាមួយគម្រោងអភិវឌ្ឍន៍ Alberta (APP) ជំរុញឱ្យមានការបោះឆ្នោតប្រជាមតិលើខេត្តភាគខាងលិច ដែលអាចផលិតថាមពល (បច្ចេកវិទ្យា ឬធនធានដែលបង្កើត បំប្លែង ឬប្រើប្រាស់ថាមពល) គួរតែផ្តាច់ចេញពីប្រទេសកាណាដា។

លោក Carney បានប្រាប់សន្និសីទសារព័ត៌មានមួយថា៖ «យើងរំពឹងថារដ្ឋបាលអាមេរិកនឹងគោរពអធិបតេយ្យភាពរបស់កាណាដា។ ខ្ញុំតែងតែច្បាស់លាស់ក្នុងការសន្ទនារបស់ខ្ញុំ ជាមួយប្រធានាធិបតី លោក ដូណាល់ ត្រាំ ចំពោះលទ្ធផលនេះ»។

តែយ៉ាងណា លោក ដូណាល់ ត្រាំ បានបដិសេធថា លោក Carney មិនដែលចោទជាសំណួរ ពីការបំបែកខ្លួនរបស់ខេត្ត Alberta ជាមួយលោកទេ។

គួរឱ្យដឹងថា គម្រោងអភិវឌ្ឍន៍ (APP) របស់អាមេរិកចំពោះទីក្រុង Ottawa កំពុងធ្វើឱ្យ ខេត្ត Alberta មានការគំរាមកំហែងទៅរកការផ្តាច់ខ្លួនចេញពីប្រទេសកាណាដា។

កាលពីសប្តាហ៍មុន ក្នុងសន្និសីទសារព័ត៌មានមួយ រដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent ពេលមានគេសួរពីប្រជាមតិនៅខេត្ត Alberta លោកបានឆ្លើយថា៖ «មនុស្សចង់បានអធិបតេយ្យភាព។ តែពួកគេ(អ្នកគាំទ្រលោក Carney ) ចង់បានអ្វីដែលអាមេរិកមាន»។

បន្ទាប់ពីមានជម្លោះពាក្យសម្តីនៅឯវេទិកាសេដ្ឋកិច្ចសកលលោកក្នុងទីក្រុងដាវ៉ូស ជាពិសេសរឿងបង្កើតក្រុមប្រឹក្សាសន្តិភាពរបស់ប្រធានាធិបតីសហរដ្ឋអាមេរិក នាយករដ្ឋមន្ត្រីកាណាណា លោក Carney និង លោក ត្រាំ បានឆ្លើយឆ្លងគ្នាម្តងហើយម្តងទៀតដើម្បីបន្ថយភាពតានតឹងក្នុងប៉ុន្មានសប្តាហ៍ថ្មីៗនេះ។

លោក Carney ហៅប្រធានាធិបតីអាមេរិកថាជាអ្នកចរចាដ៏ជំនាញ។ លោកបានលើកឡើងទៀតថា ការអត្ថាធិប្បាយថ្មីៗមួយចំនួនរបស់លោក ដូណាល់ ត្រាំ អាចនឹងត្រូវបានពិនិត្យឡើងវិញ នៃកិច្ចព្រមព្រៀងពាណិជ្ជកម្មអាមេរិក-ម៉ិកស៊ិក-កាណាដា ដែលគ្រោងនឹងចាប់ផ្តើមនៅចុងឆ្នាំនេះ៕

ប្រែសម្រួល៖ ណឺ មិនា

The post នាយករដ្ឋមន្ត្រីកាណាដា រំពឹងថាអាមេរិក គោរពអធិបតេយ្យភាពរបស់ខ្លួន appeared first on Kampuchea Thmey Daily.

កាណាដា Archives - Kampuchea Thmey Daily

​ការ​បាញ់ប្រហារ​​គ្នា​​​ក្នុងពិធីបុណ្យ​​មួយនៅកាណាដា បណ្តាល​​ឲ្យ​មានអ្នកស្លាប់និងរបួស​ជិត​១០​នាក់​​

កាណាដា វិនិយោគយ៉ាង​សម្បើមក្នុងប្រវត្តិសាស្ត្រ​ក្នុងវិស័យយោធា​​ ស្របពេល​​ពិភពលោក​បែកបាក់

អូស្រ្តាលី​ នឹង​លក់​ប្រព័ន្ធ​​រ៉ាដា​ទំនើបឲ្យ​​កាណា​ដា​​ លើក​ដំបូង ក្នុង​តម្លៃ​ ១.៧៥ប៊ីលាន​

តើ​មានកត្តាអ្វី ធ្វើ​ឲ្យ​ កាណាដា ​ប្តូរ​ចិត្ត​ពី​ឈប់​ប្រើ​យន្តហោះ​​​អាមេរិក ទៅទិញ​ពី​ស៊ុយ​អែតវិញ​?​

កាណាដាសម្លឹង​ពង្រឹងទំនាក់ទំនងពាណិជ្ជកម្ម និងវិនិយោគជាមួយវៀតណាម

Air Canada ផ្អាកជើងហោះហើរ​ទៅ​កាន់​គុយ​បាពីពេលនេះ​ទៅ ព្រោះ​​​វិបត្តិ​ប្រេង​ធ្ងន់​ធ្ងរ​

​​​​​​នាយករដ្ឋមន្ត្រី​កាណាដា​​​ រំពឹង​ថា​អាមេរិក គោរព​អធិប​តេយ្យ​​ភាព​​របស់​ខ្លួន

ការបាញ់ប្រហារគ្នាក្នុងពិធីបុណ្យមួយនៅកាណាដា បណ្តាលឲ្យមានអ្នកស្លាប់និងរបួសជិត១០នាក់

កាណាដា វិនិយោគយ៉ាងសម្បើមក្នុងប្រវត្តិសាស្ត្រក្នុងវិស័យយោធា ស្របពេលពិភពលោកបែកបាក់

អូស្រ្តាលី នឹងលក់ប្រព័ន្ធរ៉ាដាទំនើបឲ្យកាណាដា លើកដំបូង ក្នុងតម្លៃ ១.៧៥ប៊ីលាន

តើមានកត្តាអ្វី ធ្វើឲ្យ កាណាដា ប្តូរចិត្តពីឈប់ប្រើយន្តហោះអាមេរិក ទៅទិញពីស៊ុយអែតវិញ?

កាណាដាសម្លឹងពង្រឹងទំនាក់ទំនងពាណិជ្ជកម្ម និងវិនិយោគជាមួយវៀតណាម

Air Canada ផ្អាកជើងហោះហើរទៅកាន់គុយបាពីពេលនេះទៅ ព្រោះវិបត្តិប្រេងធ្ងន់ធ្ងរ

នាយករដ្ឋមន្ត្រីកាណាដា រំពឹងថាអាមេរិក គោរពអធិបតេយ្យភាពរបស់ខ្លួន