មនុស្សស្ទើរទាំងអស់បានចេញក្រៅដោយពាក់ម៉ាសជាប់រហូតក្លាយជាទម្លាប់ពិភពលោកទៅហើយ ទោះបីរដ្ឋាភិបាលអនុញ្ញាតឲ្យដោះម៉ាសក៏ពួកគេនៅតែមានទម្លាប់រស់នៅជាមួយវាដដែល ។

ទន្ទឹមនោះកញ្ញា Himawari Yoshida អាយុ ២០ ឆ្នាំ គឺជាមនុស្សម្នាក់ក្នុងចំណោមមនុស្សទាំងឡាយណាដែលមិនចេះរស់នៅដោយគ្មានម៉ាស “ខ្ញុំមិនសូវធ្វើចលនាសាច់ដុំមុខប៉ុន្មានទេអំឡុងពេលកូវីដ” នាងនិយាយ ។ ឥលូវ Himawari បានទទួលសេវាកម្មបង្រៀនញញឹមពីអ្នកគ្រូ Keiko Kawana ដើម្បីជួយនាងរៀបចំខ្លួនប្រឡូកក្នុងទីផ្សារការងារប្រទេសជប៉ុន ។

ដោយឡែក Egaoiku ជាក្រុមហ៊ុនអ្នកគ្រូ Keiko Kawana សង្កេតឃើញមានការកើនឡើងតម្រូវការ “មេរៀនញញឹម” ដល់ទៅបួនដងឯណោះ ចំណែកឯតម្លៃសម្រាប់មនុស្សម្នាក់គឺជិត ៥៥ ដុល្លារក្នុងមួយវគ្គ ។ អ្នកគ្រូ Keiko គិតថាមនុស្សគួរតែមានស្នាមញញឹមច្រើនជាងនេះ យោងតាមភ្ញៀវទេសចរដែលត្រឡប់មកកម្សាន្តនៅប្រទេសជប៉ុនទៀត ។

ការស្ទង់មតិដោយទូរទស្សន៍សាធារណៈ NHK ក្នុងខែឧសភា បង្ហាញថា ប្រជាជនជប៉ុន ៥៥ ភាគរយនៅតែពាក់ម៉ាសជាប់ដូចពេលរដ្ឋាភិបាលដាក់កំហិត និង ៨ ភាគរយប៉ុណ្ណោះដែលឈប់ពាក់ ៕

ប្រភព ៖ skynews

ចុចអាន ៖ កុំកំណាញ់! ឧស្សាហ៍ញញឹមផ្ដល់គុណប្រយោជន៍ច្រើនយ៉ាងណាស់ដល់អ្នក

The post ប្រជាជនជប៉ុនកំពុងរៀនញញឹមឡើងវិញ ក្រោយទម្លាប់ពាក់ម៉ាសយ៉ាងយូរ appeared first on Kampuchea Thmey Daily.

ទីនេះជាហេតុផលមួយចំនួនបញ្ជាក់ថាការញញឹមមានគុណសម្បត្តិច្រើនយ៉ាងសម្រាប់អ្នក៖

ញញឹមធ្វើឱ្យមានអារម្មណ៍ល្អ

ការញញឹមគឺជាថ្នាំធម្មជាតិជួយបំបាត់អារម្មណ៍មិនល្អរបស់អ្នក និងមនុស្សជុំវិញ។ នៅពេលអ្នកញញឹមសារពាង្គកាយនឹងបញ្ចេញសារធាតុ serotonin ដែលជួយឱ្យរាងកាយប្រយុទ្ធប្រឆាំងនឹងការឆ្លងជំងឺ និងជួយបង្កើនប្រព័ន្ធភាពស៊ាំ។ សារធាតុនេះក៏ដើរតួជាថ្នាំប្រឆាំងនឹងជំងឺធ្លាក់ទឹកចិត្តផងដែរ។

ញញឹមធ្វើឲ្យមានទំនាក់ទំនងល្អ

មនុស្សដែលចូលចិត្តញញឹមជាមនុស្សមានភាពទាក់ទាញលើសអ្នកដទៃ។ ស្នាមញញឹមអាចជួយឲ្យទាក់ទាញមនុស្សវិជ្ជមានចូលមកក្នុងជីវិតឲ្យស្រឡាញ់រាប់អាន។ នៅពេលអ្នកញញឹមកាន់តែច្រើន ភាពសប្បាយរីករាយរបស់អ្នកកាន់តែធ្វើឱ្យអ្នកមានអារម្មណ៍ល្អសម្រាប់ខ្លួនឯង និងអ្នកដែលនៅជុំវិញ ។

ញញឹមធ្វើឲ្យបេះដូងមានសុខភាពល្អ

អ្នកស្រាវជ្រាវបានរកឃើញថា មនុស្សញញឹមច្រើនអាចធ្វើឱ្យចង្វាក់បេះដូងដំណើរការបានល្អ។ នៅពេលដែលអ្នកញញឹម​​ អាចធ្វើឱ្យរាងកាយបំបាត់ការឈឺចាប់ ដោយសារវាបញ្ចេញអរម៉ូន endorphins ដែលជួយបន្ថយសម្ពាធឈាម។ មនុស្សដែលបានពិនិត្យសម្ពាធឈាមឃើញឡើងខ្ពស់ ប៉ុន្តែបន្ទាប់ពីញញឹមគេបានឃើញថា សម្ពាធឈាមរបស់ពួកគេបានធ្លាក់ចុះ។

ញញឹមធ្វើឱ្យខួរក្បាលមានដំណើរការល្អ

នៅពេលអ្នកញញឹម អាចធ្វើឱ្យខួរក្បាលចាប់ផ្តើមជ្រើសរើសយកភាពវិជ្ជមាន។ ញញឹមច្រើនធ្វើឱ្យខួរក្បាលហ្វឹកហាត់ដូចអត្តពលិកដែរ ដែលនាំខួរក្បាលរបស់អ្នកបានបញ្ចេញរឿងមិនល្អពីក្នុងគំនិតបានមួយភាគធំ។

ញញឹមធ្វើឱ្យការសម្ភាសការងារមានភាពលេចធ្លោ

គ្មាននរណាម្នាក់ចង់ធ្វើការជាមួយមនុស្សមុខក្រញូវនោះទេ។ មនុស្សដែលមានស្នាមញញឹមនៅលើផ្ទៃមុខអាចនឹងមានឱកាសច្រើនជាងអ្នកដទៃ។ ការញញឹមអាចទទួលបានអត្ថប្រយោជន៍លើសពីការសម្ភាសន៍ ដោយសារតែស្នាមញញឹមត្រូវបានគេស្វាគមន៍ និងមានឥទ្ធិពលវិជ្ជមានបន្ថែមទៀតលើមនុស្សដែលមកសម្ភាសការងារជាមួយអ្នក។ មនុស្សភាគច្រើនពេញចិត្តនឹងអ្នកដែលញញឹម​​ ច្រើនជាងអ្នកដែលមិនញញឹម៕

ប្រែសម្រួល៖ សន្យា

ប្រភព៖ Healthline

ចុចអាន៖ រឿងតូចៗ ១១ យ៉ាងអាចធ្វើឲ្យជីវិតស្រស់ស្អាតនិងមានក្ដីសុខ

ចុចអាន៖ មូលហេតុ ៦ យ៉ាង​ដែល​អ្នក​មិន​សូវ​មាន​មិត្ត​ច្រើន​ដូច​គេ​ដទៃ

The post កុំកំណាញ់! ឧស្សាហ៍ញញឹមផ្ដល់គុណប្រយោជន៍ច្រើនយ៉ាងណាស់ដល់អ្នក appeared first on Kampuchea Thmey Daily.